المشاركة الأصلية كتبت بواسطة hawass
ياريت حد يكتب كل ماده والمكان اللي هنشتريها منه عشان منألبش في الصفح كتير
كتب المستحضرات الصيدليه: هتجيبوها من غرفه ادراة قسم الصيدلانيات ودى فى الدور الرابع جنب مدرج اعدادى بس من ناحيه الذهاب لمبنى ب طبعا
والكتب ب30 جنيه
كتاب الكيمياء الطبيه العملى لان النظرى لسه منزلش :هتجيبوه من الدور التالت مبنى (ج) من الاوضه اللى جنب المعمل على طول والكتاب النظرى والعملى مع بعض ب50 جنيه
كتاب الفايتو :من مكتبه الاوائل ادام بوابه تربيه (بس الحقيقه انا معرفش هى المكتبه تحديدا فين لكن لو عرفت هاقول ان شاء الله ) والكتب ب175 جنيه
كتاب الفارماكولوجى :من الدور التانى مبنى أ الاوضه اللى جنب الطرقه اللى بتوصل مابين مبنى أ وب
وكويس ان اعلانها موجود فى الصفحه دى والكتاب ب120 جنيه تقريبا دا اللى سمعته
كتاب المعايرات : من نفس المكان لكن معرفش سعره 50 جنيه
كتب الكيمياء الحيويه :هتجيبوه من مبنى ب الدور الارضى فى الاوضه اللى جنب اوضه الحراس
اللى هى غالبا كانت بتبقى مقر للجمعيه العلميه (عرفتوها ولا ايه ؟) جنب اوضه دكتورة امال الجيار بس لجوه كده والكتاب لسه مجاش فانتم هتحجزوا بس والكتاب ب95 جنييييه
متهيالى كده المواد كده خلصت واتمنى اكون افدتكم