يرجع ولا ما يرجعش؟؟؟؟؟

[Messi]

البدري: الأهلى فى حاجة لإمكانيات الحضرى الفنية



أكد حسام البدري المدير الفني لفريق كرة القدم بالنادي الأهلي أن قرار عودة عصام الحضري حارس مرمى الفريق السابق والاسماعيلي الحالي إلى النادي هو قرار خاص بمجلس إدارة نادي الأهلي مشيرا إلى الحاجة الفنية لقدرات حارس افريقيا الأول في الفريق الأحمر .
وقال البدري إن الجهاز الفني لا يستطيع اتخاذ قرار في هذا الشأن والأمر بالكامل يخص إدارة النادي وأضاف "لا أنكر ان الفريق في حاجة فنية لامكانيات الحضري ولكن القرار ليس بيد الجهاز الفني".
وأشار إلى أن الحضري أعرب عن رغبته أكثر من مرة في العودة للأهلي مما يذكر أن الاسماعيلي قرر إيقاف الحضري مباراة واحدة وتغريمه ماليا بعد التصريحات التي أدلى بها فى إحدى القنوات الفضائية وأعرب فيها عن رغبته في العودة للأهلي .

[wh_kaboo]

المووضع محسوم مش محتاج استفاءات
كان اللى عيط قبل كده رجع
وابقى اسال التوام اللى لف الدنيا وقال بيتى وعايز اتكرم وفى الاخر مطروط من جنة الاهلى
وغيرهم كتير
يكفينا الحفاظ على المبادى
يالا الاخوة التانية تخش تتحفنا برايها كالعادة ........... waiting ????

[Messi]

انا شايف ان الراجل كان بيدور علي حقه.......واعتذر بما فيه الكفايه
وكفايه بقي اداره النادي الاهلي تخاف انها تاخد قرار عشان محدش يقول عليها حاجه...

[wh_kaboo]

يا محمد فعلا يكفى الاهلاوية بكائه على الهواء مباشرة اكتر من 4 مرات
وعايز ارجع بيتى والكلام الحلو ده بس بعد ايه ؟؟؟
بعد ما غلط فى الاسطورة جوزية
بعد ما غلط فى المهندس القيعى
بعد ما غلط فى الراحل ثابت البطل
بعد ما غلط فى الكيان الاهلاوى كله
بعد ما غلط فى جماهير الاهلى وقعد يحب فى الاسماعيلى والمانجا
الكلام الغلط كتيييييييييييييير
بعد هروبه لسويسرا بحثا عن الأموال قبل الشهرة وبعدما عاد الى مصر مجددا للنادى الاصفر حاول تجديد أزمته بعدما عرض مسؤولوا المريخ السودانى ضم الحارس مقابل مبلغ مالى أكبر فهى أزمة كاد أن يكررها مجددا عصام الحضرى

والذى أصبح ورقة خاسرة للفريق الاحمر .
-----
الحضرى هيشوف جمهور الاهلى الحقيقى يوم الاتنين مش اى حد
وهتولع على الخاين

[Aésmaïl]

يالا الاخوة التانية تخش تتحفنا برايها كالعادة ........... waiting ????

وانا عن نفسى مش هفوت الفرصه دى ..
الأهلى لا يساوى شيىء بدون جول كيبر محترم زى عصام الحضرى ..
ونفسى يرجع الأهلى عشان لما تشيلو السنه الجايه عدد محترم من الأهداف
مفيش مخلوق يرجع يتحجج تانى ويقول اصل الفريق مش كامل ومفيش حارس وكده ..

بس موقف الإسماعيلى انو وقفو ماتش واحد ...
وهوه ماتش الأهلى ولا ايه ؟؟

[wh_kaboo]

هههههههههههه
تخصص يا زملكاوية
من تدخل فيما لا يعينه يا جماعة
-----
يعنى باحمد عادل واكرامى واقوى دفاع
عايز الحضرى يبقى ((تشيلو السنه الجايه عدد محترم من الأهداف))
ابقى قابلنى
وبرضو مش هيرجع

[Aésmaïl]

خلاص براحتكم

[Messi]

ومع وقف الحضري لمده 4 اشهر

اذن الموضوع قد حسم........لن يعود للاهلي مطلقا

[د///*مطحونة*\\\]

الحضرى مش هيرجع

واعتقد ان ادارة النادى الاهلى اكبر من انها تعمل حاجة زى كدة


ورايى اننا نركز بقا فى امكانيات الناس اللى عندنا ونوثق ف شريف واحمد عادل و يبقى كدة خير وبركة
مع العلم انى شايفة ان احمد عادل حارس موهوب ومع الوقت والخبرة اتوقع انه يبقى حارس مرمى المنتخب الاول
واكرامى معروف مستواه

احنا بنينا تيم جديد مينفعش بعد ما خطينا خطوة لقدام
نرجع عشرة لورا