مشاهدة نتائج الإستطلاع: اختر من التالى مايناسب رايك

المصوتون
40. أنت لم تصوت في هذا الإستطلاع
  • لم أقابل مشرفى الخاص بالتدريب وتسلمت موضوع البحث والأستمارة من السكرتارية

    10 25.00%
  • قابت مشرفى مرة واحدة ولم يعلن مشرفى عن اى لقاءات اخرى قادمة خلال التدريب

    24 60.00%
  • قابلت المشرف واعد لنا خطة للمتابعة والتواصل

    3 7.50%
  • قام المشرف بمناقشة أهداف التدريب والILOS

    3 7.50%
  • لم يقم المشرف بمتابعة أهداف التدريب واكتفى بتسبيم الأستمارات وموضوع البحث

    22 55.00%
  • اعلن المشرف موضوعات البحث دون ان يناقشها معنا

    24 60.00%
  • طلب المشرف ان نختار البحث ولم يقم بمناقشة كيفية كتابة المقال العلمى

    13 32.50%
  • طلب مننا المشرف اختيار البحث وناقش معنا طرق كتابة المقال العلمى وطلب لقاء اخر لمناقشة الأبحاث

    2 5.00%
  • قام المشرف باعطاء رقم هاتفه او اى طريقة اخرى للتواصل

    15 37.50%
  • لم يعطنا المشرف رقم الهاتف او اى طريقة للتواصل

    22 55.00%
  • طلب المشرف رقم هاتف مدير الصيدلية

    6 15.00%
إستطلاع متعدد الإختيارات.
صفحة 1 من 2 12 الأخيرةالأخيرة
النتائج 1 إلى 10 من 20

الموضوع: التدريب الصيفى..بين المفترض والواقع

  1. #1

    افتراضي التدريب الصيفى..بين المفترض والواقع

    السلام عليكم ورحمة الله وبركاته
    كيف حال أعضاء المنتدى الكرام
    ادعو الله ان تكون اجازتكم مليئة بالأوقات الممتعة السعيدة

    فى الحقيقة انا عايز اناقش معاكم موضوع التدريب الصيفى

    على موقع الكلية
    وجدت ان الكلية قامت بوضع التوصيف الخاص بالتدريب الصيفى مخرجاته
    وأهدافه
    ILOS
    Intended learning objectives
    حاجة فعلا جميلة جدا..


    لكن عندما ننظر الى اعلانات الأجتماع مع الطلبة
    وفى موضوع التدريب الصيفى

    نجد ان عددا لا بأس به من المشرفين
    لم يقابل الطلاب المشرف عليهم
    لم يناقش معهم مشروع البحث
    ولم يقم بالطبع بالتحدث عن الاهداف
    ومواصفات التدريب والمهارات التى لابد من اكتسابها خلال تلك الفترة

    السؤال الأن كيف للطالب -وخصوصا طلاب الفئة الثانية الذين لم يسبق لهم
    التدرب - ان يعرف هدف التدريب الصيفى وكيف سيكون الطالب رؤيته
    الخاصة عن التدريب دون مساعدة مشرفه
    واذا كان دور المشرف فقط هو مقابلة الطلاب مرة واعطائهم البحث
    وخلصت الحكاية

    فلماذا لاتقوم الكلية بوضع عدد من البحوث وطباعة الأستمارات
    ليتسلمها الطلاب من اى مكان
    وتوفير عناء البحث عن مكتب الدكتور

    الرد الطبيعى لهذا السؤال
    ان دور المشرف لا يقف فقط عند هذا الدورر السطحى الذى يمارس الأن
    ولكنه يمتد ليضع للطلاب حدود وقواعد اساسية تمكنه من فهم دوره فى التدريب
    وتساعده على الأستفاده من هذه الفترة بالشكل الأمثل

    لماذا يتخلى أساتذتنا الأفاضل عن دورهم التربوى والتوجيهى
    وخصوصا ان هذا الأمر -وعلى خلاف الساعات الأكاديمية والأشراف الأكاديمى-
    يضرب فى عمق العملية التعليمة
    فالتدريب الصيفى هى العملية التطبيقية الوحيدة التى
    تكاد تؤهل الطالب لسوق العمل

