عرض للطباعة
الموضوع باين من عنوانه
فضفضه
اى حد جواه كلام وعاوز يطلعه
شفت حاجه او عملت حاجه بسطتك ورفعت من روحك المعنويه
شفت حاجه ضايقتك
عندك مشكله ومحتار ومش عارف تعمل ايه
................. الخ
قولنا هنا عشان نشاركك فرحك وحزنك وكل حاجه
الفضفضه دى شىء صحى جدا وببلاش :fopl00l:
يعنى ما حدش يكتم فى نفسه حاجه :fopl00l:
الموضوع مفتوح ليكم جميعا
اخوكم
محمد
:fopl00l:
علي البركة :fop (18):
بإذن الله هيكون موضوع جميل والله (هبقي اتفرج من بعيد ) :fopl00l:
:fop (28): :fop (28): :fop (28):
ومن بعيد ليه
ابتدى معانا كده بموقف او حاجه خلتك تبتسمى وتضحكى النهارده
ولا النهارده ما كنش فى ضحك خالص :fopl00l:
موضوع جميل كالعادة يادكتور محمد ولو ان حضرتك سبقتنى فيه لانى كنت ناويه اعمل نفس الموضوع بس مستنية الاجازة مش هتفرق المهم الناس تفضفض:fopl00l:
انا حابه اشارك معاكو بمقال لدكتور معتز بالله عبد الفتاح ممكن ميكونش فضفضة بس متهيالى هيدى للى يقراه جرعة تفاؤل كبيرة ممكن تفيد
بيقول فيه
اعملوا.. اعملوا
لا ينبغى أن يصيبنا الإحباط فنيأس، ويسحقنا الواقع بمشكلاته فنفقد القدرة على الخيال. فنحن يمكن أن نصاب بالإحباط أو الضيق ولكننا لا ينبغى أن نصاب باليأس. اليأس ليس بديلًا مطروحًا لا سيما بين الشباب، فهم طاقة الأمل المتجدد فى غد أفضل. إن اليأس قرين الضعف، والضعف دليل الجهل. ولا ينبغى للجهل أن يغلبنا، بل نحن لاهثون نحو حياة أفضل لنا ولغيرنا قدر استطاعتنا. وحينما قررت أن أعلم ابنى كلمات تساعده على فهم الحياة ومراوغتها، جعلته يحفظ مقولة نابليون: «إذا كنت لا تعرف، تعلّم. وإذا كان ما تريدُ أن تفعلَه صعبا، حاول. وإذا كان ما تريد أن تفعله مستحيلا، حاول أكثر». وهو ما ينبغى أن نطبقه على المستويين الشخصى والعام.
ثانيا، أنا أثق تماما فى كلام الله، وحين يلهم الله نبيه يعقوب كى يقول «ولا تيأسوا من روح الله، إنه لا ييأس من روح الله إلا القوم الكافرون» فأنا أصدق ربى، وأقول «سمعت وأطعت يا الله» ثم أنفرُ للعمل والجهد وقلبى عامر بيقين أن الله ما وعدنا إلا ليصدقنا وعده، المهم أن نعمل حتى نستحق عطاءه ونعمه. وأنا فى هذا أرتدى عقل وقلب سيدنا نوح الذى طلب إليه ربه أن يصنع سفينة فى قلب الصحراء. هل ممكن لعاقل أن يصدق أن عليه أن يصنع سفينة فى قلب الصحراء؟ نعم المؤمن الواثق فى نصر ربه ثقته فى الغيب، يعمل مطمئنا فى دأب عسى الله أن يجعل فى جهده ما يفيد. المؤمن الواثق يُقيمُ نفسَه حيث أقامه الله. فمن يعمل لهذا البلد، مخلصا، عليه أن يستمر فى العطاء بنفس منطق من يبنى سفينة فى الصحراء، وبنفس منطق الرسول الكريم حينما أمرنا أن نزرع ما فى أيدينا من فسيلة حتى لو كانت القيامة بعد ساعة.
