لماذا لم أشترك في أسرة طلابية ؟ نقد بناء

[wh_kaboo]

موضوع رائع كالعادة
بس لا يوجد ارتباط بين الامرين لسبب اللى عايز يعمل حاجة هيعملها من غير نشاط
وكلنا شايفين اللى بيحصل فى الجامعة عامة والكلية خاصة
وان كان نشاط الاسر بيزيد العلاقة وده امر انا متاكد منه وعارفه رغم اننى لم اشارك فى اى نشاط
تبع جامعة المنصورة لاننى باختصار لم اجد ما يشد الفرد ناحيتها رغم اعجابى ببعض الانشطةالقليلة


بس برضو فيه حاجة معروفة
(الجوهرة لازم تكون مصونة ومحفوظة)

وشكرا

[قناع الذهب]

والله موضوع كويس يا منى بس فعلا زى ما الدكاترة قالوا
لو على الاختلاط فمحدش مستنى اسرة ولا نشاط طلابى علشان يختلط ويرتبط ويعيش حياته زى ما هو عايز لان الحاجات دى منتشرة سواء باسرة او من غير اسرة وبالرغم ان انا مش مشتركة فى اى اسر الا انى اسمع عن اسر محترمة جدا جدا واسمع عن الجمعيه العلميه ومجهوداتها ونشاطاتها
وهقوللك حاجة بس متزعليش منى انا مش شايفة ان عشان احنا فى كليه من كليات القمة ان الجامعة مجرد حضور محاضرات وسكاشن وبس
لانى كدة هخرج من الجامعة زى ما دخلتها بالظبط ودا بردة مش معناة الانفتاح الزيادة والكلام مع كل من هب ودب
الانسان الصح اللى يعرف يتحكم فى نفسه
يعنى ممكن لو مش هحضر حاجة معينه علشان مبفهمهاش او مبقتنعش بيها مش لازم اشترك فى اسرة مع انى مش معارضة للاسر بس كمان مفيش مانع انى اقعد مع اصحابى ونتعرف على بعض وعلى تجارب بعض وكدة
زى ما كل حاجة فيها الكويس والوحش اكيد كمان الاسر الطلابيه مش كلها سلبيات اكيد فيها ايجابيات ودى يقدر يتكلم عنها الناس المشتركين اكتر منى
وبشكرك يا منى على موضوعك

[pharmacistina]

دكتور Gohary ..

أولا : أنا أكدت أكتر من مرة ان الكلام غير عام و انه بيحصل و بيحصل كتير على فكرة , لكن مش كل الناس المشتركة في الأسر كدة ..


و قلت ان في الأسرة الواحدة ناس مختلطة زيادة و ناس تانية ملتزمة .. أنا قلت كدة و أكدت ..

ثانيا : هو مينفعش يبقى في أسر للشباب بس و أسر للبنات بس ؟؟ أنا أعتقد ساعتها يكون أسن جدااا

ثالثا مقلتش ان الأسرة هي السبب الأول و الرئيسي للاختلاط لأن كتير من الناس مش مشتركة في أسر و مع ذلك ..... ,

لكن محدش ينكر و دة كلام قالته ليا واحدة صاحبتي مشتركة في أحد الأسر من زمان ان الأسرة فيها شغل مشترك بين الزملاء و الزميلات , و ان دة مجال للكلام الكتير و قضاء الساعات مع بعض و دة في رأيي المتواضع مش حاجة كويسة ..



أنا لم أظلم الأسر الطلابية , لأنها نشاط كويس ورائع ..

لكن بطريقة بعض الناس يصبح للأسر عيوبها .. و الغلط مننا مش من الأسرة كفكرة ..


بالنسبة للتعارض بين النشاط الأسري و التفوق الدراسي , فأنا بتكلم على نفسي ..

بالنسبة ليا أنا , شايفة ان اليوم يدوبك مكفي محاضرات و سكاشن و راحة يعني .. في غيري منظم وقته أكتر و قدر يوفق ممكن , أو البعض مش بتفرق معاه المحاضرة فمش بيحضر لكن بيقدر يحصل معلومات المحاضرة بطريقة أو بأخرى .. ممكن

الاختلاط موجود في الأسر طول ما هي مشتركة ( شباب و بنات ) .. هناك البعض يحافظ و يلتزم و البعض لا يلتزم و كلنا عارفين كدة ..

و كلامي موجه لفئة معينة ..

قولي حضرتك ايه رأيك لما تلاقي بعض الحاجات اللي مش حلوة دي , و تحت شعار الشغل تبع الأسرة ؟؟

يا ريت الأسر كانت منفصلة ..

دة رأي شخصي و كل واحد حر عموما ..

Best wishes

[Mohamed Al Gohary]

ما احنا قلنا واتفقنا .. ان اللى عاوز يلتزم هيلتزم .. والى مش عاوز مش هيلتزم ..
بعيد بقى عن الاسره او اى حاجه تانيه مهما كانت ..

[عامر إبراهيم]

السلام عليكم ورحمة الله وبركاته

شكرآ يا دكتورة على الموضوع الجميل ده اللى أثار نقط مهمة جدآ, وياريت كلنا ناخد بالنا منها ... ونستفيد من الكلام فيها ...

- التداخل بين الدراسة و النشاط الطلابى
- الإختلاط و التعامل بين أعضاء الأسر

لن أقول أن كل شخص يستطيع التحدث عن نفسه و إننى سألتزم حتى لو لم يلتزم غيرى ...
بالنسبة للنقطة الأولى, بالتأكيد هناك صلة قوية بين النشاط و الدراسة, فالحياة الجامعية ليست دراسة وفقط ... وبالتأكيد جميعنا نعلم أن فترة تكون الشخصية هى فترة الحياة الجامعية ... وتلك هى الفترة التى يكون الإنسان فيها أكثر تقبلآ للمعلومات و المعتقدات ليتم صقل شخصيته بناءآ على تلك الفترة ....

حتى لا أخرج عن الموضوع, فإن هناك إحتياج شديد للتفاعل مع المجتمع و العمل التطوعى و النشاط الطلابى, حتى ولو كان ذلك على حساب الدراسة ... حتى لو كان ذلك على حساب الدراسة؟؟؟ ... نعم بالظبط ...
السؤال الأول الذى يجب طرحه ... هل يوجد تداخل أو تصادم بين الدراسة و النشاط الطلابى؟
لا, ولكن من الممكن ذلك, ورغم عدم توفيقى شخصيآ فى الدراسة, ولكن فعلآ وشهادة أحاسب عليها, ليس ذلك بسبب مشاركتى فى النشاط الطلابى, بل ربما العكس, كان سبب من أسباب قبولى للكلية و إرادتى لمتابعة الدراسة بها هو الإشتراك بالنشاط الطلابى ما زاد صلتى بالكلية و الدكاترة ...
والحل, هو تعلم مهارة إدارة الوقت, وهى أهم مهارة يجب أن يتعلمها الإنسان فى حياته, وهى إحدى حسنات الإشتراك فى النشاط الطلابى أو العمل التطوعى أو الخدمات الإجتماعية بشكل عام .... إذن الموضوع شخصى وليست هناك قاعدة عامة لهذه النقطة ...
السؤال الثانى, حتى لو على حساب الدراسة؟؟؟
بالتأكيد لا أقصد أنه لو بمشاركتك فى الأنشطة, لو سيتحول تقديرك من إمتياز إلى مقبول أو جيد حتى, أن تقبل بهذا الأمر, ولكن لا ضرر من نسبة 95 % لـ 85 % , ولو كان هناك بعض من مهارة إدارة الوقت, لما نقصت نسبتك بهذا الشكل, ولكن معنى أن يتسبب النشاط الطلابى بإنخفاض نسبتك من 95 % لـ 65 % مثلآ, أن هناك خطأ فى طريقة إدارتك للأمور, وليس معنى ذلك أن تنسحب من النشاط الطلابى, بل معنى ذلك أن هناك حاجة لمزيد من مهارات التنظيم و إدارة الوقت التى ستتعلمها مع مرور الوقت, أو بطريقة سريعة كالقراءة و الدورات فى هذه النقاط المهمة, وسوف يكون محافظتك على تقييمك ونسبة تفوقك و تميزك وإستمرارك فى النشاط الطلابى هو المقياس الفعال لمدى نجاحك الحقيقى ...
المحور الثانى, أن الشركات الآن لا تتجه إلى أصحاب التقديرات العالية فقط, بل إلى أصحاب المهارات الخاصة و المشتركين فى الأعمال التطوعية و الأنشطة الإجتماعية, وأسباب ذلك كثيرة جدآ, فعقول طلاب الصيدلة جميعهم مقتربون فى نسبة الذكاء و إن إختلفت من شخص لآخر, ولكن نظام التعليم جميعنا يعلم مدى فاعليته, جميعنا يعلم أنه ليس المقياس, وليس معنى كلامى ان تقبل بتقدير مقبول فى حين يمكنك الحصول على تقدير إمتياز, ولكن الفرق بينك وبين غيرك ليس فقط تقديرك الدراسى, ولكن مهاراتك الخاصة ومشاركتك بفاعلية فى الأنشطة الإجتماعية و العمل التطوعى و النشاط الطلابى, وصدقونى اللى قدم فى تدريب شركات أو شغل أكيد شاف الإستمارة و أد إيه الحاجات دى مطلوبة فيها, ده غير الحاجات اللى بنتعلمها من النشاط الطلابى و العمل التطوعى ...

قبل ما أدخل فى النقطة التانية, أحب أوضح إنى مش بتكلم عن النشاط الطلابى بس, انا بتكلم عن عموم العمل التطوعى,
فهو مهم جدآ علينا ويرتقى إلى درجة كبيرة واجبة ومحببة على المسلم, وكما فى حديث الرسول : " خير الناس أنفعهم للناس " وما أعظم الإسلام وما أكرم الرسول عندما لا يحدد النفع لمن؟ هل للمسلمين أم لجميع الناس, بل لجميع الناس ... عليه أفضل الصلاة و السلام ...
ولكن من شروط العمل التطوعى
- بسم الله الرحمن الرحيم: {وتعاونوا على البر والتقوى ولا تعاونوا على الإثم والعدوان}
- بسم الله الرحمن الرحيم : { قل أنفقوا طوعآ أو كرهآ, لا يتقبل منكم إنكم كنتم قومآ فاسقين }
كما أن أهم شرط من شروط قبول العمل, صلاح النية, كما أن صلاح النية لا يصلح العمل الفاسد ...

فمن أهم شروط العمل التطوعى: أن يكون فى أصله خير, وفى نتيجته خير, وفى طريقته خير, و فى الإسلوب خير, وأن يكون مخلصآ لله عز و جل, وأن لا يكون بطريقة تغضب الله عز وجل ...
بمعنى, لا نجد أحدهم يطلب متطوعين لتنظيم حفل خيرى للمغنية المشهورة فلانة, مع العلم أن دخل الحفل الخيرى لمرضى مرض كذا وكذا ... لا أعلم أين الخير فى هذا الأمر, ولكن أتمنى أن يكتب الله لمثل هؤلاء بمثل هذا العمل الثواب و أن يتجاوز عن سيئاتهم وسيئاتنا ...

