كنت عاوزة اسال الخريجين فية حد حس ولو للحظة انة ندمان انة دخل كلية صيدلة ولية?
كنت عاوزة اسال الخريجين فية حد حس ولو للحظة انة ندمان انة دخل كلية صيدلة ولية?
انا عن نفسي ندمانه اووى
وبلاش اقولك ليه علشان مش عايزة اعقدك
بس انت اعملي اللي عليكى وذاكرى واجتهدى
واستنى مكافئة ربنا ليكى علي تعبك
علشان لو انتظرتى تقدير لتعبك من البشر هتموتى من الحسرة
بسم الله الرحمن الرحيمأولا لماذا هذا الندم ؟
كلية من أفضل الكليات ، لها مستقبل جميل فى اكثر من مجال
هذا قدر من الله سبحانه وتعالى
أنصحكم بألا تقولوا كلمة الندم أو تقول كلمة الندم
أرجو ان تنسوا ماحدث ، حاولوا ان تعيدوا الطريق من جديد
الشىء الاخر لاتربط كلمة الفشل بنفسك لان ذلك ينطبع على نفسك من الداخل
وكل انسان فى هذا الكون له مهارة ميزه الله سبحانه وتعالى عن باقى البشر، حاولوا ان تستغلوها
حاولوا ان تنظموا الوقت
الشىء الاخر حاولوا ان تبرمجوا العقل اللاواعى لكم على هذه الكلمات
انا نسان ناجح ، مميز ، حاولوا ان تطلقوا الطاقة الداخلية
لاتتركوا انفسكم للطاقة السلبية
والخريجين ليه .. ده الواحد اتخنق وهو طالب .. المشكلة إني عارف ان دور الكلية دي في حياتي حاجة واحدة بس مش أكتر .. (أحمد خريج كلية صيدلة) أو يمكن (دكتور أحمد) ودي حاجة أصلا مش ذات قيمة كبيرة بالنسبة ليا بس في غيري شايف ان دي الدنيا وما فيها وهما أهلي طبعا .. وده نصيب يعني وخلاص .. نكمل كليتنا ومش هتفرق بعد كدة .. أعمل اللي هما عايزينه .. بس في نفس الوقت هعيش الحياة اللي أنا عايزها بتوفيق وتدبير ربنا
انا عن نفسى من ندمتش مع انى الدراسه صعبه بس دى كانت حلمى وانا صغيره
اما عن فرص الشغل ده نصيب
انا مش هبالغ واقول انى ندمانه لانها بجد كانت حلمى من اعدادى وكنت كتباها اول رغبه وبحمد ربنا طبعا انى دخلتها .............
لكن مع الاسف ملقتهاش صيدله الى كنت بحلم بيها انا اهو فى سنه تانيه ولله الحمد لكن معرفش اى حاجه فى اى حاجه يعنى لو اى حد سالنى عن دوا ولا حاجه مبعرفش ارد ...مبعرفش الانتى بيوتك من المسكن حتى دايما اسمع كلمة امال انتى فى صيدله ليه ؟؟؟وده طبعا لان التدريب فى تانيه وهناك فرق شاسع بين الى بندرسه والى بنتدرب عليه .......كل الى بنعمله بنحفظ كلمتين نروح نحطهم فى الورقه وبعدين happy retruns كله بيتمسح وممكن نجيب بيهم امتياز لو حبين ونتعين معيدين لو عايزين لكن دماغنا بتبقى فاضيه اصلا .......
اتمنى ان المناهج تتعدل شويه وتكون متلائمه مع الشغل بعد كده ....
واتمنى ان كل واحد ينال فرصة العمل الى هو حببها مش الى الحكومه حباها ............
اسفه ع الاطاله ..........
معدتش تفرق
دخلنا
وباذن الله
هنخرج
وبعدين الحمد لله على كل حال
اتقوا الله
مالها صيدلة يعني في ناس غيرنا بيدفعوا 200 الف جنيه عشان صيدلة اللي مش عجباكو دي
علي الاقل مسمعتش حد خريج صيدلة اعدله 6 سنين علي ميلاقي شغل زي خريجي الكليات التانية
و استنوا مني قصيدة يا صيدلتي ياللي جوه قلبي مربعة......
هو مش ندم ... الحمد لله علي كل حاجه ... بس فعلا زي ما الدكتوره قالت مفيش تقدير من البشر ... واحنا مش مستنيين تقدير ولا حاجه بس بيبقا خلاص مفيش دافع بقا يخليكي تشتغلي زي مانتي عايزه او زي مانتي حابه او زي ما تكوني دكتوره :d .... اللي داخل الكليه وحاببها واللي داخل عشان يبقا دكتور بس كله ف الاخر بقا واحد لان الشغل ملوش دعوه بللي بنذاكره ده خالص طبعا .... معلش طولت