ويبدو أن موقف اليأس من الإصلاح مسألة متواترة لدرجة أن القرآن الكريم قد سجلها حينما سأل قوم قوما «لم تعظون قوما الله مهلكهم أو معذبهم عذابًا شديدًا قالوا معذرة إلى ربكم ولعلهم يتقون» وكأن المعنى أن هناك ثلاث فرق: الأولى تسأل الثانية لماذا تضيعون وقتكم وجهدكم مع قوم اختاروا الضلال حتى أن الله معذبهم (الفريق الثالث)، فكان رد الفريق الثانى أنهم يعظونهم حتى يعذرهم الله ويعرف أنهم ما قصروا فى الإصلاح ما استطاعوا، ولعلهم ينتفعون بالنصيحة. ومن هنا جاء قول الحق سبحانه فى موضع آخر «وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ» وليس فقط صالحين. فكأن واجب الإصلاح وليس فقط الصلاح هو ما يضمن التقدم والرقى.
ثالثا، التاريخ يقول لنا إن بنية المجتمعات تتغير بسرعة شديدة مع تولى القيادة السليمة لها. ما الفرق بين مصر ما قبل 1805 ومصر ما بعد 1805؟ إن شخصًا تولى حكم مصر فى عام 1805، فأعاد تنظيم شئون الدولة، وغير شكل النظام الاقتصادى، وأرسل البعثات للخارج، وأجاد الاستفادة من طاقات المصريين فتحولت مصر مع عام 1813 إلى دولة نامية بحق حتى وصلت إلى قمتها بعد ذلك بعشر سنوات. ما الفرق بين مصر ما قبل 1805 ومصر ما بعد 1805، شخص واحد فى المكان الصحيح، إنه محمد على. والأمر لم يكن بعيدًا عن أسماء عظماء آخرين فى مجالات أخرى، لولا رؤيتهم وشجاعتهم ودأبهم وحسن إدراكهم لواقعهم لما نجحوا ولما أنجحوا المجتمعات التى عاشوا فيها. إن هؤلاء مثل حبات المطر التى تنزل على الأرض الجرداء فتخرج منها زرعا ما ظننا أن بذوره كانت موجودة قط حتى قال أهل اليأس فيها «أنى يحى هذه الله بعد موتها».
:hi::fop (29):
ابتدى انا
هقول على اللى حصلى النهارده
*ليه الناس مبتقدرش تسيطر على غلها وحقدها ؟؟؟؟
ليه اساسا ده؟؟؟
ليه كل حاجه جميله اوى لازم تتعكر بحاجه تافهه بس ذى الزفت؟؟
ليه مبنقولش الحق ؟؟
طب بلاش
مش السكوت افضل برضه؟؟؟؟؟
ليه مبنحسبش نفسنا ونعمل حساب ربنا؟؟؟؟
وانه ممكن يتعمل فينا!!!
اللى بنعمله فى مخاليق ربنا
ليه الكره يا احقاد؟؟؟؟؟؟؟؟
ليه الظلم يا عديمى الشخصيه؟؟؟؟؟؟؟
سكوووووووووووووت سيبونى فى حالى بقى
بس حبايبنا لما بنيجى عليهم بجد بيبقى غصب عننا
وانتوا قولتوها قبل كده
فاكرين؟؟؟؟؟؟
اوعوا تزعلوا مننا
لان ده بجد بيكرهنا فى نفسنا
بنحبكوا بجد والله
ومنقدرش ابدا نستغنى عنكم
عارفين ومتاكدين من حبكم
بس المواقف اللى فاتت مش حاجه
بالنسبه للوقت ده
يا رب متخيبوش ظننا
اه موقفكم صعب
بس مش اصعب عليينا منكم
اتمنى اشوفكم كل ثانيه
وانتم متاكدين انكم كلنا
معانا دايما بس برضه محتاجينكم جمبنا
بنحبكم بنحبكم اوعوا تنسوا ده يا اغلى الاحباب
بل افردهم واعزهم
معلش بدات الموضوع بحجات محبطه
بس بجد حالتى ذى الزفت
دعواتكم
اقتباس:
المشاركة الأصلية كتبت بواسطة DR.BIBO
مرسى
و ما فيش فرق بينا
المهم ان الناس تحكى وتفضفض
والمقاله جميله جدا
ومنتظرين المزيد
اقتباس:
المشاركة الأصلية كتبت بواسطة مهداه
كويس انك طلعتى اللى جواكى
ده هيريحك جامد
والدنيا ذى ما فيها الحلوين واللى نفوسهم طيبه ونقيه
موجود العكس برضه
دى سنة الحياه
عشان نحس بقيمة الناس الحلوين اللى فى حياتنا
فخدى حذرك من الناس اللى انتى شايفاهم جواهم الحقد والغل
وخلى قلبك ابيض دايما وما يتأثرش بالناس دى
كل ما القلب يبقى نقى وابيض يظهر ده على الوش
تلاقى وجه الانسان مشرق وساطع
ربنا يسعدك
والموضوع مفتوح دايما لاى كلام وفضفضه سواء حلوه او مش حلوه
موضوع متميز كالعادة يا دكتور
:fop (29):
اقتباس:
المشاركة الأصلية كتبت بواسطة محمد سمير
:fop (18): مظبوط
---------------------------------
ماشاء الله فيه اقبال جامد عالموضوع بس للاسف كلنا نفس الحالة اليائسة دي معرفش والله ليه كده :fop (39):
ربنا يفرج همومنا جميعا يااااااااااااااااارب :cry:
----------------------------------
بس أهم حاجة نكون علي يقين ب :
إذِا رفَعت يَدك إلى السَمآء و لهَج لِسآنك بِالدُعاء
فـثقْ أَنك فَيَ إِحدى ثَلآث حَالآتَ
[ إمَآ إجَابة ، أو دَفع سُوء ، أو ذُخرٌ للآخرة ]
اقتباس:
المشاركة الأصلية كتبت بواسطة dr emy.hassan
مرسى
بس انا عاوز فضفضه
ها
معانا ولا مش معانا :fopl00l:
اقتباس:
المشاركة الأصلية كتبت بواسطة dr_orchida
الحاله دى سببها الامتحانات والضغط العصبى اللى فيها
بس هانت كلها كام يوم وتبقوا عال العال والمود يبقى فى السما ان شاء الله
معاكوا ان شاء الله :fopl00l:اقتباس:
المشاركة الأصلية كتبت بواسطة محمد سمير
بس نخلص امتحانات :290:
اقتباس:
المشاركة الأصلية كتبت بواسطة dr emy.hassan
اذا كان كده ماااااااااشى
waiting
بس المهم تحلوا كويس عشان تفضفضوا كويس :fopl00l:
ربنا يكرمكم فى اللى باقى
اولا احب احيى حضرتك يا دكتور على الموضوع وثانيا اكيد حضرتك بتحسبنى رجعت فى كلامى وطلعت عيله بس والله لا انا بس مستنيه النت يتظبط شويه انا عما كتبت الكلمتين دول اتشليت وهتشل منه قريب لا وبيقولو النت فى المنصوره حلو اكيد قصدهم زفت مش حلو :fopl00l:
اقتباس:
المشاركة الأصلية كتبت بواسطة Hamaki
مرسى بالنسبه لأولا
وبالنسبه لثانيا
فأهم حاجه عندنا صحتك
اوعى تتشلى من النت :fopl00l:
ومنتظرينك soon
احب افضفض حاجه بسيطه كده مش عرفه هل انا فعلا انسانه فقر زى ما ناس كتير اجمعت على كده ومنهم اقرب الناس ليه بس انا حسه فعلا انهم عندهم حق لانى فعلا بيحصلى حاجات كتير جدا تدل على كده وكمان حاجات كتير ممكن تكون بسيطه بس فى احتمال انها تسعدنى وللاسف مش بتكمل سعات كتير جدا بحس انى حظى وحش جدا فى الدنيا وخصوصا حوالى السنوات الاخيره الى فاتت بس بقول اكيد ربنا هو الى كاتبلى كده بس سعات الموضوع ده لما بيزيد بتاثر نفسيا جدا بس الحمد لله انا مؤمنه جدا بربنا ومتاكده ان مفيش حد بيشوف حاجه غير الى ربنا كاتبها له بس اتمنى انى مكنش فعلا حظى وحش ويستمر الحظ ده معايا كتير وربنا يوفقنى فى حياتى بعد الدراسه فى وظيفه كويسه لانى فعلا متشوقه جدا لحياه العمل والشغل والعلاقات والناس وطبعا عشان افهم الدنيا اكتر ويارب كل الى جاى يكون خير باذن الله واسفه لو طولت شويتين
اقتباس:
المشاركة الأصلية كتبت بواسطة Hamaki
اولا مفيش حاجة اسمها انسان حظه حلو او وحش لكن ممكن فى حاجات بنبقى فاهمين انها كويسه وجميلة وتسعدنا بس ممكن لو كملت فعلا تكون سبب فى تعاستنا فا اكيد لو فى حاجات مكملتش ده لان ربنا شايلك حاجة احلى هتكون فيها سعاده وخير علطول صدقينى احنا مشكلتنا اننا دايما بنبقى شايفين نص الحكايه ولو شفناها كامله هنعرف اننا فى خير بجد ده ما يمنعش اننا ممكن نكون بنحسب حاجات غلط لازم نراجع نفسنا اخر حاجة اقولهالك اوعى تقولى على نفسك كده تانى لان اكيد انتى فيكى حاجات حلوة كتير دورى عليها وطلعيها معلش لو طولت عليكى ربنا يوفقك ياجميل :hi::fop (29):
والله يا نوسة كله خير بإذن الله فأحيانا يمنع الله عنا ما نريد ليمنحنا ما نحتاج
وكلما ضاقت عليكي نفسك
قولي:
[ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ]
"قد تشعّر ب الحزن ع أمر مَاا
ۆ قد تبگي بكاءً المُضطر
وتنام واللہ لا ينام - عن تدبيرأموركّ :
- تمھل / !
[ إنہ يدبر لگ في الغيب أمور
لو علمتهآا لبكيّت فرحاً ] ":fop (41):
.
.
وربنا يسعدك ياااااااارب ويجعل اقسي ايامك ما فات منها بإذن الله:fop (29):
متشكره يا نسوم انتى ودكتور بيبو على الرد الجميل ده انا عرفه الحمد لله ان فى حاجات حلوه كتير ربنا ادهالى وبحمده وبشكره عليها بس سعات تفكير الشيطان الوحش بيسطر عليا فى حاجات بسيطه جدا واقول ليه بس كده انا عمرى ما عملت حاجه وحشه او تغضب ربنا بس اكيد كلنا بنغلط وربنا يسامحنى على الى حاجه غلط عملتها وبرجع تانى الحمد لله افتكر الحاجات الحلوه فى حياتى بس مشكلتى انى مش بعرف اكون متفائله خالص ودايما بحس باليأس والتشاؤم ودى حاجات مش بتبان عليا لناس كتير هم بس يعرفونى انى دايما بضحك وبهزر ومفيش حاجه شغلانى ولا حاجه مضيقانى بس للاسف انا جوايا حاجات كتير جدا شيلاها لوحدى بس الحمد لله على كل شئ وانا مقدرش اعترض على حكمه ربنا فى حاجه
