اعلان ال icdl ده منحة من وزراة الاتصالات
عاملين تخفيض على ثمن الامتحان الواحد
فبدل ما يكون كل امتحان مثلا ب 40 جنيه
يكون كلوا السبع مستويات ب35 جنيه
وده لطلبة جامعة المنصورة
والموضوع ده بدا من نص 2 تقريبا
انا كنت فى مركز الحاسب وسالت فى نص السنة وقالوا كده
ان يعنى دى فرصة تتاخد عشان التخفيض وكده
لكن دى امتحانات بس
والى عاوز ياخد شرح بره ياخد او ياخده فى المركز برده ياخدة
لكن المنحة دى على الامتحانات بس بتاعت المستويات ب35
لكن بقى كلام مادة تخلف والكلام ده مش صحيح
احنا عشان اتلغى من علينا الحاسب الالى فلازم ناخد الدورة قبل التخرج
فتكون فى اى سنة بقى المهم قبل التخرج
سورى على الاطالة بس انا سمعت كلام فى الموضوع ده
هههههههههه بجد غريب اوى
الف شكرا ليكوا يادكاترة بجد طمنتونى لانى خوفت من الكلام ده اوى لان الواحد مش ناقص الترم ده انه ياخد icdl كمان ومستنياكى يامنى ان شاء الله من الكلام النهائى وربنا يوفقنا كلنا
اخويا قدكم بس ف تجاره
ودوره ال icdl اجبـــــــــــارى عليهم فى الترم ده واذا لا قدر الله مخدهاش ف الترم ده
تعتبر ماده تخلف
انا قولت اقولكم عشان تتأكدوا تانى
بجد ارسو علي بر وحد يديني كلام اكيد لو ماخدماهاش الترم ده تبقي ماده تخلف و لا لاه عشان انا مافهمتش حاجه من الكلام الي في الاعلان و لا الي في المنتدي
بصوا ياجماعه احنا رحنا لد/حسن الكاشف وقالنا اننا لو ماخدنهاش دلوقتى يعنى فى الترم ده هيكتبلنا راسب icdl بس ده مالوش اى تأثير على تقديرنا بس كده كده لازم ناخدها قبل التخرج
يعنى لو ماخدنهاش دلوقتى عادى بس هيكتب راااسب بس لازم ناخدها قبل التخرج
بس بصراحه هو قال يستحسن تاخدوها دلوقتى
خلاصه الكلام فى موضوع ال icdl.,
علشان انا عارفه ان دا موضوع غريب طلع فى وقت اغرب
اولا مش منطقى نهائيا انى يتحدد لى معاد خلال شهرين امتحن فيهم فى حاجه حوالى 80 % من الدفعه ما سمعتش حاجه عنها
انا رحت لد.حسن الكاشف وسألت فى السكرتاريه لانه كان مشغول
والكلام بصراحه كان مقنع جدا
والسبب فى المشكله والقلق دا هو مركز الحاسب الالى
فى سكرتاريه د.حسن قالولى ان مركز الحاسب الالى بيشتغل فى مقابل مادى
وعملوا الخدمه دى للطالب (اللى هيا امتحانات ال icdl ) فى مقابل رمزى
والامتحانات هتكون خلال الشهرين دول
يعنى اللى اخد الدوره دى فى الصيف اللى فات ولسه ما امتحنش يروح يمتحن مش مشكله
طيب واللى ما اخدهاش خااالص!
عادى جدا ولا اى حاجه هاتاثر.. ياخدها فى الصيف ان شاء الله ويمتحنها فى الصيف (هأعمل كده ان شاء الله )
طيب ايه حكايه راسب icdl دى؟
فيه قرار فى السكرتاريه هناك بينص على
1- الغاااء ماده الحاسب الالى من منهج اولى صيدله
يعنى راسب icdl دى مش هاتاثر فى اى حاجه خالص لأن انا اصلا مفيش عندى ماده اسمها كده
2-اعتبار شهاده ال icdl متطلب جامعى
يعنى علشان آخد شهاده التخرج بتاعتى ان شاء الله لازم اسلم لهم شهاده ال icdl
اخدها الناهرده, بكره, فى الصيف, فى الشتا ,عادى مش هاتفرق.,
بس طبعا يستحسن فى الصيف الجاى ان شاء الله علشان بعد كده هيكون فيه عندنا تدريب فى الصيدليه ومش هانكون فاضيين
اتمنى ان الكلام دا يكون غطى جميع استفساراتكم ولو فيه اى سؤال تانى اتفضلوا.