ياجماعه هو الموضوع صعب اكيد يعنى بس ده علم ولازم نتعود وكل حاجه صعبه فى بدايتها بس بالاصرار والعزم ربنا بيسهل لينا كل صعب انا عارف ان تجربة الضفدعه صعبه فى التشريح وانا عن نفسى ما اشتغلتش التجربه الا فى السكشن الاخير وكنت لازم اشتغلها عشان لو جيت فى الامتحان وربنا سهل علينا يوم الامتحان ويكرمنا فى الشغل امييييييييييييييين
شكرا زميلنا الفاضل على طرح هذا الموضوع الحيوى والمهم وكل ماتكرمت وزكرتو فى المقالة مظبوط مية المية وانا مواقفة على الاقتراح دة لانى فعلا اعانى من الخوف الشديد جدا من الفئران ولسة والله لحد دلوقتى معرفتش اتعامل معاه مع ان اخر سكشن احنا اخدناه وكنت فعلا ناوية اروح لدكتور شحتة واكلمو فى الموضوع دة انا كنت اخر سكشن بعيط من جوايا وخارجة ربنا اللى عالم بيا وبصراحة شيفة ان موضوع العملى دة مش مفيد على الاطلاااااااااااااااااق بالنسبة للضفدعة قدرت امسكها فعلا وكنت فاكرة انى خلاص قدرت اتغلب على الخوف اللى جوايا وصدمت اخر سكشن لما رجعت مسكتها تانى ان نفس الاحساس بل اشد راودنى وبصراحة مش عارفة اعمل ايييييييييييييييييه؟ بفكر احضر السكشن تانى او اشترى فار وضفدعة واقعد اعيط جمبهم
احنا عرفنا الحكاية وكل دوا بيعمل ايه واتعزبنا طول السنة ماكفايا كدة بقة ولا ايه......
عندك حق يا دك ......
بس ان شاء الله ساعة الامتحان محدش هيسب درجات باذن الله والكل هيشتغل
انا عن نفسى حقنت الفار فى السكشن
وفتحت بطن الضفدعه بس مش قطعت راسها....
صحيح الموضوع متعب .... بس هو شر لابد منه....
وبالنسبه لعملى الفارما هو فعلا اولى بيه يكون فى المدرج .... هيكون افضل كتير...ده طبعا للى جاين بعدنا لاننا خلاص خلصنا عملى الفارما واللى كان كان...
ملكة الدموع
السلام عليكم ورحمة الله وبركاته
أؤيد اقتراحك بشدة يادكتورة وشكرا على مبادرتك
المشاركة الأصلية كتبت بواسطة dry_tears
حقا كفاية وكفاية اوى انا بقول اصلا ان التجارب دى
المفروض demonstration وبسسس
وكمان مش فى المعمل فى المدرج
على الداتا وخلاااااااص
لما حد يجى بقى ربنا يوفقه يروح يشتغل فى المجال دا ان وجد اصلا ممكن يبقى يعملو له تيست صغير انه بيعرف يشتغل التجارب دى ولا لا وما اظنش ان واحد او واحدة بيجيلو اى من الاحساسيس دى هيروح يتقدم للشغلانه دى ... بلاها صيدلة ...
انا فى اخر سكشن اخدنا قرار ان احنا مش هنشتغل الضفدعة دى خالص وان جت فى المتحان مش هنشتغلها عملنا الجزء الاول وباقى الجزء التانى فى الامتحان ربنا يستر ويجى فار وخلاص وعلى فكرة يا جماعة الشغل سهل مش فيه مشكلة اظن ان ولد فى ابتدائى واعدادى ان اتشرحلو ا الكلام دا بس بيحب الفيران والضفادع هيبقى سوسة فى التجارب دى ... فما اظنش ان التجربة دى تقيييم الصيدلى الصح من الصيدلى اللى مش صح ...
بلاش روتينيات وكلام من اللى بيجيبنا لورا دا
هى ديمونستريييييييييييييشن وخلااااااص ... اسف للاطالة وادعولى ان العملى دا يعدى على خير ويجيلى الفار واعرف اشتغله بدل ما هوا اللى يشتغلنى ...
لان انا برفض التعليم اللى يتعارض مع رحمة ربنا
من غير ده مكانش العلم اكتشف اي علاج وشوفي كمية البشر اللي كانت هتموت هدر
انا لسه فى اولى
بس انا شايفه ان حكايه الفران او الضفادع دى مهمه
لو واحد بيخاف من الحاجات دى لازم يتعود عليها
اذا كان حد بيخاف من شكل الدم بتاع الفار او الضفدعه هنعمل ايه لما نقف فى الصيدليه
ويجيلك مريض وقع على رجله ولا ايده ازاز وبينزف هتعمل ايه ساعتها
هنقوله انا بخاف من منظر الدم وتسيبه؟؟؟!!!!!!
د.محمد العوضى قالنا_ لما واحده قالتله انتم بتجيبوا لنا الحاجات السامه فى المعمل ليه؟؟؟؟_
قالها انتو صيادله لازم تتعودوا على كل حاجه لما بتخافوا من الحاجات دى دلوقتى هتعملوا ايه بعد كده
(انا مش فاكره الكلام بالظبط )
بصراحه انا مش هشارك فى التصويت ده انا لسه الفرقه الاولى بس انا شايفه انى اميره عندهاحق
ماشى يادكتور احنا ماقلناااااااش حاجة ان الادوية تتجرب على حيوانات التجارب ولو انى مابحبش كدا بس عشان مفيش بديل بس دى االادوية الجديدة اللى عايزين نقيمها مش ادوية موجودة ومتجربة خمستلاف مرة والنتيجة الاف الضفادف والفيران المعزبة واللى بتموت من غير سبب ايوة من غير سبب ايه الجديد اللى عاد علية من التجربة ان اعرف الدوا موجود فى العلبة دى ولا فى العلبة دى هههههههههه بصراحة لاتعليق على النقطة دى
يا جماعه انا شايفه ان ده تدريب عملى لينا يعنى ما فيش غنى عنه وبعدين اكيد فى ناس منا هيدخلوا مجال الأبحاث واكيد هيستفيدوا من التدريب ده ويمكن كمان يخترعوا ادويه تفيد البشريه وبعدين احنا مش بنشتغل بنية تعذيب الحيوان ده لا احنا بنشتغل عشان نطلع صيادله كويسين وفاهمين كل حاجه فياريت ما نبصش للموضوع من منظور واحد
ونخلى النيه الحسنه هى عنوان شغلنا وربنا يوفقنا كلنا
ضوابط المشاركة
