نروح نكلم الاداره بخصوص الجدول الجديد !!

[L SMA7Y]

السلام عليكم ورحمه الله وبركاته

طبعا كلنا شوفنا الجدول الجديد وفي الاستفتاء اللي معمول عليه تقريبا الاغلبيه مش موافقه عليه

ومعتش وقت علي بدايه الترم

وطبعا الترم التاني بنبقي مضغوطين اصلا فممكن ميتغيرش تاني

وممكن لو اتغير ميختلفش كتير عن اللي موجود الوقتي ,, لان اللي موجود الوقتي جدول رعب

فممكن نجمع كل ملاحظتنا علي الجدول وكل واحد يكتب ايه اللي مش عاجبه فيه

ونروح لوكيل الكليه والعميد ونعرض عليهم مشكله الجدول

لان الجدول معمول لطرفين ,, الطلبه والدكاتره

فاذا كان الساده الدكاتره موافقين عليه ,, فلازم برضه يكون الطلبه اللي هما الطرف التاني موافق عليه بيتهيالي

انا مستعد اروح انا واي حد مستعد يجي معايا ونعرض عليهم حوار الجدول قبل الدراسه

أو لو انتوا شايفين اننا نستني شويه علي اول الدراسه يمكن يعدلوا الجدول تاني بناءا علي طلابتنا هنا في المنتدي .

فمستني رأيكم ولو حد ممكن يتطوع ونروح نكلمهم

سلام

[dr_orchida]

انا مع فكرة اننا نروح اكيد بس بيتهيالي نستني شوية لانهم اكيد طرحوا الجدول مقترح علشان متوقعين ده يحصل واكيد مستعدين يغيروه أصل دايما لما بيحصل حاجة اروح انا وصحابي ولسه هنتكلم يقولوا احنا عارفين وهنصلح متقلقوش
ونستني برده نشوف أراء الناس هنا هيقولوا ايه

[bedos]

انا رأيي نتيجة الأستفتاء تروح ويشوفوها
اعتقد نسبه ساحقه دا واحد اتنين حتى الناس اللي واقفت معدتش بتتكلم تقريباً كانت موافقه بدون ان يبصوا على الجدول وعرفوا انهم غلط

[dr.sara22]

أعتقد حكاية نستنى لبدأ الدراسة يمكن يتغير دا صعب لأنه مش سهل ان الجدول يتغير واحنا شغالين بيه

بتهيألى لو الناس اللى فى المنصورة ويتفقوا يروحوا الأيام دى عشان الادارة تعرف ان الطلبة كمان عندها استعداد انها تيجى تعترض على الجدول دا


الخوف اننا نعتمد على الانتظار لبداية الترم انه يتغير ويكون دا عشان يزنقونا فى الوقت ويقولوا الدراسة بدأت مينفعش يتغير

[hananah]

انا مع اقتراح ان اى حد يروح يكلم الاداره
وطبعا قبل بدايه الدراسه علشان معدش وقت
لوكانوا هيغيروه احنا مش خاسرانين حاجه ولومش هيغيروه لما يلاقونا معترضين هيغيروه
بس انا بأه مش عارفه اذاكان حضراتكو عايزين ممثل عن الدفعه يروح ونتيجه الاستفتاء خير دليل على الرفض الجماعى ولا محتاجين عدد
انا عن نفسى مستعده اروح واتكلم

[bannota]

لازم جماعة تروح لإدارة الكلية تمثل الدفعة وطبعا عندهم الاستفتاء خيد دليل عشان انا متأكدة لو الدراسة بدأت هيبقى من المستحيييييييييييييييييييييل تغييره

[Alyaa]

صح الكلام ده طبعا
أنا رأيي نروح من دلوقتي أحسن
عشان لما الدراسه تبدأ احنا هنتشغل وكمان الدكاتره هيتشغلو

وان شاء الله نوصل لحل

[SmSm]

ياجماعه انا نازله بكره ان شاء الله
هطلب منهم يبقو على اطلاع دائم بالمنتدى لأن المفروض ده اللي يحصل وكل الدكاتره تدخل عليه
مش كأنه معمول عشان نطلع فيه غضبنا و خلاص ع الفاضي

[L SMA7Y]

طيب انا سالت برضه ناس اصحابي مش علي المنتدي وقالوا نروح ونكلمهم

وفي ناس بتقول ننتظر لبدايه الدراسه

فبقول نمسك العصايا من النص

ننتظر ليوم الاربعاء مثلا لو متمش تعديل الجدول (( وأكيد من النهارده ليوم الاربعاء هيكون عرفوا اننا معترضين علي الجدول ))

لو متمش التعديل نجمع مجموعه مننا ونروحلهم يوم الاربعاء ونناقش معاهم الموضوع

-***********-

ياريت اللي موافق علي اننا نروح يوم الاربعاء يصوت في الاستفتاء ويقول بالظبط ايه اللي مش عاجبه في الجدول

واللي مستعد يجي معايا يوم الاربعاء من الشباب يقول

-**********-

ياجماعه انا نازله بكره ان شاء الله
هطلب منهم يبقو على اطلاع دائم بالمنتدى لأن المفروض ده اللي يحصل وكل الدكاتره تدخل عليه
مش كأنه معمول عشان نطلع فيه غضبنا و خلاص ع الفاضي

وياريت يا دكتوره تعرفينا بكره ايه الي هيحصل ان شاء الله علشان نشوف هنعمل ايه

[dina j]

لا حول و لا قوة الا بالله انتوا لسه بتتناقشوا يا جماعة
ع العموم أنا رحت النهاردة مع اتنين زمايلى بس برضه يبقى أحسن لو مجموعات كمان راحت علشان بس الادارة تعرف ان الاعتراض جاى من الدفعة كلها...و ان مش حالة فردية و احنا الحمد لله حاولنا نشرح الموقف على قد ما نقدر...المهم كل واحد يوصل وجهة نظره..و اللى عنده اقتراح لجدول تانى يقوله برضه لأننا للأسف مكناش محضرين جدول تانى..أعتقد كده هيبقى أحسن