الشكل النهائى للمطالب .....

[da_mysterous]

بسم الله الرحمن الرحيم

بعد مانزلت الموضوع الخاص بطلبات الفرقه الثالثه والاستفتاء على الطلبات المقترحه ولقيت ان فى 110 صوت الى الان فى خلال اقل من 24 ساعه تم الموافقه من قبل الطلبه التى قامت بالاستفتاء على الموقع هنا
وكانت الاقتراحات هى .....

1-معامله الطلاب بشكل لائق يتماشى معهم فى كونهم دكاتره للمستقبل
2- تغيير سياسه الكليه من حيث ....
أ-الاستماع للطلبه
ب-الشكل والسعر والمضمون للكتاب الجامعى
ج- تقبل سياسه النقد بصوره طبيعيه مع الاعتبار ان الطلبه سيلتزمزن بالادب

3-الحفاظ على راحه الطلبه من حيث:-
أ-وجود جدول صحيح وييتماشى مع الطلاب ومع القدرات الذهنيه والاستيعابيه للطلبه
(يعنى مايبقاش فى يوم عندي فيه الجدول من 8 الصبح لغايه سته بالليل ويوم تانى عندي فيه محاضرتين )
ب- توفير كرسي لكل طالب ف كل معمل ...راحه فعليه بين كل محاضره مش كلام وخلاص موجود ف الجدول منين كاتب المحاضره من 9-10 واللى بعدها 10-11 طب العشر دقايق دوول فين ....؟!..؟!
ج- تحديث المناهج الدراسيه واساليب التدريس وطريقه وضع الكتاب اللى بيبقى محشى معلومات وخلاص (يعنى مثلا انا احفظ ليه اوريجين ف الفيتو ...انهاء مبدا البصم بقى
مش التعديل ف اسلوب الامتحان ويبقى الطلبه والكثير من الدكاتره متعرفش النظام يبقى ازاى
د- النظر فى اخطاء الترم الاول من ناحيتين ....طريقه وضع الامتحانات ....طريقه وضع السؤال ...طريقه توزيع الدرجات (ماينفعش ابقى ماشى على نظام الامريكان اللى....اربعه غلط تشيل صح وانا اعمل سؤال واحده صح تشيل واحده غلط )
ه- عقد دورات تدريبيه وورش عمل بين الطلبه والدكاتره (مش عيب ابدا لما اتكلم مع الدكتور ويفهمنى ويناقشنى ويا تقنعنى... ويا... اقنعك)
ويبقى فى فعلا تدريب صيفى مرتبط بالكليه مش عيب يعنى مش اجيب ورقه مختومه من الصيدليه ان انا اتدربت طبعا الموضوع ده انا اللى هستفاد بيه وانا اللى هثقف نفسي وانا اللى هستفاد عشان لو متدربتش للاسف هيبقى ولا كانى درست حاجه ....!!!
4-وجود ممثل من كل مجموعه وليس من كل فرقه (اتنين من كل فرقه) على اتصال بالكليه.... ووجود دكتور مسؤل عن كل فرقه للتواصل معها والسماع لمطالبها

5- تفعيل الدور الاجتماعى ف الكليه

6- تغيير سياسه الكثير من الاقسام ف التعامل مع الطلبه (خاصه قسم الصيدلانيات )

7-تحديد مواعيد زمنيه مسبقه لكلا من الامتحانات سواء كانت (شيتات -عملى نظرى)
على ان ....
أ-يراعى الفارق الزمنى المناسب بين كل ماده وفتره كافيه بين امتحانات الشفوى والنظرى وميحصلش زي اللى حصل الترم الاول (80 امتحان شيت ف فتره صغيره وقبل النظرى )

ب-وان يراعى ف الامتحانات والمناهج الترابط الواضح(يعنى ماينفعش يبقى النظرى ف وادي والعملى ف وادي تانى )
ج- ان تكون الامتحانات الشفويه عادله من حيث توزيع الدرجات ومن حيث الدكاتره (الشفوى طبعا اساس الكوسه عندنا ف الكليه )

بالنظر الى الاقتراحات الاخرى المقدمه من الطلبه تم زياده بعض النقط الهامه التى اقترحها الكثير من الطلبه وهى ....

