شارك فى مؤتمر "الدروس الخصوصية.... اسباب و علاج"

[Dr. Atallah F. Ahmed]

جزيل الشكر لاستاذى العظيم د\عطا الله على مساعدته لنا فى اجتياز مادةاالفيتو التى وصفت لنا بانها كابوس كلية الصيدلة ولكن بفضل الله ثم بفضل تشجيعك لنا حصلنا فيها على اعلى التقديرات ارجو من سيادتك ان لا تحرم جميع فرق كلية الصيدلة من تدريسك لهم حتى ولو بمنهج صغير استاذى العظيم اهنىء سيادتك بشهر رمضان المعظم جعل الله لك فيه الخير والبركة فى عملك وابنائك ان شاء الله تعالى

أكرمك الله يا asmaa adola و نحن لم نفعل شيىء غير صياغة المعلومة فى صورة جلية و مهنية و اظهار بعض النظرى فى تطبيقات ملموسة ذهنية و عملية. تقبل الله منا و منكم سائر الأعمال فى هذا الشهر الفضيل.

[Mohamed Al Gohary]

شكرا دكتور عطالله على تقبل البحث .. وان شاء الله يكن فى محل البحث عن حلول .. ويأتى بثمار طيب باذن الله

أسرة ( في الكلية )

[maiada]

الموضوع ده مهم جدا وان شاء الله يا دكتور نشارك فى المؤتمر

[same7]

اعتقد ان الحل للموضوع دة ان الدكتور ينزل اللى بيشرحه فى ورق وافى فيه كل المعلومات لان الطالب مبيلاقيش المعلومه اللى الدكتور عايزها بالظبط وعشان كدة بيضطر يلجأ للورق اللى برة واحيانا للقرصات ولما الدكتور محمد العوضى نزل الورق بتاع الشرح مكنش حد بيشترى ورق من برة ومكنش دكتور بينزل ورق دروس من الاساس

[تارك الدنيا]

انا رايى ان الحكاية كلها منظوووووووووووووووووومة متكاملة

على افتراض اننا عدلنا التعليم الجامعى

بكده يبقى عدلنا نص التعليم والتعليم قبل الجامعى اقسم بالله انه فاشل

احنا لا اول ولا اخر دولة هتطور التعليم لازم نشوف تجارب ناس قبلينا

النقطة التانية

بصراحة البروجكتور ده مش داخل دماغى خالص

الدكتور قبل البروجكتور كان بيشرح على السبورة والعملية تمام وبنكون فايقين

بعد البروجكتور _مع احترامى لجميع الدكاترة _ بنحس ان فيه ماس بتقأ المطتوب وخلاص

وبكده بقى فيه وسيط بين الطالب والمحاضر

وانا لما بحضر محاضرة بروجكتور بصراحو بكون متضايق .

واتمنى التوفيق لحضراتكم

وجزاكم الله خير ا .

[summer breeze]

مساء الخير عليكم يا دكاتره
واضح ماشاء الله ان الموضوع بقى انشط من الاول وان فعلا بقى فيه تفاعل اكتر من الطلبه ونقاش دائر من اجل التوصل الى افضل الحلول اللي توصلنا للارتقاء بمستوانا كطلبه اليوم وصيادله الغد
انا بس كان ليا comment بسيط على وجهه نظر د/ علاء

الدكتور العزيز / عطا الله .......... أود أن أشارك بوجهة نظر متواضعه فى هذة القضيه التى هى نتاج فوضى تعليميه و الابن الشرعي لمجموعه من السياسات الفاشله في ادارة التعليم الصيدلي في مصر......................... مع احترامي الشديد للاستفتاء المعروض عن أسباب انتشار الدروس الخصوصيه في (كليتنا الغاليه) ,انني أعتقد أنها أسباب سطحيه ,ومحوالتنا الجاده لازالتها لا تعني بالضروره القضاء علي هذه الظاهره .................................. الاسباب الحقيقيه لظاهره الدروس كما يترائي لي: 1- غياب فلسفة التعليم,بمعنى أوضح,اذا كان الهدف الأسمي من حضور المحاضرات هو تجميع المعلومات الموثوق بها لاجتياز الامتحان النهائى في ماده دراسيه معينه,فأعتقد أنه لايضير سيادتكم علي الاطلاق حصول الطالب علي هذه المعلومات بأي وسيله ممكنه,فنحن الأ ن بصدد سياسه تعليميه شعارها المعلومات من أجل الدراجات........... انني أزعم أن سياسات التعليم في الدول الساعيه نحو التقدم و المؤمنه حقا بأنه لا تقدم بدون تعليم,تملك شعارا واحدا هو تعليم الطالب كيف يتعلم و ليس تزويده بمعلومات حقيره تتغير كل يوم,و بناء كيان يعشق المعرفه و يؤمن بقيمة مجاله........................................ 2- افتقاد الطالب للرابط الأنساني مع أستاذه :الدكتور هو مجرد أداه لالقاء المحاضرات و وضع الامتحان .... مع الأ سف الشديد فان معظم الأساتذه تحولوا الي مدرسين ونسوا أو تناسوا أنهم صيادله في المقام الأول فأصبح الطالب لايشعر بفارق كبير بين مدرس الدرس و مدرس الجامعه ففي كلا الحالتين يتلقي معلومات لا يستشعر أهميتها ففي نهايه المطاف هو (مجبر )أن يحفظها ليضعها في ورقه اللأجابه ليحصل علي الدرجات)فلسفة التعليم ثانيا( ...........
ماتطمح سيادتكم لتحقيقه هو كطموح طبيب يحاول محاصرة الصداع في جسد مريض استشرى به المرض اللعين

يادكتور انا بتفق مع حضرتك ان الواقع اللي احنا فيه نتيجه لسياسات تعليميه فاشله لكن باختلف مع حضرتك في الجمله دي لمجموعه من السياسات الفاشله في ادارة التعليم الصيدلي في مصر....

