إفطار العمال...مستنينكم

[DoAa_RESALA]

السلام عليكم ورحمة الله وبركاته

ازيكم يا دكاترة المستقبل؟ يا رب تكونو بخير دايماً
يا ترى اخبار رمضان معاكم ايه؟؟ خلاص احنا قربنا على نصه اهو.... شدوا حيلكم وربنا يهدينا كلنا اننا نعبده حق عبادته في الايام دي بالذات

انا هنقلكم هنا الموضوع اللي عملناه السنة اللي فاتت علشان افطار العمال

عايزة أقولكم النهاردة على حاجة جميلة جدا عملناها السنة اللي فاتت
وانا اقصد بعملناها دي تقريبا كل أسر الكلية
كان أجمل حاجة في الموضوع اننا كلنا مع بعض
وان شاء الله نكون كده كمان السنة دي

الحاجة دي هي إفطار العمال

يعني ايه؟؟
يعني السنة اللي فاتت والسنة دي ان شاء الله كمان بنعمل أكل بيتي.....ونعبيه وجبات ونفطر في يوم مع العمال
تفطير الصائم في اليوم ده معناه انك تتحمل تمن وجبتك ووجبة عامل معاك
والوجبة تكلفتها 10 جنيه بس

وبشهادة جميع الشهود السنة اللي فاتت كانت وجبة جميلة جدا

الفكرة في الافطار ده حاجتين
أولا ثواب تفطير صائم:
عن زيد بن خالد الجهني قال : قال : " مَن فطَّر صائماً كان له مثل أجره غير أنه لا ينقص من أجر الصائم شيء " .

ثانيا اننا نفطر مع العمال....العمال دول طول السنة من اول يوم في الدراسة لآخر يوم في الامتحانات بيتعبوا معانا في كل حاجة...في المعامل...في المدرجات....في كل مكان في الكلية فاليوم ده بنحاول نرد ليهم جزء من تعبهم ده ونخدمهم احنا في اليوم ده ونفطر معاهم

محتاجينكم معانا في كل حاجة في الافطار
في توفير تمن الوجبات....في تجهيز الافطار....في تعبئة الوجبات .....و الاهم في الافطار نفسه تكونوا معانا ومع العمال في اليوم ده


يا ريت تشرفونا في الافطار ده ....العدد يا جماعة هيكون مش كبير اوي وعايزين نجمع تكلفة الافطار في أسرع وقت علشان نقدر نجهز الحاجات اللي هنشتريها......ممكن تشارك بإنك تتحمل تكلفة إفطارك وإفطار عامل معاك او بتكلفة إفطار عامل لو انت مش هتقدر تحضر واكيد كل اللي هيكونوا موجودين هيشاركوا معانا في مجهود اليوم بإذن الله


مش عارفة اقولكم بجد مدى فرحة العمال السنة اللي فاتت الحمد لله وازاي كانوا ومازالوا لحد دلوقتي بيدعولنا من قلوبهم الحمد لله

ربنا يجعله في ميزان حسناتكم ويرزقنا الاخلاص في القول والعمل ويكون الافطار ده خالص لوجه الله الكريم

معاد الافطار ان شاء الله يوم الثلاثاء 25 رمضان - 15 سبتمبر
تكلفة الوجبة زي ما قلت 10 جنيه.... ممكن تشارك بإنك تتحمل تكلفة إفطارك وإفطار عامل معاك او بتكلفة إفطار عامل لو انت مش هتقدر تحضر

اخر معاد للاشتراك في الافطار علشان بس نلحق نجهز الحاجات اللي هنشتريها يوم الأربعاء القادم... 19 رمضان - 9 سبتمبر
واي استفسار احنا موجودين
وبجد هتنورونا في الافطار ده

[AlaDDin]

ان شاء الله يكون جميل زي كل سنه ..

بجد من اجمل الحاجات اللي بتعملوها .. بيبقى الجو جميل جدا ..

و الاكل كمان على فكره

عامة بالتوفيق .. و اكيد معاكم ان شاء الله

[Dr.Mohamed]

بالتوفيق ..إن شاء الله

[Mohamed Al Gohary]

معاكم ان شاء الله .. وفعلا التجمع بيبقى جميل اوى ..

[Anas]

بيبقى يوم من احلى أيام الكلية

حضرته السنة اللي فاتت و كان جميل جدا

بجد نفسي أحضر السنة دي ... ربنا ييسر

[DR.BIBO]

بيبقى يوم من احلى أيام الكلية

حضرته السنة اللي فاتت و كان جميل جدا

بجد نفسي أحضر السنة دي ... ربنا ييسر

[muna7assan]

ما شاء الله
بجد حاجه جميله جدا
ربنا يكرمكم

[RASHAD_RESALA]

يلا فى الانتظار يا شباب و يا بنات .. من احلى اللحظات بجد اللى ممكن تعيشها فى كليتنا

بالتوفيق ان شاء الله

[BoNbOoNa]

قال صلي الله عليه وسلم :
((من جهز غازيا أو جهز حاجا أو خلفه في أهله أو أفطر صائما كان له مثل أجورهم من غير أن ينقص من أجورهم شيء))
فكرة جميلة جدا ما شاء الله .... وفقكم الله ان شاء الله
بلغوا سلامنا لكل العمال و العاملات

[Dr.Mohamed]

قال صلي الله عليه وسلم :
((من جهز غازيا أو جهز حاجا أو خلفه في أهله أو أفطر صائما كان له مثل أجورهم من غير أن ينقص من أجورهم شيء))
فكرة جميلة جدا ما شاء الله .... وفقكم الله ان شاء الله
بلغوا سلامنا لكل العمال و العاملات

شكرا ليكى دا BoNboNa .. يارب يقرنا على فعل الخير