    انا اعلم ان الأساتذة الأفاضل يعلمون هذا الكلام جيدا
    واعلم انه فى النهاية
    ألمر مرهون بالطالب
    ومدى حماسته
    ومدى حبه لعمله
    ومراعاته لله فى اداء وظيفته
    لكن هذا لايعنى ان يتخلى
    الأستاذ عن دوره الأرشادى
    بهذه السهولة

    السؤال الأن
    هو لمـــــــاذا
    تخلى اساتذتنا عن دورهم فى التدريب الصيفى
    والسؤال الثانى
    لزملائى
    بماذا شعرت
    فى مقابلة التدريب الصيفى
    هل تفتقد دور المرشد
    هل ترى ان دور المرشد
    الحالى مناسب
    وكافى
    واذا كانت اجابتك بالنفى
    فلماذا لم تحوال التواصل مع مشرفك بشكل اكبر

    والسؤال الأهم لأدارة كليتنا
    اذا كانت مقابلتى مع مشرفى
    هى مرة واحدة او قد لا تحدث على الأطلاق
    فمن سيطبق التوصيفات والILOS
    التى تفضلتم باعدادها على موقع الكلية

    احب ان اوضح نقطتين فى النهاية
    عدد طلاب دفعة كلينكاg 2 يتجاوز الستين
    وعين لهم مشرفين فقط!!
    وعلى مايفترض ان يتلقى هؤلاء الطلاب تدريبا خاصا فى التعامل مع الأدوية
    وخاصة ان تدريبهم فى المستشفيات يستلزم تعاملا وتعليما خاصا
    للأدوية ومختلف تفاعلاتها
    وهو جانب لاتغطي دراستهم الحالية بشكل كامل

    اتذكر ان الدكتور عطا الله قد قدم برامج تدريبية متميزة فى الصيف الماضى
    وكان العدد الأكبر من الطلاب الذين لم يشرف عليهم الأستاذ الفاضل فى احد البرامج
    اكبر من عدد الطلاب الذين أشرف عليهم
    مما يدل على ان هناك شعله تتقد
    وتحتاج لمن يزيد توهجها
    قبل ان تخفت ..
    وتنطفىء..

    التعديل الأخير تم بواسطة عبدالله عبدالرحمن ; 21-07-2010 الساعة 12:39 AM

  2. #2
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    عندك حق يا دكتور عبدالله

    المشكله انه معظم الحاجات اللى بنعملها مش فى الكلية بس لكن فى حياتنا بصفة عامة بتكون مجرد تأدية واجب

    يعنى عاوزة أخلص الموضوع ده وخلاص
    ميهمنيش بقى مدى استفادتى منه

    ويمكن لو المشرف بتاعى مهتم أكيد هو هيجبرنى انى ألتزم وأدور وأفهم مش مجرد كلمتين هنقلهم من أى حتة وخلاص

    طيب برده الموضوع بتاعى ده أجيبه منين

  3. #3
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    وعليكم السلام ورحمة الله وبركاته

    أولا بشكر حضرتك يا دكتور عبدالله على الموضوع

    بس حابب أوضح حاجة حال كليتنا كما هو حال كليات طب واسنان و........ الى أخره . إلا مارحم ربي ( ده اللى انا شايفه لأن أخويا فى طب واختى فى اسنان )

    الشغل اللى بجد والاستفاده الفعليه بعد التخرج.
    واللى عاوز يتعلم لازم يبقى رخم ويسأل هنا وهناك ويدور لوحده ويقرا ويسمع ويعمل كل حاجة لوحده وينزل صيدليه ويشوف كل دوا ويتكلم مع العيان ويساله عن عن الاعراض اللى جاتله ويشوف الدكتور كاتب ده ليه وعشان ايه ويناقش الدكتور صاحب الصيدلية ويفتح معاه حوارات عشان فى الاخر يطلع بمعلومة تفيده

    وفى ناس بتاخد تدريبها وهى قاعده فى البيت والبحث بتاعها بتقوم فاتحة الويكبيديا وتعمل نسخ للكلام وخلاص وانتهينا على كده وبارك الله فيما رزق ودى الغالبية اللى انا بشوفها ( معلش اصله مش فاضي بقى )

    المشكلة ان الدكاترة ( دكاترة الكليه ) مبيساعدوش حد الا لما حد يطلب المساعده ومش كلهم كمان دا اذا لقيت الدكتور الاول أو عرفت تقابله طبعا ومكنش عنده اجتماع أو مجاش النهارده أو لو كان فاضي يقابلك وبرده الا ما رحم ربي عشان منعممش