وكان هذا مدخلى للنقطة الثانية:
الإختلاط و التعامل بين الشباب و البنات فى النشاط الطلابى, وهذه النقطة لها من مجالس الشيوخ و العلماء ما لها, ولكن الإبتلاء مستشرى فى عموم المجتمع ... وإنى لست أهلآ كى أحكم بجواز أو منع الإختلاط فى العمل التطوعى أم العكس, ولكن يشجعنى على الإستمرار فى العمل التطوعى و النشاط الطلابى, تمسكى بقيم ديننا, لا تجاوز للحدود بين التعامل مع الزملاء, لا تبادل أرقام المحمول ولا ولا ولا ولا ...
كمان بيشجعنى أكتر قصة السيدة رفيدة الأنصارية, التى كانت صاحبة أو مستشفى متنقل فى الإسلام فى حرب أحد أو إن إختلفت الأقوال بعد حرب بدر, وكانت تداوى الجرحى و المرضى وكان هناك من يعاونها على ذلك, وكان ذلك دورها فى خدمة المجتمع و الإسلام ... وكان الأمر بإشراف الرسول صلى الله عليه و سلم وكان هو من يرسل الجرحى لخيمتها ...

إذن لا أعتقد أن هناك إختلاف بين العمل التطوعى و الدين بل هناك حاجة ملحة إليه وخصوصآ فى ظل الظروف الحياتيه و المعيشية الآن, ولكن القضية قضية أخلاقية ...

والنشاط الطلابى أحد فروع العمل التطوعى الذى لابد من التقيد بشروطه و أسبابه و طريقته ...
ربما يكون من الكافى الإشتراك فى جمعية خيرية خارجية و الإبتعاد عن مشاكل النشاط الطلابى, ولكن هل هذه هى الإيجابية ؟؟؟ الإنسحاب و المقاطعة ؟؟؟ أم المشاركة و التوجيه ؟؟؟

إذن القضية قضية أخلاقية شخصية, والمفروض فيها معروف و الواقع فيها وإن كان فيه بعض المناقضة للمفروض, ولكن لا يستطيع أحد أن ينكر أن كل شخص يتعامل مع غيره ويسمح لغيره بالتعامل معه بالحدود الذى يريدها هو ... لن أتحدث عن الكلام النظرى, لكن فعلآ من شارك فى الأنشطة الطلابية طبيعى كان هيقابل ناس محترمة كتير من الشباب و البنات ...
وربما حل هذه النقطة ليس المقاطعة أو حزبيات و تجمعات, بل الإشتراك مع من يتفقون معنا, ونتذكر دورنا تجاه مجتمعنا فى الإصلاح, و الأمر بالمعروف بالحكمة و الموعظة الحسنة و النهى عن المنكر بالحكمة و الموعظة الحسنة لا مقاطعة وتهجم كما يفعل البعض رحمهم الله ورحمنا وغفر لنا ولهم ولجميع المسلمين ....

بعتذر على الإطالة, وأتفق مع الجميع أن الحلو موجود و السيئ موجود, ولكن فى حالة المقاطعة, فذلك يعنى أننا لسنا مع الأشرار وهذا لا يكفى, لأن فى هذه الحالة فأنت لم تتمتع بالإيجابية الواجبة عليك ...
أتذكر حديث " المؤمن الذى يخالط الناس و يصبر على أذاهم خير من المؤمن الذى لا يخالط الناس ولا يصبر على أذاهم " أو كما قال عليه الصلاة و السلام ....
والسلام عليكم ورحمة الله وبركاته
-----

ثانيا : هو مينفعش يبقى في أسر للشباب بس و أسر للبنات بس ؟؟ أنا أعتقد ساعتها يكون أسن جدااا

فكرة هتبعدنا عن شبهات كتير جدآ,
ومافيش شرط فى لوائح النشاط الطلابى أن الأسر تحتوى على أعضاء من الشباب و البنات معآ ....

والنشاط الطلابى فى الكلية بيتقسم لـ 3 أقسام:
قسم يهم الشباب " دورات الكورة مثلآ " :
قسم يهم البنات " مجلات البنات أو مواضيع علمية بناتية مش نباتية وإن كانت النباتية هتهمهم أكتر " :
قسم يهم البنات و الأولاد : الرحلات العلمية, الكورسات و الدورات و الندوات العلمية و حملات التوعية و القوافل الطبية و و و و و و " :
القسمين المنفصلين عن بعض نسبة أهميتهم فى الكلية لا تتعدى 25 % معآ
أما القسم اللى يهم البنات و الأولاد معآ, فأهميته كبيرة جدآ ربما تتخطى الـ 75 %

