صفحة 1 من 19 12311 ... الأخيرةالأخيرة
النتائج 1 إلى 10 من 184

الموضوع: اقتراحات من اجل التطوير من فضلك ....ادخل واعطى رايك

  1. #1

    افتراضي اقتراحات من اجل التطوير من فضلك ....ادخل واعطى رايك


    بسم الله الرحمن الرحيم
    السلام عليكم
    التطوير ......... مااجملها من كلمه
    توحى بالرغبه فى حياة افضل واجمل ...توحى بالامل ...توحى باستمرار الحياه.
    نفسى فعلا نطور كليتنا التى ننتمى اليها جميعا واى شىء جميل فيها يزيدنا جمالا
    عوزين نطور فى الشكل العام
    عوزين نطور فى الجوهر
    عوزين نطور من انفسنا
    عوزين كل واحد فى مكانه يطوره

    اقتراحاتى
    1- عوزه يتعمل صندوق صغير داخل كل معمل للشكاوى من كيماويات ...من عامل ...من فنى ..من اهمال اى شىء يخص هذا المعمل ويفتح كل اسبوع ونتلاشى السلبيات اول باول
    2-عوزه كمان نعمل برده صندوق صغير لمن يريد من الطلبه ان يضع فيه اى فلوس للعمال بدلا من الشكل الفظيع الذى اشتكى منه الطلبه على المنتدى العام فى موضوع (جمارك بعد الامتحان)وهذا الصندوق لايقف بجانبه عامل وتكون حريه شخصيه بحته خاصه بكل طالب
    واما يلغى هذا المبدا تماما .
    3- عوزه نعمل تبادل زيارات بيننا وبين كليات الصيدله فى الجامعات الاخرى والزياره تجمع بين طالب وعضو هيئة تدريس وفنى وادارى حتى يرى كل منهم الايجابيات الموجوده فى كل كليه كل فيما يخصه من تخصص ونحاول تطبيقه فى كليتنا
    4-عوزه يتعمل تكريم لكل واحد مميز فى مكانه لكى تحدث دفعه من اجل التميز ويكون هذا التكريم بعييييييييييدا عن السن وبعيدا عن الاكراميات بل يكون له قواعد ويؤخذ راى جميع اعضاء هيئة التدريس كل فى قسمه وفى سريه ويكون هذا من قبل الاستاذ الدكتور رئيس كل قسم عن انشط واحسن فنى فى القسم وفى النهايه يتم الاختيار الصحيح وبما يرضى الله
    5- نفسى اغير طريقة توزيع البودر على الطلبه فى المعامل مش عجبانى ان العامل يوزع كده البودرعلى الطلبه احنا بنطور يوضع على كل بنش عبوه لها مواصفات خاصه يؤخذ منها البودر دون فتحها حتى لا يتم افساد مابها من خلال الطلبه
    فى الحقيقه عندى اقتراحات كتير بس ان شاء الله انا معكم باستمرار بس عوزه اشوف اراء سيادتكم ونتحاور ونختار الحلول المناسبه لكل شىء سلبى وكما قلت من قبل حلوه اوى الديمقراطيه الجميله التى نعيشها فى عصر سيادة العميد دعواتى لسيادته بالتوفيق وجعله الله فى ميزان حسناته.
    اللهم انى اسالك علما نافعا
    ورزقا طيبا وعملا متقبلا.

