ساحة حوار لطلبه تانيه الجدد

[د\بوسى ربيع]

يا سموءه انا مش فرحانه بس يسلام مفيش كلام يعبر عن سعادتى بعد اسبوعين تقريبا هبدا امتحانات وارجع اتبهدل تانى فى السكاشن واعد بال5 ساعات واقفه فى السكشن يسلام هى دى السعاده بس يلا شر لابد منه

[mono1232007]

انا معاك يا د/بوسي إنه شر لابد منه وكل سنة نبدأ نشيطين(شوية)وعايزين نعمل حاجات كتير لكن بس يومين او اسبوع بالكثير ونبدا الملل وتمني عودة الاجازة .
بس بعد الصحبة الجميلة في المنتدى والاخبار المفيدة اللي فيه بدأت احب الكلية جدا ز وكمان بعد نزولي صيدلية في الصيف وشفت الادوية والمواد الفعالة بتاعتها واستخدماتها بجد نفسي ادخل الكلية بسرعة واعرف الحاجات اللي سمعت عنها.

[dr/noony]

كل سنة وانتوا طيبين وفى أحسن حال وفى سعادة دائما
خلاص بعد قليل تبدأ أيام الجهاد فى الكلية كل سنة وانتوا طيبين
بس معتقدش يا جماعة ءان السكاشن تبدأ كدة من أول يوم
كمان ازاى من غير شرح عملى
وغير كده وكده لسة منعرفش أرقامنا فى الكشف

[سموءة]

على فكرة الارقام نزلت انا كنت لسة فى الكلية يوم الاربعاء وشفت رقم الكشف

[dr/noony]

كويس والله بس بردوا معتقدش اننا نبدأ من أول يوم ده حتى حرام
وحدة وحدة علينا

[سموءة]

متهيألى بعد سنتين فى صيدلة ممكن نتوقع اى حاجة

[سموءة]

يعنى هو مش حرام ان احنا ننزل نمتحن يوم جمعة وكمان نمتحن يوم 6 اكتوير اللى هو اجازة رسمية

[سموءة]

اللى يخليهم يبهدلونا كده ممكن يخليهم يشتغلوا سكاشن من اول يوم

[dr/noony]

معلش احنا اتعودنا ان مفيش حاجة اسمها اجازات بس احنا اتعودنا ان أول يوم
محاضرات بس

[سموءة]

والله اتمنى ان يكون كده لانى عندى سكشن 9 الصبح ومش عارفة اعمل ايه