صفحة 1 من 2 12 الأخيرةالأخيرة
النتائج 1 إلى 10 من 17

الموضوع: ثورة طلاب الصيدلة فى الميزان

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي ثورة طلاب الصيدلة فى الميزان

    السلام عليكم أحبائى الطلاب

    تتبعت ثورة الطلاب على الإدارة و الأقسام من خلال هذا المنتدى
    و لعلمى بالأحوال قبل و بعد ثورة شبابنا... شباب مصر الهمام ....فبرجاء إعتبار هذا الكلام.
    - لا أظن ان كل من شارك فى ثورة مصر و ضحى من اجل نجاحها هو الذى يشارك الان فيما يحدث فى الكلية من وقفات او اعتصامات و ضغط هنا و ضغط هناك بتلك الأساليب التى استغرب لها و التى لا تتناسب مع نظرتى لشبابها و لا تتصل بأخلاق البر و التقدير

    شباب ثورة مصر ثار و اختار ثم هو قادر على ان يحمى إختياره .... قابل المجلس الأعلى و تشارط معه بعد اتفاق و ترك وقتا للحكومة الإنتقالية الحالية و عينه يقظة و تركوا فرصة لنفوسهم لترتيب الأفكار و البدء بنمهجية فى بناء المسارات. لأن هذا هو طريق النهضة بأم الدنيا.
    المسارت الشرعية تبنى الان خطوة خطوة تعديل دستورى يعقبة إنتخابات برلمانية فرئاسية ... الأحزاب الان مسار هام لمن اراد ان يعبر و يغير فى إطار تحكمه مبادىء و أهداف حتى لا تضيع المسئوليات.
    فى عهد الثورات هناك فترة لنضوجها بمعنى الا يلتفت فيها الى الأهداف الصغيرة و نلتفت لما هو أكبر و أجل.




    نحن نريد بناء مواطن قوى مهنى محترف حر مبدع معلم طالب دائما للرقى و العلا فتعلو به بلده و تتسامق على الأمم
    و من اجل ان تكون مصر ام الدنيا لا بد ان نكون لها ابناء بررة نتلاحم و لا نتشاقق

    فى كلية الصيدلة تحدثتم مع عميدة الكلية (رأس الإدارة) و وعدتكم و سجلت لكم كل ما طلبتموه..... هناك انتخابات إتحاد الطلاب قادمة و الإتحاد هو ممثلكم الرسمى امام الإدارة و هو القوة الممثلة لنيل حقوقكم امام الإدارة و الجامعة. لا تضييق على إنشاء الأسر الطلابية على الإطلاق...... اساتذتكم يقدرونكم و باتوا مقتنعين بطاقة الشباب و مدى تشوقكم لمستقبل أفضل لكم دور اساسى فيه كما كنت انا مؤمن بذلك منذ زمن طويل
    .
    إذن ما هدف حديثى معكم؟

