الطريقة الاولي يأتى مشترى لابس محترم ( شيك) ويطلب أدوية غالية عامة( زى بلافيكس مثلا) مع حاجات تانية مش غالية ( و أحيانا مالهاش علاقة ببعضها) مثلا يقولك عاوز بلافيكس بتاع الجلطة و عاوز أنتينال المطهر .
و يطلب 3 أو 4 حاجات رخيصة كمان .... و يقولك أحسب لى الحسبة يا دكتور ... طبعا هتلاقى الموضوع دخل فى 400 جنية ....
فيقولك طيب و إيه الغالى فى الدواء ده .. هتقوله :البلافيكس ...
هيقولك : طب معلش بلاش منه دلوقتى و هاخد الباقى و يحاسب
على الباقى ( بتاع مثلا 30 جنيه) .
تاخد منه الفلوس و يمشى المحترم ............!!!!!
ثـم تـفاجـأ بـالـمـصـيـبـة ؟.؟.؟؟!؟!؟!؟!؟:ai:
تيجى يا باشا تحط علبة البلافيكس فى مكانها ....تلاقيها
فاضية من جوة.... طب ازاى ؟!؟!؟؟!؟!؟!؟!؟؟!؟!؟!؟؟!؟!؟؟
لأن حضرتك لما هوه طلب منك البلافيكس حطيتها أمامه على الريون و هوه كان معاه واحدة فاضية ( شال دى و حط دى) وأنت رايح جاى تجيب فى باقى الأصناف اللى طلبها سيادته..
كيف نتحاشى تلك الطريقة؟
لا تعطى الزبون ظهرك أبدا إلا و أنت متيقظ جدا ( عينك فى ظهرك).
لا تضع الدواء أمام العميل و تتركه يفتح العلبة و يقرأ النشرة أو أو..... وأنت بعيد عنه.
حاول على قدر الإمكان ألا تقف وحدك فى الصيدلية ( يكون معك مساعدأو عامل).
بص للى أمامك كويس و لاحظ طريقة كلامه و وقفته .
الطريقة رقم 2 للنصب
زى اللى فوق بس يخطف الدواء كله و يجرى ( ممكن يكون موتوسيكل معاه بره ).
العلاج
زى اللى فوق .. و خد بالك و هو داخل ممكن يكون بيسربعك و يستعجلك و بعدين لاحظ لو جاى راكب موتوسيكل يبقى تصحصح له كويس قوى.
ملحوظة مهمة:::
ما تخليش اللى قدامك يأخد باله إنك بتراقبه أو شاكك فيه لأنه و ببساطة ممكن يكون زبون محترم فعلا و بجد مش نصاب .
أحيانا لو النصاب خد باله من مراقبتك له هيلم نفسه و يعتذر بأى حاجة و هيمشى على طول ...
نسأل الله السلامة . آمين
و إلى اللقاء فى الحلقة القادمة القادمة من النصب
و السلام عليكم و رحمة الله و بركاته منقوووووووول
