المشاركة الأصلية كتبت بواسطة Hany Elshamy
السلام عليكم
اولا الف مبروك ليكم يا بكالوريوس 2010 ان شاء الله
ثانيا عن رابعة
- الطبية : زي بتاعت تالتة بس الترم الاول صعب حبتين و الترم التاني سهل حبتين
- الابلايد : لا تعليق ما هي الا حاجات متكررة اخدناها قبل كده و دش و شكرا
- الصناعية : مادة للعرض فقط فعلا .. اهم حاجة حضور المحاضرات و تاخد غيابك في المحاضرة .. العملي بتاعها هو شيت على النظري
- البارا و البابليك : البارا الترم الاول شبه علم الحيوان بتاع اعدادي طفيليات و دورات حياة و كلام من ده ( تحاولو تجيبوا تقدير فيها الترم الاول ) ، الببليك الترم التاني بصراحة روعة في المذاكرة تحسسك انك دكتور بجد بس هي صعبة حبتين و لازم تتزاكر في شكل مقارنات وجداول و من اول يوم نبدأ نزاكرها عشان هي مش هتثبت الا بالتكرار
- الصيدلانيات : سهلة جدا جدا مش تستاهل كلام
- التوكسو : زي الصيدلانيات
- ادارة الاعمال : مش هقول اكتر من انها بالعربي و كان قبلها يومين و كلنا جبنا فيها جيد جدا و د. اسماعيل بيظبطنا فيها بس تكتب و مش تسيب حاجة فاضية
ملاحظة : الابلايد و الصناعية و البابليك مذاكرة من اول السنة
رابعة سهلة بس مش نستهتر بيها عاوزينها اكبر تقدير في الكلية و كلكم تقدروا على كده ان شاء الله
نصيحة : حاولوا تعملو دورات و تاخدوا شهادات في الاجازة دي
و استمتعوا اوي بالاجازة لانها ... اخر اجازة صيف هتاخدوها
اخيرا : ربنا يوفقكو يا دكاترة و نشوف في عنيكم فرحة التخرج السنة الجاية ان شاء الله
تحيتي للجميع