من تدخل فيما لا يعنيه ..... برجاء مشاركة الجميع .. موضوع هام

[pharmacistina]

السلام عليكم ورحمة الله و بركاته
بعد التحية للاخوة و الأخوات الزملاء و الزميلات .. و بدون مقدمات أنا طالبة في الفرقة الثانية بدأت تدريبي الصيفي في احدى الصيدليات .. و بتمنى ربنا يساعدني و أحقق نتائج كويسة من التدريب ..
واجهتني مشكلة بتشغلني حاليا .. حبيت أناقشها و نفكر كلنا كصيادلة المستقبل تفكير عادل و صادق بعيد عن التحيز لينا لأننا صيادلة ..
من أكتر من أسبوعين جت في الصيدلية اللي أنا بتدرب فيها ست عشان تاخد أدوية لبنتها ( بعد كشف من الطبيب ) و سألتني و قالتلي انها قلقانة و قالت نصا ( بنتي طلعتلها غدد في الفخد , ممكن يا دكتورة تكون حاجة وحشة ) ... فهمت من الكلام ان الأم خايفة من وجود ورم سرطاني .. سألتها هل البنت اتجرحت قريبا جرح كبير أو شيء باعتبار ان احتمال الشيء الصلب اللي أنا حسيته في الفخذ تحت ايدي يكون Lymph node قالت لأ ...
المهم قلتلها ان شاء الله خير , خلي بنتك تنتظم على الدواء اللي الدكتور قالها عليه و ان شاء الله ( الكلكيعة أو الغدد ) على حد تعبير الست هتروح .. مع العلم ان الدكتور كان كاتب مسكنات و مضاد حيوي ..
امبارح الست جت تاني تتابع عند نفس الدكتور و أمر بتكرار نفس العلاج .. و لما جت تاخد العلاج من الصيدلية سألتني تاني ( و الله هي اللي سألت ) و قالت ان الغدد حجمها قل شوية مع الدوا و بعدين بيزيد و بتألم البنت رغم العلاج .. قالت و هي مبدية قلق أكتر من المرة الأولانية و دة طبيعي .. أم خايفة على بنتها ..
مع العلم ان الدكتور قال ان مفيش حاجة ( علما بأن الدكتور مش متخصص في الأورام ) ..
قلتلها يا حاجة أنا هجيبلك اسم معمل ( أحد معامل الباثولوجي ) تروحي عندهم البنت تحلل و ساعتها تتأكدي و تتطمني على بنتك ..
بمجرد ما الست خرجت .. في بنت ( دبلوم ) كانت حاضرة الكلام قالت لي ( كدة غلط يا دكتورة , احنا نصرف العلاج و بس و ما نتدخلش في شغل الدكتور ولا نتكلم في حاجة لأن دة مش شغلنا ( خدوا بالكم من نون الجماعة ) , لأنه كدة ممكن يقول للدكتور فلان ( صاحب الصيدلية ) قلت في بالي دة انتي اللي تصرفي علاج بس ..
, و أبدت ليا خوفها ان الطبيب دة معظم روشتات الصيدلية من عنده و انه قريب الدكتور و يمكن الموضوع دة يخلي غضبه يحل علينا و يمنع عننا خير روشتاته بطريقة أو بأخرى و ساعتها صاحب الصيدلية هيلومني أنا .
مع العلم ان موقفي كان من باب الاخلاص ي اعطاء النصيحة للمريض لأن صحة المريض و شفاءه أهم من أي اعتبارات فارغة .. و من باب الأخوة في الدين و الاحساس بالناس لأني تخيلت لو كان دة ورم سرطاني و انسكت عليه ممكن البنت دي حياتها تضيع و الموضوع يوصل لبتر ,, و ساعتها أنا عمري ما أسامح نفسي لأني كتمت نصيحة .. و لأن حياة انسان أهم من تجارة الأدوية وربحها .. بدون قصد لاني أخلي الست تشك أكتر ما هي شااااااكة في تشخيص الطبيب المعالج , و بدون قصد اني أعمل نفسي شاطرة أوي .. وربنا يعلم
لو كنت/ ي مكاني يكون ايه موقفك ؟؟
ايه هي حدود شغل الصيدلي ؟؟ النصح للمريض مش من تخصصنا ؟؟
ايه الحل مع دكتور انت متأكد ان روشتته ما هي الا كلام فارغ و مسكنات ؟؟ مع العلم انك لو كلمت الطبيب ممكن تسمع كلام مش كويس .. هل مهنتي هي اني أعرف مكان الدواء و سعره علشان نبيع ؟؟؟!!!!!!!!!!!

أرجو من الجميع المشاركة لأن الموضوع مهم لينا كطلبة لسة بنأسس روح المهنة ..

[عامر إبراهيم]

جزاك الله خيرآ يا دكتورة على رد فعلك تجاه الموضوع,

طبعآ حضرتك مش عملت غلط ولا قصرت إن شاء الله.

بس أنا مش عارف نعمل إيه مع " مش هقول الدبلومات ولا خريجى علوم ولا تجارة" هقول مع الناس اللى هما مش خريجى صيدلة!!

أنا ساعات بيبقى نفسى أبلغ عن الصيدليات دى بصراحة, لصدور فتوى تحرم مثل تلك الأمور, وعمل غير الصيدلى فى الصيدلية.

ممكن يكون إنسان حلو مش زى الأستاذة اللى كانت معاك فى الصيدلية دى,
ويكون همه مساعدة المريض فعلآ, لكن ده مش مكانهم, مش عندهم أى علم أو خبرة وحتى لو شغالين 100 سنة فى صيدلية عمرهم ما هيكونوا زى طالب صيدلى حتى.

ربنا يهديهم يارب ويبعدهم عن مجال الرعاية الصحية عمومآ مش الصيدلة بس....

[:|©؛°¨¨°؛©الصيدلى الذهبى©]

جزاكى الله خيرا يادكتوره على نصيحتك للست دى وبالنسبه للى قالتلك احنا بنصرف الدوا بس فده طبعا غلط لو احنا بنصرف الدوا بس يبقى احنا بقالين بجد لاتهتمى بكلام اى حد وقولى النصيحه لاى حد لو طلبها منك وقوليها لومطلبهاش وكانت حاجه مهمه

[Dr. Atallah F. Ahmed]

السلام عليكم د. pharmacistina
سعدت حقيقة بهذا الموضوع الذى يلمس ماهية مكانة الصيدلى الأهلى فى المجتمع العام و المجتمع الطبى. دوره مع الأهالى و المرضى القاصدين صيدليته و الأطباء الوصافة أقصد.هنا لابد ان نذكر كم يكون الطالب مقصرا ان لم يهتم بخاصة نفسه فى التعلم الدؤوب و السعى لتكامل معلوماته و بناء القدرة المهنية التى بها يناقش الطبيب بالأسلوب الذى يفهمه و يجعله يحترم الصيدلى. اشجعك على هذا الأمر و لكن مع اعتبارات عدة:
1. لا تبيع مبادئك بمنافع مادية مهما كان الأمر فبناء مكانتك وسط المجتمع تسلتزم الثبات المهنى.
2. المحاولات الدائمة للإتصال بالطبيب المعالج للوصول الى نقطة التقاء فإما ان نتعلم منه او نعلمه و فى النهاية مصلحة المريض هى مركز الإهتمام. و إذا شاهد المريض ذلك تزداد ثقته فيك. تخيلو معى لو كل الصيادلة فعلوا ذلك مع أى طبيب من منطلق اخلاقيات المهنة لا من منطلق الربح و الخسارة, كم ستتغير حال مهنتنا فى نظر المجتمع من محل افرنجى الى بيت خبرة و استشارة دوائية و لا نقول وصف دواء (فى هذه المرحلة على الأقل).
3. تذكروا ان الطبيب بالمبضع (مشرط الجراحة) و لقد تم اخذ مساحة من مهنتنا بسبب تقصيرنا فى ملئها و صار الطبيب هو الواصف و الصيدلى هو المنفذ المذعن بدون حتى رأى منه فى تعارض الأدوية أو عدم مناسبة الدواء فى تركيبه او جرعته للمريض. كذلك تم أخذ مساحة من مهنتنا كبعد اجتماعى و توعية صحية عندما احللنا حملة الدبلومات محلنا توفيرا للمال. تسبب حملة الدبلومات فى سجن صيادلة بسبب الخطأ فى كتابة استخدام دواء خطر بسبب الخطاء فى كتابة عدد ايام العلاج مع دواءاللانوكسين. و ايضا العطارين يمارسون مهنتنا بدون ترخيص. مهان هو الصيدلى و لكن للأسف بصنع يده.
4. الأفضل ان تشارك مدير الصيدلية (خاصة فى مرحلة التدريب او كصيدلى ثان بعد التخرج) فى رسم سياسات التعامل مع الجمهور و مع الأطباء كحدود دنيا متفق عليها فى حالة غيابه.
و لنا مع المشاركات مشاركات

تحياتى لك pharmacistina و للجادين من صيادلة المستقبل.

[pharmacistina]

جزاك الله خيرآ يا دكتورة على رد فعلك تجاه الموضوع,

طبعآ حضرتك مش عملت غلط ولا قصرت إن شاء الله.

بس أنا مش عارف نعمل إيه مع " مش هقول الدبلومات ولا خريجى علوم ولا تجارة" هقول مع الناس اللى هما مش خريجى صيدلة!!

أنا ساعات بيبقى نفسى أبلغ عن الصيدليات دى بصراحة, لصدور فتوى تحرم مثل تلك الأمور, وعمل غير الصيدلى فى الصيدلية.

ممكن يكون إنسان حلو مش زى الأستاذة اللى كانت معاك فى الصيدلية دى,
ويكون همه مساعدة المريض فعلآ, لكن ده مش مكانهم, مش عندهم أى علم أو خبرة وحتى لو شغالين 100 سنة فى صيدلية عمرهم ما هيكونوا زى طالب صيدلى حتى.

ربنا يهديهم يارب ويبعدهم عن مجال الرعاية الصحية عمومآ مش الصيدلة بس....

شكرا ع الرد ... أكيد ردكم بيثبتني و بيزيد اصراري و تمسكي بالصح .. جزاك الله كل خير

[pharmacistina]

جزاكى الله خيرا يادكتوره على نصيحتك للست دى وبالنسبه للى قالتلك احنا بنصرف الدوا بس فده طبعا غلط لو احنا بنصرف الدوا بس يبقى احنا بقالين بجد لاتهتمى بكلام اى حد وقولى النصيحه لاى حد لو طلبها منك وقوليها لومطلبهاش وكانت حاجه مهمه

و جزاكم بالمثل ..
ان شاء الله أعمل كدة و ان شاء الله دوري مش هتنازل عنه مهما حصل ..
شكرا جزيلا لحضرتك

[pharmacistina]

السلام عليكم د. pharmacistina
سعدت حقيقة بهذا الموضوع الذى يلمس ماهية مكانة الصيدلى الأهلى فى المجتمع العام و المجتمع الطبى. دوره مع الأهالى و المرضى القاصدين صيدليته و الأطباء الوصافة أقصد.هنا لابد ان نذكر كم يكون الطالب مقصرا ان لم يهتم بخاصة نفسه فى التعلم الدؤوب و السعى لتكامل معلوماته و بناء القدرة المهنية التى بها يناقش الطبيب بالأسلوب الذى يفهمه و يجعله يحترم الصيدلى. اشجعك على هذا الأمر و لكن مع اعتبارات عدة:
1. لا تبيع مبادئك بمنافع مادية مهما كان الأمر فبناء مكانتك وسط المجتمع تسلتزم الثبات المهنى.
2. المحاولات الدائمة للإتصال بالطبيب المعالج للوصول الى نقطة التقاء فإما ان نتعلم منه او نعلمه و فى النهاية مصلحة المريض هى مركز الإهتمام. و إذا شاهد المريض ذلك تزداد ثقته فيك. تخيلو معى لو كل الصيادلة فعلوا ذلك مع أى طبيب من منطلق اخلاقيات المهنة لا من منطلق الربح و الخسارة, كم ستتغير حال مهنتنا فى نظر المجتمع من محل افرنجى الى بيت خبرة و استشارة دوائية و لا نقول وصف دواء (فى هذه المرحلة على الأقل).
3. تذكروا ان الطبيب بالمبضع (مشرط الجراحة) و لقد تم اخذ مساحة من مهنتنا بسبب تقصيرنا فى ملئها و صار الطبيب هو الواصف و الصيدلى هو المنفذ المذعن بدون حتى رأى منه فى تعارض الأدوية أو عدم مناسبة الدواء فى تركيبه او جرعته للمريض. كذلك تم أخذ مساحة من مهنتنا كبعد اجتماعى و توعية صحية عندما احللنا حملة الدبلومات محلنا توفيرا للمال. تسبب حملة الدبلومات فى سجن صيادلة بسبب الخطأ فى كتابة استخدام دواء خطر بسبب الخطاء فى كتابة عدد ايام العلاج مع دواءاللانوكسين. و ايضا العطارين يمارسون مهنتنا بدون ترخيص. مهان هو الصيدلى و لكن للأسف بصنع يده.
4. الأفضل ان تشارك مدير الصيدلية (خاصة فى مرحلة التدريب او كصيدلى ثان بعد التخرج) فى رسم سياسات التعامل مع الجمهور و مع الأطباء كحدود دنيا متفق عليها فى حالة غيابه.
و لنا مع المشاركات مشاركات

تحياتى لك pharmacistina و للجادين من صيادلة المستقبل.

شكرا على الرد المقنع تماما يا أستاذي الفاضل .. جزاك الله كل خير
سأحاول دائما أن أكون عند حسن ظن سيادتكم .. ان شاء الله
سأصر على الثبات المهني .. و لن أترك دوري لغيري .. ما أحاول فعله الآن هو تطوير و زيادة معلوماتي بالقدر الذي يؤهلني الى انقاذ المريض من خطر خطأ الأطباء ..
أشكر سيادتكم مرة أخرى ..

[summer breeze]

ازيك يادكتوره فارماستينا انا معجبه جدا جدا جدا بتصرفك مع الام دي لان ده هو واجبك وواجبنا جميعا كصيادله

بنتعامل مع صحه الانسان اللي هي اغلى شيئ عنده واذا كنا احنا عاجزين ان احنا اللي نشخص حاله المريض

ونكتبله الدواء المناسب بحكم ان احنا محنش دكاتره فده بيحتم علينا ان احنا منبخلش على الناس بنصيحه يمكن

هي اللي تنقذ حياتهم لو عملو بيها وده مبدا مش خاضع للنقاش ابدا اما بالنسبه للدخلاء على المهنه من دبلومات

وخلافه فهم ناس غير متخصصه كل علاقتها بمجالنا انها تقرا الروشته وتصرفها لكن ميعرفوش اي حاجه عن تعارض

الادويه مع بعضها عن ان مريض القلب لو اتكتبتله الاقراص 3مرات بدل مرتين ممكن يموت في دقيقه ان المعلق لو

حقناه في الوريد هيموت المريض الجهل ده هو اللي بيخليهم يستبسطوا حياه الناس وكل ده بسبب غياب الرقابه

اللي المفروض توقف تماما المهزله دي اسفه ياجميل اذا كنت طولت عيكي بس لان الموضوع ده بجد مضايقني جدا

استمري زي مانتي وكلنا انشاء الله نعمل كده لحد لما نرجع للصيدلي مكانته في المجال الصحي

[زهراء]

جزاك الله خيرا ع موقفك النبيل الذى لا يختلف عليه اثنان ذا ضمير واعى بس انا مش هذكرك ان اى حاجه صح لازم تلاقى رفض من بعض الناس بس فى النهايه لازم الصح هو السائد
ويارب يثبتك على مبدأك
وجزاك الله خيرا مره اخرى

[pharmacistina]

ازيك يادكتوره فارماستينا انا معجبه جدا جدا جدا بتصرفك مع الام دي لان ده هو واجبك وواجبنا جميعا كصيادله

بنتعامل مع صحه الانسان اللي هي اغلى شيئ عنده واذا كنا احنا عاجزين ان احنا اللي نشخص حاله المريض

ونكتبله الدواء المناسب بحكم ان احنا محنش دكاتره فده بيحتم علينا ان احنا منبخلش على الناس بنصيحه يمكن

هي اللي تنقذ حياتهم لو عملو بيها وده مبدا مش خاضع للنقاش ابدا اما بالنسبه للدخلاء على المهنه من دبلومات

وخلافه فهم ناس غير متخصصه كل علاقتها بمجالنا انها تقرا الروشته وتصرفها لكن ميعرفوش اي حاجه عن تعارض

الادويه مع بعضها عن ان مريض القلب لو اتكتبتله الاقراص 3مرات بدل مرتين ممكن يموت في دقيقه ان المعلق لو

حقناه في الوريد هيموت المريض الجهل ده هو اللي بيخليهم يستبسطوا حياه الناس وكل ده بسبب غياب الرقابه

اللي المفروض توقف تماما المهزله دي اسفه ياجميل اذا كنت طولت عيكي بس لان الموضوع ده بجد مضايقني جدا

استمري زي مانتي وكلنا انشاء الله نعمل كده لحد لما نرجع للصيدلي مكانته في المجال الصحي

بشكرك من قلبي على دعمك ليا .. قريت كلامك بامعان و دة رأيي كمان .. انتي دكتورة زيي و فهماني و كلامك كله صح .. جزاكي الله كل خير ..