انا شايفه ان التعليم الصيدلي عندنا مش فاشل ولا حاجه واننا بنتعلم المعلومات على احسن مايكون بدليل ان عندنا عقول نابغه على مستوى البلد كلها يعني على مستوى كليتنا ماشاء الله دكاترتنا كلهم بلا استثناء حاجه مشرفه وواجهه نعتز بيها المعيدين بتوعنا ماشاء الله قمم يعني التعليم عندنا من حيث المعلومه مش متخلف ولا حاجه
لكن فعلا يا دكتور اللي فاشل ولازم يعاد تنظيمه هو التعليم ماقبل الجامعي دا هو فعلا منبع التخلف عندنا واللي محتاج تعاد برمجته من الاول لان الوضع فعلا بقى ينبا بكارثه علميه

شعارها المعلومات من أجل الدراجات.

.
عمر ما دا كان شعار موحد ولكن كل طالب يصنع شعاره بنفسه ويسير عليه في طلاب حاطين العلم غايه وفي طلاب تانيين واخدين العلم وسيله للوصول للشهاده ومن ثم الوظيفه وبين هؤلاء وهؤلاء ما عليك الا ان تختار الى اي الفريقين تنتمي لكن ماينفعش نقول ان في طريق بقى وكلنا ماشيين عليه كل واحد بيرسم طريقه بايديه وبيبان في الاخر مين فعلا اللي كان بيتعلم صح من مين اللي كان واخد المساله بلا مبالاه

تزويده بمعلومات حقيره تتغير كل يوم,

مينفعش باي حال من الاحوال نوصف المعلومات بالحقاره لانها حتى لو كانت بتتغير فدا لايعني انها تهمل وتحقرلا بالعكس احنا بناخد من القديم ونطوره او نبني عليه

اكيد يا دكتور بتفق معاك ان في كثير من النقائص في النظام التعليمي عندنا منها زي ماحضرتك قلت غياب الرابط بين المحاضر والطالب واللي بتهيالي راجعه لشخصيه المحاضر نفسه يعني فعلا بتفرق كتير جدا لما احضر المحاضره لاني بحب المحاضر ولما احضرها بس علشان اسمع معلومه وممكن كمان اضيف اننا محتاجين نزود قدر الممارسه العمليه يعني نعمل شويه توازن بين كم النظري وكم العملي كمان لازم يكون في توعيه للطالب باهميه كل فرع هو بياخده اثناء الدراسه وايه الميادين اللي هيستفيد بيها من العلم دا في سوق العمل يعني الواحد بيزعل جدا لما يلاقي طلاب اولى وتانيه بيقولوا ايه فايده اللي احنا بندرسه دا ايه فايده العضويه والتحليليه في الصيدله ولا انسى ابدا الدكتور محمد العوضي ساعه ما قعد يشرحلنا اهميه فرع الكيمياء التحليليه وايه الوظائف اللي هيفيدك فيها وازاي قسم التحليليه في كليتنا حل مشكلات كتيره حتى خارج نطاق الكليه والتعليم زي مشكله تلوث المياه اللي كانت حصلت فتره وقسم التحليليه جابوا المياه وحللوها وعرفوا ايه المشكله
يعني لازم نحسس الطالب باهميه كل فرع ونزود احساسه بالانتماء للمؤسسه اللي هو فيها وساعتها بيتهيالي هنطلع بنتايج اكبر من ماكنا نتوقع
تقبلوا مشاركتي المتواضعه في الموضوع وفي النهايه فلا مستحيل طالما توافرت الرغبه في التغيير

[تارك الدنيا]

يا جماعة انا مش عارف ليه احنا اختولنا قضية تطوير التعليم فى الدروس الخصوصية بس

طبعا هى مشكلة

بس مشكلة من مشاكل كتير

عندنا الدروس الخصوصية والاعداد الكبيرة والكتاب وبعض المحاضرين وكمان المنهج اللى بناخده واسلوب الامتحانات

كل دى مشاكل لازم تتحل فى اطار المنظومة الشاملة

ومن الاخر مفيش تطوير تعليم ولا بحث علمى من غير مصاريف

وبرضو بكرر تانى احنا مش افقر من الهند
ولازم نوصل للناس العاديين ان التعليم ده اهم شىء

لازم تحصل نهضة مجتمعية تنعكس على الفكر العام والسائد فى البلد

واللى اعتقد انها لابد ان تنعكس على وضع التعليم فى مصر ككل (الجامعى وما قبله )

لان حرام نطور جزء ونسيب جزء بس

ااالطالب المصرى بيتعلم حوالى 16سنة منهم اربع سنين فى الكلية كمتوسط

معنى كده ان لو طورنا ليه 4سنين بس وسيبنا الباقى مش يبقى حرام ؟

انا بجد مقدر جهود الناس اللى نفسها تطور الكلية

لكن فى النهاية _ده رايى _ هى منظومة متكاملة .

وجزاكم الله خير ا