يا رب تكون سنة سعيدة علينا كلنا
السلام عليكم
الف مبروك للناجحين ويا رب نعدى للسنين الجاية بامتيازات ان شاء الله
بس انا مش عارفة نستعد ازاى لأولى
حتى اصحاب الصيدليات مش بتوافق ان اقف فيها علشان مش معايا تصريح من الكلية طب اعمل ايه؟
وعليكم السلام ورحمه الله وبركاته
الله يبارك فى حضرتك يا دكتوره ويا رب ان شاء الله تكون سنه سعيده على الجميع
فى توبيك هنا دكتور الجوهرى عامله فى وصف لسنه اولى والمواد بتاعتها تقدرى تقريه وهاتحسى منه انها هاتكون سنه سهله وحلوه ان شاء الله
وبتهيألى كده ان الوقوف فى الصيدليه مش هايكون ليه افاده فى الدراسه السنه الجايه دى
الافاده منه هاتكون فى السنين اللى بعد كده ان شاء الله بس فى اولى ما أعتقدش
ممكن انتى بس قبل الدراسه كده بشويه تقدرى تبصى على الحاجات اللى اخدناها فى اعدادى كتذكره واستعداد للمذاكره علشان ما تحسيش انك بدأتى من الصفر زى ما كنا فى اول السنه اللى فاتت
ويا رب اكون قدرت افيدك
نورتى المنتدى ومنتظرين مشاركاتك معانا ان شاء الله
السلام عليكم
شكرا يا منى انتى رجعتى فيا الامل تانى
انا فعلا قرات الموضوع بتاع دكتور الجوهرى وحبيت معظم المواد فى اولى
يا رب تكون سنة سعيدة بجد علشان اعدادى ضايقتنى شوية
ياهووووووووووووووووووووووووووووو
عديت اعدادي و ناو هكون في اووووووولـــــــــــــــــــــــــــــــــــــــى
انا بجد طايرة من الفرحة و ان شاء الله تكون سنه حلوة و سهله و لذيذه و ممتعه و تكون احسن من اعدادي
((و اخيرا مش هنكون اصغر ناس في الكلية و العيال بتوع اعدادي الصغيرين هيجو و يسالوني عن المعامل و ياخدو بنصيحتي...................ya me
ربنا يوفقنا السنه الجايه
ومبروك لكل اللى عدو معانا وبقو ف اولى
ان شاء الله تبقى سنه سعيده علينا كلنا