هدوء من فضلكم

[Dr.A7med]

جودت واعتمااااااااااااااد
ياااااااا جماعة .. الناس دي بتقيس القدرات الخارقة للطلبة عشان تاخد الاعتماد
وعارفين ايه كمان .. حمامات الكلية مقفولة كلها .. حد يسألني ليه .. أقوله .. جودت واعتماااااااااااااااد .. عشان تلف الكلية كلها علي رجليك عشان تدخل الحمام وتبقي طالب رياضي خارق يستحق الجودت والاعتماااااااااااد
ارحموناااااااااااااااااااااااااااااااااااااااااا

[asfourelgana]

احنا بقه عندنا احلى نظام بيحصل

وياريت تعدو معايا

اولا اللي بيجيب ورقة الغياب وبعدين المعيدين يمرروها علينا

ثانيا الراجل بتاع المنتقبات اللي كل شوية بيمر ده

ثالثا الدكتور المشرف على الدور وياسلام لو كانت دكتورة

ويا سلاااااااااااااام لو كانت من قسم الفارما

ويااااااااااا سلااااااااااااام على النشاط اللي هي فيه

طبعا فهمتو انا بتكلم عن مين

رابعا العمال اللي رايحين جايين وانتو طبعا مجربين

خامسا الطلبه اللي طالعين فوقينا

سادسا المعيد او المعيده اللي بتمر على المراقبين

مش عارفه بصراحه بتعمل ايه بس كل اللي لفت نظري هو كعب سيادتها

لأن طرقعته كانت بترن في ودانى زى المنبه

[SmSm]

ثالثا الدكتور المشرف على الدور وياسلام لو كانت دكتورة

ويا سلاااااااااااااام لو كانت من قسم الفارما

ويااااااااااا سلااااااااااااام على النشاط اللي هي فيه

طبعا فهمتو انا بتكلم عن مين





والله المشرفه اللي عندنا من قسم العقاقير وسبحان الله نفس النشاط و نفس الكعب ....
بس زياده الصوووووووووووووووووووت العااااااااااااااااااااااااااااااااااااااااااااالي زياده عن اللزوم
بتخض والله

[Dr.A7med]

يا جماعة في اللجنة اتكلموا وزعقوا وخدوا حقكم .. ما حدش يقدر يفتح بقه معاك .. اللي يعمل دوشة زعق فيه ومن غير كسوف

[الهدى]

انا والله عاوزة اتكلم فى الموضوع ده من زمان جزاكم الله خير انكم فتحتوه
الموضوع مش بيقتصر بس على لجان الطرقة
العيب مش فى الطرقة كطرقة العيب فى الناس اللى بتراقب واللى رايحة وجاية
يعنى مثلا الطلبة اللى بتخرج بدرى ليه ماتنزلش من السلم التانى اللى مش عنده لجان انا عن نفسى لو طلعت بدرى حتى ولو خمس دقايق بنزل من السلم التانى عشان ماعديش على حد وهو لسه بيمتحن دى حاجة
تانى حاجة يعنى المراقبين مش عارفين يمسكوا نفسهم شوية ده حتى بيبقوا لسه صاحين من النوم يسكتوا شوية او حتى يكملوا نوم لحد مانخلص مش هيحصلهم حاجة والله واليوم لسه طويل ينموا زى ماهم عاوزين
اللى يغيظ اكتر لما تلاقى دكتور معيد او دكتورة مشرفة ع الدور والمفروض عارفين يعنى ايه امتحان وتركيز وخصوصا ان الوقت السنة دى ضيق جدا يعنى مفيش وقت نركز اصلا فمش هنضيع وقت فى كلامهم وبعدين نرجع نقول ممكن هدوء ويقولوا حاضر ويرجعوا يتكلموا تانى ولا كانك قلت حاجة مش هنضيع الوقت فى الصوت ونترجى فيهم عشان يسكتوا حرام قوى كده
انا عن نفسى من لجان الطرقة واتغظت جدا يوم امتحان الابلايد الدكتورة المعيدة واقفة جنب ودانى هى والمراقب وودودة ااه مش مركزة هم بيقولوا ايه ولا حتى سمعاهم بس الصوت اللى ودودة ده بيضايقنى جدا وبيطلعنى من التركيز اللى انا فيه ده انا وانا بذاكر مابطقش حد يتكلم جنبى ولا اسمع نفس مابالكوا بقى فى امتحان وبتجرى ورا نفسك عشان الوقت
دى حاجة يومها دكتور المادة جه طبعا عشان يشوف رد فعلنا ع الامتحان جاله تليفون فتح وهو فى اللجنة وفضل يتكلم كتير وياريت بصوت هادى ده صوته يمكن كان نازل للجان اللى تحت
ماكان على انى استنى لحد ماخلص تليفونه ورجعت احل
وطبعا عشان اعرف اركز والله حطيت ايدى على ودانى عشان النمنمة اللى سمعاه عشان اركز فى السؤال واعرف اجيب حله
حرام ده ولا حلال
بجد لازم نشوف حل فى الموضوع ده
وزى ماقولت المشكلة فى المراقبين واللى واقفين علينا يراعوا ربنا فينا شوية ده بالاضافة انهم ياريت يوقفوا الشغل اثناء الامتحان ماجتش على ساعتين يعنى
ياجماعة المفروض صوتنا ده يوصل لادارة الكلية حرام كده
ياريت اللى يعرفوا يوصلو كلامنا ده يوصلوه ولو فى طلب معين ونمضى عليه الكل هيمضى والله
معلش لو كنت طولت بس انا بجد من اول الامتحانات وانا متغاظة اوى من اللى بيحصل ده
حسبى الله ونعم الوكيل

[Mohamed Al Gohary]

مقار الامتحانات التحريرية :
عرضت على اللجنه ان مقار الامتحانات ( الطرقه ) صعبه جدا وغير مناسبه بالمره .. لكن لم نجد حلا لهذه المشكله مع عدد الطلاب .. ولكن تم التاكيد على ان لجان كلية صيدله من ارقى اللجان في الجامعه ولمن يريد ان يتاكد يذهب ويرى لجان كليات التجاره او الاداب او غيرها .. ووعد دكتور حسن بمحاولة ايجاد حل والغاء لجان الطرقه ..

[asfourelgana]

كملو بقه وامرنا لله

ربنا يخرجنا من الكليه دى خير وعلى رجليناوبعقلنا