انا شايف انه اسم وخلاص .. ووبكرة تشوفو
أولا بتقعدو في كل فرع فترة
ولو كان فرع شغال جامد زي بتاع السكة الجديدة .. مش هتستفيدو حاجا لأن محدش هيبقى فاضي يكلمكم
معاك يا حاج في الكلام ده ...
الطرشوبي ما شاء الله اسم جامد و من الحاجات الكويسة جدا في المنصورة
بس التدريب هناك أعتقد ان مش منه فايدة قوي
لاني أسسمع اني في صيادلة متخرجين مش بيقفو صف أول هناك
فما بالكم بطالب لسه جاي يتدرب
و طالما موقفتش على الـ counter ... يبقى ملهاش لازمة
لان الصيدلية مش أدوية و بس
أي نعم معرفة الادوية و الوصف مهم ... انما في جزء أهم يمكن ناس كتير بتغفل عنه
و منهم بنات كتير جدا ... و هو التعامل مع العميل - بلاش الزبون - اللي داخل عليا و انا واقف
ازاي الواحد يعرف يتكلم معاه و ياخد منه اكبر قدر ممكن من المعلومات و بالتالي يقدر يقدمله أكبر قدر ممكن من المساعدة
ازاي أتعامل مع نوعيات البشر المختلفة ... المتعلم ... الفلاح ... الحرفي ... و الموظف ... الكبير ... الصغير ... الولد ... البنت ... الرجل ... المراة ... إلخ
بحيث ان الواحد لو اتحط في اي موقف يقدر يتصرف فيه
و الله كلامي ده مش بقوله تقليلا من الطرشوبي ولا للي هيتدربو فيها
بس بقول حاجة ممكن في الاجتماع ده يسالو د/ هشام عليها
و يا رب كلنا نخرج من التدريب الصيفي بأكبر قدر ممكن من الاستفادة العلمية و العملية