بسم الله الرحمن الرحيم
هعملكوا موضوع إن شاء الله يعجب ناس كتير ..
أ .. ب .. ت .. منتدى الكلية .. و للحديث بقية !!!
هتكلم عن كيفية عمل كل شىء و أى شىء ف المنتدى .. من أول ما تخلص تسجيلك لحد ما تقول .. سلام عليكم و تقفل صفحة المنتدى ..
المشاركات هضيفها على أكتر من يوم إن شاء الله ..
=====
Let's start
قبل أى حاجة .. فى موضوع الدكتور طلعت عامله لكيفية تفعيل الاشتراك .. و إيه المطلوب عند التسجيل ..
=====
هنتكلم النهاردة عن جزء من لوحة التحكم بتاعة العضو .. Control panel ..
بعد الدخول إلى لوحة التحكم هتظهرلنا القايمة ..
من خلال القايمة دى نقدر إننا نعدل ف حاجات كتيرة ..
أولاً : البريد الإلكترونى و كلمة المرور ..
بعد الضغط على كلمة " تعديل " .. زى الصورة فوق ..
هتظهرلنا الصفحة دى ف الجانب الأيسر ..
بعد كده ..
نرجع للقايمة الرئيسية اللى على اليمين ..
و نختار .. تعديل الملف الشخصى ..
هتظهرلنا صفحة من 3 أجزاء ..
الجزء الأول منها .. و دى معلومات إجبارية .. لازم تكون متواجدة ..
الجزء التانى .. تحت الجزء ده علطول ..
و دى عبارة عن معلومات إضافية عنك ..
ممكن إنك تضيفها لملفك الشخصى .. و تظهر لباقى الأعضاء ..
بإمكانك اختيار درجة الخصوصية التى تريدها ..
من خلال اختيار عرض تاريخ الميلاد و العمر ..
أو اخفاء الاثنين معاً ..
أو عرض العمر فقط ..
بعد كده ..
الجزء التالت من الصفحة ..
و دى معلومات إضافية عنك .. و برده تظهر ف ملفك الشخصى ...
عشان مطولش عليكوا ..
كفاية كده النهاردة و نكمل إن شاء الله مشاركة تانية بكرة ..
:: :: :: :: :: :: :: :: :: :: :: :: :: :::: :: :: :: :: :: ::
بسم الله الرحمن الرحيم
النهاردة هكملكوا عن شوية حاجات ف لوحة التحكم الخاصة بالأعضاء ..
نفتح سوا لوحة التحكم .. و نختار تعديل الخيارات ..
بعد ما نختارها .. هنلاقى ع اليمين قايمة مكونة من 5 أجزاء ..
الجزء الأول .. و ده للاتصال و السرية ..
فى حالة وضع غلامة الصح لاستخدام النمط المخفى ..
الصورة دى من الصفحة الرئيسية للمنتدى .. ف المتواجدون الآن ..
هيظهرلك علامة star جنب اسمك .. و مش هيظهر اسمك لباقى الأعضاء ..
و دى من الملف الشخصى .. هيظهر مكتوب جنبك مخفى .. لكن هيتكتب " غير متصل " لباقى الأعضاء ..
=====
أما ف حالة وضع علامة الصح على الاختيار التانى .. فيمكن للأعضاء تحميل بياناتك من خلال ملفك الشخصى فى المنتدى ..
و اللى تحت دى بطاقة بياناتى ..
=====
أما الجزء الثانى .. فده خاص بالرسايل .. و التذكير بيها ..
=====
بالنسبة للاشتراك ف المواضيع ..
الاختيار الأول: عدم الاشتراك ف المواضيع .. مش هتوصلك أى رسالة إلكترونية عن تحديث المواضيع اللى إنت بتحط مشاركات فيها ..
الاختيار التانى: هيتم الاشتراك .. و تكون المواضيع دى متواجدة على لوحة التحكم بتاعتك - فى مشاركات قادمة هنقول كيفية الوصول إليها - و لكن لا تصلك رسائل على الإيميل بتحديث المواضيع ..
الاختيار الثالث: اشتراك على لوحة التحكم + رسالة على البريد الإلكترونى فى حالة إضافة أى مشاركة جديدة .. بمعنى .. كل مشاركة جديدة ف الموضوع .. هيوصلك بيها رسالة على الإيميل ..
الاختيار الرابع: اشتراك على لوحة التحكم + رسالة الكترونية يومية مجمعة بتحديث المواضيع المشترك بها ..
الاختيار الخامس: الرسايل هتوصلك كل أسبوع ..
الاختيار السادس:
-
-
-
-
-
-
-
احنا هنستهبل .. مفيش اختيار سادس أصلاً..
- فى حالة اختيار أى من الاختيارات من الثانى إلى الرابع .. ستكون مشترك by default فى أى موضوع تقوم بوضع رد فيه ..
- فى مشاركات قادمة إن شاء الله هنقول إزاى نشترك ف موضوع بعينه ..
=====
آخر حاجة النهاردة .. هتكلم عنها عشان مش أطول عليكوا .. الجزئية بتاعة الرسايل الخاصة .. لأن كتير بيغلطوا فيها ..
=====
:: :: :: :: :: :: :: :: :: :: :: :: :: :::: :: :: :: :: :: ::
بسم الله الرحمن الرحيم
هنكمل سوا تعديل الخيارات .. لكن الأول .. عاوز أقول حاجة ف الملف الشخصى .. و هى تعديل الفرقة ..
تعديل الفرقة بيكون موسمى .. بمعنى إن بعد ما نتايج جميع الفرق تبان .. و يتم تحديث أقسام المنتدى .. و أرشفة أقسام الفرق القديمة .. هيتفتح تعديل الفرقة ف الملف الشخصى لكل واحد ..
هنروح على ال control panel زى ما احنا متعودين .. و نختار تعديل الملف الشخصى ..
لما يحصل اللى أنا قلت عليه فوق .. " النتايج كلها بانت .. و الأقسام اتأرشفت .. و اتعمل أقسام جديدة للفرق " .. هنلاقى تعديل الفرقة موجود عندنا على الشمال .. زى ما هو واضح ف الصورة ..
طبعاً بقدم شكرى للدكتور محمد على الصورة دى ..
=====
نكمل موضوعنا النهاردة مع تعديل الخيارات ..
و نكمل سوا الجزئية الخاصة بتعديل خيارات المواضيع ..
بعد كده نتكلم عن طرق عرض الموضوع .. و دى هنطوّل فيها الكلام شوية ..
عند اختيارك لطريقة عرض الموضوع " خطى الأقدم أولاً " .. هيكون شكل القسم من جوه كده ..
و عند الدخول على أى من المواضيع ..
أما عند اختيارك لطريقة العرض .. " خطى الأحدث أولاً " .. سيظهر القسم من الداخل بنفس صورة ظهوره ف الاختيار الأول ..
أما الموضوع من الداخل .. فسيظهر بالصورة ..
أما أول مشاركة ف الموضوع فهتتحط ف آخر صفحة ..
عند اختيار طريقة العرض " موضوع " .. سيتم تغيير واجهة القسم كما ف الصورة ..
أما المواضيع من الداخل ..
و عند اختيار طريقة العرض " شجرى " ..
شكل القسم هيبقى زى طريقة العرض " موضوع " ..
الموضوع من الداخل يشبه إلى حد كبير طريقة العرض الموضوعية ..
و تظهر خاصية الشجرة فى وجود كل مشاركة كموضوع " أو شجرة " على حدة .. أما المشاركات المتضمنة لاقتباسات .. فتظهر بصورة شجرة و لها فروع لحين انتهاء الاقتباسات ..
بالنسبة للجزئية التانية .. و هى عدد المشاركات المعروضة ف كل صفحة من الموضوع ..
أما عن الجزئية الخاصة بالعمر الافتراضى للمواضيع ..
دى صورة .. لما انا اخترت عرض المواضيع لأخر يوم .. شوفوا قسم الفرقة التالتة بقى عامل إزاى
ده القسم كله ..
=====
و للحديث بقية ..