حملـــة التوعيــه ضد مرض Breast Cancer

بسم الله الرحمن الرحيــم

اسره صيــدلي المستقبــل تقدم

حملة التوعيه ضد مرض سرطان الثــدي Breast Cancer

https://fbcdn-sphotos-a.akamaihd.net...22976338_n.jpg

سمعت قبل كدة عن المرض ده
تعرف ان دة مرض بيصيب انسجة الثدى فى كل من الرجال والنساء لكن نسبة حدوثة فى الرجال اقل من نسبة حدوثه عند النساء بنسبة 200:1
وللاسف خطره بيزيد مع زيادة العمر

وبنلاقى ان سرطان الثدى له انواع كتير زى
ductal - lobular - Inflammatory وغيـرها


عشان كدة من اهم واول طرق العلاج هو الفحص المبكر

وعشان المرض دة يتعالج فى اكتر من وسيلة للعلاج منها العلاج الهرمونى والعلاج الكيميائى والاشعاعى وغيرها

بعد كل دة اكيد مهم جدا نتعرف عن المرض عن قرب
وبالتالى لازم نعرف ايه اعراض المرض وازاى المريض يكتشفه مبكرا وايه هى مراحل المرض دة وكمان ازاى العلاج بيتم ومين هم الاشخاص الاكثر عرضة للمرض

---

كل دة واكتر هنتكلم فيه خلال حملة التوعية الصحية اللى بنقدمــها عن مرض سرطان الثدى
و الى جانبها هتقام ندوة عن المرض عشان نعرف عنه معلومات اكتر


__ موعدنـــا __

يومي الاثنين والثلاثاء 17و18 امام مبنى ج بكلية الصيدلة
والندوة قريباااا

وفى النهاية خلونا نفتكر مقولة مهمة:
وهى ان الوقاية خير من العلاج

جزاكم الله خيرًا .. توعية مهمة أوي

بس المعاد ايه بالظبط ؟ للأسف عندي يوم الاتنين طول النهار محاضرات.

اقتباس:

---

المشاركة الأصلية كتبت بواسطة Mouri Ran

جزاكم الله خيرًا .. توعية مهمة أوي

بس المعاد ايه بالظبط ؟ للأسف عندي يوم الاتنين طول النهار محاضرات.

---

وجزاكم الله مثـله

ان شاء الله الحمله هتستمر يومي الاثنين والثلاثاء من الساعه 12 للساعه 4 واحنا هانبقي موجودين من 11 ان شاء الله

والندوة هاتبقي يوم الاربعاء وهنعلن معادها بكره ان شاء الله

:(

مش هينفع معايا الاتنين ولا التلات للأسف. ولا نص ساعة فاضية : (.

يا رب الأربع يكون مناسب. ويا ريت تكرروها في مواعيد تانية عشان اللي ميقدرش يحضر.

اقتباس:

---

المشاركة الأصلية كتبت بواسطة Mouri Ran

:(

مش هينفع معايا الاتنين ولا التلات للأسف. ولا نص ساعة فاضية : (.

يا رب الأربع يكون مناسب. ويا ريت تكرروها في مواعيد تانية عشان اللي ميقدرش يحضر.

---

ان شاء الله يطلع مناسب وتشرفينا وتستفادى كمان

اقتباس:

---

المشاركة الأصلية كتبت بواسطة Mouri Ran

:(

مش هينفع معايا الاتنين ولا التلات للأسف. ولا نص ساعة فاضية : (.

يا رب الأربع يكون مناسب. ويا ريت تكرروها في مواعيد تانية عشان اللي ميقدرش يحضر.

---

ان شاء الله الاربع يكون مناسب وهايبقي فيه بروشور فيه بعض المعلومات عن المرض هنوزعه في الكلية ممكن تاخد منـه وانتي طالعه المدرج مثلا ان شاء الله

وباذن الله هاتبقي متعوضـه :)

انتي اعدادي ؟

إن شاء الله. أنا إعدادي آه.

اقتباس:

---

المشاركة الأصلية كتبت بواسطة Mouri Ran

إن شاء الله. أنا إعدادي آه.

---

ربنا يوفقك ان شاء لله وتبقي سنـه سعيده عليكي :)

آآآميــن :).

الندوة مش بكرا ؟

اقتباس:

---

المشاركة الأصلية كتبت بواسطة Mouri Ran

الندوة مش بكرا ؟

---

النهارده ان شاء الله الساعه
2 بمدرج الفرقه التانيه
هاتنورينا يا دكتوره وياريت تعرفينا بنفسك
:hi: :hi: :hi:

:290:

حظي جميل جدااااااا .. أنا عندي النهاردة من 2 لـ 5 .. يلا قدر الله وما شاء فعل.

انا حضرت الندوة وسبت محاضرة بس يا ريت قدام تقولوا من بدري وتعلنوا عشان نقدر نحضر ونقول لأصحابنا. المحاضرة كانت مفيدة وزعلت جدا ان العدد كان صغير كدا.

اقتباس:

---

المشاركة الأصلية كتبت بواسطة Mouri Ran

انا حضرت الندوة وسبت محاضرة بس يا ريت قدام تقولوا من بدري وتعلنوا عشان نقدر نحضر ونقول لأصحابنا. المحاضرة كانت مفيدة وزعلت جدا ان العدد كان صغير كدا.

---

الحمد لله انك استفدتي
معرفتيناش بنفسك ليه بقي محنا كنا كلنا قاعدين مع بعض :)
ان شاء الله بعد كده هايبقي من بـدري جدا :))

أنا سألت عليكي بس كنتي تحت تقريبًا .. كنت انا وبنتين من أصحابي من إعدادي قاعدين جنب بعض ودخلت وخرجت مرة كدا :).

اقتباس:

---

المشاركة الأصلية كتبت بواسطة Mouri Ran

أنا سألت عليكي بس كنتي تحت تقريبًا .. كنت انا وبنتين من أصحابي من إعدادي قاعدين جنب بعض ودخلت وخرجت مرة كدا :).

---

ويا ترى انتى كنتى انه بنت فيهم الاتنين اللى شبه بعض اوى ولا التالتة ؟:)

ههههه من اللي شبه بعض دول.. واحدة أنا (بسنت) كنت لابسة طرحة اسود في أحمر والتانية بنان هنا في المنتدى (راقيه بأخلاقي).. أنا كنت خرجت فترة من الندوة. التالتة مش مسجلة هنا لسا :)

http://www.pharma-board.com/board/member.php?u=7371