يا بنتي عاااااااااااااااااااادي جدا متخديش في بالك أنا بردو بقول كده علي نفسي :fopl00l: خطوبتي الأولنية لغينا فيها حجز النادي أبل الشبكة بأسبوع عشان حد كان تعبان جامد لما فسخت الخطوبة قلت بس كده المرة دي بأه ربنا يعوض عليا أم حصلت وفاة عندنا و بردو مش معمولة في النادي أظن مفيش نحس أكتر من كده بس الحمد لله احسن من غيرنا كتير ادعولي بس تبقي اخر الخطوبات
ياريت مش تتوقفي عند حاجات صغيرة زي دي :)
اقتباس:
المشاركة الأصلية كتبت بواسطة Hope1
ربنا يكرمك ويوفقك فى حياتك وتكونى مستقره ومرتاحه دى اهم حاجه طبعا والله فعلا انتى عندك حق الواحد من كتر ما عدى عليه حاجات دلوقتى لما بيحصلى حاجه بضحك ضحك هستيرى بس ممكن يقلب ببكا غصب عنى بس برجع اضحك تانى والحمد لله على كل شئ
اقتباس:
المشاركة الأصلية كتبت بواسطة sponge Bop
وتشيلى لواحدك ليه بس
كده الشيله هتبقى تقيله
خلينا نشيل معاكى :fopl00l:
فضفضى عشان تستريحى
واهم حاجه تفائلى وحاولى تتخلصى من عدم التفاؤل واليأس اللى عندك
ومبروك على الاسم الجديد بس كده حماقى هيزعل :fopl00l: وهيشيلك من معجبيه :fopl00l:
ايه اللى خلاكى تعملى كده :fopl00l:
الله يبارك فيك يا دكتور حبيت بس اعمل اى تغيير شويتين وبالنسبه لموضوع التفاؤل ده مش بعرف خاااااالص مع انى بصبر ناس كتير حواليه بس انا مش بعرف اصبر نفسى ودايما بفكر كتير جدا ودماغى مشغوله ودايما خايفه من الى جاى بس حاليا انا الحمد لله مرتاحه شويه من التفكير ومتفائله بنسبه ضئيله بس الحمد لله :)
اقتباس:
المشاركة الأصلية كتبت بواسطة sponge Bop
الحمد لله
ربنا يريح بالك دايما وتأكدى ان كل حاجه بتحصلنا خير لينا
وما تفكريش كتير
ربنا مدبر كل امورنا واحوالنا من واحنا فى بطون امهاتنا
==
على فكره حماقى كده ممكن يزعل من التغيير ده ونفسيته هتتأثر
وهيقول انا بقيت شخبطه على الحيط :fopl00l:
:bj: :bj: :bj:
مبروووووووووووك يا سفنجتي :fop (18):
الله يبارك فيكى يا صابونتى قصدى يا نسمتى :fopl00l: بس ايه رايك فى الاسم الجديد خطير طبعا مش كدهاقتباس:
المشاركة الأصلية كتبت بواسطة dr_orchida
-----
على فكره حماقى كده ممكن يزعل من التغيير ده ونفسيته هتتأثر
وهيقول انا بقيت شخبطه على الحيط :fopl00l:[
لا انا مقدرش على زعل حماقى دى الناس كلها كوم وحماقى عندى كوم تانى خالص :fopl00l:
-----
فى اوقات معينه بنكون محتاجين حد موجود فى حياتنا ولما بتيجى الفرصه انه يكون فى حد فعلا ساعتها مش بنبقى عارفين احنا بنعمل ايه او ازاى احنا بنعمل حاجه عمرنا معملناها قبل كده بس لما بنفوق بعدها وبنلاقى نفسنا الى كانت ضيعه مننا ,اكيد ساعتها لازم نقول الحمد لله
بس بعدها مش بنندم لاننا عرفنا ناس كويسين بس الندم كله على حاجات مكنتش من المفروض تحصل بس حصلت غصب عننا او كانت الظروف ساعتها هى الى غلط فعشان كده كتير جدا بنفهم حاجات كتير غلط بس الحمد لله ان كل حاجه بتظهر لنا بدرى قبل فوات الاوان وربنا يجازينا على قد نيتنا والحمد لله اولا واخيرا
اقتباس:
المشاركة الأصلية كتبت بواسطة sponge Bop
:fop (18): :fop (18): :fop (18):
جميل طبعاااا ......... مإحنا دافنينه سوي ;)
طبعا اسمsponge Bop أفضل لإنه أكثر الشخصيات تفاؤلا على مستوى جميع القنوات فى التلفاز
ميرسى يا دكتور او يا دكتوره كويس ان الاسم عجبكوا بغض النظر عن ان سبونج بوب غبى شويتين ومن كتر ما اتفرجت عليه حسه انى بقيت زيه بس بصراحهاولاد اخواتى خلونى احب اشوفه واتفرج عليه :fopl00l:اقتباس:
المشاركة الأصلية كتبت بواسطة المنصورة
موضوع حلووووو جدا كالعادة يا دكتور محمد:hi:
..........................................حاليا خلصت الامتحانات وخدت الاجازة بس مش حاسة انى مبسوطة :fop7: اما بقى عن فضفضتى فانا عندى مشكلة انى بحن لاى حاجة بتعدى (مقصدش الامتحانات طبعا:fopl00l: ) اى حاجة ارتبطت بيها ولو لفترة قصيرة سواء الحاجة دى مكان ,انسان, فترة معينة فى حياتى اى حاجة الاحساس ده جالى كتير الفترة اللى فاتت دى وبعدين اكتشفت انى انا كدة من وانا صغيرة انا فاكرة مرة ان احنا كنا هنغير الصالون بتاعنا جيت من المدرسة ملقيتوش عيطت :D وفاكرة برده انى بعد ماخلصت تالتة اعدادى وانا بلم الكتب بتاعتى عيطت رغم انى محبتش مدرسة الاعدادى اوى بس هى فكرة ان مرحلة بتعدى فى حياتى وخلاص بحس باحساس بيوجعنى:cry: وانا عارفة ان ده الطبيعى فى الحياة وان الحياة مراحل ومفيش حاجة بتدوم:fop6: وبس كفاية كدة دوشتكوا معايا
مرررررررة تانية الموضوع حلو :) :) :)
اقتباس:
المشاركة الأصلية كتبت بواسطة eeeman
مرسى لذوقك
:)
اقتباس:
انا فاكرة مرة ان احنا كنا هنغير الصالون بتاعنا جيت من المدرسة ملقيتوش عيطت :D
:fopl00l:
امال لما تسيبى البيت كله وتسيبى اوضتك وسريرك ومكتبك وكل حاجه وتروحى لبيت الزوجيه هتعملى ايه بقه :fopl00l:
اقتباس:
وبس كفاية كدة دوشتكوا معايا
ولا دوشه ولا حاجه
الموضوع بتاعك وتحت امرك فى اى وقت
هو معمول عشان الواحد لما يحب يحكى حاجه يحكيها ويطلعها
.................................................. ..........................اقتباس:
المشاركة الأصلية كتبت بواسطة محمد سمير
بسم الله ما شاء الله انا حسه ان المنتدى مليان ناااااااااااس غير ايام الامتحانات خالص بس كويس اللمه حلوه برده ويارب ننجح كلنا والترم ده يعدى على خير :fopl00l:
-----
كنت عوزه افضفض شويه ليه الواحد دايما لما يكون مصمم انه ينسى حاجات حصلتله واكيد كانت حاجات مش كويسه وفى وقت معين بيفتكر انه قدر ينساها بس للاسف منسهاش بل بالعكس ممكن يفتكرها اكتر من الاول .