    وبالنسبة لتدريب كلينيكال احنا اللى بيتعمل ورقه تتمضى من الصيدلي و البحث وخلاص
    وحتى معرفش احنا هنتناقش فيه ولا لأ
    ( يعنى بالنسبة لنفسي أنا بعمله بضمير شوية وبقرا فى كتب عشان استفيد واعرف معلومة تفيدني )

    ولو فى حاجة غلط فى كلامى ياريت حد يوضحها


  4. #4

    افتراضي

    كلام جميل يا عبد الله .. وقلته السنه اللى فاتت .. وطالبت بتطبيق برامج التدريب الصيفي التى قام بها دكتور عطالله العام الماضي على جميع الطلاب ..
    وتحدثت مع الدكتورة ماجدة نصر .. وقلت لها بالحرف كيف أن لم يتم تطوير برامج التدريب الصيفي منذ أعوام كثيرة مضت ..

    لا نستطيع أن نحمل مسئولية نجاح التدريب الصيفي لا على الدكتور بمفردة وعلى على الطالب بمفردة .. بل تقع المسئولية على الإثنين معاً .. فالدكتور بمتابعته للطالب وفتح طرق البحث والتحليل والتدريب أمام الطالب .. والطالب بحماسته وجديته للعمل والبحث والتدريب ..

    حقيقة تدريبي مع الدكتور محمود بكر .. اجتماعه معنا لم يكن عادياً تناقش معنا في كل شيء يخص التدريب .. ورفض قيامنا بعمل بحث .. بعدد صفحات ويتم تسليمه وانتهى الموضوع .. ولكنه كلفنا بعمل شيء جديد .. وفي نفس الوقت مفيد للطلاب ومفيد للكليه .. وترك لنا حرية الاختيار في مواضيعه بشكل يجعلنا نختار ما نحب فنعمل بحماس واخلاص ..

    انا شخصيا هذا العام أخذت جزء من التدريب في مصنع جلاكسو بالقاهره GSK .. وحقيقة قضيت وقت لن أنساه في حياتي .. بين Quality Assurance .. ومعامل الـ Quality Control .. بشكل جعلني أشعر بقيمتي كصيدلي .. وأفكر في عمل توبيك لشرح هذه التجربه كامله ..

    وفقنا الله وإياكم لما فيه الخير ..

    وشكراً عبدالله ..

  5. #5
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    عندك حق يادكتور عبدالله...

    مش كل الدكاتره مهتمين بالتدريب

    معظمهم سايبين الاستمارات مع السكرتاريه والطلبه مقابلوش الدكتور ولا يعرفوا شكله

    الدكتور اللى انا عنده حددلنا معاد وجه بعده بساعه ...المهم كلمنا عن البحث وادالنا العناوين الرئيسيه اللى نمشى عليها وسالنا اذا كان معانا رقمه ولا لا...كان معايا فقال لو حد احتاج حاجه نقوله

    بس مابيسألش علينا اذا كنا موجودين فى الصيدليه ...لدرجه ان المجموعه اللى معايا فى البحث معايا فى الصيدليه ومش عارفه اوصل لهم برضو لانهم مبينزلوش صيدليات ....ولا اتكلم معانا عن التدريب ولا اى حاجه

    بس رأيي اكيد الدكتور ده افضل من دكاتره كتير اوى محاولوش يقابلوا الطلبه...وكأن التدريب الصيفى ده بقى عباره عن ورقه ناخدها ونسلمها ومعاها البحث وخلاص

    هو قبل توزيع الطلبه على التدريب بيبقى فى اجتماع او اى حاجه مع الدكاتره عشان يتكلموا عن الحاجات الاساسيه الخاصه بالتدريب مع الطلبه؟؟الدكاتره بياخدوا تعليمات عن المفروض يعملوه مع الطلبه ولا كل دكتور بيعرف الاسماء وبعد كده هو حر مع الطلبه بتوعه؟؟؟؟

