صفحة 1 من 6 123 ... الأخيرةالأخيرة
النتائج 1 إلى 10 من 52

الموضوع: من القلب ...........

  1. #1
    عضـو هيئـة التـدريـس
    تاريخ التسجيل
    Jun 2008
    المشاركات
    289

    افتراضي من القلب ...........

    السلام عليكم

    الي اخواني و اخواتي طلبة الفرقة الاعدادية

    اولا احب اكون اول واحد يهنيكم علي اجازة نصف السنة القصيرة جدا ............ اتمني ان يملئها ربي باوقات ممتعة و سعيدة لكم و تكون خير عون لكم علي التجدد

    اطل اليكم بهذا الموضوع .......... و قد انتظرت ان تتفرغوا له بدون اي ضغوط ........... و احتاج الي مقدار من الصراحة المطلقة التي تكون بالفعل بين الاخوات و بعضهم

    اريدكم ان تقولوا و بصراحة ...................... ما هي مساوئ عملي النبات من اول حضوركم لاول شرح عملي الي اخر لحظة في الامتحان

    اريد اجابات واضحة المعالم و ياليت يكون هناك اقتراحات من وجهة نظركم لازالة اي ازمات

    اريد رايكم في كل حاجة من حيث تقديم المحتوي و الشرح و العمل في السكشن و الحصول علي المعلومة

    اريد كل شئ لم يعجبكم ............. و لكن دون ذكر اسم اي احد ................يعني يكون الحديث بموضوعية و ليست بعاطفية .............سواء بالحب او بالكره ................... قصدنا هنا الصالح العام الذي سيعود عليكم

    شكرا و فقكم الله

  2. #2
    Pharma Student
    تاريخ التسجيل
    Feb 2008
    المشاركات
    35

    افتراضي

    في البدايه يا دكتور باهر ارحب بحضرتك وطبعا بشكرك علي تعبك اللي بذلته في الترم الاول معانا انا بس كان في بعض الملاحظات عندي احب اقولها 1:موضوع الرسومات يعني حضرتك دخلت قبل الامتحان وقلت في المدرج ان احنا نرسم زى ما حضرتك رسمت في المدرج وزى السكشن وبعد كده سألنا دكتور احمد جوهر قال ان احنا المفروض نرسم زى الرسومات اللي فى اخر الكتاب وطبعا الرسومات ملونه يعني عمرنا ما هنعرف نرسم زيها وبالتالي لما كنا في الامتحان رسمنا زى ما حضرتك رسمت واحنا طبعا مش عارفين ده صح ولا خطأ ياريت حضرتك توضح النقطه دي. 2:ياريت يا دكتور يكون مثلا هناك تجميعات للاسئله التي تأتي في الامتحان يعني مثلا هناك البصل طبعا بيمثل اكتر من نوع في الساق وبكده يكون التركيز اكتر علي الامتحان بدل لما تكون كل حاجه متلغبطه معانا يعني ياريت التركيز يكون اكتر علي الامتحان ويكون الشرح في المدرج ويعاد شرحه في السكشن مثل حضرتك بتشرح العملي مرتين في المدرج وايضا في السكشن. انا بس في نهايه الكلام لو سمحت يا دكتور انا عايز بس اعرف ازاى اذاكر الترم التاني نظرى النبات بالذات الفسيولوجي والتاكسونومي مع علم اني للاسف عايد السنه.........

  3. #3
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    السلام عليكم و رحمة الله و بركاته
    بارك الله فيك د\باهر و لي عودة ان شاء الله بعد ان انهي امتحاناتي
    جزاك الله خيرا و جعلك نبراسا نهتدي به دائما

  4. #4
    Pharma Student
    تاريخ التسجيل
    Jan 2009
    الدولة
    المنصورة
    المشاركات
    40

    افتراضي

    شكرا لحضرتك يا دكتور
    فعلا الشرح ممتاز .بس يا ريت حضرتك توضح لينا فعلا طريقة المذاكرة
    وجزاك الله كل خير

  5. #5
    Pharma Student
    تاريخ التسجيل
    Jan 2009
    الدولة
    ManSourA...
    المشاركات
    165

    افتراضي

    بجد ميرسى يادكتور على كل اللى عملته معانا وخاصة اخر محاضرة طريقة تجميع الشرايح عجبتنى كتير28(زى رقم تليفون) كانت طريقة لذيذة فى توصيل المعلومة واستيعابها وبنتمنى يارب نكون دايما للاحسن.بشكر حضرتك كتير

  6. #6
    Pharma Student
    تاريخ التسجيل
    Sep 2008
    المشاركات
    3,366

    افتراضي

    الف شكر يا دكتور على الاهتمام
    وجزاك لله كل خير على المجهود معانا طول التيرم
    انا بس محتاجه خطه مذاكره بعد اذن حضرتك

  7. #7
    عضـو هيئـة التـدريـس
    تاريخ التسجيل
    Jun 2008
    المشاركات
    289

    افتراضي

    ان شاء الله سكون الرد بعد غلق الموضوع بعد يوم الثلاثاء لتاني اسبوع من الاجازة باذن الله

    اريد ان اسمعكم اولا

  8. #8
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    انهيت امتحاناتي اليوم الحمد لله ...اولا و قبل ان اقول اي شئ اعتذر علي هذا التطفل و لكني احببت ان اشارك معكم...سأدخل في الموضوع مباشرة دون مقدمات..
    بسم الله الرحمن الرحيم

    1- اتمني ان نتسلم ورق السكشن قبل ميعاده بيومين علي الاقل
    2-ان تكون هناك اكثر من مراجعة و ليس فقط في اخر الترم و ذلك لانها خلاصة السكاشن كلها و نستطيع تجميع كل المعلومات كما انه يعالج التشتيت والتداخل و ايضا المراجعة فرصة جيدة لاكتشاف نقط الضعف..
    3-في سكاشن الchemical tests اقترح ان تقوموا بتقسيم الpowders علي كل بنش عشان الطلبة متتزاحمش علي مصدر واحد للحصول علي الpw و ده بيضيع وقت ثميين من السكشن الأولي ان نستغله في اتقان عملنا..
    لا اعتقد ان هناك ملاحظات اخري بالنسبة الي...اعتقد انك تقوم بواجبك و زيادة كمان و اعتذر عن اي تقصير قد يكون صدر مني ..
    ملحوظة : اجمل سكاشن كانت لما قسمتونا كل بنش مع دكتور كنا فعلا بنخرج فاهمين كل حاجة و اجمل لحظة كانت يوم ما عملت الTS بعد 8 محاولات فاشلة ,,,يااااه نسيت كل التعب و رحت اعمل واحد كمان
    لكن للاسف كان وقت السكشن خلص...
    جزاك الله خيرا يا د\باهر والله حضرتك دائما تحرجنا بذوقك ومهما قلت لن اوفيك حقك..
    ادعو الله ان يوفقك الي ما يحبه و يرضي ..في امان الله

  9. #9
    Pharma Student
    تاريخ التسجيل
    Jul 2008
    الدولة
    EGYPT
    المشاركات
    313

    افتراضي

    بسم الله الرحمن الرحيم

    الف شكر يا دكتور باهر على اهتمام حضرتك بالموضوع ده والاجازه جميله جدا جدا ومش قصيره ولا حاجه الاجازه بدأت من اول امتحان نظرى امتحناه

    وانا احب ان اعرض شويه ملاحيظ على عملى النبات من اول يوم لاخر يوم اللى هو يوم امتحان العملى من وجهه نظرى

    1/شرح العملى فى المدرج بيكون اقل شويه من السكشن

    2/ رسومات الشرايح الواحد بيكون تايه فيها ما بين قيل وقال ودى كده ودى مش كده

    3/ الشرايح مش بتكون واضحه اساسا وكل شويه حد يحركها. الطالب هيجراله حاجه لو سابها فى حالها وبص عليها بعنيه بس يحس انه ناقصه حاجه

    4/ المعمل نفسه بيكون فى حاله من انعدام النظام وتدافع الطلاب على الشرايح كأنه طابور كرواسون

    5/ الحاجه اللى بجد لازم يكون فيها موقف الطلاب اللى بيفضلوا واقفين عالشريحه الواحده نص ساعه لما يطلعوا عنيها وحالفين ليرسموها كما انزلت

    وانا تقريبا مشوفتش الا كام شريحه فى اول سكشن والسكشن التانى ولا شريحه

    6/اما بنشوف الشرايح فى بعض الطلبه يحاولوا ان هما يعملو علامه مميزه للشريحه بعيدا عن الاليمنت المطلوب مننا اساسا يعنى ممكن يقولك دى فيها نقطه سوده والتانيه سهم بنى كاننا فى فنون جميله

    7/أسوا حاجه بقى يوم امتحان العملى لما نكون عاملين حسابنا على ميعادنا ونمتحن بعديه بساعتين تلاته دى نقطه مش كويسه فى حقنا بصراحه

    8/ جارى التذكر لان من ساعه الاجازه وكل الدح وايام الدراسه وكأن شيئا لم يكن

  10. #10
    Pharma Student
    تاريخ التسجيل
    Jun 2008
    المشاركات
    38

    افتراضي

    جزاك الله خيرا يا دكتور باهر لإهتمام حضرتك بينا (طلبة إعدادي)


    بصراحة موضوع الرسم هو أصعب حاجة في المادة
    لذا أقترح أن يكون هناك كتيب صغير موحد بكل رسومات منهج العملي ل(Anantomy & Morphology)
    يوافق عليه كل الدكاتره
    ويسلم للطالب في السكشن

    وبكدة يبقى حلينا موضوع الرسم

    الموضوع الثاني الشرايح بتكون مش نظيفة بالذات يوم الإمتحان

    العقبة الثالثة لما بندخل الإمتحان أحيانا بنشوف حاجات جديدة عمرنا ما شفناها قبل كدة
    ويتضح في النهاية إنها كانت موجودة في سكاشن ومش موجودة في غيرها
    وأكبر مثال الداتورا اللي جاتلنا السنة اللي فاتت وكانت أول مرة نشوفها في الإمتحان

    آخر مشكلة عندي بتكون في إمتحان النبات النظري بيكون الوقت قليل طبعا في الترم الأول بس
    ساعة ونص بس مش كفاية على امتحان النبات

    أخيرا أتوجه بالشكر لحضرتك متمنيا لك دوام التوفيق والنجاح الدائم
    وجزاك الله كل خير

    تقبل تحياتي
    التعديل الأخير تم بواسطة ma7mod 3bdo ; 31-01-2009 الساعة 05:41 PM

صفحة 1 من 6 123 ... الأخيرةالأخيرة

المواضيع المتشابهه

  1. سلااامة القلب
    بواسطة ambitious pharmacist في المنتدى المنتدى الاسلامى
    مشاركات: 1
    آخر مشاركة: 17-07-2009, 03:56 AM
  2. القلب تاه
    بواسطة Alaa_Resala في المنتدى المنتدى الأدبي
    مشاركات: 9
    آخر مشاركة: 14-07-2009, 04:45 PM
  3. حزن القلب
    بواسطة ELANDALEEB في المنتدى المنتدى الأدبي
    مشاركات: 43
    آخر مشاركة: 26-06-2009, 01:36 AM
  4. عن القلب........
    بواسطة أم البراء في المنتدى المنتدى الاسلامى
    مشاركات: 3
    آخر مشاركة: 17-02-2009, 12:07 AM
  5. من القلب ...........
    بواسطة Dr. Baher في المنتدى الفرقة الاولى 2009
    مشاركات: 75
    آخر مشاركة: 15-02-2009, 07:22 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •