دعوة لصلاة ركعتين قضاء حاجة ليحفظ الله مصر غدا في الاحتفالية بثورة 25 يناير
"اللهم احفظ مصر واجعلها بلدا ءامنا"
وتحية لشهدائنا الأبرار "اللهم ألحقنا بهم في فسح جناتك"
عرض للطباعة
دعوة لصلاة ركعتين قضاء حاجة ليحفظ الله مصر غدا في الاحتفالية بثورة 25 يناير
"اللهم احفظ مصر واجعلها بلدا ءامنا"
وتحية لشهدائنا الأبرار "اللهم ألحقنا بهم في فسح جناتك"
سووووووورى مش احتفاليه خالص
ثوره يسقط يسقط حكم العسكر
سواء كانت احتفالية بذكرى الثورة أو ثورة يسقط حكم العسكراقتباس:
المشاركة الأصلية كتبت بواسطة le pharmacien
المهم ربنا يحفظ مصر من كل شر
انا شايفه ان شهداء الثورة اخدو حقهم من ربنا وهما الان فى احسن حال فالافضل اننا نفكر فى نفسنا وفى بلدنا
انا بيتهيالى انهم اخدو فالدنيا حق اكتر من شهداء الحروب
اظن الافضل انها تكون زكرى ونهدى ونفكر فى البناء خاصه بعد الى كل مصر شافته من مجلس الشعب واقراره ان الثورة مستمرة فالمجلس فاحنا نهدى ونخلينا فى شغلنا والمجلس يتولى المطالب كفايه كده اوى
دا حقهم اللي أخدوه ؟اقتباس:
المشاركة الأصلية كتبت بواسطة lost*soul
https://fbcdn-sphotos-a.akamaihd.net...99989536_n.jpg
على فكرة .. عدى سنــــــة على قتل الشهدا ومفيش مخلوق واحد اتحاكم على قتلهم ولا قتل واحد منهم حتى
انا متخيلش ان دا ممكن يحصل لأخويا وأسكت أبدًا في حين المرمين في السجون وبيتحاكموا وبيتقتلوا هما الثوار !
+ YouTube Video
انا بجد مش عارفه ايه الملل ده ف المحاكمات كل يوم تاجيل تاجيل وبعدين ياولاد زى ما عمو فريد قال مبارك لسه رييس ولازم يرجع القصر طبعا دا كلام يجنن العاقلين الراجل ده اكيييييد ...........................
وانا مع مطالب الثوره انتخابات رئاسيه عاجله قبل وضع الدستور
ولكن سلميه دون حرق اى شئ او تدمير واحترام للاراء المختلفه ف الميدان
حفظ الله مصر وشعبها اميييييييييييييييييييييين
اقتباس:
المشاركة الأصلية كتبت بواسطة lost*soul
انا اؤيد هذا الراى بشدة :)
شكرا احمد على تايديك لراى
ليليان عمر ماهتكون المحاكمه ترضينا قبل الرئيس اول ماينتخب الرئيس الجديد ومجلس الشعب وتكوينه لجنه تقصدى حقائق هتشوفى المحاكمات هتتغير 180 درجه وهترضينا جميعا
انا متفائله من مجلس الشعب ده حاسه انه هيعمل حاجه كفايه ان فى حد مش فاكرة مين تقريبا وكيل الفئات طالب بفتح ملفات للفساد من ايام النكسه وفساد اسرايل فى مصر
انا فعلا مش قلقانه ولا عايزة حد يقلق لان مجلس الشعب اول اساس اكتمال اهداف الثورة
-----
مورى انا بتكلم عن حقهم عند ربنا واعتقد فالدنيا ان اخدو تعويضات ولا انت شايف انهم مش اخدو تعويضات ماديه وفى اقتراح بتوزيع ميداليات
متقارنش بين تونس وبين مصر احنا ماشيين بالانتخابات وهما ماشيين بالفرض
انت لو سالت شهيد وقلتله انت عايز ايه م الدنيا هيقلك الدنيا كلها انا اخدت الى اكبر منها
بالنسبه للمصابين اخدو تعويضات وجارى تعيينهم
وبعدين ازاى استقرار وبناء واحنا مش بنتكلم غير عن حق الشهيد فالدنيا فى حاجات تانيه لازم نتكلم عنها والى عايز يدافع عن بلده ويضحى عشانها المفروض ميستناش مقابل او بالاول مينزلش يدافع
-----
معلش عندى سؤال
هيا الثورة هتحقق اهدافها لما يقولو عايزين فلان الان وحالا رئيس
ولا الافضل نعمل المجلسين منتخبين والدستور الى هيحدد صلاحيات الرئيس وكل مرشح يعرف الناس عليه ويمسك رئيس منتخب والناس عايزاها ولا اى حد يمسكها وبعد ايام نلاقى ثورة تانيه يسقط النظام
واحنا لما نستنى يعنى ايه اللى هيحصل ماهو شهرين تلاته وهيعملوا انتخابات الرياسه بعد مايكونوا وضعوا الدستور المفروض الرئيس الاول وبعدين الدستور هو ده كمان اللى الثوار عايزينه
هو لو ليا أخ اتقتل أو اتصاب الطبيعي اني استنى سنة اتهان واتبهدل فيها عشان آخد حقه ؟؟ أو عشان (أبدأ) آخد حقه
بيتهيألي يعني بما إننا بندافع عن مجلس الشعب شفنا أكرم الشاعر قال انه مخدش مليم من الدولة لعلاج ابنه ولا ايه ؟
وغيره كتييييييييير الدولة بتعيد وتزيد نفس الكلام اللي بتقوله كل مرة عن فتح معرفش ايه وصرف ايه وكله كلام زي قِلته
والأهم.. انا اخويا اتقتل وشهيد بإذن الله ومش عايزة ماديات.. أشوف اللي قتله رايح جاي بيستفزني ويهددني وعاااادي ؟!!
أشوف اللي قتله بيترقى وأنا اللي اتحبس في السجن واتسحل في الشارع ؟!!
مين يقول كدا يعني ؟
مفيش استقرار أبدًا هيقوم في بلد لسا ماشية بالظلم .. دا العدل أساس الملك
على فكرة اللي بيقولوا المطالب دول أكتر من اللي كانوا بيقولوا في 25 اللي فات بكتيييييييير أنا نزلت بنفسي
في المنصورة مش التحرير وشفت ان شريحة الثورة والمؤمنين بيها كبرت جدا والترحيب بالثورة في المناطق الشعبية
كمان كبير جدًا لو قارناها بالسنة اللي فاتت مش أقلية زي ما الإعلام الزبالة بيقول بالعكس بتزيد جدًا أكتر من توقعي
ومفيش حد زهقان وحتى الناس اللي مش فاهمة مبسوطة حتى ست كبيرة وغلبانة وقفتنا تسألنا بكل رضا وسعادة
هو النهاردة 25 يناير ؟ قلنا آه مشيت بتقبل رهيب للمظاهرات.. وفي مناطق شعبية الناس واقفة في البلكونات
مبسوطين بيشاوروا للمظاهرات وبيصوروا
المهم بقى ان المظاهرات مقالتش خالص عايزين رئيس حالا !! المجلس عمل استفتاء وقال هييجي رئيس جمهورية
وبعدين يتكتب الدستور.. اللي بيحصل دلوقتي انهم عايزين يبدؤوا الدستور.. طب بالله عليكي ازاي !
اذا كانوا قالوا الأول هنقعد 6 شهور ونخلص كللللل حاجة وعدى سنة كاملة يا دوب عملنا انتخابات مجلس الشعب..
وكانت سنة كلها مماطلة وهما اللي عطلوا عجلة الإنتاج ولوثوا الجيش وأساؤوا ليه أكبر إساءة
في 4 شهور هيعملوا الشورى والدستور والرئاسة ؟!! المظاهرات مطلبها الرئيسي إرجاع الثورة لمسارها
-وعلى فكرة كان فيه أعضاء مجلس شعب كتيير في المظاهرات في كل المحافظات- وان المجلس يمشي زي ما قال
وميبدأش الدستور دلوقتي وانتخابات الرئاسة تخلص في معادها مش كلام زي ما بنسمع من يوم ما مسكوا البلد
ايه اللي في كدا غلط ؟
انا متفائله من مجلس الشعب ده حاسه انه هيعمل حاجه كفايه ان فى حد مش فاكرة مين تقريبا وكيل الفئات طالب بفتح ملفات للفساد من ايام النكسه وفساد اسرايل فى مصر
انا فعلا مش قلقانه ولا عايزة حد يقلق لان مجلس الشعب اول اساس اكتمال اهداف الثورة
مش ده المجلس اللى ملهوش صلاحيات تقريبا
-----
شايف انهم مش اخدو تعويضات ماديه وفى اقتراح بتوزيع ميداليات
الكلمه دى صعبه على فكره والله حطى نفسك مكان الامهات اللى ولادهم مالتوا واتصابوا وفقدوا عينهم وعلى فكره مخدوش تعويضات ورفضوها وطلبوا القصاص
متقارنش بين تونس وبين مصر احنا ماشيين بالانتخابات وهما ماشيين بالفرض
يعنى ايه تونس احسن من مصر مليون مره على فكره
وبعدين ازاى استقرار وبناء واحنا مش بنتكلم غير عن حق الشهيد
عارفه ليه بندور على حق الشهيد علشان الكلب اللى اسموا مبارك لو كان اتحاكم هوه والكلاب بتوعوا محاكمه ثوريه واعدموهم كان اى كلب هيفكر مليون مره قبل ما يعور صباع اخوه المصرى مش يقتلوا ويرميه فى الزباله واحده زميلتك خريجت صيدله المنصوره 2010 يجروها على الارض ويعروها ويضربوها (الدكتوره غاده كمال)
معلش انا عارف ان كلام كتير مكنش موجه ليه بس كان لازم ارد عليه لانوا مس كرامتى وحق الشهيد(الثوره مستمره من اجل الكرامه)
عذرا على التدخل
معاكو يا دكاترة في كل كلامكم (ليليان) و (le pharmacien)
وبالإضافة لردي عايزة ءأكد ان لو المظاهرات في 25 يناير 2012 دا مخرجتش يبقى الثورة ماتت
اللي بيحصل بيأكد ان فيه ثورة وان الثورة مستمرة زي ما الدكتور قال عشان مطالبها اللي متغيرتش
نسيت أعلق على تونس يا ريت نكون زي تونس.. تونس متقدمة عننا مراحل بس دا طبيعي عشان ظروف مصر أعقد
وعشان جيش تونس مش طمعان في حكم ولا امتيازات
لكن إن شاء الله هنحصلهم قريب طالما الثورة مستمرة
كل واحد ليه رايه والطبيعى انه يلاقى المتفق والمختلف والواجب ان كل واحد يحترم راى الاخر واكيد كلنا متفقين ان مصر محتاجه البناء
مجلس الشعب ملوش شرعيه اصله شغال بقاله حتى شهر عشان نقول ملوش شرعيه رغم ان سمعت ان المجلس فوض ليه السلطه التشريعيه والرقابيه ولا دى مسمعتوهاش
فكرتونى بالى كانو بيقولو يسقط الجنزروى وهو بقاله 4 ايام متعين فعلا احسن حاجه فيكو بتفهمو الناس وهيا طايرة
بالنسبه للمظاهرات والاعتصامات والضرب والاهانه انا لى راى ان الاعتصام السلمى محدش بيعترض عليه لكن لما اخلى رئيس الوزرا يدخل م الباب الخلفى واقطع الطريق واحرق المجمع العلمى (المجمع العلمى يامفتريين ياظالمه)واروح العب كورة وانا معتصم اصلى معتصم فالنادى ماعليناااااااااا
وخير اللهم ماجعله خير المدنين بيعملو قنابل وبيحرقو وبيهدفو طوب وبيشتمو وبيضربو اظن كده فقدت المظاهرة او الاعتصام السلميه ويبقى يستاهل اى حد يضرب او يتهان ده اصلا الواجب
لما الاقى ناس ع الفيس بيقولو جنود مصر مش خير اجناد الارض ده معناه اننا بنقول الاسلام غلط لانه هو الى قال كده
ولما الاقى واحده طالعه فى التى فى معندهاش استعداد تسمع اى راى مخالف لرايها وبجحه اوى والحمدلله المشاهدين هزاوها
مع احترام لكون البنت دى انثى ومع احترامى انها صيدلانيه بس بصراحه انا متعطفتش معاها خاااااااااااالص المفروض لما الاقى مظاهرة وفيها بعض الشبهات والاقى ورق عرفى فالخيم الى اتهدت والاقى ناس بستفز الجيش وناس بتعمل حركات زي تربيتها والاقى بدا عنف وقطع طريق اكيد لازم امشى وانسحب
الى مش عاجبه مصر وشاف ان بلد تانيه افضل مع السلامه يروح اكيد مصر مش هتستناه ولا عايزاه
بس ياريت الى يروح تونس على سبيل المثال للبلاد الى عجباكو يبقى يقولو هو المخلوع بتاعهم فى اى سجن عشان عايزة ازوره والوزرا بالمرة
تونس افضل فى انها عملت حاله طوارئ ومنعت الاعتصامات دى بس الى احسن فيها من مصر انما شعب مصر مفيش حاجه بتعجبه وفجاه كل المصريين بقو نشطاء سياسين وبيفهمو فالسياسه وفالتاريخ والقانون والدستور
الشهداء والمصابين اخدو تعويضات ماديه ومعنويه والى اصلا المفروض تكونو شايفين ان استشهادهم فى سبيل حريه بلدهم واااااااجب اجتماعى وشرعى هو الى نازل يجاهد وعنده مبدا بيفكر انا لو مت او اصبت هاخد تعويض كاااااااااام او اهلى هياخدو ايه؟؟؟؟انا محبش ان الشهداء والمصابين يكون ده تفكيرهم ولا احب الناس الى بتقول احمد حرارة لازم يكون رئيس مصر مع احترامى ليهم
على فكرة انا شفت ناس اتكلمت بنفسها انها اخدت تعويضات والظريف بقى ان بعض المصابين كانو متظاهرين واخدو تعويضات بس عايزين شغل !!!!!!!!!!
انا لو ام شهيد مش هستنى تعويض ولا قصاص انا هفرح واقول الحمدلله ان ابنى مات شهيد عشان يحرر بلده وافتخر بيه مش هقول عايزة تمن ان ابنى دافع عن بلده
انا مش عايزة الموضوع يتقلب لمشاده وياريت يكون لتقارب الافكار والوصول للهدوء والتفكير المنطقى والصبر كلها 5 شهور وانا واثقه ان اول الرئيس مايجى هتلاقو محاكمات ترضيكو
كفايه اوى ان ربنا زله وكل العالم شافه جوه القفص يمكن ناس تستهين بده بس فعلا منظر الى يشوفه لازم يقول الحمدلله سبحان المعز المزل
ارجوكوووووو الى عايز يتظاهر او عايز اى مطلب عقلانى ياريت نكون متحضرين فى مطالبنا ونقدمها مكتوبه فى ورقه للمجلس المنتخب الشرعى الى اغلبيته ناس كانت مسجونه وناس داقت الظلم
-----
فى حاجه نسيت اقولها
الشعب المصرى مش بيعجبه العجب لما المجلس قال الانتخابات بعد 6 شهور ناس اعترضت وقالت ازاى وعلى اى اساس والحمله الدعائيه
لما قالو عايزين مجلس مدنى واتعمل المجلس الاستشتارى لا بصراحه مش عايزيه اصله شوكه فى زور الاخوان
انت لو اخوك شهيد بجد افرحلو وقول الحمدلله اخويا مات افضل موته وعقبالى مااكون زيه ده شهييييييييييييد عارف يعنى ايه شهييييييييييد؟
هو مينفعش رئيس يجى قبل مايكون موجود الى يحدد صلاحياته بالعقل وزى ماكل العقلاء قالو وانا مقتنعه بالراى ده
الى بيقول اصل استفتاء مارس الاغلبيه فيها كانت الرئيس الاول
انا هرد عليها رد بس مش عايزة حد يزعل هيا حقيقه بس اوقات الحقيقه بتكون مرة (معظم الشعب المصرى جاهل سياسيا وانا قلت سياسيا مش قصدى بتكلم عن حاجه تانيه)
لما الاخوان توصل لناس ان الى هيقول لا لتغيرات الدستوريه الماده 2 م الدستور هتتغير والكلام ده وصلنى انا شخصيا وانا نازله الاستفتاء من واحده بنت واحد اخوان جارى قالتلى كده ومش انا بس كل قرايبى فالشغل او فالشارع اتقالهم نفس الكلمه اظن مع وجود الجهل السياسى كلنا هنقول نعم صح ولا لاء؟
للأسف مش هقدر أرد بمنطقية على كلامك دلوقتي..
مقدرش أدوس على كرامتي وأقبل اني أناقش ينفع المجلس اللي كان على راسي في يوم من الأيام يهين كرامتي ولا لأ !!
بس أتمنى تكوني شفتي العسكري اللي واقف يتبول على الناس من فوق.. وشفتي الحركات القذرة اللي عملها عساكر للناس
والمولتوف اللي بيترمى من فوق
وشفتي البلطجية اللي بتقولي عنهم مفتريين وظلمة -وهما كذلك- والجيش سايبهم وواقف يتفرج عشان يلزقها في الثوار
اصلهم معندهمش طيارات تطفي الحريق حتى لو صحيح فيه حد بيوقف العربيات اللي بتروح
مشفتيش الأطفال اللي قالوا عليهم بلطجية ورجعت الداخلية قالت لأ دا دول عندنا من قبل الأحداث
دي حاجات شفناها بعنينا مش إشاعات قذرة وسافلة بتتهم بنات وشباب أشرف من الشرف من غير أي دليل
بنبص على البنت أصلها بيقولوا عليها معرفش ايه ومنبصش على الست اللي جنبها ملهاش دعوة بحاجة وكانت هتتقتل من الضرب
نبص على بلطجية مش ثوار أساسًا ونقول دول بيعملوا اهه ومنبصش على اللي سايبهم ورايح يسحل ويقتل في العُزَّل
يسحل ويقتل في أطهر شباب وبنات وشيوخ مصر
+ YouTube Video
للأسف بنسمع اللي على مزاجنا ونشوف اللي على مزاجنا وبس
لما أجمع أعصابي هبقى أرد على كلامك بردو
http://a3.sphotos.ak.fbcdn.net/hphot...19684370_n.jpg
فى اخبار من عند ماسبيرو ان 6 ابريل بستفز الجيش وفى هتافات خاين خاين الجيش المصرى خاين ده عجبكو طبعا اظن لما الجيش يتكسر ويسيبها تولع فى دماغكو وقتها ابقو قولو مين يحمينا هتعملو بقى لجان شعبيه ونعيش فى رعب
انا شايفه ان لازم نشتغل لنهضه وايه يعنى مايضربهم بمسدس وهو اصلا قليل عليهم المفروض دبابه تفعص اى حد يفكر ان يهين الجيش انتو مجرد قله الى عايزة تتظاهر واظن بعد مالاخوان قالت انها موجوده بس للتامين بان اوى عددكو انا فاتحه الان التى فى وبتفرج على اعدادكو وان شالله يوم الجمعه الى بتقولو انها جمعه الغضب التانيه هتلاقو الشعب الى واقف لكو ورافض مش موافق انه يتخدع بكلامكو ومتاجرتكو بحق الشهيد
بس انا عايزاك ترد عليا هل الى يموت فى سبيل بلده المفروض يستنى مقابل؟؟؟؟؟ظ
اتمنى انت كمان تكون شفت الجندى الى لابس كوتشى تقريبا كوتشى اميجو بينور
المؤسسه العسكريه هيا المؤسسه الوحيده المنضبطه فى مصر بكرة تروح الجيش وتعرف وتزعل انك قلت الكلام ده فيوم الايام لسه الحقايق مبنتش واحنا مش بنشوف الا الى احنا عايزينه
الله يخربيت قناه الفراعين والتلفزيون المصرى
اقتباس:
المشاركة الأصلية كتبت بواسطة lost*soul
LIIIIIIIIIIIIIIIIIIIIIIIIIIIIIIIIIIIIIIIIIKEEEEEEE EEE:)
http://external.ak.fbcdn.net/safe_im...Fhqdefault.jpg د / غاده ونشطاء حركه 6 ابريل يشربون الخمور لا تعليق
http://www.youtube.com/ دكتوره / غاده كـــمـــال ومجموعه من ناشطه حركه 6 ابريل لا تعليق
http://static.ak.fbcdn.net/rsrc.php/...sNJNwuI-UM.gif
http://external.ak.fbcdn.net/safe_im...Fhqdefault.jpg نوارة نجم أطالب العسكرى بتسليم السلطة ولو لبقرة مدنية
http://www.youtube.com/
http://static.ak.fbcdn.net/rsrc.php/...sNJNwuI-UM.gifhttp://external.ak.fbcdn.net/safe_im...Fhqdefault.jpg مسعفو الميدان يروون قصص التحرش بالتحرير
http://www.youtube.com/
مبارك يستغيث بدول عربية وأجنبية.. "أغيثوني سيعدمني الإخوان"
Fri, 27-01-2012 - 11:55Fri, 2012-01-27 11:54 | وكالات
http://www.dostor.org/sites/default/...mage/7osni.jpgالمخلوع مبارك
9 رسائل شخصية أملاها الرئيس المصري المخلوع حسني مبارك على زوجته سوزان ثابت مبارك؛ كي توصلها إلى عدد من الدول أبرزها أمريكا.
الرسائل جاءت متضمنة معنىً وحدًا " اضغطوا على مصر حتى لا أعدم، فالذين يحكمون الآن هم خصومي التاريخيون" في إشارة منه إلى الإخوان، والذين بحصولهم على مجلس الشعب لن أحصل على البراءة.
كما أرسلت سوزان ثابت - بحسب صحيفة "روزاليوسف"- عدة رسائل لفرنسا وبريطانيا وألمانيا والسعودية والكويت والبحرين ولبنان باعتبار أن مبارك يتمتع بعلاقة وطيدة مع مسئولي هذه الدول.
وكشف مصدر قريب من أسرة مبارك – للصحيفة- أمس أن هذه الرسائل تطالب هؤلاء المسئولين بالتدخل السريع لإنقاذ ابنيه وزوجته علي أساس أن موقفهم القانوني متعثر وغامض، وأنه يتوقع صدور أحكام ضدهم بالسجن، وأن يضغطوا على مصر للسماح لسوزان مبارك بمغادرة البلاد.
أنا هرد عليكي من الأول
بس أنا بنت على فكرة مش ولد
في الأول كنتي زعلانة من ان مجلس الشعب من غير شرعية .. أولا التشريع والرقابة مش كل الصلاحيات لسا إدارة البلد كلها في إيد العسكري.. ويا ريتهم أخدوا التشريع والرقابة كمان !!
