شارك معانا وخد الثواب

[Alaa_Resala]

الحملة دي موجهة للفرقة الرابعة

خلاص قربتوا تخلصوا امتحانات العملي

وكلها كام يوم وتستريحوا من عناء السحاحة والفاس والفلاسكات والماصات وإلخ إلخ

ايه رأيكو لو تكسبوا ثواب بأدواتكو وتبقى صدقة جارية ليكو بعد ما تتخرجوا

وطول ما الأدوات موجودة ...انت كسبان بيها حسنات

والعدااااااااااااد بيعد





اللى يحب ياخد كمية الحسنات دي بإذن الله

يشارك معانا فى حملة تجميع الادوات

ويعرف اصحابه ( والدال على الخير كفاعله)


التجميع فى أوضة المعاون فى الكلية القديمة( للى مش عارف اوضة المعاون : هي الاوضة اللى جنب الحرس)

ولو لاقيتها مقفولة سيبها مع عم فايق اللى فى المايكرو

او فى الجمعية العلمية


طب الأدوات دي بتعملوا بيها ايييييه؟؟

الادوات بنحاول نوصلها لزمايلنا اللى مش بيقدروا يشتروها وده بالتعاون مع رعاية الشباب


آسفة على الإطالة...

وجزاكم الله كل خير

[kandoo]

شكرا على المجهود الكبير وربنا يوفقكم

[DoAa_RESALA]

شكرا يا قنديل وان شاء الله كلكم تساعدوا معانا في الموضوع ده

[AlaDDin]

فكره جميله و مجهود كبير ..

ربنا يوفقكم ان شاء الله

[DoAa_RESALA]

شكرا يا علاء

[Alaa_Resala]

أتت الحملة بثمار هائلة كانت متوقعة طبعا من أخواتنا فى الفرقة الرابعة

وعشان الكمية اللى جتلنا من الادوات كانت أكتر من السنة اللى فاتت بحوالى 3 اضعاف

فهنفرز الأدوات يوم الاتنين والثلاثاء 7,8/7 ان شاء الله وهنحتاج ناس كتير تفرز واهو ناخد كلنا ثوابها مع بعض

اللى يحب يشارك معانا فى الفرز

هنستناه يوم الاتنين والثلاثاء الساعة 10 ونص -11 أمام الكلية الجديدة

[pooooh]

ممكن اشترك معاكوا؟

[Alaa_Resala]

طبعا ممكن
هنستناكي يوم الاتنين فى الكلية ان شاء الله زي ما اتفقنا

[DoAa_RESALA]

يا ريت يا جماعة اللي هييجي يأكد علينا هنا او في رسالة خاصة يوم الأحد ان شاء الله علشان نستناكم

[semosoro]

كان يار يت اكون معاكم
بس قلبى معاكم