معنى تقسيم الأسر, معناها إهمال نسبة كبية من الأنشطة,

ومش معقول مثلآ هنعمل ندوة عن مرض الأنفلونزا للبنات بس
وندوة فى اليوم التانى للأولاد بس
ربما ده شيئ مستحب, ولكن واقع الكلية لن يسمح بذلك, كما إن ده نظام الكلية, ولكن ممكن بطريقة بسيطة ومحترمة يتم تنظيم الندوة بشكل جميل و الأفكار كتير لعدم الخروج عن الإطار الصحيح حتى و إن كانت الندوة مختلطة فممكن تنظيمها بشكل أكثر فعالية من المحاضرات كمان ....

نيجى مثلآ لحملة توعية, طبيعى مافيش مشكلة لو بنت بتعمل حملة توعية لبنت وولد بيعمل حملة توعية لولد, لكن فى التنظيم بقى,
الدكتور اللى هيشرح و يدرب البنات و الأولاد ماهو دكتور راجل, إيه المانع إن الموضوع يتم بصورة منظمة ومحترمة !!!
هتقولوا نجيب دكتورة بنت تشرحلنا وتدربنا, طب و المطبعة اللى هتطبعوا عندها الورق؟؟؟ طب ودكاترة الكلية اللى هتخلصهم منهم الموافقات؟؟؟ طب والعامل اللى هيعلقلكم اليافطة القماش وإن كانت اليفط القماش إتمنعت خلاص !!
وأعتقد إحنا إتفقنا إن الأسر عمرها ماكنت سبب فى إنفلات أخلاقى, ولكن البعض يعتقد أن ذلك صحيحآ, و إن كلمة أسرة تعطيه صلاحية لذلك !!!!
فا ليه مايكونش التعامل بالحدود و فى إطار الأدب و الإحترام وخلاص ؟؟؟

مثلآ فى قافلة طبية, هتتخصى فى أمراض معينة تهم البنات, طب ماهو علشان تخلصى الموافقات الأمنية وخلافه ... مش هقول هتتعاملى مع رجالة, إنتى هتحتاجى أولاد هما اللى يقدروا يتعاملوا مع الرجالة دول أصلآ مش إنتِ

وقيسى على كده كل حاجة بقى,
فا زى مابيقولوا : مربط الفرس : أخلاقنا وتعاملنا مع غيرنا هما المفتاح و أداة تقييم مدى أهمية و نجاح العمل التطوعى و النشاط الطلابى ...

[Mohamed Al Gohary]

أتفق معاك تماماً يا عامر . وأرفض بشده ربط النشاط الطلابي بعدم الالتزام ..

[pharmacistina]

ومش معقول مثلآ هنعمل ندوة عن مرض الأنفلونزا للبنات بس
وندوة فى اليوم التانى للأولاد بس

أولا كلامك يا دكتور عامر مزبوط و تمام أوي ..

لكن أنا مقلتش ان المفروض نفصل الندوة تبقى بنات بس و شباب بس , لأن ببساطة مدرجاتنا في الكلية مشتركة يعني و عادي مفيش مشاكل و لا أي حاجة داخل المدرج ..

فالندوة زي أي محاضرة ..

على فكرة انتو بتناقشوا حد لا يعرف عن الأسر الطلابية شيء في صميم شغلها ..

أنا حد جاء الى الكلية ليتعلم , شاف من بعيد الأسر الطلابية و التنظيمات و أعجب بنشاطها , و فكرت كتير أشترك في أسرة منهم و كان نفسي , وجدت قدامي أيضا حاجات فيها اختلاط زايد عمل عندي نفور من جو الأسر ة ..

بجد أنا بقولكم بصراحة ..




و اللي أنا بقول عليه و الله واقع , أكيد السبب مش الأسرة و لكن السبب من الواحد نفسه ..


و لأني في بعض الأمور بمشي بمبدأ ( ابعد عن الشر و غنيله ) بعدت عن الأسر الطلابية طول السنين اللي فاتت ..

لأني مش عايزة أحط نفسي في حاجة أنا مش قدها و أخاف من عواقبها ..

يمكن أنا غلطانة و خسرت كتير بعدم اشتراكي في أسرة ,

مش عارفة ..

بس اللي أنا سمعته برده من الحكايات خلاني أخاف ..

شكرا لكم على التجاوب في النقاش ..

وأرفض بشده ربط النشاط الطلابي بعدم الالتزام

أنا لم أربط النشاط الطلابي بعدم الالتزام ,
و لكن قلت انه النشاط الطلابي قد يكون أحد أسباب و مبررات الاختلاط الغير محبب الى نفسي ..
و دة بيحصل قدامي و حاجة أنا شايفاها ..

معلومة أخيرة .. أنا نفسي أشترك في أسرة تنمي مواهبي .. و لكن ........

[Mohamed Al Gohary]

على فكرة انتو بتناقشوا حد لا يعرف عن الأسر الطلابية شيء في صميم شغلها ..

اعذريني حكمك ظالم بالمره .. وحكمتي على شيء لم تجربيه .. وهذه اسمحيلي نقطه عليكي ..

طيب انا اعرف ان حضرتك اشتركتي فى لجنة التطوير .. واشتغلنا فى اللقاء التعريفي .. وكمان اشتغلنا فى
المؤتمر التوظيفي ..
شغل الاسر لا يختلف كثيرا عن شغل هذا اللقاء وهذا المؤتمر ..

قناعتي الشخصيه بحدود كل واحد .. ومدي التزام كل واحد .. بتخلي عندي ثقه في إن نشاط طلابي أو أسرة طلابية مش هتخلي حد يغير مبدأه ..

[pharmacistina]

طيب انا اعرف ان حضرتك اشتركتي فى لجنة التطوير .. واشتغلنا فى اللقاء التعريفي .. وكمان اشتغلنا فى
المؤتمر التوظيفي ..
شغل الاسر لا يختلف كثيرا عن شغل هذا اللقاء وهذا المؤتمر ..

قناعتي الشخصيه بحدود كل واحد .. ومدي التزام كل واحد .. بتخلي عندي ثقه في إن نشاط طلابي أو أسرة طلابية مش هتخلي حد يغير مبدأه ..

اشتراكي في لجنة التطوير كان من خلال المنتدى ..


عملت موضوع ( لأني أحب كلية الصيدلة ) على المنتدى لأني فعلا كان نفسي أغير حتى لو هقول رأيي بس ..

و من الردود على هذا الموضوع الكل نصحني أقدم اقتراحاتي الى سيادة العميد .. و فعلت هذا .. رحت لوحدي الى مكتب الدكتور محمود أستاذنا العظيم اللي قبل اقتراحاتي و حسيت ساعتها بقيمة ما فعلت ..

و قالولي اشتركي في لجان التطوير , اشتركت .. و قلت ساعتها ان اشتراكي أملهوش جدوى كبيرة لأن اللي عندي بقوله على المنتدى هنا ..

اللقاء التعريفي .. أنا سمعت عنه ع المنتدى .. لم أقم بأي شيء في التجهيز لهذا المؤتمر , لكن كنت بدعيلكم انه يكون مؤتمر ناجح .. و جبت واحدة صديقتي كانت لسة رايحة أول سنة في الكلية ..

أنا اللي بقدر عليه نفسي أعمله ..

خد بال حضرتك كل اللي أنا عملته , كان لوحدي غالبا .. بدون ما نقعد في شلة أولاد و بنات خارج المدرج نتناقش ..

و عشان كدة قلت ان هذا المنتدى هو أسرتي ..

و أي موضوع أنا بعمله على صفحات هذا المنتدى هو نشاط طلابي لي .. صح ولا ايه ؟؟

[عامر إبراهيم]

وجميعنا متفقين يا دكتورة أنه لا حاجة للشلل أو القعدات ع الفاضى أو المليان تحت مسمى شغل لأسرة