احنا بنطالب بانتخابات الرئاسة الأول زي ما الدستور بيقول والمجلس ماشي بمزاجه نطلب ايه من مجلس الشعب ؟!!
https://fbcdn-sphotos-a.akamaihd.net...36712656_n.jpg
طالبنا باسقاط الجنزوري وكنا شايفنها وهي طايرة آه الحمد لله زي ما شفناها السنة اللي فاتت وخلعنا مبارك بالظبط
الجنزوري عمل ايه بقى إن شاء الله لحد دلوقتي ؟!!! هو الجنزوري دا مكنش أول الفساد في مصر في عهد مبارك ؟
مكنتش وزارته العادلي ومساجين طرة دلوقتي ؟ ولا كنا رافضينه من غير سبب ؟
موضوع الحرق والكلام دا يا ريت تكوني شفتي الفيديو اللي حطيته وشفتي المولتوف اللي بيترمي من فووووق
قولي لي مين بيرميه بقى.. وابقي شوفي البلاغات المتقدمة من العاملين في مجلس الوزرا والمجمع ضد إدارتهم
وشفتي فيديو المجلس اللي سابوا فيه البلطجية يحرقوا ومعملوش حاجة ؟
وشفتي ان خيري رمضان قايل من اليوم اللي قبلها المجمع بيتحرق ومتحركوش يحموه لما سمعوا الإشاعات دي من اليوم اللي قبلها ؟
ولما المجمع بدأ يتحرق سابوه يولع ويتحرق بطوووولة بال رهيبة ومش بيطفوا الحريق
أصل مفيش طيارات تطفي الحريق وكل أعضاء ومسؤولين المجمع أجمعوا ان الدولة هي المقصرة والسبب في الحريق
بتقصيرهم في إجراءات الحماية من الحريق من البداية وبتأخرهم في انقاذه
بردو شفتي ان فيه بلطجية وحكمتي انهم الثوار ومشفتيش الثوار اللي كانوا بيدخلوا في النار وينقذوا الكتب ؟؟
سابوا المجمع العلمي يتحرق وراحوا يسحلوا الناس في الشوارع
اللي بيضحي بحياته وبيحطها على المحك متقدريش أبدًا تقولي عنه مش عاجبه مصر.. مكنش ضحى بحياته عشانها
أيوا انا نفسي مصر تبقى زي تونس في نجاح الثورة.. وهتبقى زي تونس ولما تبقى زي تونس هتمنى تكون أحسن من تونس
المخلوع الكلب زي ما الدكتور قال لسا بيمشي البلد هنا.. في تونس هرباان وبدأوا يطلبوه عشان يتحاكم
يا فرحتي بحسني ومحاميه بيقولي دا لسا حاكم البلد وهيرجع ! يا فرحتي بالعادلي المحكووووم عليه وماشي من غير كلابشات
وكمان بياخد التحية من عساكره ! ما هو لسا وزير..
وكل يوم جايين بلبس مختلف ومفيش أي احترام للقانون في حين بنات الناس بتتكلبش في سراير المستشفيات
أنا رديت على موضوع الشهدا دا مرتين مش مرة وهسألك تاني بأسلوب مباشر أكتر
أخوكي اتقتل من سنة واللي قتله بيهددك لسا وبيترقى ومش بيتحاكم وبيستفزوكي وبيهينوكي .. هتسكتي وتكوني مبسوطة ؟
فيه بلد هتقوم وتستقر وفيه دماء شهداء لسا مخدوش قصاصهم ؟
واضح بجد انك مش بتشوفي أهالي الشهداء لو كنتي شفتيهم أو قابلتيهم أو اتحطيتي في مكانهم مكنتيش قلتي كدا
مين قال انهم ورا الماديات ؟!!!!! الدولة اللي بترد على طلب القصاص بكلام بس عن تعويضات وتكريم
في حين اللي بيحصل.. المزيد من الإهانة والبهدلة لأسر الشهداء وللمصابين
يا ريت بقى تحطي نفسك مكان أخت شهيد بتطالب بالقصاااص وتقرئي كلامك دا تاني
مش متخيلة أبدًا ان حد يتقتل واقول الحمد لله خلوا اللي قتله بقى مبسوط مش مشكلة طالما مات شهيد !!
هقول تاني العدل أساس الملك وربنا مش هيقيم دولة أساسها الظلم أبدًا
الشعب المصري مش مش بيعجبه العجب الشعب المصري واعي وفاهم كويس
مين اعترض على الانتخابات بعد 6 شهور عشان الحملة الدعائية !!
والمجلس الاستشاري دا ممكن تقولي لي هو دوره ايه بالظبط ؟ ولا ليه أي صلاحيات بالمرة منظر وخلاص
تاني هقولك لو عدى سنة عملنا انتخابات مجلس الشعب انتي شايفة ان الدستووووووور اللي هيحكم حياتنا هيتكتب ويتعمل شورى ورئاسة في 4 شهور ؟؟
المجلس مش عبيط عشان يعمل إعلان دستوري مينفعش يمشي عليه فيرجع يعمل دستور تاني
الدستور بيحدد كل حاجة للرئيس واللي يقول الشعب المصري جاهل واتضحك عليه معلش بقى كدا انتي مش عاجبك الشعب
ليه أصلا عملوا استفتاء طالما عايزين يمشوا كدا !! هو لعب عيال !!!!
اتقالك صوتي عشان تدخلي الجنة ماشي بس معنى كدا انك سمعتي الكلام ؟ ما ياما بيتقال كلام بس كل واحد بيعمل اللي مقتنع بيه
وإلا بقى يبقى احنا زي ما المخلوع وعصابته قالوا منستاهلش الديمقراطية وشعب مش عارف مصلحته
ممكن تقولي لي بقى دخلتي في الموضيع دي ليه ؟ أفهم انك خلاص مش معترضة على المظاهرات دلوقتي ؟
بيتهيألي مفيهاش أي حاجة مش متحضرة ومطالب شرعية ليه بترجعي لورا وتتكلمي عن موضوع تاني غير اللي بيحصل دلوقتي ؟
رجعتي تاني قلتي فيه أخبار !! يا أختي يا غالية إذا جاءكم فاسق بنبأ فتبينوا .. انا كنت بشوف مباشر من قدام ماسبيروا امبارح
كانت حملة كاذبون بتعمل عرض ليها ومفيش أي مشاكل بالمرة والأعداد كبيرة جدًا..
ليه أي حاجة تحصل نلزقها في 6 إبريل كإن مصر مش فيها غيرهم ! زي ما كانت كل حاجة بتتلزق في الإخوان قبل كدا
ليه بننسى التاريخ اللي قدامنا والكفاح اللي كافحوه ضد المخلوع ونصدق إشاعات أقل وصف ليها انها قذرة !!
مش هرد على الفيديو اللي ميدخلش الدماغ أساسًا لو ركزتي فيه .. هقولك آيتين بس
(يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)
(إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ)
(وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُونَ)
وتاني أنا مش هدوس على كرامتي أبدًا أبدًا.. لو أوحش بنت فيكي يا مصر مش من حق أي مخلوق يهينها بالمنظر دا
والإهانة اللي احنا شفناها مكنتش لبنت قليلة الأدب أو بلطجي كانت للشعب كله ولكل المتظاهرين
عزة اللي كانت على جنب الطريق والجيش فرمها من الضرب كانوا ماسكين عليها ايه هي كمان ؟ بلطجية ولا 6 إبريل ؟
أنا لو قبلت إهانة أي مصري أيًا كان ييجي يوم وهتهان فيه أنا كمان
الكوتشي دا بقى كان في وسط 100 بيادة.. لو مش جيش أكيد مكنش اتساب في وسطهم كدا بيضرب في الناس
كان هو اللي اتضرب لو مش جيش مش يسيبوه يضرب ويسحل في بنت ويسحلوا ويضربوا معاه !!
وبعدين دا الجيش نفسه اعترف ان دول جنود فيه في المؤتمر الصحفي !!
دي حقيقة مفيهاش كلام مش إشاعة
واشمعنا بصينا على الكوتشي ومبصيناش على الباقيين يعني !! واللي فوق المباني الحكومية مش جيش بردو ؟!
اللي تبول على الناس واللي رمى مولوتوف واللي رمى أثاث المبنى ؟؟
مين دخلهم ومين مسؤول يؤمن حتى لو مش جيش ؟
هرجع تاني وأقولك اللي فات فات احنا في موقف دلوقتي عايزين نخرج الجيش من المولد دا كله
عايزين يخلص ويسلم في الوقت اللي قال عليه ميدخلش الدستور في النص ويأخر الرئاسة أكتر من كدا
مجلس الشعب بتاعنا على راسنا ومعانا في مطالبنا بس مش معاه كل السلطة لسا لازم نضغط على المجلس
ايه المشكلة ؟؟!!!
كونى بتكلم بصيغه المزكر فده الطبيعى فى حال انى معرفش انت(ى)مين
واضح زى مافى واحد (ه)قال التليفزيون المصرى وقناة الفراعين ماثرة عليكى
انا هرد واقلك وانت قناه الجزيرة ماثرة عليك
الرد الى عندى ان انا وناس تانيه كتيييييييييير عاجبها اوى الطريق الى ماشيه فيها مصر اظن دى حريتها ولا هتحجورو عليها ولازم نكون زى اراءكو والا نكون غلطانين
ولتانى مرة بكررها الشعب المصرى جاهل سياسيا وممكن يتخدع باى كلام يتقاله طالما فى كلمه الاسلام خاصه فالارياف الى هيا معظم مصر والى مش معترف ان الاخوان لعبو جامد الفترة دى يبقى مش متابع
الى انا فاكراه كويس اوى عن 6 ابريل وكازبون انهم بياخدو ضرب لكل مكان بيروحه وبتتكسر شاشات العرض
الى برده فاكرة ان تم ضبط اسلحه معاهم
الى فاكرة انى حد قال اسماء محفوظ دى كانت حافيه وابوها بيبع حمص وفجاه بقى عندها كزا وكزا
الى انا فاكراه عمرو خالد لما قال النهضه والاخلاق
الثورة اتحولت الى فوضى لقله الادب وعدم احترام الراى الاخر واهلا بالتكسير والتدمير طالما هيتنفز الى احنا عايزينه الدوله لعبه فى ايديكو
الى برده سمعتو ان الجنزروى راجل كويس وكل ناس زمان الى عاشروه شكرو فيه
وان كان الجنزروى ولا اى حد مكانه مش هيعرف يعمل اى حاجه لبلد فيها اعتصام كل 3 دقايق والشعب عايز فلوس ومرتبات وحوافز وبس طلع قال وزارة البترول الى كنت معتمد عليها مديونه بتطلع الاخبار تقول خسائر فالبورصه وم الاخبار البلد مسروقه كلها لو هديتو وقعدتو فبيتكو هتلاقو كل حاجه تمام
معرفش ليه كارهين المشير وان الدستور يوضع فى ظل حخكمهم اصل السادات وانور كانو مدنين وعمرنا ماحكمنا رئيس عسكرى فى حياتنا خالص
المجلس لسه مش مستقر اخر مرة شفته كان فيه خناقه وبعدين تكوين لجنه تقصى حقائق ولسه بيقول ياهادى
اه يانى م الشعب المصرى معندوش اى صبر
انا سمعت بردة فالاخبار الكازبه ان تقريبا رئيس تونس اتبرع بجزء من مرتبه وانتو هنا فى مصر عايزين مرتبات عايزين حوافز عايزين زياده فالاجور اعملو كده وساهمو فى ادارة عجله التنميه
الموضوع كان بادئ بصلاه ركعتين لحفظ مصر وياريت كفايه اوى كلام كده لانى انا عمرى ماهقتنع بكلامك ولا هبص للصورة الى بتشوه الجندى المصرى ومازال الجندى المصرى فى نظرى خير اجناد الارض وعاجبنى مصر كده ونا حرة فراى الى عايز يقتنع اك مش عايز هو حر فى رايه انت شفت غلط م جه واحده وانا شفت غلط م البلطجيه مش الثوار واستفزاز قابله رد فعل م الجيش الى بيعملوه ضبط النفس يعنى اكيد اكيد استفز جامد
.................................................. .................................................. ................
قفل الحوار
مبتفرجش على الجزيرة دلوقتي على فكرة
واضح اني غلطانة اني قعدت أكتب كل دا وأناقش كل كلمة قلتيها
وانتي مستخسرة تردي عليا وبتكلميني بالأسلوب دا كإني كنت بكلم نفسي
الحمد لله انا مش عايزة أكسب وجهة نظر حد الثورة ليها اللي يكملوها
واللي عايزينه وفيه مصلحة بلدنا هيحصل بإذن الله
أنا بس أهم حاجة عندي الحقيقة توصل كاملة مش معاقة ومن وجهة نظر واحدة
وبعد كدا كل الناس هتعرف قيمة المظاهرات دي وفايدتها لاستكمال الثورة
وعلى فكرة البورصة اللي قلقانين عليها مؤشراتها ارتفعت أول امبارح
والثورة قامت عشان العدالة الاجتماعية ومش هتنجح إلا لما تتحقق كاملة
مورى المتظاهرين متجهين الى وزاره الدفاع عشان يقتحموها اظن وقتها ملكوش ديه والدم هيكون للركب ومش هتكونو شهدا
انا قفلت الحوار لان اول سطر فالحوار احترام الراى الاخر وانتى مش مقتنعه الا برايك بس بردة انتى لسه فاعدادى لسه صغيرة بكرة تكبرى ومع السن وجهه نظرك وتفكيرك يتغيرزو
فوقووووووووووووووووووووووووووو
فايقين كويس أوي والله :)
نفسي أعرف الأخبار دي بتيجي منين بس !! دا حتى لو راحوا وزارة الدفاع منين عرف صاحب الخبر انهم هيقتحموها !!
ولو حد بلطجي راح يقتحمها بردو مش مبرر للقتل يعتقلوهم كلهم لكن دم لأ
أما احترام الحوار فأعتقد انتي مغيرتيش وجهة نظرك بالمرة ! بل بتتكلمي في نقط كتير جدًا وأحداث على مدار شهور
ومع ذلك برد على كل كلامك وبناقشك فيه مع انك مبترديش عليا .. الحوار مش معناه اني أغير وجهة نظري
عشان أبقى بحترم الحوار وخلاص من غير ما أقتنع
امال لو كنت في ثانوي ولا إعدادي كنت هبقى ايه ؟! ولو كنتي أكبر من كدا ؟! هو الرأي بالسن ؟
مش ممكن حد أكبر منك 4 سنين -زي الفرق بيني وبينك- أو أكتر كمان بكتير يقولك نفس الكلام ؟؟