    المفروض "فى رأيي" ان يتعمل اجتماع سنوى مع الدكاتره ويبقى فيه تعليمات وشروط على كل دكتور انه يعرف الطلبه اللى معاه عن كل مايخص التدريب والدكتور اللى يخالف كده يبقى فى عقاب
    انا بالنسبالى التدريب حاجتين
    الاولى انى اقف فى الصيدليه لسبب من اتنين يااما خايفه الدكتور يتصل وانا مش هناك ... او انى بحب اقف فى الصيدليه لان دكتور الصيدليه بيفيدنى
    التانيه هى البحث شويه معلومات بجيبها من النت او الكتب او اى حد واسلمها للدكتور وبعد كده تطير المعلومات كالعاده

    نظام التدريب بقى عامل زى نظام الشفوى ......تأديه واااجب وخلاص من غير اى استفاده ..
    بروح الشفوى عشان اخد الدرجات مش مهم اجاوب ولا لا ولا اتسال ولا لا..المهم الدكتور يدينى درجه "اى درجه والسلام"
    وكذلك التدريب بعمل البحث وبقف فى الصيدليه عشان اعرف اتخرج

    لو كل دكتور عمل اللى المفروض يعمله هيظبطوا الطلبه محدش يقول ان الغلط من الطلبه

    الطالب اللى مع دكتور ملتزم هتلاقوه ملتزم .... والعكس صحيح

    شكرا على طرحك للموضوع ياد.عبدالله






  6. #6

    افتراضي

    اقتباس المشاركة الأصلية كتبت بواسطة *محبة رسول الله* مشاهدة المشاركة
    عندك حق يا دكتور عبدالله

    المشكله انه معظم الحاجات اللى بنعملها مش فى الكلية بس لكن فى حياتنا بصفة عامة بتكون مجرد تأدية واجب

    يعنى عاوزة أخلص الموضوع ده وخلاص
    ميهمنيش بقى مدى استفادتى منه

    ويمكن لو المشرف بتاعى مهتم أكيد هو هيجبرنى انى ألتزم وأدور وأفهم مش مجرد كلمتين هنقلهم من أى حتة وخلاص

    طيب برده الموضوع بتاعى ده أجيبه منين

    جزاكم الله خيرا على المشاركة
    وبالفعل اصبحت معظم أفعالنا
    صورية ومفرغة من قالبها وجوهرها الحقيقى
    ولكن يجب ان يتغير هذا الوضع
    ونحن فى هذا الموضوع
    نتسأل عن الحلول
    وعلى فكرة الموضوع بتاع حضرتك سهل
    بس كراسة وقلم وحطى الأفكار الأول
    والنت والكتب مليانة معلومات
    بخصوص الموضوع ده




    اقتباس المشاركة الأصلية كتبت بواسطة a_fouda2 مشاهدة المشاركة


    الشغل اللى بجد والاستفاده الفعليه بعد التخرج.
    واللى عاوز يتعلم لازم يبقى رخم ويسأل هنا وهناك ويدور لوحده ويقرا ويسمع ويعمل كل حاجة لوحده وينزل صيدليه ويشوف كل دوا ويتكلم مع العيان ويساله عن عن الاعراض اللى جاتله ويشوف الدكتور كاتب ده ليه وعشان ايه ويناقش الدكتور صاحب الصيدلية ويفتح معاه حوارات عشان فى الاخر يطلع بمعلومة تفيده

    وفى ناس بتاخد تدريبها وهى قاعده فى البيت والبحث بتاعها بتقوم فاتحة الويكبيديا وتعمل نسخ للكلام وخلاص وانتهينا على كده وبارك الله فيما رزق ودى الغالبية اللى انا بشوفها ( معلش اصله مش فاضي بقى )

    المشكلة ان الدكاترة ( دكاترة الكليه ) مبيساعدوش حد الا لما حد يطلب المساعده ومش كلهم كمان دا اذا لقيت الدكتور الاول أو عرفت تقابله طبعا ومكنش عنده اجتماع أو مجاش النهارده أو لو كان فاضي يقابلك وبرده الا ما رحم ربي عشان منعممش

    وبالنسبة لتدريب كلينيكال احنا اللى بيتعمل ورقه تتمضى من الصيدلي و البحث وخلاص
    وحتى معرفش احنا هنتناقش فيه ولا لأ
    ( يعنى بالنسبة لنفسي أنا بعمله بضمير شوية وبقرا فى كتب عشان استفيد واعرف معلومة تفيدني )