  2. #2

    افتراضي


    6- اريد ان نعمل رابطه تسمى برابطة كلية الصيدله وتكون مكونه من واحد من كل قسم فى الكليه وهذا الشخص يمثل قسمه ويتعمل اجتماع كل فتره مع هذه الرابطه وكل واحد يطرح الاقتراحات التى تتطور من قسمه او يطرح السلبيات الموجوده عنده فى القسم ونتحاور فى الحلول
    وممكن يتعمل رابطه اعضاء هيئة التدريس ورابطه خاصه بالفنيين والاداريين وانا مقتنعه جدا بهذا الاقتراح لانه سيحدد النقاش بدلا من التشتيت اثناء الاجتماعات
    7-موضوع الكنترول تكلمت عنه من قبل فى قسم التطوير (هام جدا قبل امتحانات النظرى)ارجو مراجعته
    8-نفسى نعمل حفله صغيره تضم سيادة العميد والوكلاءوجميع العاملين بالكليه بعد انتهاء كل عام دراسى صدقونى دى بتعمل الفه جميله وتقارب حلو اوى
    9-حفلة المعاش التى طرحتها من قبل فى التطوير كل واحد طالع على المعاش اكيد خدم الكليه عمره كله يعنى فيه ناس خدمت الكليه اكتر من 30 سنه بيتهيالى يجماعه يستحق التكريم من قبل الكليه ونعمل مايسمى بحفله معاش وتكون جديده فى كلية الصيدله ومميزه بها واد ايه كليتنا تكون وفيه ومخلصه لكل من انتمى اليها فى يوم من الايام مش كده ولا ايه ؟
    يارب تكون اقتراحاتى عجبتكم واريد الحوار والمناقشه شكرا لكم
    اللهم انى اسالك علما نافعا
    ورزقا طيبا وعملا متقبلا.

  3. #3
    Pharma Student
    تاريخ التسجيل
    Apr 2009
    المشاركات
    112

    افتراضي

    اقتراحات حلوة جدا جدا جدا
    عجبتنى اوى
    ويارب تتنفذ بجد

  4. #4
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    ميه ميه ياطنط مني ... والله كل يومي بيزيد اعجابي بحضرتك اكتر من اليوم اللي قبله
    5- نفسى اغير طريقة توزيع البودر على الطلبه فى المعامل مش عجبانى ان العامل يوزع كده البودرعلى الطلبه احنا بنطور يوضع على كل بنش عبوه لها مواصفات خاصه يؤخذ منها البودر دون فتحها حتى لا يتم افساد مابها من خلال الطلبه
    انا والله كنت داخلة اقول نفس الاقتراح....
    في مواد زي الصيدلانيات شغل البودر بيكون محسوب اصلا يعني بتوزن مثلا 1 جرام و ده اللي بتشتغل بيه
    التحليليلة حتي الان مستخدمناش باودر الا في الانديكاتور و ده بناخده من العلبة بورقة نضيفة كلنا بنستخدمها و مفيش مشاكل ...
    المشكلة الكبري في سكشنين : النبات و العضوية
    النبات: بيتم وضع البودر بكمية كبيرة جدا في علبة علي اول بنش و الطلبة رايحين جايين ياخدوا منها بادواتهم اللي غالبا بتكون مش نضيفة و بعدين الادوات بتتنقل من بودر لبودر ... طبعا كده البودر باظ .. ده غير ان في ناس بيتبعوا مبدأ " ابو بلاش كتر منه !" و فاكرين ان كل ما نستخدم بودر اكتر كل ما الحاجة تبان تحت الشريحة اوضح و ده طبعا خطأ بس مش موضوعنا دلوقتي...
    في حل من اتنين .. الاول انه يتم تقدير متوسط استهلاك الطالب للبودر و تنزل كمية مناسبة علي كل بنش
    (5-15) طالب تقريبا ..كده معدل فساد البودر هيقل و لكن ده مش حل جذري للموضوع
    الحل التاني ان يكون فيه علب خاصة و ادوات خاصة لاخذ البودر
    تكون العلب ضيقة من فوق و طويلة العنق عشان مش اي حد يدخل ورقة يجيب بيها شوية بودر و يبوظ الدنيا .. و تكون الspatula الخاصة باخذ البورد هي الوحيدة اللي ممكن نستعملها ممكن تكون شبه كده مثلا :