1- البت فى نظر ماده الصيدلانيات من حيث:-
التحقيق مع الدكتور حمدي بشان القرارات التعسفيه التى قام بعملها ضد طلبه الفرقه الثالثه والدليل
(اول سكشن امتحن عملى الماده ف الترم الاول )
(درجات الطلبه ف الماده......بيتهيالى الكليه لازم تفسر الدرجات ديه ..... )
(عدم مراعاه الظروف الخاصه لبعض الطلبه فى عدم تمكنهم ف حضور ميعادهم وعده السماح لهم بالحضور ف اي سكشن ثانى ...مع العلم ان التاخير لمده دقيقه يتم طرده وحرمانه من دخول السكشن ...!)

مع العلم انه مع الاحترام الكامل لسيادته اجمعت الاغلبيه من الطلب على عدم رغبتهم الفعليه فى تدريس سيادته لنا ف الترم الثانى او فى الفرقه الرابعه لو كان فى عمر ان شاء الله

2- البت فى امر ماده البيو اساي من حيث...
أ- درجات الامتحان
ب- عدم التزام واضع الامتحان بالسيستم المقرر به نظام الجوده
ج-طريقه وضع الاسئله(مش عيب لما الدكاتره تاخد دورات تدريبيه ف كيفيه وضع الامتحان اذا كان لا يوجد لديهم الخبره )

3- بشأن امتحان الفارما يراعى النظر فى امتحان الدكتوره واضعت جزء ال :ENDOCRINE
وذلك نظرا لما قامت به الدكتوره من وضع اسئله غير مفهومه ف الامتحان وعند سؤالها ف لجنه الامتحان ترد وتقول الامتحان مفسر نفسه ....!

(مع العلم انا اللى مقدم الاقتراح لسه الى الان لم احصل على النتيجه بس الاستماع الى الاراء هو الذى توصل بي الى ذلك

4- الغاء ومعاقبه كل من يتم الوصول الى حق غير حقه او مكان غير مكانه بطريقه غير شرعيه (م الاخر الكوسه اللى بتحصل ف الامتحانات الشفوى )

5- التاكيد على وجود جدول زمنى واضح ومعلن من اول يوم ف الدراسه بشان كلا من :-
1- الجداول الدراسيه (مع مراعاه كل مابها من عيوب لم يتم تعديلها للاسف...!) وتشمل الجدول الدراسي وجداول المعامل.... وجداول الامتحانات التحريريه مع مراعاه الفارق الزمنى الملائم بين كل ماده ونظيرتها ..وبين الامتحانات العملى والامتحانات النظرى .....
بالنسبه لجداول الامتحانات التحريريه يتم وضع الوقت الزمنى المحدد للامتحانات
مثلا (الامتحانات هتبقى من يوم 1-7 لغايه 25-7 على ان يتم وضع جدول مبدئى للامتحانات ويقوم الطلاب بالاستفتاء على الجدول المقترح وفى عدم موافقه الطلاب على الجداول يتم ارفاقها لممثلى الدفعه ويتم التنسيق التام بين ممثلى الدفعه ويجتمعوا ويضعوا الشكل النهائى للجدول بناء على راي الاغلبيه )
بصراحه اللى حصل الترم الاول ف الامتحانات كان لا يرضى احد فجاه اكتشفت اداره الكليه انه فى يوم اجازه ف نص الامتحانات ...!
6- بما ان السكاشن ستصبح كل اسبوع اذن لاحاجه من مزاحمه الطلبه على محاضره شرح عملى ويتم شرح عملى الماده ف الوقت المحدد للعملى
7-(( ولو ان الطلب ده مربوط بسياسه اعلى من سياسات الكليه)) وضع نظام امتحان صيفى تكميلى للطلبه المحملين بالمواد

واخيرا وليس باخر اعلان موعد رسمى للبت فى امر الطلبات المقدمه باسم الفرقه الثالثه ولن يتم التنازل عن المطالب وعلى ذلك اتفق جميع من شاركوا بالاستفتاء ولكم منا فائق الاحترام والتقدير.....
وشكرا

[د.نونا]

ماشاء الله اسلوب راقى جدا فى وضع الطلبات بدعى ربنا انهم يستجيبوا وياريت تطمنونا بكرا عملتوا ايه وايه رد فعلهم لما يسمعوا الطلبات عشان للاسف مش هقدر اجى الكليه

[lolaa]

و كمان د.محاسن مش تدرس لنا تاني مش بس السنة دى ولا حتي في رابعة و كمان د.ناريمان تتنازل عن رئاسة القسم و تدريس الترم التاني هى و د.منار لان د.ناريمان ما كانتش تعرف منهج العملى بتاعنا بدليل لمتحان العملي و كمان كفاية ردودها المستفزة علي كل من اشتكى لها و الي ان تتم الموافقة علي مطالبنا نمتنع عن حضور محاضرات د.حمدي ود. منار ود. ناريمان و د.محاسن

[amira89]

يارب يتم الموافقة على هذه الطلبات

[EAGLE]

يا جماعه ليه حكايه التدريب الصيفى دى ما كل واحد حر فى نفسو يتدرب ولا ما يتدربش انا بقول كدا بس مش عشان دى مساله شخصيه بس عشان يكون فى منطق شويه فى الكلام يعنى مانجيش نقول للكليه راقبونا احنا بنتدرب فى الصيف فى صيدليه ولا بنطنش

[dodhh]

كلام مرتب و منسق جدا ما شاء الله انا موافقه على كل الطلبات ويارب ناخد حقنا احنا بقلنا اربع سنين مخنوقين من النظام

[amona]

ماشاء الله يارب يستجيبوا وكمان اتفق مع الدكتوره محناش عاوزين دكتوره محاسن ولا دكتوره منار ولا دكتوره دينا وربنا يوفقكوا بكره ان شاء الله بس اختلف معاكى دكتوره ناريمان شرحها جميل يمكن مجر بتيش شرحها لكن هى شخصيه محترمه جداوامتحانها من المحاضره بالنص

[انجالى]

و كمان د.محاسن مش تدرس لنا تاني مش بس السنة دى ولا حتي في رابعة و كمان د.ناريمان تتنازل عن رئاسة القسم و تدريس الترم التاني هى و د.منار لان د.ناريمان ما كانتش تعرف منهج العملى بتاعنا بدليل لمتحان العملي و كمان كفاية ردودها المستفزة علي كل من اشتكى لها و الي ان تتم الموافقة علي مطالبنا نمتنع عن حضور محاضرات د.حمدي ود. منار ود. ناريمان و د.محاسن

وانا معاكي ف الكلام ده

[dodii]

و كمان د.محاسن مش تدرس لنا تاني مش بس السنة دى ولا حتي في رابعة و كمان د.ناريمان تتنازل عن رئاسة القسم و تدريس الترم التاني هى و د.منار لان د.ناريمان ما كانتش تعرف منهج العملى بتاعنا بدليل لمتحان العملي و كمان كفاية ردودها المستفزة علي كل من اشتكى لها و الي ان تتم الموافقة علي مطالبنا نمتنع عن حضور محاضرات د.حمدي ود. منار ود. ناريمان و د.محاسن

على فكره دكتوره منار هي اللي كانت حاطه امتحان عملى الاساي
تقريبا دي سياستها في كل الامتحانات اللي حطتها من فارما للاساي يا فلب لاتحزن
بس د/ناريمان طيبه خالص في شرحها وامتحانها كان جمييل بيتهيألى لولاه ما كناش هننجح
وباالتوفيق يارب لكل الناس اللي هيروحوا بكره

[lolaa]

فكرة كمان لانقاذ اللى شالوا صيدلانيات او يدوب نجحوا يتحدد range للنتيجة دى و يضاف ليهم درجات تتيح للي شالوها انهم يعدوا فيها اصل في ناس شالوها علي 20 درجة دول مطلوب منهم يقفلوها ترم تانى عشان ينجحوا بجد حرااااااااااااااااام(نجحنا في مواد اتقل بكتييييير و نشيل هايفة عشان تعنت دكاترة)