    ولو فى حاجة غلط فى كلامى ياريت حد يوضحها


    كيف حالك يادكتور
    جزاكم الله خيرا..على الرد
    وكلامك فعلا مظبوط
    الأنسان لما يبقى رخم عشان بيسأل كثير
    وعايز يتعلم
    يبقى اكيد فى حاجة غلط
    مفروض الأنسان اللى عايز يتعلم وعنده الرغبة فى كده يحترم
    وماذكرته من صور اهمال من الطلاب فى التدريب
    هو امر غير مقبول وعلى الرغم ان المشرف يتحمل مسئولية الرقابة المتساهلة
    والغير موجودة
    الا ان الطالب الذى يفعل ذلك لن تنفع معه الرقابه بأى حال من الأحوال
    لأن المسلة مسألة ضمير فى نهاية الأمر
    ولكن طبعا لو وجد المشرف الناصح والحازم فى نفس الوقت
    قد يراجع الطالب نفسه ويقوم بالعمل الصحيح
    وبالنسبة للتدريب بتاع كلينكال
    فانا شايف انكم مفروض تتكلموا مع الأدارة
    فى الموضوع ده
    وتشوفوا ازاى تحسنوا اوضع شوية
    عشان حتى الدفعات القادمة..
    جزاكم الله خير يادكتور وعايزين نشوف بحثك الجميل
    اقتباس المشاركة الأصلية كتبت بواسطة Mohamed Al Gohary مشاهدة المشاركة
    كلام جميل يا عبد الله .. وقلته السنه اللى فاتت .. وطالبت بتطبيق برامج التدريب الصيفي التى قام بها دكتور عطالله العام الماضي على جميع الطلاب ..
    وتحدثت مع الدكتورة ماجدة نصر .. وقلت لها بالحرف كيف أن لم يتم تطوير برامج التدريب الصيفي منذ أعوام كثيرة مضت ..

    لا نستطيع أن نحمل مسئولية نجاح التدريب الصيفي لا على الدكتور بمفردة وعلى على الطالب بمفردة .. بل تقع المسئولية على الإثنين معاً .. فالدكتور بمتابعته للطالب وفتح طرق البحث والتحليل والتدريب أمام الطالب .. والطالب بحماسته وجديته للعمل والبحث والتدريب ..

    حقيقة تدريبي مع الدكتور محمود بكر .. اجتماعه معنا لم يكن عادياً تناقش معنا في كل شيء يخص التدريب .. ورفض قيامنا بعمل بحث .. بعدد صفحات ويتم تسليمه وانتهى الموضوع .. ولكنه كلفنا بعمل شيء جديد .. وفي نفس الوقت مفيد للطلاب ومفيد للكليه .. وترك لنا حرية الاختيار في مواضيعه بشكل يجعلنا نختار ما نحب فنعمل بحماس واخلاص ..

    انا شخصيا هذا العام أخذت جزء من التدريب في مصنع جلاكسو بالقاهره GSK .. وحقيقة قضيت وقت لن أنساه في حياتي .. بين Quality Assurance .. ومعامل الـ Quality Control .. بشكل جعلني أشعر بقيمتي كصيدلي .. وأفكر في عمل توبيك لشرح هذه التجربه كامله ..

    وفقنا الله وإياكم لما فيه الخير ..

    وشكراً عبدالله ..
    اذيك يامحمد فرصة جيدة التى سنحت لك فى التدريب فى هذه الشركة
    ومنتظرين موضوعك عن الفترة اللى قضتها هناك
    وفقكم الله وبارك لكم

    بالنسبة لمسئولية المشرف
    فهو طبعا مش مسئول لوحده
    لكن فى نفس الوقت عليه جزء كبير
    المشرف لو شاف الطالب بتاعه مهمل
    ممكن يعيد التدريب بتاع لغاية ما يلتزم
    لكن انا ارى ان اغلبية المشرفين
    لا تهتم بتقييم الطالب
    والتأكد من انه قضى التدريب بالشكل المناسب
    السؤال الحرج
    هو اذا قامت الكلية بعمل توصيفات للتدريب الصيفى
    فأكيد يعنى المشرفين عرفوا بالتوصيفات
    دى
    طيب ليه ماعملوش بيها
    بقى
    وما موقف وحدة التطوير وادارة الكلية
    من هذا الأمر
    اتمنى اسمع اجابة للسؤال ده

    وجزاكم الله خيرا على المشاركة

    اقتباس المشاركة الأصلية كتبت بواسطة amira مشاهدة المشاركة
    عندك حق يادكتور عبدالله...

    مش كل الدكاتره مهتمين بالتدريب

    معظمهم سايبين الاستمارات مع السكرتاريه والطلبه مقابلوش الدكتور ولا يعرفوا شكله

    بس مابيسألش علينا اذا كنا موجودين فى الصيدليه ...لدرجه ان المجموعه اللى معايا فى البحث معايا فى الصيدليه ومش عارفه اوصل لهم برضو لانهم مبينزلوش
    المفروض "فى رأيي" ان يتعمل اجتماع سنوى مع الدكاتره ويبقى فيه تعليمات وشروط على كل دكتور انه يعرف الطلبه اللى معاه عن كل مايخص التدريب والدكتور اللى يخالف كده يبقى فى عقاب
    انا بالنسبالى التدريب حاجتين
    الاولى انى اقف فى الصيدليه لسبب من اتنين يااما خايفه الدكتور يتصل وانا مش هناك ... او انى بحب اقف فى الصيدليه لان دكتور الصيدليه بيفيدنى
    التانيه هى البحث شويه معلومات بجيبها من النت او الكتب او اى حد واسلمها للدكتور وبعد كده تطير المعلومات كالعاده

    نظام التدريب بقى عامل زى نظام الشفوى ......تأديه واااجب وخلاص من غير اى استفاده ..
    بروح الشفوى عشان اخد الدرجات مش مهم اجاوب ولا لا ولا اتسال ولا لا..المهم الدكتور يدينى درجه "اى درجه والسلام"
    وكذلك التدريب بعمل البحث وبقف فى الصيدليه عشان اعرف اتخرج

    لو كل دكتور عمل اللى المفروض يعمله هيظبطوا الطلبه محدش يقول ان الغلط من الطلبه

    الطالب اللى مع دكتور ملتزم هتلاقوه ملتزم .... والعكس صحيح

    شكرا على طرحك للموضوع ياد.عبدالله



    جزاكم الله خيرا على المشاركة
    فى الحقيقة رد حضرتك فى موضوع الأبحاث
    هو اللى خلانى اعمل الموضوع ده
    يعنى منين الاقى التوصيفات والنظام العالى اللى على موقع الكلية
    وفى نفس الوقت الاقى مفيش تطبيق خالص
    هل معقول ان الدكاترة ميعرفوش عن التوصيفات دى حاجة
    ودى ساعتها تبقى مصيبة
    او ان الدكاترة عرفوا ومنفذوش ودى ساعتها تبقى مصيبة اكبر

    يعنى انا فعلا قاعد محتار ومتغاظ
    ومستنى اجابة

    الموضوع اهميته فانه مثال على حاجات كثير موجودة على الورق
    ومش بنشوفها على ارض الواقع
    ولازم طبعا وحدة التطوير وادارة الكلية تتحرك
    عشان الموضوع ده يتصلح شوية



    التعديل الأخير تم بواسطة عبدالله عبدالرحمن ; 21-07-2010 الساعة 05:03 PM

  7. #7

    افتراضي

    اذيك يامحمد فرصة جيدة التى سنحت لك فى التدريب فى هذه الشركة
    ومنتظرين موضوعك عن الفترة اللى قضتها هناك
    وفقكم الله وبارك لكم
    هجمعه وانسقه وهنزله على المنتدى .. وهيكون مدعم ببعض الصور كمان ان شاء الله ..

  8. #8
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اقتباس المشاركة الأصلية كتبت بواسطة عبدالله عبدالرحمن مشاهدة المشاركة



    كيف حالك يادكتور

    الحمد لله بخير

    اقتباس المشاركة الأصلية كتبت بواسطة عبدالله عبدالرحمن مشاهدة المشاركة
    جزاكم الله خيرا..على الرد

    وجزاكم الله بمثله
    اقتباس المشاركة الأصلية كتبت بواسطة عبدالله عبدالرحمن مشاهدة المشاركة
    وبالنسبة للتدريب بتاع كلينكال
    فانا شايف انكم مفروض تتكلموا مع الأدارة
    فى الموضوع ده
    وتشوفوا ازاى تحسنوا اوضع شوية
    عشان حتى الدفعات القادمة..
    جزاكم الله خير يادكتور وعايزين نشوف بحثك الجميل


    والله يا دكتور عبدالله المشكلة ان مفيش حد فى دماغه الكلام ده يعنى اللى عايز يتعلم فينا هو اللى بيسأل ويدور من نفسه ويشارك فى المنتدى مثلا أو يطرح اسئلة ومناقشات مع زمايله الكبار عشان يستفيد منهم

    والباقى عايز ياخد اجازته ويصيف براحته
    أو ياخد مواد فى الصيف ويذاكرها وخلاص عشان يخفف عن نفسه فى الترم الشتوي
    والادارة سايبه كل واحد على هواه

    وبالنسبة للبحث ادعي ربنا بس انه يعيننى عشان اخلصه أصل المشكلة انى بكتبه من الكتب اللى عندى مش بعمل نسخ ولصق للكلام بالاضافة لانى كنت تعبان شويه اليومين اللى فاتوا بس الحمد لله دلوقتى

  9. #9
    Pharma Student
    تاريخ التسجيل
    Oct 2007
    المشاركات
    280

    افتراضي

    المشكلة يا دكتور فى الكسل

    انا مانزليش معاد و رحت الكلية و لقيت كل الورق فى السكرتارية و الدكتورة مش موجودة

    أخدت تليفونها و اتصلت بيها

    مش هسيب نفسى كدة يعنى

    هيا الدكتورة مش مهتمية خالص و لا اتصلت بيا فى الصيدلية و لا اى حاجة من دى

    بس لما كلمتها انا ..... كلمتنى بكل ترحيب و شرحت لى كل اللى كنت عاوزاة

    و فعلا عرفت كل المطلوب من بحثى

    يعنى المفروض لو لقينا الدكتور مش مهتم أد كدة ... نهتم احنا

    النهاردة بقى عرفت معلومة اتصدمت لما عرفتها

    ان المكتبات دلوقتى بتعمل الابحاث دى

    بس تديلة الفلوس و يديك البحث و كلة تمام

    المكتبات عملت بدلنا كل حاجة

    ناقص بس تيجى تمتحن بدالنا

    يبقى 3/4 المشكلة فى الطالب نفسة

  10. #10
    Pharma Student
    تاريخ التسجيل
    Oct 2008
    المشاركات
    1,064

    افتراضي

    اولا بشكر حضرتك يا دكتور على الموضوع المهم اللى حضرتك طرحته.
    يعنى أنا مثلا فى تانية وده أول تدريب لينا السنة دى كنت مع دكتورة منزلتش معاد للاجتماع ورحت الكلية مكنتش موجودة ولا كانت سايبة الورق مع اى حد
    بس خدت رقم تليفونها وكلمتها وقالتلى هسيب الورق فى السكرتارية
    من غير ما عرفتنى اعمل ايه ولا اعمل البحث ازاى ولا اى حاجة
    بس أكيد هى لو بتعمل اجتماعات كنت هروح علشان استفيد بس انا لوحدى حاليا مين هيعرفنى اول الطريق.
    اكيد هدور على البحث فى النت لانه المصدر الوحيد اللى عندى

صفحة 1 من 2 12 الأخيرةالأخيرة

المواضيع المتشابهه

  1. نوادر التدريب الصيفى
    بواسطة DR.BIBO في المنتدى المنتدي الترفيهي
    مشاركات: 88
    آخر مشاركة: 04-09-2010, 04:57 PM
  2. التدريب الصيفى 2
    بواسطة Dr.3mora في المنتدى المنتـدى العـام
    مشاركات: 18
    آخر مشاركة: 07-08-2010, 10:14 PM
  3. التدريب الصيفى
    بواسطة Dr.3mora في المنتدى المنتـدى العـام
    مشاركات: 64
    آخر مشاركة: 11-07-2010, 02:31 PM
  4. هام بخصوص التدريب الصيفي
    بواسطة Anas في المنتدى الفرقة الثالثة 2010
    مشاركات: 4
    آخر مشاركة: 27-03-2010, 06:08 AM
  5. استمارة التدريب الصيفي
    بواسطة Anas في المنتدى الفرقة الثانية 2010
    مشاركات: 35
    آخر مشاركة: 07-03-2010, 04:24 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •