اولا :ادوات الامتحان
1-فوطتين
2-علبه موازين
"فيها فراكشن كامله لو ناقص منها اي حاجه حاول تكملها"
3-بيكر 250 مل
4-spatula
5-watch glass
6-glass rod
7-cylinder 10
8-cylinder 100
9- ماصه مدرجه 10 مل
10- ورق الموازين
"يكون جاي متقطع جاهز علشان الوقت "
11- زجاجتين فاضيتين
12- اله حاسبه
13- الكارنيه
14- البالطو ده اساسي طبعا
15-قلم
ثانيا شكل الامتحان
امتحان عملي الصيدلانيات بينزل لكل واحد تحضيره يعملها فبيجي روشته زي اللي في الكتاب كده
وبيطلب منك
write full report on the following prescription
فبكده انت مطلوب منك حاجتين "جزئين"
جزء نظري :كلام بنكتبه
جزء عملي :وده هنشتغله ونحضر التحضيره ونسلمها
الاول جزء النظري وعليه درجات كتيره ولازم نهتم بيه اكتر لانه هو اساس الشغل واللي من غيره مش هعرف اشتغل العملي
بنكتب 6 خطوات ده المفترض لكن هم غالبا بيقولوا منكتبش خطوات الشغل علشان الوقت وهو ده اللي اتعمل في السنين اللي فاتت لكن محدش ضامن يبقي لازم -مش هقول تحفظ الخطوات- تبقي فاهم الخطوات ولو طلبها منك هتكتبها باسلوبك
ورقه الامتحان هي ورقه عاديه مقاس a4 وش وضهر مش هينزلك اي ورق غيره ومش هتستعمل اي ورق من معاك غيره
يبقي لازم قبل ما تشتغل تكون مخطط هتعمل ايه في الورقه وهتقسمها ازاي علشان تكفي
بمناسبه الكلام عن الورق مش مسموحلك تجيب اي ورق معاك يوم الامتحان سوي ورق الموازين فقط
نرجع لورقه الامتحان بقي :-
الورقه هينزل مكتوب فيها الروشته في جزء صغير
هنيجي تحت الروشته ونكتب الـ interpretation & translation
بمناسبه الinterpretation لازم الارقام تتكتب في مربعات
هنكتب ال interpretationازاي من غير ال calculation ?
يبقي لازم تعمل الcalculation
هتقلب الصفحه ايوه لازم تقلب الصفحه وتعمل الcalculation
وبعدين ترجع تكمل الارقام في interpretation
تحت الcalculation هتكتب ال method of preparation لو هم قالوا نكتبها لو قالوا منكتبهاش خلاص
بعد كده ال comment
وبعدين ال use
الاتنين دول هتحفظهم لكل روشته من للي عندنا في المنهج
الـlabel هتتكتب مرتين مره في ورقه الامتحان ومره علي الـ label
ولازم ناخد بالنا ان الـ label تتكتب صح وميكنش فيها اي شخبطه لو غلط ارميها وحات واحده تانيه واكتبه من جديد مفيش مشاكل
تاني حاجه بقي الجزء العملي:
طبعا بمجرد ما هتشوف الروشته هتحدد نوعها ايه
simple , diffusible ....etc
وده هيتوقف عليه طريقه شغلك حسب الخطوات اللي انت فهمتها- مقلتش حفظتها - من مذاكره السكاشن
وبعد ما تخلص وتحط التحضيره في الزجاجه هتجهز الـlabel وتلزقها عليها ولو الlabel بايظه مبتلزقش زي ماكانت في السكاشن هتحطها تحت الزجاجه وانت بتسلمها وبس
ملاحظات عامه بقي:
الـ calculation
طبعا من الخطوات المهمه جدا لان هيتوقف عليها باقي الامتحان كله
لازم افرق بين الوحدات Zz و Z و flZz و flZ
ولازم احفظ طريقه التحويل بتاعه كل واحده
الـ interpretation
لازم احفظ الاحتصارات اللاتينيه علشان اقدر اترجم الروشته صح
لازم الارقام في الـinterpretation يتعمل عليها مربعات
لازم اخد بالي من حكايه مل و جرام محدش يغلط ويكتب في الsolid مل وفي الlequid جرام
وانا بكتب ال interpretation اخد بالي ان ممكن فيه حاجه هضيفها من عندي زي ال compound poder of tragacanth فلازم اسيب مسافه سطر كده قبل الvehicle علشان لو فيه حاجه هضيفها من عندي اكتبها في interpretation
لازن ناخد بالنا من حكايه اننا بنستبدل ال chloropromazine بـ chloropromazine HCl
فلازم نحفظ الاوزان بتاعت كل واحد فيهم علشان اعرف اعمل مقص واجيب الوزن اللي هستعمله
في الinterpretation بنكتب كل مكون بيبتدي بحرف capital
بنكتب المكونات كامله من غير اختصارات
اي
Chloropromazine hydrochloride
وليس
chloropromazine HCl
في الـlabel هنكتب اسمنا وتاريخ الامتحان
ملاحظه هامه :- كميه ال suspending agent اللي بضيفها في حاله الـ indiffusible لا تضرب في الـfactor
مثلا الcompound powder of tragacanth
بنضيف 2%
فنضرب 2/100 في حجم التحضيره المطلوب required volume علي طول
من غير ما نضرب في الـfactor
وبالتوفيق للجميع إن شاء الله
.gif)
.gif)
.gif)
بالنسبة لشيت الصيدلانيات
الامتحان طبعاً هايكون على الجزء العملي - يعني مالهوش علاقة بالأجزاء النظرية بتاعت د.حسن الصباغ , ود.عبد المنعم , و د.مروة
الأسئلة بتبقى ام سي كيو في الغالب, وأحيانا بيبقى فيه مسائل بسيطة ومباشرة
وممكن يجيب أسئلة من فئة
enumerate
يعني هاتكتب عناوين فقط ....
أو
define
يعني تكتب تعريف فقط
يعني في كل الأحوال الإجابات مافيهاش دش كتير
المطلوب مننا نذاكر الجزء العملي كويس , بما في ذلك المقدمات اللي في بداية كل سيكشن ...بدون اهمال أي جزئية ... لأن كل جزئية في العملي موضع لسؤال
طبعاً في حاجات مشهورة جدا , لازم بنكون عارفينها
مثلاً في السيشكن الأول
لازم نبقى عارفين حكاية استبدال الـ
chlorpromazine
ب
Chlorpromazine HCl
وعارفين ازاي بنجيب كمية الكلوربرومازين هيدروكلوريد بدلالة الأوزان الجزئية
-M.wt of chlorpromazine = 318.9mg
-M.wt of chlorpromazine HCl =355.3 mg
وطبعاً الأوزان دي تتحفظ
لازم نكون عارفين , امتى بنستخدم الـ
compound powder of tragacanth
ولما بستخدمه , بنستخدمه بنسبة قد ايه
2%
w/v
يعني اتنين جرام لكل 100 مل من التحضيرة
لازم نكون عارفين الـ
miscibility range
بتاعت الـ
creosote
0.67%
v/v
حاجات زي دي من المواضع الشهيرة للأسئلة في شيت الصيدلانيات
وأهم حاجة أثناء حلي للامتحان , هي قرايتي كويس للسؤال
,
يعني على سبيل المثال ممكن يجيبلي صح أو غلط :-
the miscibility range of creosote = 0.67 % w/v
والقراية السريعة ممكن تخليك تجاوب عليها بـ صح , بينما في واقع الأمر هي غلط , لأن النسبة المفروض تكون بـ
v/v
مش
w/v
كمان من ضمن الحاجات الشهيرة اللي اتكررت كتير في الامتحان , وطلبة كتير برضه كانوا بيغلطوا فيها , سؤال زي
complete the missing word(s):- One gm of gold = ……… gr of water
(Density of gold = 19.3 g/cm3 )
والناس تقعد تضرب أخماس في أسداس وتحاول تجيب النتيجة بدلالة الكثافة والكتلة , بينما الموضوع بسيط جدا
لأن جرام الدهب
هو هواه جرام الميه
هو هواه جرام أي حاجة في الدنيا
يعني الفكرة إني أحول إلى
grain
مباشرة ... لأ أكثر ولا أقل
كمان من ضمن الحاجات المشهورة قوي في شيت الصيدلانيات , إنه يلخبطك ما بين
may be
should be
must be
يعني على سبيل المثال يقولك
Internal preparations may be white - labeled
صح ولا غلط؟
طبعاً غلط , لأن
may be
تعني الاحتمالية ,
لكن الـ
internal preparations
طبعا - لازم لازم لازم - يبقى عليها لايبل أبيض
وناخد بالنا إن
should be = must be
من حيث المعنى
يعني لو كان حط في الجملة السابقة
must be
أو
should be
فالجملة صح
كمان لازم نلتزم في إجابتنا باللي مطلوب مننا في السؤال
يعني لو قالي
mark the following statements either yes or no
يبقى لازم إجابتي بـ
yes
أو
No
والاستسهال واستخدام علامات الصح والغلط في إجابة السؤال في الحالة دي , ممكن يخلي الدكتور ينقصك حتى لو إجاباتك صح
أحيانا ممكن يديني سؤال اختيار , ويحطلي قدام كل جملة 4 أو 5 اختيارات , ويبقى واحد بس فيهم صح
وممكن يكون اتنين منهم صح
وممكن كلهم صح
يعني مش شرط الإجابة تبقى اختيار واحد فقط
يعني الخلاصة , إن الامتحان بيبقى سهل جدا , وواضح جدا , والغلطات بتيجي نتيجة لعدم فهم السؤال , أو إجابته بكيفية غير المطلوب منك , أو نتيجة الاستعجال في الإجابة لما الواحد بيلاقي قدامه حاجة سهلة , زي مثلا في السؤال بتاع صح وغلط بتاع الكريوسوت ,,, لكن مش هايجيلكم حاجات معقدة ....
يعني الامتحان في مستوى الطالب المتوسط ...ويمكن كمان الأقل من المتوسط
بس زي ما قلنا ... شريطة فهم السؤال وإجابته كما هو مطلوب
التوضيح نقلا على شيتات السنين السابقة