فعلا البروتين جزئه صعب جدااااااااااااااااااااااااا الواحد مش عارف يعمل ايه يلاقيها منين ولا منين يلا ربنا يستر
عرض للطباعة
فعلا البروتين جزئه صعب جدااااااااااااااااااااااااا الواحد مش عارف يعمل ايه يلاقيها منين ولا منين يلا ربنا يستر
يا جماعة امانه عليكم اللى يلاقى حل لجزء البروتين يقولى اعمل ايه لا هو راضى يتحفظ ولا انا عارفة افهمه
هو المشكلة انه يمكن مختصر شوية .. فلا احنا عارفين نفهمه صح ,, ولا احنا نافعين نحفظه كما هو لأن كدة يبقى صعب جدااا ..اقتباس:
المشاركة الأصلية كتبت بواسطة سوزران
عايز تدوير ع النت و قراية شاملة عشان تفهمي الموضوع ..
وحيث اننا دلوقت في وضع حرج جدااا ..
و مفيش وقت نهائي ..
أوعدك و الله باذن الله لو ربنا كرمني و خلصت البروتين النهاردة هحاول أعمله مشاركة كبيرة فيها مفاتيحه ..
أنا جزء د- أحمد ربيع لسة ..
ربنا يسترها و يمنحنا الصبر و القوة ..
اقتباس:
المشاركة الأصلية كتبت بواسطة pharmacistina
شكرا يا منى ربنا يكرمك وتخلصى وتساعدينى انا بجد تايهه فى البيو
البروتين اهم حاجه الامراض وانزيماتها الامينو اسد اللي فيها سلفر اي حاجه فيها ون كربون ميتابولزم السكونس بتاع التفاعلات جمعوا درجات احسن من مفيش اللبد تمن ورقات نادر نزلهم _بيو يعني بخار يعني ورقه وقلم يعني لازم ريفجن لازم مزاكره بفهم
Protein M.etabolism
أولا .. لابد من حفظ الـ structure بتاع كل الـ amino acids العشرين اللي احنا خدناهم الترم الأول ..
و دة شيء مفروغ منه .. أنا جيت أذاكر بدون ما أحفظهم لقيت no way للفهم ..
ثانيا .. المفروض احنا نركز تماما بشكل عام في البيو على الأمراض الناتجة من نقص أي enzyme و أعراضض هذا المرض .. دي هي مواضع الأسئلة ..
ثالثا .. الأرقام للأسف احنا مطالبين بها ..
يعني الانسان بيفقد 30 - 55 جرام بروتين كل يوم نتيجة protein catabolism
وتلاقي الانسان المفروض ياخد يوميا 65 جرام بروتين في اليوم .. عشان يعوض الفقد
و غيرها من أرقام أعتقد ممكن تيجي ..
الـ amino acids مقسمة الى essential و non- essential .. صح
و الـ essential هي : VILLA M H = Ten Thousand Pounds
Valine , Isoleucine , Leucine ,Lysine , Arginine , Methionine , Histidine , Tryptophan , Threonine , phenylalanine
و دول لازم الانسان ياخدهم في الـ diet ولو نقصوا يعملوا أمراض
و الباقيين non - essential .. الكبد بيصنعهم من اللي فاتوا دول .. فلو نقصوا في الـ diet مش مشكلة
في بعض دول العالم الفقيرة .. النيجر و جنوب افريقيا و الكلام دة بينقص من عندهم أحماض أمينية أساسية فبيحصل عندهم خصوصا في الأطفال Kwashiorkor
في الكبار بيحصل -ve nitrogen balance . بيبدي الجسم يستهلك بروتين نفسه ..
التركيز ع الأمراض .. أعتقد هي اللي هتيجي في الامتحان ..
يعني ايه Nitrogen balance
و الهورمونات اللي بتتحكم فيه ..
طيب .. Aminoacid absorption
وجدوا ان في ست طرق بيدخل بيها الـ aminoacid للخلية من خلال عبوره الـ cell membrane
و الأخير عام لكل الـ aminoacid ..
Gama - glutamyl cycle = Meister cycle
بييجي الـ aminoacid يمر من خلال غشاء الخلية بواسطة انزيم الـ Gama - glutamyl transpeptidase ..
و أول ما يدخل يلاجي الـ GSH مستنيه .. و معروف ان الـ GSH = Gamma - glutamyl cysteinyl glycine
الـ GSH عبارة عن tripeptide من الـ Glutamic acid , Cysteine , Glycine
يتحدوا مع بعض كدة بقى عندك أربع أحماض أمينية شابكة في بعض .. ثلاثة بتوع الـ GSH و الواحد اللي جاي من برا ..
ييجي يشتغل انزيم يكسر الرباعي دة كل اثنين مع بعض ..
Cysteine - Glycine ياخدوا بعض و يروحوا في طريقهم عشان في الآخر هيكونوا الـ GsH تاني
و الـ Gamma-glutamyl مرتبط لسة بالـ Amino acid بتاعنا ..
يتفكوا عن بعض بواسطة الـ Gamma - glutamyl cyclotransferase
كدة نجحنا في ادخال الـ aminoacid الي داخل الخلية ..
أما الـ gamma - glutamate بيتحول الى 5 - oxoproline .. يتفك في الآخر و يرجع يتحد مع الـ
هذه العملية كلها الـ Meister cycle تستهلك 3 ATP .. يعني دة Active transportاقتباس:
Cysteine - Glycine ياخدوا بعض و يروحوا في طريقهم عشان في الآخر هيكونوا الـ GsH تاني
أهم حاجة Oxoprolinuria .. سببه ايه ؟؟ أعراضه ؟؟ علاجه ؟؟ مهم جداااا
جميع أمراض نقص الـ GsH من أهم ما يمكن ..
أنا بقول من ورق أ . ع . ع
-----
من مواضع الفهم و اللي هتيجي غالبا في الامتحان ..
Cori - cycle وو glucose alanine cycle
كوري دي موجودة في الـ Blood glucose .. و موجودة في البروتين .. لأن المادة أصلا كلها متصلة ..
دلوقت في جسم الانسان الـ muscles لما بتنقبض .. محتاجة طاقة .. فبيحصل الـ anaerobic glycolysis ..
ايه نتائج هذا الـ anaerobic glycolysis ؟؟
بتكون النتائج Pyruvate وبعدين Lactate ..
هل من مصلحة الجسم ان تظل الـ Lactate متركزة في الـ muscle ؟؟
أكيد لأ .. لأن الـ Lactate وجوده في العضلات بيعمل شد عضلي و آلام شديدة ..
فمن رحمة الله ان من خلال Cori - cycle بتروح الـ Lactate تخرج من الـ muscle تروح لتيار الدم و توصل الى الـ Liver .. هناك تتحول الى Pyruvate ثم Glucose يستغل هذا الجلوكوز تاني بواسطة الـ muscle لانتاج طاقة ..
يعني الهدف من Cori - cycle حاجتين :
1- التخلص من الـ Lactate اللي كانت لو هتفضل هتعمل muscle ache
2- استغلال الـ lactate في تصنيع جلوكوز و الانتفاع به من جديد
حتى تلاقي ساعات لاعب كرة القدم لما يحصله شد عضلي شديد دة بيكون نتيجة حدوث خلل في نفاذ الـ lactate من العضلة الي تيار الدم .. فتركيز الـ lactate يزيد في الـ muscle و يحصل الألم الشديد ..
و الحل يروح حد يدلكها فيعمل enhancement of diffusion of lactate from muscle to blood stream then to liver
و الـ Glucose - Alanine cycle تشبه Cori - cycle بالضبط
الهدف منها نفس الهدف ..
بس ميزة الـ Glucose - Alanine انها كمان بتخلص الجسم من الـأمونيا ..
بيحصل transamination of pyruvate جوا الـ muscle و ينتج Alanine يروح للدم بعدين للـ Liver يتحول الى يوريا و يغادر الجسم في الـ urine أو غيره ..
هنا الـ glycolysis بيقف عند الـ Pyruvate .. و أصلا الـ Lactate ممكن بسهولة تتحول الى pyruvate ..
Urea cycle
من أهم ما يمكن .. لازم هتيجي في الامتحان ..
هدفها تخليص الجسم من الـأمونيا ..
لأن لو نسبة الأمونيا زادت بتعمل مشاكل كتير و بتوصل للاغماء زي بالضبط في حالة الـ Hepatic coma ..
هي Cycle لأن تلاقي الـ Ornithine aminoacid داخل في ثاني خطوة .. وخارج في الخطوة الأخيرة فكدة تبقى Cycle ..
في علاقة تداخل و تكامل ما بين الـ Urea cycle و الـ Kreb,s cycle ..
لأن الـ Aspartate اللي ناتج من كريبس بيتفاعل مع الـ Citrulline و يكمل في الـ Urea cycle
و كمان تلاقي الـ Urea cycle بتنتج Fumarate بتكمل في الكريبس .. و هكذا
الباقي عليكي مذاكرته لكن بجد الـ Urea cycle أعتقد لازم تيجي ..
Tyrosine aminoacid is non-essential as it can be synthsized from phenylalanine by hydroxylation , by phenylalanine hydroxylase enzyme
If defficiency in phenylalanine hydroxylase , Tyrosine becomes essential aminoacid
بصراحة أنا كمان تهت في كتر الورق اللي قدامي ..
فبجد مش عارفة أقول ايه تاني ..
اقرأي البروتين و اعملي Focusing على كل ما يتعلق بالأمراض ..
و لو في حاجة عايزة تستفسري عنها النهاردة .. ربنا يسهل ..
ربنا معانا ..
بكرة ليلة الامتحان ..
-----
معلش لو أنا مقدرتش أساعدك أوي ..
لأن أنا كمان متأخرة أوي و الله ..
و البروتين كبير أوي كمان ..
pharmacistina بجد بارك الله فيكي ..
و ربنا يوفقك .. مجهود كبير جدا ..
و اكيد ربنا هيجازيكي عليه كل خير :)
بالتوفيق للجميع ان شاء الله
اقتباس:
المشاركة الأصلية كتبت بواسطة pharmacistina
انا بجد مش عارفه اشكرك ازاى ربنا وحده اللى يجزيك خير الجزاء على اهتمامك وتعبك معايا بجد انا مفيش فى ايدى الا انى ادعيللك ربنا يكرمك ويوفقك وان شاء الله امتياز السنه دى يا منى ربنا يكرمك
مهم اوى يا جماعه القانون بتاع حساب الطاقه اللى فى الدهون مهم جدا وممكن مش يقول عدد الكربونات ويقول الاسم بس