مكافاة الثانوية وكمان الكلية

[DR DOOLA]

ههههههههههههههههه و احنا برده ماخدناش مكافأة الثانويه بس انا كنت نسيتها

[dr moory]

والله من زمان قوى ونفسنا نعرف احنا ليه مخدناش مكافاة الثانوية على الرغم لما كنا فى اعدادى كل الكليات التانية خدوها
وسالنا كتير ومفيش حد بيرد علينا

[drhelaly]

هوه فعلا ممكن يكونو مش بيعلنو عنها عشان تروح علينا؟

[Dr/MeMo]

البؤسااااء

[مهداه]

البؤسااااء

بنضم للمجموعه دى

[magic love]

أصل دفعتنا من الدفعات المغضوب عليها من ادارة الكليه لا معامله زى الناس ولا مكافأه زى الناس كل زمايلى وصحابى ف تربيه وأداب أخدوها وفضلوا يذلونى علشان احنا مش أخدناها ويقولوا انتم مش من مقامنا علشان تاخدوا مكافأه زينا

[Mohamed Al Gohary]

يا جماعه عشان الكلام يبقى واضح .. المكافآت دي بتيجي من الجامعه مش من الكليه .. كل سنه الكليه بتبعت كشوفات الاسامي لكل المستحقين للمكافاه ..

ساعات الجامعه مش بترد.. وتقول مفيش ميزانيه .. انا عن نفسي - دفعتي يعني - خدت مكافاة الثانويه العامه ومكافات تفوق اواى وتانيه ..

بالنسبه للى بيقول ان اصحابه فى تربيه او اداب او اى كليه تانيه .. الوضع يا جماعه ان مكافاه الثانويه العامه حسب القانون 80% فما فوق على ما افتكر .. وبالتالي كل دفعة صيدله تستحق المكافاه .. لكن الكليات التانيه دي بيكون اللى جايب مجموع عالى عدد مش كبير .. ومعظمهم ادبي اللى بيبقى لهم نسبه تانيه ..


يعني الكليه مش مانعه المكافات ولا حاجه .. وعموما انا هكلم الدكتور حسن الكاشف وهاخد منه كلام رسمي ..

[**SAMAR_RESALA**]

كويس يا دكتور جوهرى
وفى إنتظار الرد

[ganaa]

طب انا اختى فى طب اسنان و كل كليتهم اخدوا المكافاة
اظاهر انهم طلعونا معاش مبكر

[The Princess]

ههههههه
فكرتونى بالكلمة بتاعت عبلة كامل فى فيلم اللمبي : فلوسي عند الحكومة يا لمبي هو اللى بيروح عند الحكومة بيرجع