>> @@ .. فضفضه .. فضفض وطلع اللى جواك .. @@ >>

هههههه كنت بدور فى الموضوع دا على حاجة اتفاجات بكم كتاباتى فيه اكنى كنت محتكراه ليا ومش واخدة بالى من كم الفضفضة :-d

اكيد قابلنا ولسه بنقابل شخصيات في حياتنا بتغير فينا ممكن للاحسن وممكن العكس بس في كلتا الحالتين اكيد بتسيب انطباع بنبقا دايما فاكرينه ،حتى ولو مش كويس بس بردو بنتعلم منه.
بس اني اقابل شخصية مستفزة غبية ومغرورة كده تخليني مش قادرة اسمع اسمها ولا اتواجد معاها في مكان واحد وابقي عصبية بمجرد ذكر اسمها دا بقى اللى عمري ما قابلت ويارب لا اقابل تاني حد كده. ويارب يهديكي لتبعدي عني بشرك او حتى خيرك

الحمد لله 😔

بيبقا فيه كلام كتييير بتفكر فيه وعايز تقوله بالرغم من دا كل اللي بتعمله بتسكت وبس لأنك عارف انه مش هيجيب نتيجة وكمان هتطلع انت غلطان في الاخر.... فتبقا محتار تقول ولا الكلام يتراكم

بيبقا فيه وقت بتبقا متأكد من اللي عايز تعمله جدا وان دا احساسك ومش هتعرف تكمل للاخر بس علشان حد ممكن يتأثر باللي هتعمله بترجع في تفكيرك وتسكت وخلاص بالرغم ان دا ممكن يأثر على سعادتك وتدخل في دايرة الحيرة والقلق والتفكير المستمر لاما هتتعب من كل دا لاما تبطل تفكير وترضي بالواقع المفروض عليك
فضفضة ملهاش لازمة بس دا بقا المكان الوحيد اللي ممكن اتكلم براحةفيه 😊

يارب ييسرها من عندك...
احساس مش حلو انك تحس انك مش فارق مع اللي قدامك عادي يعني بالرغم انه اكتر احد المفروض تبقا فارق معاه. مع الوقت بتتعود تتضايق وتتخنق وتحس انك لوحدك عادي يعني مهيا مش فارقة بقا

فيه وقت بيجي عليك دايما بتسأل نفسك انت صح ولا غلط بتحس انك تايه ومش عارف تاخد قرار ولاحتى من حقك تعترض على حاجة فبتحس انها خلاص مش فارقة اي حاجة والسلام. بس السؤال الأصعب اللي ملوش رد لحد امتى؟

الوقت بقا بيعدي بسرعة والايام بردو. بنتمني ان الوقت يقف او يرجع لورا وبالرغم اننا عارفين ان دا مستحيل بس مش بيمنعنا من التخيل او التمني

الفكرة مش في عشت كم سنة..
الفكرة في كم سنة حسيت أنك عايش.....تفرق

في مشكلة الرسالة مش بتتبعت 😊

ولما تلاقينا على سفح رامة.....

فيه وقت بتبقا قلقان على حد معين غصب عنك وبالذات لو عرفت انه وقته صعب ودايما تسأل هوا كويس ولا لا فبتبقا اللي عايزه انك تطمن عليه وتعرف اخباره حتى لومش ليك الحق في دا وممكن حد يشوف تصرفك مش صح بس المهم عندك انك تعرف انه كويس

ممكن يجي يوم يبقا ليا نصيب ان اقابلك صدفة زي اول مرة اقابلتك فيها.. في رعاية الله وربنا يوفقك ويباركلك في حياتك واتمنالك الخير دايما

ربنا يستر علينا ويعدي الظروف دي على كل الناس امين يارب
احساسك بالخوف من شي مش عارف هيصيبك امتي وحش اوووي ،واخد احتياطات وحذرك تمام بس بردو ميمنعش احساس القلق والخوف المستمر ربنا يحفظنا يارب

احساس غريب بتحسه بالرغم انك مش بتبقا عارف ليه وازاي زي انك بتحس انك قلبك مقبوض وقلقان من غير سبب وبردو انك مرتاح ومبسوط ومن غير سبب بتبقا مستغرب نفسك وبتفكر كتيير

ممكن الظروف والاوقات اللي بنمر بيها بتتحكم شوية في ردود افعالنا على مواقف معينة او ممكن احنا متخيلين دا ودايما نسأل نفسنا لو الوقت والظرف اختلف هتكون دي نفس ردود افعالنا ولا لا ،أو ممكن علشان حاجة تانية خالص بتكون دي ردود افعالنا, حتى لو مختلفة عن طبيعتنا والمفروض نعمله, بس بنتحجج في الوقت والظرف
علشان نداري وراه ضعف اوقلة حيلة او خوف على حد مميز بنحميه. ومع الاحساس دا بنفضل في حيرة ملهاش إجابة.....

قلبي مقبوض... لعله خير يارب

في وقت بيكون جوانا كلام كتييير بنتمني نقوله او نلاقي حد يسمعه بس مينفعش يتقال اكن مصيره انه يفضل جوانا وبالرغم كده بتبقا مبسوط بيه حتى لو متقالش....

وعل النقيض في كلام بتبقا عايز تقوله وبالذات لو انت في موقف اتهام بس ممكن خوفك من اللي بيسمعك وانك متأكد انك هتتفهم غلط وهتطلع غلط بتحتفظ بيه جواك وبيفضل مصيره بردو انه يبقا جواك بس بتحس انك مضغوط اوووي ومش مبسوط انه جواك...
احساسين مختلفين وكلام مختلف بالرغم انهم الاتنين جواك..

‏اللهم اني نويت صيام رمضان إيماناً واحتساباً لوجهك الكريم، فاللهم أعني على صيامه وقيامه وتقبله مني واغفر لي ما تقدم من ذنبي وما تأخر، وإن توفيتني قبل حلوله، فاكتبني من الصائمين الصالحين......
رمضان كريم🌙

في وقت بنحس ان قلبنا تقيل كده ومقبوض وبنستغرب السبب او علشان مش عارفين بس علي كل حال الحمد لله ولعله خير يارب

احساس وحش انك تحس ان فيه حد بيجي عليك علشان طيبتك وانك بتتعامل بذوق ولمجرد انه يبعد عن الاحتكاك بشخص تاني بيعمل مشاكل وقليل الذوق وقتها مش بتبقا عارف دا عيب فيك ولا حاجة كويسة وازاي تتعامل بعد كده ورد فعلك هيبقا ايه وبتخاف ان تتغير مع المواقف دي
،،،، بس اللي يضايق اكتر انك لما تيجي تكلم مع حد قريب ليك يحسسك انك مش فارق معاه ولو كتر خيره كلمك يبقا بيحسسك انك غلط،، وقتها بقا مش بتبقا عارف تزعل على ايه ولا ايه.... عموما الحمد لله على كل حال

الحمد لله على كل شي،،
الحمد لله دائما وابداااا.....

في وقت بيعدي علينا بنتمني نتكلم مع حد في كل حاجة جوانا ويسمعنا ويبقا حريص او مهتم انه يسمع من غير انتقادات ولا صح وغلط ولا اي حاجة لأنك في الوقت دا مش محتاج نصيحة اد مانت محتاج تطلع اللي جواك وفي نفس الوقت تبقا مطمن معاه ومش خايف يفهمك غلط او تحس في اي وقت بالندم انك اتكلمت معاه،،،،، بس يتهيالي صعب انك تلاقي حد كده وبالرغم من كده بيفضل عندك امل في دا....

فيه وقت بتحس اوووي ان فيه قرار مهم بتتمني تاخده وانه من حقك ونفسك يتحقق باي شكل لان فيه راحتك وحريتك واحساسك بالطمانينة وهتوقف حاجات كتير فيك بتروح وترجع نفسك اللي خايف تختفي مع الوقت ،،،، وبالرغم من دا مش عارف تاخده ازاي ولا هيجي امتي
اكنك في متاهة مش عارف تخرج منها والاحساس دا هيموتك ومش قادر تتحمله ومش عارف تعمل ايه

(عيد سعيد)

ربما في يوم ما ،،،،
سنجد المكان الذي تلتقي فيه احلامنا مع الواقع ...

قلبي مقبوض مش عارفة ليه،لعله خير.....

I hope you are feeling better

احساس غريب ومن غير سبب، بس مخليني مرتاحة ومطمنة

أسوأ فترات حياتي. بعيد عن ربنا وبعيد عن اهلي وغير موفق في عملي والدنيا مقفولة والحركه مشلولة والصحة تعبانه . اللهم ردنا اليك وارفع عنا البلاء والوباء

نتأقلم ونتأقلم ونتأقلم........!

"وأفوض أمري إلى الله إن الله بصير بالعباد"

قلبي مقبوض!!!

بيجي وقت بنحتاج حد يطمنا،، يقولنا اننا لسه بخير وكل شي هيبقا بخير،،، والاحساس دا مش احتياج اكتر منه انك بجد عايز تصدق انك بخير وكل شي هيبقا بخير....

احساس صعب انك تبقا في وضع اختيار بين راحتك وسعادتك وحياة وسعادة شخص مسؤول عنه.،،،بتخاف تظلمه لو اخترت نفسك وبردو بتخاف لو اخترت سعادته ميكونش القرار في مصلحته،،، مش بتبقا عارف تعمل ايه وايه الاختيار الاصح وبتحس بحيرة ومتاهة مش عارف تخرج منها.... يارب اخترلي ولاتخيرني....

قلبي مقبوض لعله خير

في اماكن لما ترجعلها بعد فترة طويلة من الغياب وبالذات لو ليك فيها ذكريات بتحس باحساس غريب مش بتبقا عارف خايف ولا مبسوط بس الاكيد انك بتفتكر كل حاجة فيها اكنه امبارح وانك لسه عايش فيها....

احساس غريب، مش عارفة في ايه بس لعله يكون خير،،،

قلبي مقبوض لعله يكون خير،،،،،،

" عيد سعيد "