ومشكلتى فعلا انى مش بقدر اسامح مش عرفه هو انا فعلا قلبى اسود ولا انا مش قدره انسى ان حد معين غلط فى حقى فى يوم من الايام والمشكله ان الحد ده ممكن يكون شخص قريب ليك جدا وعزيز عليك ومن جواك فعلا نفسك تسامحه على الى عمله بس مش قادر ودايما شيفه انه السبب فى كل الى بيحصلك وانه ضيع عليك حاجات حلوه كتير بس ممكن اكون غلطانه الله اعلم لانى بجد مبقتش عرفه حاجه بس اتمنى من كل قلبى انى اسامح واصفى وياريت اقدر انسى اى اساءه من اى شخص
حاسه أنك بتتكلمى عليا أنا كده بالظبط ونفسى أتغير:fop7:اقتباس:
المشاركة الأصلية كتبت بواسطة sponge Bop
ع فكرة اسمك الجديد أحلى....(متزعلش يا حماقى يوم ليك ويوم عليك)
اقتباس:
المشاركة الأصلية كتبت بواسطة sponge Bop
ياعينى ياعينى
بس حماقى بيقول
انا لو اذيته كان عملى زياده عن كده ايه
وهو ما عملكيش حاجه يعنى ولا اذاكى عشان تغيرى اسمه :fopl00l:
اقتباس:
المشاركة الأصلية كتبت بواسطة eeeman
ما عاش ولا كان اللى يقول عليكى كده :fopl00l:
اقتباس:
ميرسى:fop (27):
العفو
ومنتظرين المزيد من فضفضاتك
اقتباس:
المشاركة الأصلية كتبت بواسطة sponge Bop
ربنا ادانا نعمة جميله وهي نعمة النسيان
فالواحد يستغل النعمه دى بقه فى انه ينسى الحاجات اللى تزعله
فحاولى تعودى نفسك على نسيان اساءة الغير والتسامح ونقى قلبك دايما من اى كره وزعل
اقتباس:
المشاركة الأصلية كتبت بواسطة كليوباترا
القلب الابيض اللى بيسامح وينسى قلب حنين قلب كبير
سبحان الله أنا العكس تماماااااااااااااا...بنسى بطريقه غير طبيعية و بسامح بغبااااااء بس لما الحكاية بتزيد و اللامبالاة بتظهر و مسامحتى للغير بتتاخد على انها مسلم بها بقفل و للأسف لما بقفل بقفل للأبد :(اقتباس:
المشاركة الأصلية كتبت بواسطة sponge Bop
أصعب حاجة ان الواحد يدخل كل مرحلة من مراحل حياته يكون صداقات و يبقاله اخوات و بعد كده لما ننتقل من مرحلة لتانية ننسى بعض...و الله حاولت انى أفضل على اتصال بس كأن خلاص كل مرحلة منفصلة...أصعب حاجة اننا نكون رابطة أخوة فى أربع خمس سنين و بعد كده تنكسر فى يومين و لا كأنها كانت...
موضوع جميل يا دكتور و جاى فى وقته فعلاااااااا...جزاك الله خيرا
اقتباس:
المشاركة الأصلية كتبت بواسطة dina j
مرسى
والموضوع تحت امرك فى اى وقت للفضفضه
وجزاكِ ربى مثله
اقتباس:
أصعب حاجة ان الواحد يدخل كل مرحلة من مراحل حياته يكون صداقات و يبقاله اخوات و بعد كده لما ننتقل من مرحلة لتانية ننسى بعض...و الله حاولت انى أفضل على اتصال بس كأن خلاص كل مرحلة منفصلة...أصعب حاجة اننا نكون رابطة أخوة فى أربع خمس سنين و بعد كده تنكسر فى يومين و لا كأنها كانت...
هذه سنة الحياه
كل واحد بينشغل فى حياته
طول ما انت معايا تبقى حبيبى وصديقى ونسأل على بعض
اول ما نبعد عن بعض
خلاص بننسى بعض ولا نسأل عن بعض
واخرنا لو اتقابلنا صدفة فى الطريق نسلم على بعض
اقتباس:
المشاركة الأصلية كتبت بواسطة dina j
للاسف دى حقيقة وبيكون احساس صعب جدا انا ليا صاحبتى مع بعض من الابتدائى للثانوى بس هى دخلت طب بعد مافرقتنا الكليات بنتقابل بعد مابنسلم على بعض وكدة بنبقى مش عارفين نتكلم فى ايه وبعد كدة نمشى كاننا كنا معرفة ع الماشى مش صحوبية سنين والموضوع ده صدمنى حسسنى ان ده كان وهم مش صداقة حقيقية زى ما كنا فاهمين بس بجد فى نماذج للصداقة الحقيقية اللى بتعيش مهما كانت الظروف الصديق اللى تحس ان انت وهو واحد متقدرش تعدى فترة من غير ماتسال عليه وتعرف اخباره بس للاسف قليلة اوىاقتباس:
المشاركة الأصلية كتبت بواسطة محمد سمير
الحمد لله انى مش لوحدى :fopl00l: بس انا عرفه ان الحكايه دى مش بايدك زيى وياريت فعلا نقدر نتغير بس والله الواحد بيحاول يتناسى لكن مش بنقدر ننسى برده والحمد لله على كل شئاقتباس:
المشاركة الأصلية كتبت بواسطة كليوباترا
-----
[quote=محمد سمير;463891]ياعينى ياعينى
بس حماقى بيقول
انا لو اذيته كان عملى زياده عن كده ايه
وهو ما عملكيش حاجه يعنى ولا اذاكى عشان تغيرى اسمه :fopl00l:
هو فعلا معملش حاجه بس انا قلبت عليه ولما بقلب ببقى وحشه عشان كده غيرت الاسم :fopl00l:
سماوى والله على راى حماقى
القلب الابيض اللى بيسامح وينسى قلب حنين قلب كبير
حلوه الجمله دى فكرتنى باغنيه محمد فؤاد تقريبا كده نفس الكلمات :fopl00l:
اقتباس:
المشاركة الأصلية كتبت بواسطة sponge Bop
طب ازاى هو ما زعلكش ولا عملك حاجه
وقمتى قالبه عليه كده من نفسك :fopl00l:
؟!
اوعى يكون عشان اتجوز :fopl00l: :bj:
اقتباس:
القلب الابيض اللى بيسامح وينسى قلب حنين قلب كبير
اقتباس:
حلوه الجمله دى فكرتنى باغنيه محمد فؤاد تقريبا كده نفس الكلمات :fopl00l:
تمام
انا قاصد اكتبها كده
بس بتاعة محمد فؤاد ما كنش فيها اللى بيسامح وينسى :fopl00l:
وهى حكايه انه اتجوز دى حاجه سهله دى حاجه صعبه جدا بس يلا ربنا يوفقه هو الخسران :fopl00l: :fopl00l:
بسم الله الرحمن الرحيم
موضوع لذيذ على فكرة ...
انا بقى معرفش ، انا زيك ولا عكسك ....اقتباس:
المشاركة الأصلية كتبت بواسطة sponge Bop
ومعرفش للاسف ولا لحسن الحظ ، لما بزعل من حد مش بقدر اقوله على الى نفسى فيه ... واخد جنب لغاية لما اهدى و بعد كده ممكن اكمل عادى ما قولش حاجة ... بس فى الاخر ولحظه الوحش او الحلو انا معرفش برده بقوم اقول كل الى فى نفسى مرة واحدة لما مبقاش خالص مش قاره استحمل ....
وساعات كتيييييييييير لو الناس دول بحبهم مقدرش اقول اى حاجة ، لان الصراحة انا زعلى وحش و ممكن اقطع علاقتى بيهم .
فى ناس بتقولى ده ضعف .. بس انا مش عارفة ده ضعف ولا صبر ، بس الى اعرفه ان ساعات ممكن اضايق من حاجات هبلة كده فمش محتاجة اعمل عليها زعلة فبالتالى سكوتى بيدينى وقت افهم الناس الى حواليا و الموقف الى حصل اكتر ...
بس انا بحب مقولة المسامح كريم ....واكيد مش هيحصل فيا اكتر من الى حصل فى رسولنا الكريم عليه الصلاة و السلام....