    * * * * * * * * * * *

    * * * * * * * * * * *



    و في اول سكشن نتعلم ازاي ناخد البودر و كمية قد ايه و الاحتياطات و غيره ...زي ما بنتعلم ازاي نستعمل الميكروسكوب ..نتعلم ازاي نتعامل مع البودر
    ____________________________
    العضوية بقي ... اكتر سكشن بيتم فيه اهدار الكيماويات
    الباودر بيوزعها علينا العامل في اااااخر السكشن ..بعيد جدا عن الدكاترة و كده غلط لان البودر ممكن نعملها تست واحد و ممكن عشرة و في كلتا الحالتين ما شاء الله بناخد كمية كبيرة جدا لأن العامل غير مؤهل لتقدير الكمية اللي احنا محتاجنها ممكن يتحل الموضوع بان العامل يدي الباودر قدام عشان يكون الدكتور مشرف علي الامر...احيانا انا و زميلتي اللي جنبي بنعمل ببودر واحد و برضه بيفيض فتخيلوا مدي الاسراف اللي بيحصل ...
    المشكلة التانية الreagents .فكرة جميلة ان كل بنش عليه reagents خاصة بيه و لكن الزجاجات دي متنفعش
    الدروبر بيتنقل من reagent للتاني و ده بالرغم من التحذير الشديد من الدكاترة و لكن مفيش فايدة..
    الحل ان الازايز تتعمل بشكل خاص .. تكون ازازة و دروبر في نفس الوقت زي علب القطرة مثلا .. او ممكن نحط الreagents في سحاحات زي ما بيحصل في الصيدلانيات (الفينول) بس هو حل صعب شوية نظرا لان العضوية مليانة بالاف الreagents
    لو مثلا اخر بنش اتحط عليه كله سحاحات و كل واحدة علي label بالمادة اللي فيها اعتقد ان المصاريف اللي بتصرفها الكلية ع الكيماويات هتقل للنص ...
    معلش طولت عليكم .....للحديث بقية باذن الله
    سبحانك اللهم و بحمدك ..اشهد ان لا اله الا انت ..استغفرك و اتوب اليك

  5. #5
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اذا رأينا العقول تدبر لصالح الكلية و بالتالى المجتمع فهذا دليل على سلامة المفاهيم و حب البلد. لأن معركتنا فى التغيير من واقع هذا الحال الى حال افضل هى فى الأساس معركة مفاهيم. جزيتم خيرا يا "موظفة طموحة" و يا "بنبونة" على تلك الأفكار الجميلة التى يمكن تطبيقها فى منتهى السهولة طالما توفرت إرادة التغيير.
    أأمل ان تكتب هذه الإقتراحات الكترونيا و ان تسلك مسارها الرسمى عن طريق القسم او عن طريق وكيل الكلية لشئون خدمة المجتمع او وحدة الجودة و كذلك بالنسبة لإقتراحات "بنبونة" اذا كانت عضوه فى لجان تطوير الفاعلية التعليمية.
    شكرا لكما و نفع الله بكما.
    "من لا يتقدم يتقادم .. فلا بصمة و لا أثر"

  6. #6

    افتراضي


    اشكر حضرتك جدا يادكتور عطا الله على المرور وانا بالفعل قدمت بعض هذه الاقتراحات الى وحدة ضمان الجوده الى الدكتور سرى وارجو فعلا ان تسلك مسارها الصحيح وحقيقى انا عندى افكار كتير حلوه من وجهة نظرى وتحتاج الى المناقشه وحقيقى سعيده جدا بمشروع التطوير الذى اتاح لى الفرصة لاخراج كل مالدى من افكار وميول تطويريه فى مجال عملى لانى بجد اعشق عملى وطبيعته . شكرا جزيلا لحضرتك
    -----
    اقتباس المشاركة الأصلية كتبت بواسطة BoNbOoNa مشاهدة المشاركة
    ميه ميه ياطنط مني ... والله كل يومي بيزيد اعجابي بحضرتك اكتر من اليوم اللي قبله

    انا والله كنت داخلة اقول نفس الاقتراح....
    في مواد زي الصيدلانيات شغل البودر بيكون محسوب اصلا يعني بتوزن مثلا 1 جرام و ده اللي بتشتغل بيه
    التحليليلة حتي الان مستخدمناش باودر الا في الانديكاتور و ده بناخده من العلبة بورقة نضيفة كلنا بنستخدمها و مفيش مشاكل ...
    المشكلة الكبري في سكشنين : النبات و العضوية
    النبات: بيتم وضع البودر بكمية كبيرة جدا في علبة علي اول بنش و الطلبة رايحين جايين ياخدوا منها بادواتهم اللي غالبا بتكون مش نضيفة و بعدين الادوات بتتنقل من بودر لبودر ... طبعا كده البودر باظ .. ده غير ان في ناس بيتبعوا مبدأ " ابو بلاش كتر منه !" و فاكرين ان كل ما نستخدم بودر اكتر كل ما الحاجة تبان تحت الشريحة اوضح و ده طبعا خطأ بس مش موضوعنا دلوقتي...
    في حل من اتنين .. الاول انه يتم تقدير متوسط استهلاك الطالب للبودر و تنزل كمية مناسبة علي كل بنش
    (5-15) طالب تقريبا ..كده معدل فساد البودر هيقل و لكن ده مش حل جذري للموضوع
    الحل التاني ان يكون فيه علب خاصة و ادوات خاصة لاخذ البودر
    تكون العلب ضيقة من فوق و طويلة العنق عشان مش اي حد يدخل ورقة يجيب بيها شوية بودر و يبوظ الدنيا .. و تكون الspatula الخاصة باخذ البورد هي الوحيدة اللي ممكن نستعملها ممكن تكون شبه كده مثلا :

    * * * * * * * * * * *

    * * * * * * * * * * *



    و في اول سكشن نتعلم ازاي ناخد البودر و كمية قد ايه و الاحتياطات و غيره ...زي ما بنتعلم ازاي نستعمل الميكروسكوب ..نتعلم ازاي نتعامل مع البودر
    ____________________________
    العضوية بقي ... اكتر سكشن بيتم فيه اهدار الكيماويات
    الباودر بيوزعها علينا العامل في اااااخر السكشن ..بعيد جدا عن الدكاترة و كده غلط لان البودر ممكن نعملها تست واحد و ممكن عشرة و في كلتا الحالتين ما شاء الله بناخد كمية كبيرة جدا لأن العامل غير مؤهل لتقدير الكمية اللي احنا محتاجنها ممكن يتحل الموضوع بان العامل يدي الباودر قدام عشان يكون الدكتور مشرف علي الامر...احيانا انا و زميلتي اللي جنبي بنعمل ببودر واحد و برضه بيفيض فتخيلوا مدي الاسراف اللي بيحصل ...
    المشكلة التانية الreagents .فكرة جميلة ان كل بنش عليه reagents خاصة بيه و لكن الزجاجات دي متنفعش
    الدروبر بيتنقل من reagent للتاني و ده بالرغم من التحذير الشديد من الدكاترة و لكن مفيش فايدة..
    الحل ان الازايز تتعمل بشكل خاص .. تكون ازازة و دروبر في نفس الوقت زي علب القطرة مثلا .. او ممكن نحط الreagents في سحاحات زي ما بيحصل في الصيدلانيات (الفينول) بس هو حل صعب شوية نظرا لان العضوية مليانة بالاف الreagents
    لو مثلا اخر بنش اتحط عليه كله سحاحات و كل واحدة علي label بالمادة اللي فيها اعتقد ان المصاريف اللي بتصرفها الكلية ع الكيماويات هتقل للنص ...
    معلش طولت عليكم .....للحديث بقية باذن الله
    سبحانك اللهم و بحمدك ..اشهد ان لا اله الا انت ..استغفرك و اتوب اليك
    الله عليكى يبونبونه اشكرك جدا على مرورك الذى يسعدنى دائما وربنا يكرمك على هذه التوضيحات الجميله مثلك ويارب يقدرنا نعمل حاجه حلوه ان شاء الله انا معاكو فى حاجه ذى مااتفقنا اشكرك جزيلا
    اللهم انى اسالك علما نافعا
    ورزقا طيبا وعملا متقبلا.

  7. #7
    عضـو هيئـة التـدريـس
    تاريخ التسجيل
    Jan 2008
    المشاركات
    10

    افتراضي

    رائع. حقيقي أفكارك كلها هايلة. أكيد طالما عرضتيها علي د.سري حتتاخد في الإعتبار.>

  8. #8
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    أأمل ان تكتب هذه الإقتراحات الكترونيا و ان تسلك مسارها الرسمى عن طريق القسم او عن طريق وكيل الكلية لشئون خدمة المجتمع او وحدة الجودة و كذلك بالنسبة لإقتراحات "بنبونة" اذا كانت عضوه فى لجان تطوير الفاعلية التعليمية.
    شكرا لكما و نفع الله بكما.
    امين يا رب..... جزاكم الله خيرا يا د\ عطا الله و استاذتي مني
    بالتأكيد سأقوم بذلك ان شاء الله بعد انتهاء امتحاناتي
    في أمان الله

  9. #9

    افتراضي


    السلام عليكم
    اتابع مع سيادتكم سلسلة اقتراحاتى
    10-اتمنى ان نقلل من استخدام لهب بنزن الموجود فى معامل الطلبه منعا للحوادث وذلك بوضع عدد2 hetar على كل بنش وممكن ان يستعمله حوالى من 4 طلبه فى ان واحد ولايتم استعمال لهب بنزن الا فى التجارب التى تحتاج اليه وبذلك نقلل من الحوادث التى نراها كثيرا اثناء العام الدراسى.
    11-اتمنى ان يكون فى كل دور صيدلية معلقه وبها كل مايخص الاسعافات الاوليه ويتم عمل جرد دورى عن الناقص بها ويتم توفيره او يكون واحد مسؤل عن جرد صيدليات كل مبنى وتوفير الناقص من قبل الكليه حتى يكون الامر فيه اهتمام .
    12-نفسى اوى نعمل مركزيه للماء المقطر وهذا الامر انا عرضته بالفعل ويكون فيه مكان مخصص فى الكليه وليكن فى ساحة الكليه لغرض ضغط المياه ان يكون شديدا حتى تستطيع الاجهزه انتاج اكثر من الماء المقطر وكمان لازم ضغط الماء يكون شديد وهذا المكان يكون مجهز من اجهزة تقطير وعبوات كثيره عباره عن دمجانات وجراكن ويخصص عامل لهذا المكان ويتم صرف الماء المقطر عن طريق دفتر صرف لكل قسم حقيقى بزعل اوى لما نروح نجيب ماء من مصنع السماد والعامل يشيل ويحط بصراحه الموضوع ده مهم جدا لانه ساعات كمان الميه تيجى مش كويسه لالالالالالالازم كليتنا ان شاء الله يكون متوفر فيها كل مانحتاج اليه ويكون فى متناول ايدينا .
    اسفه جدا على الاطاله شكرا لكم.
    اللهم انى اسالك علما نافعا
    ورزقا طيبا وعملا متقبلا.

  10. #10
    Pharma Student
    تاريخ التسجيل
    Apr 2009
    المشاركات
    112

    افتراضي

    11-اتمنى ان يكون فى كل دور صيدلية معلقه وبها كل مايخص الاسعافات الاوليه ويتم عمل جرد دورى عن الناقص بها ويتم توفيره او يكون واحد مسؤل عن جرد صيدليات كل مبنى وتوفير الناقص من قبل الكليه
    [/quote]
    فكرة رائعة

صفحة 1 من 19 12311 ... الأخيرةالأخيرة

المواضيع المتشابهه

  1. ادخل قول رايك
    بواسطة د///*مطحونة*\\\ في المنتدى السـاحة الريـاضيـه
    مشاركات: 2
    آخر مشاركة: 16-11-2009, 02:09 AM
  2. ادخل وقول رايك فى الصوره دى
    بواسطة Dr Anonymous في المنتدى السـاحة الريـاضيـه
    مشاركات: 12
    آخر مشاركة: 07-11-2009, 10:16 AM
  3. ادخل وقول رايك
    بواسطة SHYMAA في المنتدى منتدى المناقشات
    مشاركات: 14
    آخر مشاركة: 05-07-2009, 03:16 AM
  4. اذا تجاوزت مرحلة الألم ادخل من فضلك
    بواسطة dr_sho0osho0o في المنتدى المنتـدى العـام
    مشاركات: 20
    آخر مشاركة: 09-05-2009, 10:14 AM
  5. بتحب تسقط البنطلون طيب ادخل وبعدين ابقى قول رايك
    بواسطة Dr.Mohamed في المنتدى منتدى المناقشات
    مشاركات: 22
    آخر مشاركة: 25-09-2008, 10:54 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •