مناقشة حول جدول الامتحان

[Mohamed Al Gohary]

فى الاول : ارجو قراءة هذا التوبيك جيدا..

وهذا الجدول كما هو موضح ( مقترح ) .. لكن مقترح بالنسبه لترتيب المواد وليست مدة الامتحانات .. لانها لن تغير الا بتغير الوضع الحالي او بقرار ..

بما يعني ان مدة الامتحانات ثلاث اسابيع بواقع مادتين كل اسبوع .. القابل للتغبير هو ترتيب المواد ..

وهذا يعني ان النقاش مفتوح بالنسبه للجدول لترتيب الامتحانات ..

وكل قسم فرقه هناك توبيك خاص بذلك .. ارجو من كل دفعه ابداء ملاحظاتها واقتراحاتها على ترتيب المواد فى الجدول ..
وكل ذلك سيتم اخذه عين الاعتبار من قبل الدكتور حسن الكاشف عند وضع الجدول النهائي ان شاء الله ..

[العصفورة]

اولا احب اسجل اعتراضى على الموضوع اصلا
لان لو المواعيد فضلت كدة بين كل مادة ومادة يومين,يبقى مالوش لازمة المناقشة فى ترتيب المواد
لان كل المواد كبيرة ومهمة ومحتاجة وقت للمذاكرة

[~Am@ny~]

مع احترامى للتوبيك وكاتبه......التوبيك ده معمول ليه اصلا ؟؟؟!!!!!!!!!!!!!!!

وترتيب مواد اى الى عايز يتناقش بماده قبلها يومين وماده قبلها 3 ايام؟؟؟؟؟؟!!

احنا اكتر ناس هتنضر ف الموضوع ده وتالته سنه تقيله بجد واحنا محتاجين اكيد فيما لايقل عن 4 ايام قبل

كل ماده مش هنطالب باسبوع ولا الكلام ده...وده رأييى وياريت ميتحذفش عشان متكلمتش عن رأيى ف ترتيب المواد!!!!!!!!!!

[Mohamed Al Gohary]

اولا احب اسجل اعتراضى على الموضوع اصلا

لان لو المواعيد فضلت كدة بين كل مادة ومادة يومين,يبقى مالوش لازمة المناقشة فى ترتيب المواد

لان كل المواد كبيرة ومهمة ومحتاجة وقت للمذاكرة

اولا لو حضرتك فى الفرقه التانيه فهناك توبيك خاص بالفرقه التانيه ..

اما لو كنتى فى الفرقه التالته .. فمدة الامتحان مش هتتغير على حسب كلام الدكتور حسن ..

ولو بتقولي ان كل المواد محتاجه مذاكره .. فالوقت موجود من دلوقتي لحد بداية الامتحانات .. ولا ايه !!

مع احترامى للتوبيك وكاتبه......التوبيك مع ده مول ليه اصلا ؟؟؟!!!!!!!!!!!!!!!

وترتيب مواد اى الى عايز يتناقش بماده قبلها يومين وماده قبلها 3 ايام؟؟؟؟؟؟!!

احنا اكتر ناس هتنضر ف الموضوع ده وتالته سنه تقيله بجد واحنا محتاجين اكيد فيما لايقل عن 4 ايام قبل

كل ماده مش هنطالب باسبوع ولا الكلام ده...وده رأييى وياريت ميتحذفش عشان متكلمتش عن رأيى ترتيب المواد

شكرا على احترامك ليا

التوبيك ده معمول عشان لو فيه تعديل فى الجدول .. من حيت ترتيب المواد لان المده بتاعته مش هتتغير فى ظل الوضع الموجود الوقتي وزى ما قلت على حسب كلام دكتور حسن

[dr..dody]

يعنى سنه تانيه كان كل ماده فى اسبوع وتالته الاصعب والاهم مش هتبقى كده

مش هينفع خالص كل المواد صعبه خالص وطويله يعنى اكيد حتى مش هنلحق نراجع لو مزاكرين

ف المده دى

غير لو الكليه ضمنت لنا ان الامتحانات هتبقى سهله اووو يبقى المنهج صغير

ومينفش يزودوا الفتره وميبقاش ف اجازه نص سنه :d

وياريت محدش يمسح الردود

[عبدالله عبدالرحمن]

الأحد فيتو
الأربعاء صيدلانيات
الأحد مديسنال
الأربعاء بيو اساى
الأحد فارما
الأربعاء بيو كيميسترى
على الرغم ان انا مش مقتنع
بس بما ان الوضع الحالى كده
فالأحسن نجارى الواقع
زى مابيقولوا
أحسن الوحشين
...

[Mohamed Al Gohary]

اول مره اتفق معاك تماما فى رد يا عبدالله

[AhmadRaed]

نجاري الواقع ليه !!
نحاول نغيره الأول و بكل السبل و الوسائل
و في الآخر خالص و بعد نهاية كل المحاولات
نسلم للأمر الواقع
و كله زي بعضه في الترتيب و مش فارقه

[Mohamed Al Gohary]

حاول وانا اول واحد معاك .. فى اى حاجه تعملها حضاريه ومنظمه ويكون ليها مردود ايجابي فى الموضوع ..

[سبحان الله و بحمده]

مع كل احترامى لكل اللى اتقال يا دكتور ده مينفعش

هو المذاكره دى مش محتاجه مراجعه
ماده زى الفارما تتراجع فى يومين ازاى ان شاء الله
لا و ايه
لسه مهزله الشفوى
ولا نسيتو اللى بيحصل خصوصا ان سنه اولى معانا فى نفس اليوم الساعه 12
يعنى الشفوى يبدا بعد ما يخلصو
ولا تانى يوم ان شاء الله

حتى لو بدأنا من دلوقتى مش هنلحق مع الشيتات و امتحانات العملى اللى بعد العيد الكبير

ده غير انى نفسى اعرف ايه سبب الكلام ده
و اول يوم امتحانات امتى ؟؟؟؟؟؟؟؟

وبس