بسم الله الرحمن الرحيم
السلام عليكم ورحمة الله وبركاته
انا كنت داخل اضيف الكلام ده على موضوع د. رومسياء (علمتنا ايه تانيه هنا) بس لقيته بقى ارشيف ..... ياريت الاداره تخرجه او تبقوا تشوفوه ...هيفدكم ان شاء الله
سنه تانيه (طبعا اي حد خلص اي سنه بيقول عليها سهله ماعدا عدادي طبعا) بس بالنسبه لي هي احسن سنه فعلا واعلى سنه جبت فيها مجموع وتقدير بعد الثانويه العامه ..... بفضل الله ...والحمد لله
ميزة سنه تانيه انها محدده ومنظمه بمعنى:
عندك خمس مواد
الخمسه في كليتك ...... الخمسه نفس الدرجه .....نفس التقسيمه 40 عملي .......30 شفوي .......80 نظري
نفس عدد السكاشن 4 والخامس مراجعه لو امكن ..........
كيمياء تحليله ..... عضويه ...... صيدلانيات ....... ميكرو .........عقاقير
في ناس كتير بتستهين بالعملي والشيتات بتاعته (يعني جت على نص درج اتنين تلاته مش فارقه ....هتسمعوا الكلام ده كتير ) بس تخيل كده شعورك وانت داخل امتحان النظري وانت عارف ان انت معاك 40 درجه في جيبك من العملي ... عمرك ما هتفكر في النجاح بس (مش محتاج الا 50 درجه ...قول في اسوأ الظروف 20 شفوي يعني مطلوب منك في الورقه 30 من 80 بس )..... هيبقى تفكيرك في الحاله دي التفوق دايما مش مجرد النجاح
والكتاب وتكملته ....عليه خمس درجات بس (مثلا ) ليه افرط فيهم ......ايه اللي يمنع اني اخدهم كاملين
والله في ناس شايله على درجه واتنين بس وبتتحسر وبتندم عليهم ......
شرح العملي في المدرج مهم جدا يعني انت بيتشرح لك مره في المدرج لو قرأت الشغل بس في البيت مره واحده وبعد كده تروح تشتغل بايدك هتحس انك معيد عارف انت بتعمل ايه وليه ....والمعلومات هتثبت في دماغك
ايه اللي هيخليك متجبش الدرجه النهائيه في الامتحان بقه ؟؟؟
***********
بالنسبه للنطري /
التحليله
في ترمها الاول طويله شويه ورخمه مقارنة بسنه اولى بس والله والله اللي بيحضر لد / فتح الله و د/ ناهد مش هيحس بالماده خالص
الترم التاني ..دلع بمعنى الكلمه
(د/ ناهد
) محاضرتها مش محتاجه نصيحه انك تحضرها .....من اول محاضره هتلاقي نفسك بتتعهد انك مضيعش دقيقه واحده من محاضرتها ......ربنا يبارك فيها ...... بس اكتبو وراها كل (كلمه )خصوصا وانها مش بتكتر وكتابتها واضحه جدا .... هتحسو ان الكلام سهل ومش محتاج كتابه بس ساعة الامتحان هتعرفو ايمة اللي كتبتوه
د/ فتح الله .....العيب الوحيد في محاضرته السرعه يعني لو بتكتب وراه (حاول قد الامكان) بس ممكن تتوه شويه لو انت بطيئ بس بصراحه ومعلش في الكلمه ...غبي اللي يفوت له محاضره
العضويه :
ترمها الاول مراجعه على كل اللي اخدتوه مفيش جديد
بس نصيحه لو ((((
(د/ فاطمه)
)))) .gif "Fop (18)")
هدرس لكم محدش يسيب محاضرتها ................ابدا
الترم التاني مش صعب ولا حاجه بس متشعب كده يعني هتاخدو حاجه اسمها Hetero وقصادها Spectro يعني مش مترابطه بس سهله ......... للي بيذاكر
عقاقير :
ترمها الأول سهل ومفهوم كده seed ....fruit وشوية حاجات بسيطه ...خصوصا لو د / منى درست لكم ...... هتتعلمو المنهج بسهوله ومتعه و هتتعلمو الطبخ كمان واسئلو اللي اكبر منكم (احنا الولاد اتعلمنا)
الترم تاني جديد خالص هتاخدو مخدرات (يا سلام لو د/ حسن الراضي 
...... هتلاقو الدفع اللي اكبر منكم وناس من بره كليتكم خالص بتحضر معاكم ..... بتكلم بجد والله )
في جزء اسمه UN ORGANIZED تبع د / حسن برده ......... محدش يسقطه انتم اصلا هتاخدو نصه في العملي
جزء اسمه Subterranean بصراحه مش محتاج غير حفظ ..............................