    الهدف هو تثبيت المرساة و العودة الى شاطىء التغيير المنضبط. المنضبط بأخلاق الثورة و النظر الى الأهداف العليا و إختيار افضل الوسائل للوصول إليها.
    ثورة مصر النبيلة التى علمت العالم كيف تكون الثورة المتحلية بالإخلاق و التى يحذوا حذوها أهل اليمن حاليا. الثورة التى كان شبابها يتمسك بخلق قبول الأخر فى ميدان التحرير ... خلق التعاون فيما اتفق عليه كل الأطياف و الإعتذار و الإعذار عند إختلاف الرؤى لأننا فى سفينة واحدة و لابد ان نحافظ عليها من الإنحراف عن مسارها.
    ثورتنا ثورة تسورت بالإخلاق و من هذا المنطلق تكون حركتنا داخل كليتنا الحبيبة يجب أن تكون متسورة بالأخلاق.
    تألمت عندما عرفت انكم تضغطون ضغط الإبن الثائر الغاضب على والده. ما معنى ان يقول بعضكم لانريد هذا او ذاك من الأساتذه...لأسباب ليست فى ميزان العدل و ليست فى ميزان التعقل. بل لأسباب كان البعض منكم سببا فيه أو ان يقول بعضكم ان فلان من الدكاتره لا نريده فى الشفوى او يمكن ان نجمع له من الأموال حتى يترك الشفوى ؟؟؟؟؟؟؟؟؟؟ ......لا....... فهذه ليست أخلاق الثورة لأن كل ما تنادون به يمكن حله بطرق أخرى لو أحسن الطلاب إختيار من يمثلهم و كان اتصالهم دائما مع الإدارة او رؤساء الأقسام او الأساتذه المعنيين مباشرة و بالأدب الجميل ثم بالصبر و المتابعة.....كما حدث فى موضوع الدكتورة ناريمان. الأساتذه فى الجامعة واجبهم تعليمكم بدون مقابل منكم و هم كالاباء مع الابناء و إن كان هناك بعض التقصير فهذه نتيجة مشاكل مجتمع ركدت مياهه و تراكمت سلبياته فصبغت المجتمع كل ببوائقه. إذن فالوقت لازم هنا بل انه عامل ضرورى فى البراء منها. عاملوا الأساتذة كما تحبون ان تعاملو ابائكم لأنكم ستكون انت الخاسر.... تخسر نفسك و تخسر مبادئك لأنك أغتررت و اعتبرت الثورة مروق على كل الحواجز و عدم تقيد بمضمون اخلاق الأمة التى هى خير الأمم. و ما من ثورة بعدت عن الأخلاق فى العالم الا و ثار عليها أخرون أو اضمحلت.
    و نحن لا نريد لثورة مصر ان تموت او تضعف او تحيد عن المسار
    .
    ما فتحته هنا باب كبير للنقاش و احب ان تنقاشوا بما شئتم و ليكن شعارنا قل رأيك و احترم رأى الأخرين فقد يكون رأى غيرك خطأ فى نظرك و لكن يحتمل الصواب و قد يكون رأيك صحيح فى نظرك و لكن يحتمل الخطأ.
    فتفضلوا
    "من لا يتقدم يتقادم .. فلا بصمة و لا أثر"

  2. #2
    Pharma Student
    تاريخ التسجيل
    Jun 2008
    المشاركات
    221

    افتراضي

    جزاك الله كل خير د عطا الله على هذه الرسالة القوية
    وفعلا انا لست ضد من يطلب حقوقه ولكنى ضد البعد عن الاخلاق فى طلبها ...فلماذا لا نحاول جميعا ان نتعامل بخلق الرسول فى سماحته و نبل اخلاقه والا نكون حاملى احقاد فكما كان غيرنا مقصر فى شىء معنا فنحن ايضا كنا مقصرين فليس هناك انسان كامل بل كما تفضلت يا دكتور نطالب بحقنا بكل ادب وحسن خلق لان هكذا امرنا ديننا الحنيف ونصبر لنرى النتيجة باذن الله

  3. #3

    افتراضي

    أولا جزاكم الله خيرا يادكتور على فتح هذه االساحة
    ودوام التواصل معنا فى هذا المنتدى
    أعتقد ان ما أراه من سلوك الطلبة
    من حوار ومحاورة لا تليق بمطالبهم المشروعة
    هو نتاج سنوات من الكبت كان يخشى الطالب
    فيها الحديث مع استاذه وكان يفضل كما يقولون
    السير بجانب الحائط
    واستعوض عن ذلك بالحديث مع الزملاء والأصدقاء
    وهذه النوعية من الأحاديث عادة ماتكون
    فى اطار من السخرية والمزاح واحيانا الخروج على المتعارف
    كنوع من الترويح وازالة الهموم
    كان هذا حل الطلاب الموضعى
    لتسكين شكواهم ومطالبهم
    وبعد الثورة واقتبس هنا
    من مقولة أحد الأعضاء
    تحطم حاجز الخوف والأحترام
    وانفجر البركان بما يحمل من مشاعر ملتهبة
    وعلى الرغم من شرعية المطالب
    وحرص أغلبية الطلبة على المطالبة بها
    بشكل راقى ومحترم الا ان هناك من
    لم يفعل وخرج صوته كلحن ناشز عن المعزوفة
    وأفسد الشكل العام

    ان مايحدث الأن مسئولية مباشرة
    لأعضاء هيئة التدريس وادراة الكلية
    التى تأخرت بشدة عن التحاور مع الطلاب
    قبل الثورة وبعد الثورة

    لذلك تحتاج هذه الإدارة ان تتحرك بسرعة
    لكسب ثقة هؤلاء الطلاب مجددا
    بخطوات واضحة ومجدولة
    حتى ان كان ذلك باتخاذ قرارت
    استثنائية لا تتفق مع اللوائح العتيقة
    والقوانين الروتينية المعقدة
    التى تهدف للتعطيل لا للإصلاح والتغيير
    وأمام ادارة الكلية والطلاب فرصة مثالية
    لأعادة الأمور الى نصابها عبر تفعيل دور الأتحاد الطلابى
    كهمزة وصل لاغنى عنها فى الحياة الأكاديمية

    اننى اطالب أعضاء هيئة التدريس الموقرين
    ان يتذكروا كيف كانوا طلابا
    عندما يتعاملون مع أبنائهم الطلاب
    وعندئذ سيجدون بسهولة نقطة الحوار
    والتشارك
    وفى نفس الوقت أطالب زملائى بضبط النفس
    واستعمال لغة الحوار التى تليق بمطالبهم الشرعية
    وألا تستمر حالة الأنقسام والتوتر الحالية
    أطول من ذلك
    التعديل الأخير تم بواسطة عبدالله عبدالرحمن ; 24-03-2011 الساعة 10:36 PM

  4. #4
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    بالنسبة للمطالب
    فزى ماعبدالله قال كده خروجها بالطريقة دى بسبب الكبت

    لكن عبدالله برده من الناس اللى لما راح لاحد الدكاترة يتكلم معاه فى رأيه كتاب ما خرج شبه مطرود

    المشكلة يادكتور عطاالله مش فى الطلبة بس
    فيه نوع من الدكاترة فى جامعات مصر ان الطالب يتكلم معاه اساسا يبقى ده اهانة

    وانا كطالب لو كنت قدمت مطلب ما ولقيت ليه استجابة حتى لو بالرفض بس فيه توضيح عمرى ابدا مكنت هتظاهر او اعلى صوتى عشان يتسمع مش مع دكتور بس لأ مكنش حتى هيعلى مع اى مسئول فى البلد

    لكن للأسف الطلبة مش هما بس اللى غلطانين

  5. #5
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة عبدالله عبدالرحمن مشاهدة المشاركة
    واستعمال لغة الحوار التى تليق بمطالبهم الشرعية
    وألا تستمر حالة الأنقسام والتوتر الحالية
    أطول من ذلك

    هذه هى يا عبد الله ... اكرمك الله
    فلنكن على يقين ان الأجواء الصحية الحالية التى تعيشها البلذ خير دواء لكل هذه الأعراض. لكن دائما هذا النوع من التداوى يحتاج صبر و وقت و طريقة تعاطى سليمة
    "من لا يتقدم يتقادم .. فلا بصمة و لا أثر"

  6. #6
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    شكرا يا دكتور لفتح بابا النقاش مع حضرتك ,,

    انا بنتظر مشاركات حضرتك دايما ووبحب اعرف رأيك

    بالنسبه للكلام اللي يخص الفرقه الثالثه من ناحيه مطالبهم بتغير احد دكاترتنا الافاضل او طلب ان احد الدكاتره الافاضل ميمحناش شفوي ,,

    دا نتيجه لترسبات قديمه علي مدار العام اولا ,, ثم علي مدار الاعوام السابقه

    نفس الطلبه اللي قعدوا مع الدكتوره ناريمان واتفاهموا اواتناقشوا معاها هما نفس الطلبه اللي قعدوا مع الدكتوره ماجده اكتر من 8 مرات من اول الدراسه واتناقشوا معاها ,, نفس الطلبه اللي حضروا جميع اللقاءات وقالوا رايهم بكل احترام

    هما نفس الطلبه اللي تعبوا في تجميع مطالب الدفعه والسعي وراء تحقيقها

    هما نفس الطلبه اللي سمعوا تهديدات علنيه من دكتور في حضره عميده الكليه ورئيس القسم ومجلس القسم بالكامل وفي وجود اكتر من 60 طالب

    نفس الطلبه اللي جمعوا توقيعات 800 طالب تأذي وواجه موااااقف كثيره كانت نهايتها انهم يطالبوا بالمطاب دي

    نفس الطلبه اللي عملوا استفتاءات كل فتره علشان يشوفوا هما ماشيين صح ,, او كفايه كدا والدفعه استكفت ورضيت المطالب اللي اتنفذت

    واخيرا للاسف هما نفس الطلبه اللي اتشتموا امبارح بعد تعب تعب تعب بجد لمدها سبوعين فاتوا في الدراسه واسبوعين قبل الدراسه تقريبا


    للاسف يا دكتور في دكاتره كتير مقتنعين بان في اخطاء في الكليه ويسمعوا عنها ,, بس محاولوش يقفوا مع طالب في ساحه الكليه ويسالوه انت شايف ايه غلط او نفسك في ايه

