تغيير مواعيد المعامل ...

[Anas]

ان شاء الله مع بداية الدراسة - أكيد هتبدأ في يوم من الايام يعني - هيبقى في حاجة تمثل مشكلة لناس كتير

و هي ان مواعيد بعض السكاشن بتكون متأخرة لحد الساعة 5 أو 6 المغرب

و ده ممكن يسبب مشكلة لزمايلنا البنات في الدفعة عشان الظروف اللي مش مظبوطة في البلد

و كمان السفر و الناس اللي من بره المنصورة و البعض لظروف خاصة أخرى

ف زميلنا ABO El-DAHAB افترح فكرة جميلة جدا في الموضوع هنا

اننا لو طالب مواعيد تسمح انه يغير معاده لو بدري مع بنت معادها متأخر

بحيث ان على قد ما نقدر البنات اللي بتسافر متحضرش متأخر و بالتالي يروحو بدري



و الحمد لله عرضت الفكرة على د/حسن الكاشف و أبدى ترحيب بيها

و قالي انه هينسقها مع رؤساء الأقسام

------------

و احنا فكرنا في طريقة نعرف نظبط بيها المواعيد مع بعض عشان نساعد على قد ما نقدر

ف دلوقتي في استمارتين في آخر الموضوع

الاولى للي معاده مش مناسب ليه و عاوز يبدله (البنات)

و التانية للي عنده استعداد يبدل معاده مع معاد تاني متأخر (الشباب)

و احنا ان شاء الله هنظبط التبديل مع رؤساء الأقسام بحيث تحضرو في السكاشن الجديدة على طول

و حاجة أخيرة عاوز أقولها

يا ريت الشباب ميكونش التبديل فردي

عشان البنت اللي هتروح مكانه هتلاقي نفسها في سكشن كله ولاد و هيبقى الوضع اسوأ من الاول

ف تقنع زمايلك و اصحابك اللي معاك انكو تبدلو معادكم بحيث تدو الفرصة لعدد أكبر من البنات



طلب تبديل السكشن

عرض تبديل السكشن


و ربنا يجزي صاحب الفكرة كل خير و يجعلها في ميزان حسناته

[Omama Al-hosiny]

فكرة تحفة بجد

جزاكم الله خيرا

وجزى الله صاحب الفكرة كل خير

والحمد لله ان كان فيه مرونة من قبل الادارة

دي خطوة كويسة !

وياريت البنات اللي زيي من المنصورة ميبعتوش يغيروا سكاشنهم

أكيد احنا مش صح نتأخر بره بس نسيب الفرصة للبنات اللي بتسافر

[Anas]

والحمد لله ان كان فيه مرونة من قبل الادارة
دي خطوة كويسة !

احقاقا للحق فقط ... الحكاية دي شغالة على طول بس بتبقى بعدد بسيط لان مكانش في تأخير كبير

الفكرة كلها اللي د/حسن اكد عليها :

انه طالما طالب مكان طالب و عدد السكشن زي ما هو يبقى مفيش مشكلة

وياريت البنات اللي زيي من المنصورة ميبعتوش يغيروا سكاشنهم
أكيد احنا مش صح نتأخر بره بس نسيب الفرصة للبنات اللي بتسافر

الأصل في التعامل الثقة ما لم يثبت العكس ...

[Nona Ali]

فكره كويسه اوى يا دكاتره
يا ريت فعلا تتنفذ والناس تساعد
ربنا يجازي كل خير ان شاء الله

[روميساء]

جزاكم الله كل خير على المجهود الرائع ده
الحقيقه انا كنبت الاستماره لزميلتى لان مواعيدها هى اللى متاخره جدا يارب ينفع تبدل مواعيدها
بس فى طلب اخير بعد اذن حضراتكوا لو ينفع يبقى معاد سكشن العقاقير بتاعها يتبدل وتحضره معايا من 1ل 3ونص يوم الثلاثاء لانها تقريبا متعرفش حد غيرى يبقى جزاكم الله خيرا كثيرا
ربنا يجازيكوا خير يا دكاتره فى ميزان حسناتكم ان شاء الله

[Anas]

جزاكم الله كل خير على المجهود الرائع ده
الحقيقه انا كنبت الاستماره لزميلتى لان مواعيدها هى اللى متاخره جدا يارب ينفع تبدل مواعيدها
بس فى طلب اخير بعد اذن حضراتكوا لو ينفع يبقى معاد سكشن العقاقير بتاعها يتبدل وتحضره معايا من 1ل 3ونص يوم الثلاثاء لانها تقريبا متعرفش حد غيرى يبقى جزاكم الله خيرا كثيرا
ربنا يجازيكوا خير يا دكاتره فى ميزان حسناتكم ان شاء الله

الفكرة ان المعاد مش هيتغير على حسب ما الطالب يحب

المعاد الجديد يتوقف على الناس من المنصورة اللي هتعرض تبديل معادها

و ان شاء الله نلاقي مواعيد مناسبة للجميع

[DR/saad]

فكره حلوه يا دكتور انس

وان شاء الله هنشرها

عشان كل الى عاوز يعمل حاجه لزميلنا البنات يقدر يوصله الحل دا

[Dr.Doly]

حلوة الفكرة جدا بس عندى استفسار
لو حد عاوز يغير ميعاد 8 الصبح لان المواصلات بتبقا صعبه اوى ف الوقت ده عندنا
ينفع ولا لا؟

[muna7assan]

هيا الفكره معموله أصلا علشان الأمان للبنات ., فالأولويه هتكون لمواعيد البنات المتأخره

[عائشة]

حلوة الفكرة جدا بس عندى استفسار

لو حد عاوز يغير ميعاد 8 الصبح لان المواصلات بتبقا صعبه اوى ف الوقت ده عندنا

ينفع ولا لا؟

انا ميعادى من 3-5 لو تقبلى اننا نبدل مع بعض مفيش بالنسبة لية مشكلة