الميكرو
هتحضروا محاضرات هتحسوا انكم في وادي والكتاب في وادي تاني (للاسف الكتاب محتاج شغل كتير)
حاولو تفهمو كويس في المحاضره وفي الاخر ........المنهج هتلاقيه بيتلم (لو انت فاهم ) في عشرين ورقه تقريبا ...... بس
الصيدلانيات :
لو د/ الشابوري دخلكم بلاش تزعلوه (الماده دي مادة تقدير والله ....... للاسف الا في سنتنا كانت مادة كتير شايلنها) واظنكم عايشتم الموقف
شرحه ممتاز (بس من غير بروجكتور ) والماده اصلا سهله يعني لو بتركز في المحاضرات مع د الشابوري ممكن تتمتحن علطول بعدها
خصوصا وانك مش هتحتاج تكتب حاجه لان الكتاب بتاعها افضل وأكثر كتاب منظم في كليتنا والله ....مفيش فيه زياده ولا نقص ..........ركز انت بس في المحاضره .
د / ثناء ...... سنه تانيه بتاعتها : يعني لو كانت دخلت لكم في اولى وحسيتم بتعب او مش فاهمين او اي حاجه ....انسى............ واحضر لها في سنه تانيه .......... هترتاح أوي أوي
( محاضره سريعه ....معلومات مفهومه مشاركه وتفاعل ...... يعني متتفوتش برده )
واخيرا
اهم حاجه الاستعانه بالله والتوكل عليه .............. ودعاء الوالدين
ركزوا على العملي أوي .......
محدش يتعمد يسقط اي جزء من الماده مهما كان شايفه تافه
احضروا المحاضرات ........... قدر الامكان
وحاولو تذاكروا لو فضيتم 
اسف على الاطاله .... وبالتوفيق ان شاء الله
علمتنا تانيه...
dr rasras
علي المستوي العلمي:
المفروض نزاكر من الاول انا كنت بعمل كده ده بيسهل كتير ايام المراجعة,ولازم الفتره الاجازه اللي بين العملي والنظري تستغل كويس
اتعلمت الاهتمام جدا بدرجات العملي لان دي اهم درجه اكتر من الشفوي والبابر لانها بتعطيك انطباع عن التقدير اللي ممكن تجيبه وبتعطيك حافز
اتعلمت اني احضر المحاضرات اللي افهم فيها واللي مفهموش بلاش احضره لانه ضياع للوقت بس المحاضرات مهمه جدا
DR.BIBO
اتعلمت انى لازم اذاكر اول باول ومستناش للاخر لانه مش ينفع وفى مواد زى العضويه بتتنسى على طول وكانك مفتحتهاش فلازم تذاكرها اول باول على الاقل تقرا المحاضرات بعد كل محاضره اما العقاقير فهى طويله جدا ولازم تتلحق من الاول كل الكلام ده عن الترم التانى وكمان اتعلمت ان الترم الاول فى سنه تانيه فرصه لازم تحافظو عليها لان الترم التانى محتاج اجتهاد فوق العاده وربنا يوفقكو ياكل اللى طالعين تانيه.gif)
DR/HULK
سنة تانية لازم تركز جدا جدا فى التحليلية تيرم اول
الكروماتوجرافى اهم جزء هتدرسه فى حياتك
دا غير انك هتاخده تانى فى تالتة وكمان رابعة
بس الفرق ان فى تانية دكتور فتح الله هيديك عنه كل حاجة ممكن تحتاجها على عكس تالتة هتلاقيه اقل شويتين
زى كده منهج صيدلانيات اولى دكتور حسن الصباغ اللى ادهولنا اول سنة لسه بيعادلنا لحد دلوقتى
الميكرو مادة مهمة وخصوصا جزء الانتى بيوتك حاول تجمعه وتعرف كل عيلة بتعالج ايه واعراضه الجانبية ايه
مشمشه
هو عامة تانية كانت سنة ظريفة الى حد ما
amira
ده اللى اتعلمته السنادى
1- كن على يقين ان ربنا مابيضيعش تعب حد وانك لو عملت اللى عليك هتاخد مقابل سواء ف الامتحان
او بعد كده فى حياتك "ربنا مابيضيعش تعب حد على الارض"
2- المحاضرات اللى بتفهم منها ولو جمله واحده تحضرها لكن المحاضرات اللى زى مادخلت خرجت
دى نصيحه بلاش تضيع وقت فيها ولو حضرت محاضره ماتحضرش تأديه واجب بدام حضرت يبقى
تركز "مكنتش بعمل كده للاسف"
وتشتغلوا فى السكاشن كويس
3- الكورسات :خدت عضويه الترم التانى بس والله مفرقش معايا م الاخر ضيع وقتى والله الفرق الوحيد
انى عرفت احل المسائل ازاى "دى عايزه تشغيل مخ لو مش هتاخد كورس" وخلتنى اذاكر م الاول
"ودى عايزه اراده" ........ ده رأيي يمكن فرقت مع ناس تانيه بس معايا لا
4- ذاكــــروا من الاول مش لازم تموتوا نفسكم فى المذاكره من الاول بس لازم تبقوا عارفين كل ماده
بتتكلم عن ايه والمطلوب منها ايه حتى لو هتعمل اخر يوم ف الاسبوع تقرأ اللى خدته طول الاسبوع
5- الفتره مابين العملى والنظرى دى تعتبر هى اللى بننجح بمذاكرتنا فيها يعنى دى بقى اللى تطحن نفسك
فى المذاكره فيها "تطحن يعنى تذاكر بجد جدااااا كأن الامتحان تانى يوم"
6- ماتستهونش بالدرجات البسيطه بتاعه الشيتات وشفوى العملى والحاجات دى بتسند والله فى الاخر
7- قبل النظرى على طول يعتبر مراجعه بس مش اكتر ومش هتلحق تعمل اكتر من انك تراجع
وخصوصا بعد ما الايام قلت ليومين او تلاته.gif)
8- ماتشغلش دماغك بحاجه تانيه وقت المذاكره كل حاجه لها وقتها
9- الترم الاول فرصه انك تجيب فيها درجات وتبقى مستريح على الاخر الترم التانى
10- حل امتحانات السنين اللى فاتت ومتتوقعش نظام الامتحان متقولش دكتور كذا بيجيب كذا حل لمجرد تختبر مستواك
11-الماده اللى لاقدر الله محلتش فيها حلو متقعدش زعلان عليها يومين تلاته فتضيع اللى بعدها والله فى
ناس بتعمل كده وتقعد تراجع وتعكنن على نفسها والاخر طبعا مابترجعش تصحح الغلط فى الورقه تانى طبعا
12-توكلوا على الله والله سنه تانيه مش صعبه بس عايزه حفـــظ ومذاكره وشويه اهتمام عن اولى .gif)
ربنـــــا يوفقكم
dina j
Hope1
الدرس اللي أحب أقوله للي جايين بعدنا هو اياكم و غضب الدكاترة
romaysaa
معلش كنت عاوزة أنبهكم لحاجة
لما هتدخلوا الموضوع
ممكن تلاقوا ناس مكتئبة
وكلام ممكن يعقد
بس لاحظوا إن الكلام ده كان بعد الإمتحانات فالكل كان بيشفي غليله
لكن والله تانية مهما كانت تقيلة
فهي لو إديتها هتديك
وده كلام أتسأل عنه
لو ذاكرتم وإلتزمتم هتلاقوا كل اللي بتتمنوه إن شاء الله
وآخر كلام
زي ما ربنا سبحانه وتعالى قال
بسم الله الرحمن الرحيم
"إن الله لا يضيع أجر من أحسن عملا "
صدق الله العظيم
بناء على طلب الجماهير ... شرح مبسط لمواد تانيه
http://www.pharma-board.com/board/showthread.php?t=11140
د/منار
كل حاجه بس عندي اضافات بسيطه بالنسبه للمواد وطريقة المذاكره طبعا تركيزنا اولا علي الترم الاول
الترم الاول بجد كويس هو طبعا مشكلة تانيه ان المنهج كميته اكبر فبجد بجد حاولوا تلموا الموضوع من
الاول وتهتموا من الاول بالنسبه للمواد اسهل ماده تقريبا الصيدلانيات لان كميتها صغيره
وكمان الله يجزيه خير د/الشابوري شرحه فوق الممتاز بجد اهتموا بحضور محاضراته لانه بيجيب
حاجات في الامتحان مش موجوده في الكتاب وبيقولها في المحاضرات وعمل معانا كده لترم الاول
وجاب مساله كامله علي قانون مش موجود في الكتاب بس كان قاله في المحاضره الخارجي اهتموا
بجزء د/ الشابوري جدا لان عليه 50 درجه د/ الشابوري امتحانه الترم اول كان يعني شويه هو ماكنش
صعب بس كان جايب حجات من بين السطور وحجات اتقالت في المحاضره
اما الجزء التاني ف لد/ اسامه او د/ ثناء ودا جزء كويس اللي كان بيدينا د/ اسامه جزءه عليه 30 درجه
وبجد جزءه جميل وسهل وكله من الكتاب وامتحانه كان سهل
يبقي كده بالنسبه لصيدلانيات طالبين
1/حضور المحاضرات لد/ الشابوري مهم جدا وطبعا د/اسامه
2/مذاكره جزء د/ الشابورى من الكتاب لان كتابه جميل جدا وطبعا للي بيحب يذاكر من الكتاب
3/محاوله كتابة المعلومات اللي اتقالت في المحاضه خاصة في جزء د/ الشابوري
اما بالنسبه لاصعب ماده فالباقي كله زي بعضه بس ممكن الميكرو تكون غريبه عنكم شويه لانكم لاول
مره هتدرسوها بس بجد في الميكرو حاولوا يكون معكم المنهج لان فعلا احنا في الترمين كنا بنذاكر منهج
ونروح نلاقي الامتحان منهج تاني تماما تابعوا من الاول اهتموا بالعملي وماتخرجش من السكشن الا
وانتم عارفين كل حاجه واي حاجه تقف معاكم روحوا لد/ عبد العزيز هو معيد بس فعلا ربنا يكرمه
يبقي المطلوب بالنسبه للميكرو
1/معرفة المنهج
2/اهتمام بالعملي
3/مذاكره من الاول
اما العقاقير/فهي عقاقير زي اي عقاقير استخدامات ومواد فعاله هي كويسه وامتحاناتها كويسه برده بس طبعا معتمده علي الحفظ جدا وجزا اسمه البيوسنسس طبعا عامل زي فسيولوجي اعدادي زي ما
د/ جوهري قال
يبقي المطلوب من العقاقير
1/حضور محاضرات
2/حفظ
3/حفظ
اما بالنسبه للتحليليه فطبعا هي عاديه بس لو د فتح الله هو اللي اداكوا ركزوا اوي واهتموا اوي اوي لان
امتحانه الترم الاول كان محتاج تشغيل دماغ اوي اوي اوي وكان جايب محتاجه فهم وعليه برده 50
درجه اما الاجزاء التانيه فلو لد/ ناهد فطبعا يبقي يا سعدكم يا هناكم فهي شرحها ممتاز وامتحاناتها سهله
وعليها 30 درجه
المطلوب
1/الفهم للمثال
2/حضور المحاضرات
3/الاهتمام بالعملي
اما بالنسبه للعضويه فغنيه عن التعريف بس شدوا حيلكم فيها اوي لان معرش الصراحه الاستف ع
سناتكم هيكون عامل ازاي بس فعلا عندنا كان درجاتهم مش كويسه في الترمين مع ان الامتحان الترم
الاول كان سهل
انا اسفه طولت عليكم بس فعلا غرضي كله انكوا تهتموا من الاول لان تانيه طويله وهتتفاجئ في الامتحانات بكمية منهج كبيره طبعا كلامي لسه بدري عليه بس علشان تتحفزوا من الاول ووالله اللي هيهتم ويمشي بالنظام ده مش هيقل عن امتياز
وجزاكم الله خيرا اسالكم الدعاء
Mohamed Al Gohary
ووالله يا جماعه ما تقلقوا خالص .. سنه تانيه هى تقيله شويه اه عن سنه اولى بس .. سهله وتقدروا تقدروا فيها كمان .. بس عاوزه شوية اهتمام عن اولى ..
التحليليه تعتبر تقيله عن تحليلية اولى .. وعاوزه اهتمام وحفظ .. وحاولى تركزوا فى شغل العملي .. لان تجربة التيرم الاول محتاجه انك تكون اشتغلتها قبل كده كويس .. لو هتنزل لكم تجربة الفينول زى كل سنه ..
العضوية : من وجهة نظري كان احسن جزء فى العضوية كله عضوية تانيه التيرم الاول .. هتاخدوا الـ armomaticity كل المركبات اللى فيها حلقات بنزين .. وميتا وأرثوا وبارا .. وتحويلات .. بجد كان جزء ممتع جدا .. بس خدوا بالكم من العملي لانه بينزل mixture من مركبين وانت بتفصل وبعدين بتتعرف .. برضه اهتم بالشغل اوى فى السكاشن ..
العقاقير : التيرم الاول نفس سنه اولى .. fruit و seed و herb بنفس النظام origin & A.C & Ch.test وهكذا .. مع جزء اسمه biosynthesis بيكلم العمليات الحيوية اللى بيعملها النبات .. وبناء للمواد الاساسيه بتاعته .. زى اللجنين ..
التيرم التاني بقى هتاخدوا جزء الناركوتكس .. وما امتعه هتحسوا انكم دكاتره بجد .. ود حسن الراضي بجد لازم تحضره له تحس انك قاعد مع واحد صاحبك مش مع دكتور بيشرح لك محاضرة ..
الصيدلانيات : اسمها الصيدله الطبيعيه .. يعني هتميل للفيزيا شوية .. درجة الحرارة والضغط .. هى بالنسب لاولى تعتبر صغيره جدا .. والعملى بتاعه زى تجارب شبيهه بتجارب الفيزيا شوية .
الميكرو : تعتبر ماده جديدة عليكم .. بس والله جميله .. وهتحبوها لو ذاكرتوها كويس من الاول ..
شدوا حيلكم ربنا معاكم .. واى حاجه تواجهكم مترددش ..
إسأل استشير 
(^|:|^) نصيحه يا سنه تانيه ....(^|:|^)
.gif)
.gif)
Hope1.gif "Fop (29)")
.gif)
.gif)
.gif "Fop (39)")