    الفتره اللي فاتت وقفت مع دكاتره كتير وسمعت منهم كلاكم ميتسمعش وتقبلته بصدر رحب لانهم زي ابائي ,, وفي اخر النقاش بينا يدعولنا ان ربنا يثبتنا ,, ويقتنعوا بكلامنا


    اتمني ان حضرتك متكونش واخد فكره وحشه عن دفعتنا بالذات او عن المجموعه الي حاولت تطالب بحقوقها ,, لان مفيش ادني شك ان دي حقوق قبل متكون مطالب


    شكرااااا لحضرتك يا دكتور

  7. #7
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة

    المشكلة يادكتور عطاالله مش فى الطلبة بس
    فيه نوع من الدكاترة فى جامعات مصر ان الطالب يتكلم معاه اساسا يبقى ده اهانة

    هذه النظرة يا محمد ستختفى تدريجيا و يكفى ان تشاهدوا التحسن تدريجيا منهم معكم و احمدوا الله على نعمة التغيير. انا نفسى كنت احاول مع الطلاب فى اشياء كثيرة تخص ادائهم و كان لا بد من الصبر عليهم و تغيير الأساليب و جعل القدوة هى الأساس ........ و الوقت له دور لا يمكن إنكاره.
    لا يوجد إنسان مريض يخرج من المستشفى جريا الا بعد ان يتأكد الطبيب من استبراءه
    و الخطأ كل الخطأ ان من يستعجل المريض من كان مريض من قبل فالكل كان يعانى يا حاج محمد
    -----
    اقتباس المشاركة الأصلية كتبت بواسطة L SMA7Y مشاهدة المشاركة
    الفتره اللي فاتت وقفت مع دكاتره كتير وسمعت منهم كلاكم ميتسمعش وتقبلته بصدر رحب لانهم زي ابائي ,, وفي اخر النقاش بينا يدعولنا ان ربنا يثبتنا ,, ويقتنعوا بكلامنا
    اتمني ان حضرتك متكونش واخد فكره وحشه عن دفعتنا بالذات او عن المجموعه الي حاولت تطالب بحقوقها ,, لان مفيش ادني شك ان دي حقوق قبل متكون مطالب
    ابدا و الله يا هادى انتم كأولادى تمام قلبا و صدقا لأن لدى من اشترك فى الثورة مثلكم و لكن النقطة التى ألمسها هى الطريقة و المعدل. أعنى بالطريقة الأسلوب الراقى فى المطالبة لأنكم بذلتم جهد كبير فى السابق فلا نجىء عند وقت جنى الثمار فنستعجل و لا تتحكم بالكيف فينتج عكس المطلوب و تكون الثمار مجروحة او غير ناضجة. و ما قصدته بالمعدل هو: الأولويات و الزمن المطلوب. يعنى يلزم اولا التأكيد على الحقوق الكبيرة مثل التمثيل فى اللجان الرسمية فى الكلية (لجنة الطلاب - مجلس الكلية - لجنة التوظيف - لجنة خدمة المجتمع - لجنة الجودة ..... الخ) و إجراء إنتخابات الطلاب و تقييم أداء الأساتذة و الهيئة المساعدة بحيث ينبنى عليها إجراءات موثقة ثم تجىء المطالب الأخرى من مشاكل المواد و طرق الإمتحانات و توافر الهاند أوت التى أستغرقتكم لأنها ثانوية و لا يجب ان تكون من الأولويات برغم تأكيد أهميتها عند الإدارة.
    "من لا يتقدم يتقادم .. فلا بصمة و لا أثر"

  8. #8
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    اولا شكرا لاهتمام حضرتك

    ثانيا انا احمد ,, هادي صاحبي ,, وحاجه تفرحني ان حضرتك تفتكر اسامينا وتندهنا باسامي بعض لاننا كلنا يتعتبر بنتكلم بلسان واحد

    بالنسبه للامور الي حضرتك قولتها ولازم تكون اولوياتنا فاحنا طالبنا بيها بس كمطالب عامه للكليه كلها

    قبل بدايه الدراسه باسبوعين او اكتر اجتمعنا في نقابه الصيادله وجمعنا مطالبنا العامه في اكثر من 8 صفحات

    وقدمناها للعميده وطلبنا من الناس اللي بتنادي باقاله العميده انها تصبر وتستني وتديلها فرصه

    ودا موضوع عملته من فتره علشان نعيد الثقه في العميده

    http://www.pharma-board.com/board/sh...ad.php?t=20201

    امال باقي المطالب اللي قدمناها باسم دفعتنا فقط ,, فهي المطالب الي الدفعه متضرره منها علي وجه الخصوص ,, ناقشاناها بكل احترام وود مع اساتذتنا ودكاترتنا في لقاءات عديده ,, زمايل لينا سهروا كتير علشان يضعوا صيغه محترمه نقدم بيها مطالبنا بحيث انها تكون وافيه لكل مطالبنا وفي فنس الوقت لا تخرج عن اداب الحديث مع من يكبرونا سنا

    متقدمناش للاتحاد علشان يكون ماطلبتنا بحقوقنا في نزاهه وتفرغ ليها وعلشان ميكون كلامنا مجروح

    وشكرا لحضرتك يا دكتور

  9. #9
    Pharma Student
    تاريخ التسجيل
    Oct 2009
    الدولة
    Far Away From Here
    المشاركات
    1,477

    افتراضي

    بشكر حضرتك يا دكتور انك تفضلت وفتحت ساحة حوار ( حتى لو كانت لمجرد الحوار بس )

    لان كون ان فيه لسه ناس مستعده تسمعنا ده شيء مبشر في حد ذاته

    انا طول عمري مقتنعة بحاجات وما غيرتش فكرتي عنها الا بسبب الكلية دي

    طبعا كلام حضرتك مزبوط مليون في المية الا ان الثورة اللي حضرتك قصدتها ما حصلتش غير لما لقينا ان

    الطرق التانية مش جايبة نتيجة

    يعني ما اعترضناش على دكتور بالصوت العالي والتظاهر الا بعد ما حصل حوار كذا مرة ومع كذا مسؤول

    انا شايفة ان المشكلة تكمن في الاحترام المتبادل من الأول

    محدش بيحترم الطلبة في أي مكان في مصر وبحس ان الطلبة دول عبيد لا سمح الله

    امال لو مكناش في كلية من كليات القمة .. كان اتعمل فينا ايه ؟؟؟

    يا دكتور عطا الله لو حضرتك عاملتني زي بنتك ... هعاملك زي والدي بلا شك

    ولو عاملتني كطالبة ... هعاملك كأستاذ

    لكن لما نتعامل بطريقة مش لاقيالها وصف .. مستنيين مننا معاملة حلوة ازاي ؟؟؟

    زي ما هشام الجخ بيقول ( مستني ايه من طفل ربوه بالزعاق .. غير المشاكل والخناق ؟؟ )

    صدقني انا نفسي الموضوع يتغير .. وكلنا نفسنا انه يتغير

    بس محبة الناس دي نعمة ... ومش كل الناس عندها النعمة دي مهما عملت

    وانا من يوم ما دخلت الكلية .. اللي دخل قلبي من أعضاء هيئة التدريس عدد قليل جدا جدا

    وانا متأكدة ان ده مش عيب فيا انا ... تفتكر في مين ؟؟؟

  10. #10
    Pharma Student
    تاريخ التسجيل
    Jul 2010
    المشاركات
    621

    افتراضي

    المشكلة يادكتور ف الكلية دى نفسى احس الاحترام من اعضاء هيئة التدريس لينا او حتى معيدين مش عارفة ليه احنا بنتعامل بطريقة وحشة كدة وبعد ذلك احنا افكار اتربت والمفروض ان احنا اتعلمنا ف البيت والمدرسة ان احنا نقول راينا بكل صراحة الطرف الاخر يتقبله او حتى ميتقبلوش دى مش المشكلة المهم انى بقول راى مرة صح ومرة غلط ده عادى المهم نتعلم انما ف الجامعة ملقتش الكلام خالص كل واحد ف وادى شكل لية مبنجمعش ونتكلموا معانا فعلا زى ما بتقول حضرتك ان احنا زى ا ولادكوا اظن مافيش اب مبيقعدش مع اولاده وييتناقش معاهم فى ان ده صح وده غلط اظن لو دكاترتنا كدة اظن هنحس فعلا انهم ابائنا واحنا فعلا اولادهم واكيد مش هنشاغب لان احنا اكيد هنعبر عن راينا واحنا مش خايفين واكيد اللى قدامنا هيتعامل معانا على اساس ان احنا اجيال بتفهم وتتعقل اللى حوليها وكمان تناقش فيها

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •