إلى كل سائل و متخوف من نظام امتحانات الشفوي .. اطمنوا الموضوع بسيط جدا إن شاء الله

[M.Hegazy]

بسم الله الرحمن الرحيم

السلام عليكم و رحمة الله و بركاته .. تحية طيبة و بعد ..

إزيكو يا دكاترة ؟؟؟ عاملين إيه في السنة دي ؟؟ يا رب تكون سنة سهلة و خفيفة على قلوبكم ..

إنتو أول سنة تمتحنو فيها شفوي .. عشان كده عايزكم تتطمنو خالص .. هفهكم النظام كله و خلي بالكم معايا ..

أولا .. يا جماعة بلاش خوف .. أيوة هيا حاجة جديدة عليكم بس هيا في الأساس معمولة لمصلحتكم .. عشان اللي لم يوفق في النظري و العملي يقدر يعوض في الشفوي ..

ثانيا .. تقريبا كل المواد عليها 30 درجة شفوي و 40 عملي و الباقي نظري ما عدا المواد الطبية .. جميل قوي الكلام ده ..

ده معناه لو الواحد مش هيتعب و هيدلع شوية في النظري و هيحل كويس في العملي و الشفوي بإذن الله هيجيب تقدير عالي ..

ثالثا .. النظام بتاع الشفوي إيه .. هوا مفيش نظام معين و لا فيه طريقة محددة .. بس غالبا بيدخل أربع أو خمس طلاب مع بعض للدكتور و الدكتور بيدي كل واحد ورقة صغيرة فيها سؤالين .. يخلي كل واحد يقعد في مكان و يجاوب و بعدين يروح للدكتور يشوف حله و لو فيه حاجة مش واضحة بيسأله فيها و بيشوف إذا كنت فاهم الكلام ده و مذاكر و لا لأ .. نظام الورقة اللي فيها سؤالين ده أكتر المرات بيكون في العضوية و التحليلية و أحيانا دكاترة العضوية لو جايين من جامعات تانية بيسألو من ورقة الامتحان النظري عشان كده حافظو عليها كويس و ما تعلموش فيها على الأسئلة اللي حليتوها و كده .. أما الصيدلانيات بيبقى على حسب كل دكتور فيه دكاترة بتسأل من ورقة امتحان النظري و فيه دكاترة بتسأل على أي موضوع و بجد بجد الامتحان بيبقى سهل و جميل جدا .. أما العقاقير بقى بالإضافة إلى إنهم بيسألوا من ورقة الامتحان .. بيبقى كل دكتور قدامه البودر و الleaves اللي خدتوها في الترم ده و بيسأل عليها الأسئلة المعروفة ( origin , active constituent , uses , chemical tests ) و أحيانا بيطلبو منكم تفرقو بين نباتين من اللي قدامهم عن طريق رسم Key element ..

و متخافوش مفيش حد بياخد صفر في الشفوي .. يعني حتى لو دخلت و ما عرفتش أي حاجة بتاخد نص الدرجة على الأقل ..

بس شدو حيلكم و متقلقوش و سيبوها على الله .. و اللي عنده أي استفسار يتفضل يسأل و هجاوبكم بإذن الله ..

ربنا يوفقكم جميعا ..

تقبلو فائق تحياتي و احترامي .. و دمتم بخير ..

[دعاء الشرقاوى]

ألف ألف شكر يا دكتور.. فعلا انا كنت متخوفة شوية من الشفوى ده بس كويس ان حضرتك طمنتنا
بس هو شفوى العضوية والتحليلية ممكن يبقى oral برده ود على حسب الدكاتره مش كده؟؟؟

[M.Hegazy]

ألف ألف شكر يا دكتور.. فعلا انا كنت متخوفة شوية من الشفوى ده بس كويس ان حضرتك طمنتنا

العفو يا دكتورة .. و إن شاء الله الموضوع بسيط و هين .. و أتمنى لك التوفيق و لكل الدكاترة

بس هو شفوى العضوية والتحليلية ممكن يبقى oral برده ود على حسب الدكاتره مش كده؟؟؟

شفوي العضوية و التحليلية .. زي ما ذكرت سابقا .. ورقة فيها سؤالين أو سؤال إنتي و حظك .. و بعدين ما تحليهم الدكتور أو الدكتورة غالبا بيتناقشو معاكي في الحل اللي إنتي حليتيه .. و أحيانا بيسألوا سؤال إضافي عشان يديكو الدرجة كاملة أو يحسنو درجتك لو مش حالة حاجة ..

أما أغلبية الدكاترة اللي بييجو من جامعات تانية بيسألوا من ورقة أسئلة النظري .. و إن شاء الله بالتوفيق للجميع ..

[دعاء الشرقاوى]

[quote=dr_abo_malak;339944


شفوي العضوية و التحليلية .. زي ما ذكرت سابقا .. ورقة فيها سؤالين أو سؤال إنتي و حظك .. و بعدين ما تحليهم الدكتور أو الدكتورة غالبا بيتناقشو معاكي في الحل اللي إنتي حليتيه .. و أحيانا بيسألوا سؤال إضافي عشان يديكو الدرجة كاملة أو يحسنو درجتك لو مش حالة حاجة ..

أما أغلبية الدكاترة اللي بييجو من جامعات تانية بيسألوا من ورقة أسئلة النظري .. و إن شاء الله بالتوفيق للجميع ..[/quote]

شكرا جزيلا يا دكتور ع الرد ,, جزاك ربي كل خير

[M.Hegazy]

ملاحظة مهمة : - في امتحان العقاقير و الصيدلانيات لما الدكتور يخلي المجموعة اللي دخلت كلها مع بعضهم .. بيسأل كل واحد منهم سؤال .. خلو بالكم و جاوبو في الدور بتاعكم بس متحاولوش تجاوبو أسئلة زمايلكم إلا إذا طلب الدكتور كده .. يعني كل واحد يخليه لدوره ..


أحيان قليلة .. و حصلت معايا مرة واحدة من ساعة ما دخلت صيدلة .. الدكتور لما يلاقي اتنين أو تلاتة مش عارفين يجاوبو بيقولهم كل واحد يسأل التاني سؤال و يجاوب على سؤال .. أو يقولك أسأل نفسك سؤال و جاوب عليه ..

و حطوا في بالكم .. محدش بياخد أقل من نص الدرجة تقريبا .. لمجرد حضوره حتى لو ما قالش و لا كلمة ..

شدو حيلكم و بالتوفيق للجميع
-----

شكرا جزيلا يا دكتور ع الرد ,, جزاك ربي كل خير

و جزاك الله خيرا مثله .. بالتوفيق يا دكتورة

[lahn elsmaa]

جزاكم الله خيراااااااااااااا

[dr doda]

مرسيه لحضرتك كتيييييييييييييير يا دكتور انا كونت بخاف من الشفوي ده لاني بتلخبط قدام الدكتور حتي لو مذاكره

[طيور الجنه]

جزاكم الله خيرا

وجعله الله فى ميزان حسناتك

[M.Hegazy]

وجزاكم الله خيرا أجمعين .. شدو حيلكم و إدعولي بالتوفيق .. ربنا يكرمكم و يحقق أمانيكم ..

دمتم بخير

[LOVELY BIRD]

ثانكس بجد يادوك
انا فعلا كنت قلقانه كتيييييييييييييييير

جزاك الله خير كتير اوووووووووووووووي