الحب فى حياتنا ..... وجهات نظر
LoVe iN OuR LiFe
أكيد كلنا حبينا قبل كدة اللي حب أسرته أو حب نفسه حتى !! وأكيد ممكن يكون حب ... واللي حتى محبش يعرف
حد من قرايبه أو صحابه حب بس للأسف زي ما فيه حبوا في علاقات فشلت وكمان منا قال مفيش حاجة أسمها حب حقيقي ودة موجود في الأفلام بس وكله وهم ..... الخ
وطبعا في منهم بعد فترة غير نظرته للحب وفي أكيد لسة على رأيه .. كلنا عارفين أن المشكلة مش في الحب , المشكلة فينا أحنا مش عارفين معنى الحب الحقيقي ... !
في ناس حبت وضحت بكل ما تملك عشان بيحبوا .. وفي كمان ناس ضحت عشان اللي بيحبوهم حتى لو الحب مش متبادل !! بس للأخلاص والتضحية أنواع !!!
وأكييد طبعا في ناس حبوا للتسلية .. أهو أسمهم بيحبوا .. قصدي بيتسلوا وخلاص !!
" كل المشاكل اللي بتحصل ما بين المرتبطين ودة بنشوفوا كتير قوي... بيرجع من وجهة نظري لعدم نضج الطرفين أو أحدهم "
بغض النظر عن سبب الأنفصال أو المشكلة وكمان الأستعجال في الأرتباط !!
بمعنى... فترة الخطوبة بقت فترة تمثيل في تمثيل طبعا كلامي مش بعممه على الكل دة غير طبعا اللي واخدين مسألة الحب وكمان الخطوبة ترفيه وتسلية واللي بيوهم اللي قدامه بأنه خلاص ناوي يعمل كل حاجة عشان يبسط الطرف التاني
أو بمعنى تاني في حالات كتيرة في فترة الخطوبة نقدر نقول على الطرفين أنهم روميو و جولييت !!
يعني الكلام دة حقيقة من حكايات أتحكتلي كتير ومن مشاكل أتعرضت علي عشان أناقشها !! بس نقف عند نقطة معينة وهي لأمتى الحب هيفضل لعبة أو كورة يتلعب بيها !!!
بنسمع الجملة دي كتير " هو / هي مكنش أو مكنتش كدة في الأول "
دة أكييد بيرجع بأن الشخص اللي أتقال عليه كدة أن شخصيته ضعيفة و زي ماتقولوا كدة مستني لغاية ما يرتبط فعليا !!!! و .. الخ
لو قعدت أقول صفاته الموضوع مش هيكفي بس آجي وأقول للي بيحب أو حتى لما تحب لو حبيت أو حتى لما تحب " حب بكل حالاتك " خليك قد حبك للشخص اللي بتحبه
شايف أن دة صعب ؟! خلاص بلاش منه و ريح دماغك أحسن !!
" خليك مقضيها أحسن " !!!
متربطش حد جنبك وخلاص ! وفي الآخر تقوله باي باي كفاية كدة بقى مش هينفع !
أما بقى عن عنوان الموضوع " فلسفة الحب " فا أنا لية فلسفة في الحب واللي هي بما أن الحب بيبقى ما بين طرفين بس :
" الحبيبة هي أميرة اللي بيحبها و هو الأمير بتاعها أكييد و بيتهم مهما كان شكله أو مكانه هو القصر اللي عايشين فيه دة غير بقى الأمير الصغير أو الأميرة الصغيرة لو ربنا كرمهم طبعا "
فلسفة غريبة أنا عارفه هتقولوا هى بتقول ايه دة ؟! بس فكروا شوية كدة في الكلام دة على العموم كل واحد ليه فلسفته الشخصية في كل موضوع في الحياة
في كمان نقطة أحب أقولها في الموضوع دة في ناس كتير قوي ودول بيمثلوا الأغلبية العظمى هم الناس اللي بيفكروا بقلبهم بس وعقلهم دة في عالم تاني خالص أكييد هتقولوا ما هو حب من القلب .. معظم القرارات اللي الناس بتاخدها بقلبهم بس بتبقى قرارات غلط 100% عشان بتبقى قرارات متأثرة بعاطفة الشخص دة وفي منهم ناس بتندم في الآخر وفي ناس أهو بتضحي وأهي عايشة وخلاص وربنا يسهل بقى !!
يجي بقى للموضوع اللي بيحرق الأعصاب اللي هو " الجواز العرفي " طبعا في ناس معترفة بيه على أنه زواج على سنة الله ورسوله !! أو يمكن الناس دي عارفة ومتأكدة أنه العكس بس هم عايزينه كدة " المبرر للجواز العرفي يعني " مع أني مش حابب أنه يطلق عليه أنه زواج عرفي ولكن أفضل أن أسميه " أرتباط عرفي " وليس زواجا !!! على العموم كل واحد وتفكيره !!!
في كمان نقطة أحب أتكلم عنها وهي ما يعرف بـ " جواز الصالونات " ! طبعا مفيش حد مايعرفهوش ! وهو بصورة مختصرة عبارة عن جمع ما بين أتنين مايعرفوش بعض قبل كدة وبالأصح " يتفرجوا على بعض " ... ولو حصل نصيب والأتنين أعجبوا ببعض يتخطبوا لبعض واذا الحياة بقت ظريفة مابينهم يتجوزا وربنا يسهل بعد كدة الحياة مشيت يبقى مية مية ولو ممشيتش يبقى مفيش أي مشاكل هيطلقوا وخيرها في غيرها !! مش عارف يمكن الأرتباط بقى لمجرد الأعجاب بس ولا ايه النظام ! ونسينا الميول والأتجاهات والصفات و و و ... الخ اللي في الأتنين اللي عايزين نجمع ما بينهم بالعافية دول !! بس تيجوا للصراحة هي طريقة أرحم من " السرمحة في الشوارع " وبما يسمى بالأ " أنتمة " أو .. بس أنا من رأيي لو بقى الموضوع بقى جواز صالونات كدة يبقى فترة الخطوبة " تطول " شوية نوعا ما بحيث يبان أذا ما كان في أنسجام ما بين الطرفين أو لا حتى ولو كانت فترة الخطوبة مجرد فترة تمثيل وغنى وحركات أفلام هندي ملهاش أي لازمة على أساس أنها هتتغير بعد الأرتباط الفعلي وهو الجواز ! على كل حال محدش عارف هيرتبط أزاي أو هيدبس أزاي ! يمكن كلنا نقضيها صالوناتي وخلاص !!! على العموم أتمنى أننا كلنا مهما كانت طريقة أرتباطنا باللي بنحبه يكون أختيار موفق وربنا يوفقنا جميعا
وأهو كله بيطلع في الغسيل بعد كدة !!!
طبعا الكلام دة مجرد أختصار للي عايزه أقوله ..... !!
أما بقى عن موضوع السن في الأرتباط طبعا المعهود والطبيعي أن يكون الولد أكبر من البنت عشان يعني يكون أنضج منها عقلا وفكرا ويقدر يشيل مسئوليتها أو بالأصح عشان ينفع يطلق عليه كلمة راجل !! ... مش عارف مش هتكلم في النقطة دي كتير عشان في رجالة كبار ملهومش لازمة ولا يعتمد عليهم .. اللي أقصده يعني أن المسألة مش موضوع سن .. دي حاجة مرتبطة بشخصية الشخص دة مش في سنه خالص !!
متهيألي كدة في ناس هتقول علية أني عقدتهم في موضوع الحب والأصح أنهم يبعدوا عنه أحسن " أبعد عن الشر وغنيله " لا والله مش قصدي كدة خالص أنا بس بقول رأيي مش أكتر وأهم حاجة أني هستفاد من المناقشات اللي هتحصل بعد كدة فا ممكن أغير رأيي في حاجات " %أحتمال (30 % ) مش أكتر من كدة !!! " وكمان ممكن أفيدكم بكلامي ولو حتى بـ 1 %
ولو كان الحب شر وعايز تبعد عنه وتغنيله فا أبقى قولي عشان آجيب الطبلة وآجي أطبله ... !! بس مهما كان حتى ولو كان شر فا هو شر لابد منه !! بس هو أبعد من أن يكون شر أومال أسمه حب أزاي ؟!
الحب ...... حياة الى الأبد
الحب ...... مشاركة بكل شيء
الحب ...... أعجاب دائم
الحب ...... مغامرة أبدية
الحب ...... أحساس رقيق
الحب ...... أرتباط مقدس
الحب ...... حب من أول نظرة
الحب ...... شغف أبدي
الحب ...... دويتو ما بين طرفين " أغنية لا تنتهي "
الحب ...... الخ
We WeRe GiVeN Two HaNds To HoLd , Two LeGs To WaLk , Two eYeS To See , Two EaRs To LisTeN , BuT WhY OnLy oNeHearT ? CaUsE ThE oTheR oNe WaS GiVeN To SoMeoNe FoR Us To FiNd
واخيرا ..... علشان تعيش بحب اقتدى بسيد البشر رسول اللهفى حبك لكل من حولك من اب ، ام ، اخت ، اخ ، زوج , زوجه ، ابناء ..
.gif "Fop (28)")
رد مع اقتباس
.gif "Fop (29)")
.gif "Fop (18)")
.gif "Fop (41)")
المشاركة الأصلية كتبت بواسطة Dr.Alaa El Emam
.gif "Fop (43)")
