لأول مرة يصعب عليا المدخنين(1.5 على كيلو باترا)

[Dr/HULK]

لكل المدخنين قلبى معاكوا

قاعد اليومين دول كل مااروح اشترى حاجة الاقيكم تيجوا تشتروا علبة السجاير او مايسمعوا تمنها يدعوا على البلد وميشتروش

قبل مااتكلم دا القانون الضريبى الجديد على السجاير

بدأ الخميس تطبيق التعديلات الجديدة في قانون الضريبة العامة على المبيعات‏ التي أدخلها مجلس الشعب أخيرًا، وذلك‏ لتدبير موارد إضافية تقدر بنحو‏7‏ مليارات جنيه.
وتم تطبيق الزيادة الجديدة على أسعار السجائر المحلية والأجنبية بحيث تراوحت ما بين 150 قرشا للمحلية وجنيهين للأجنبية.
ووصل سعر علبة السجائر الكليوباترا الورقية الشعبية 425 قرشا بدلا من 275 قرشا، والكرتون بـ450 قرشا بدلا من 300 قرش .
أما الأنواع الجديدة الزرقاء والحمراء اصبح سعر العلبة 500 قرش بدلا من 350 قرشا.
في حين وصل سعر السجائر الأجنبية 10 جنيهات بزيادة 150 قرشا، فالأنواع العادية تتراوح ما بين 650 قرشا و700 قرش.
ومن جانبه أوضح رئيس الشركة الشرقية للدخان نبيل عبد العزيز أن الخزانة العامة سوف يدخلها حوالي 2 مليار جنيه من هذه الزيادة بخلاف 8 مليارات أخري كانت تتحقق في شكل جمارك وضريبة مبيعات، ويتوقع انخفاض المبيعات خلال الشهرين القادمين بسبب قيام التجار بتخزين كميات كبيرة طوال الـ40 يوما الماضية.
يعنى كمان هيعملوا على قفاهم احلى مصلحة

وكانت لجنة الخطة والموازنة بمجلس الشعب قد قررت رفع فئات الضريبة على السجائر والمعسل والنشوق لتصل إلى 40% من سعر البيع للمستهلك.
كما أقرت اللجنة فئة ضريبة تتراوح بين 45 قرشا للعبوات التي لا يزيد سعرها على 75 قرشا و 125 قرشا للعبوات التي يزيد سعر بيعها للمستهلك على 300 قرش بالنسبة للسجائر وزيادة الضريبة من 50 % على المعسل إلى 100 % .
حتى المعسل دا ناويين على تية سودة
ووافقت اللجنة على زيادة إعتمادات مشروع الموازنة العامة للدولة للسنة المالية 2010 / 2011 بمبلغ 7 مليارات و474 مليون جنيه ، لترتفع بذلك جملة الاستخدامات العامة في مشروع الموازنة من 481 مليار جنيه إلى نحو 5ر488 مليار جنيه

مش لاقى كلام اقوله احمد عز ووزير المالية خلصوا كل الكلام يلا خلى المدخنين يمشوا يشحتوا

واحلى حاجة فى الموضوع ان الحكومة رفعت اسعار السجاير

ومرفعتش اسعار السيجار (سجاير الوزراء واعضاء مجلس الشعب)

[NeScaFE]

المدخنين بيشجعوا واحنا مش معاهم

[sara maged]

كويس والله........

[Amira]

أحسن عشان يحرموا يدخنوا

واحلى حاجة فى الموضوع ان الحكومة رفعت اسعار السجاير


ومرفعتش اسعار السيجار (سجاير الوزراء واعضاء مجلس الشعب)

[ameer]

أحسن عشان يحرموا يدخنوا

تفتكروا الحكومة خايفة علي صحة الشعب ؟!!!
لأ طبعا ده بس علشان معدش في حاجة يعملوا عليها ضرايب الا السجائر فقالوا نكملها بقي

[A H M E D]

هيشتروها برضه

دا ادمان يا حبيي

[Dr/HULK]

تفتكروا الحكومة خايفة علي صحة الشعب ؟!!!
لأ طبعا ده بس علشان معدش في حاجة يعملوا عليها ضرايب الا السجائر فقالوا نكملها بقي

هما لما كانوا بيناقشوا القانون فى مجلس الشعب

كان فى حلين ليرفعوا اسعار الحديد لا السجاير

كلهم خافوا من رد فعل ارتفاع الحديد تانى

يعنى لو رفعوا الحديد الشعب هياكلهم

لكن لو رفعوا الشجاير الشعب هيشجعهم

بس فعلا السؤال اللى محيرنى

دلوقتى راجل مدخن مش قادر يجيب لولاده فراخ ولا لحمة ولا هدوم عشان ارتفاع اسعارهم ولاحتى عارف يجيب حاجة ينفخ فيها همه(زى مابيقول) والمعسل غلى يعنى قعدة القهوة كمان معش قادر عليها

لو حد من عياله طلب منه حاجة هيعمل فيه ايه

-----

هيشتروها برضه

دا ادمان يا حبيي

لا والله يادكتور احمد انا شفت 3 من خمسة مشوا من غير مايشتروا

[Amira]

تفتكروا الحكومة خايفة علي صحة الشعب ؟!!!

لا طبعا بس الشعب هو اللى هيخاف على فلوسه

[ameer]

لا والله يادكتور احمد انا شفت 3 من خمسة مشوا من غير مايشتروا

طبعا لازم يمشوا لانهم مكنوش عاملين حسابهم علي السعر الجديد بس مش هيلاقوا حل غير انهم يشتروا بالسعر الجديد والتجار هيعملوا احلي شغل بالسجائر اللي متخزنة عندهم شارينها بما لا يتعدي ال 3 جنية وهيبيعوها بـ4.5 يابلاش
وخلي الناس تولع
افرحوا واستمتعوا بالوضع الحالي لان الجاي اسوأ
الناس كانت بتنفخ همها في السجائر دلوقتي هينفخوها في بعض وع الدنيا السلام

[N00R EL _SHAMS]

والله مهما تترفع برضه هيشتروها
حتى لو اضطروا انهم يسرقوا