جدول مزاكرة

[عائشة]

السلام عليكم ورحمة الله وبركاتة

كل سنة وكل الفرقة طيبة
حد اخد بالة يادكاترة ان نصف الترم تقريبا عدى
اية رايكو لو نعمل جدول مزاكرة للمحاضرات والعملى بالمرة اللى بقى تقريبا على الابواب
يلا منتظرين جدول يعنا على المزاكرة ونقدر نلحق بية باللى فات
ياريت الكل يشارك ونتفق على احسن جدول ونطبقة
بالتوفيق ان شاء الله لكل الفرقة

[ضياء القلب]

جزاكى الله خيرا ياعائشه ع طرح الفكره
ومعاكى باذن الله
ومنتظرين رد بقيه الدكاتره

[charmed]

معاكو باذن الله بس بسرعة

[pharmachemist]

وانا كمان معاكم بس نبدا من المحاضرات الاخيره التحليله معظم الدكتره زكروها والصيدلانيات بتذاكر سريعا والميكرو نزل اهم الاسئله وكلهم 8 صفحات يبقي لسه العضويه و العقاقير شفتوا الدنيا سهله ازاي يا نشجع بعض ونبدا

[روميساء]

ياريت يبقى فى جدول مناسب كده نشجع بعض عليه منتظرين

[عاشق الأقصى]

معاكم ...

إن شاء الله .....

[ضياء القلب]

طب ايه راى حضارتكم كل واحد مننا يعرض تصوره للجدول هنا ونختار مع بعض الاحسن بحيث ان الجدول النهائى يكون جاهز على اخر الاسبوع ونبدا مذاكره بعدها على طول ونستغل كمان اجازه ال3 ايام
لانها بصراحه فرصه متتعوضش
منتظرة راى حضارتكم

[Sara Saso]

احنا عندنا شيت عقاقير الأسبوع الجاى ع 6 سكاشن ممكن نستغل الفرصة ونزاكر معاه جزء د/ سحر وكمان فيه ناس عندها لسه بحث الميكرو ممكن نخلصه برضة فى الفترة دى

[عاشق الأقصى]

احنا عندنا شيت عقاقير الأسبوع الجاى ع 6 سكاشن ممكن نستغل الفرصة ونزاكر معاه جزء د/ سحر وكمان فيه ناس عندها لسه بحث الميكرو ممكن نخلصه برضة فى الفترة دى

فكرة كويسة ان احنا نذاكر جزء الدكتورة سحر ... تمام جدا

حد ينزلنا جدول يللا ...

[pharmachemist]

العقاقير نزل فيها ست محاضرات لو نبدا كل يوم محاضرتين من يوم الخميس يبقى الخميس محاضرتين والجمعه محاضرتين والسبت محاضرتين والاحد مراجعه كل الست محاضرات والاثنين كمان يبقى كده خلصنا جزء الدكتوره سحر ونزاكر معاها بقى ماده مش محتاجه حفظ كتير زى العضويه نزل 9 محاضرات حتى اليوم يبقى كل يوم من يوم الخميس محاضرتين يبقى على الاتنين خلصنا جزء الدكتور سحر وجزء د حسن عيسى