السلام عليكم و رحمة الله و بركاته ..
تحية طيبة لكل إخواني و أخواتي في منتدي صيدلة الجميل .. و بعد ..
أخباركم إيه يا جماعة ؟؟؟ و عاملين إيه .؟؟ و أخبار مزاجكم إيه ؟؟ يا رب تكونو في أتم صحة و عافية و سعادة ..
و ربنا يطمن قلوبكم على النتيجة بإذن الله ..
أنا قلت من أولها كده و عشان نبقى منظمين شوية .. جت ف دماغي فكرة :fop5: حاسس إنها هتفيدنا و هتوفر وقتنا و مجهودنا و مش هتخلي أي حد لما يدخل المنتدى يتوه و يقدر يوصل بسهولة للي بيدور عليه :fop1: ..
دلوقتي الاقتراح كالآتي :
يا ريت نعمل لكل مادة ساحة حوار خاصة بيها .. و طبعا عارفين الكلام ده معناه إيه ؟؟ :qi::qi:
طيب طيب .. هوضح أكتر ..
يعني مثلا .. العضوية هيبقى ليها ساحة حوار مستقلة .. فيها كل حاجة .. محاضرات ،، سكاشن ،، إعلانات ،، اللي عنده سؤال و مش عارف إجابته يلاقيه هنا ،، و أي حاجة تخص العضوية يلاقيها ف مكان واحد ..
بكده اللي داخل المنتدى مش هيقعد يدور على اللي هوا عايزه و أحيانا كتير مش بنلاقي كل اللي محتاجينه ..
يعني أنا أبقى عايز أي حاجة تخص صيدلانيات عارف مكانها فين و لو محتاج حاجة زيادة أو عندي سؤال اكتبه في ساحة حوار المادة دي و أكيد هتلاقي اللي يرد عليك ..
اتمنى التوفيق للجميع و اتمنى اسمع آرائكم بخصوص الاقتراح ده .. و يا رب ننجح كلنا و نقدر ناخد بايد بعض و ننفع بعض .. و نبقى من اللي قال عليهم النبي عليه الصلاة و السلام : " أحب الناس إلى الله أنفعهم للناس ، وأحب الأعمال إلى الله عز وجل سرور يدخله على مسلم ، أو يكشف عنه كربه أو يقضي عنه ديناً أو يطرد عنه جوعاً ، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته ، ومن كتم غيظه ولو شاء أن يمضيه أمضاه ، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام .." ..
اللهم اجعلنا ممن تحبهم و يحبونك ..و اعنا على خدمة دينك و المسلمين .. و ادخلنا برحمتك في عبادك الصالحين .. اللهم آمين
تقبلوا تحياتي .. :fop (28)::fop (28)::fop (28):
