الامتحانات

[عبدالله عبدالرحمن]

جانبك الصواب تماما .. بالعكس هذه هى معايير الجوده النموذجيه لان الاهتمام فى فترة الدراسه يجب ان يكون بالعمليه التعليميه .. وليس الامتحانيه .. وانا وضحت فوق وقلت ..

حضرتك بتقيس على ايه بالظبط
انا فاهم ان شروط الأعتماد لازم ان الأمتحانات متبقاش لفترة طويلة بس ده فى حالة ان المناهج غير المناهج اللى بنأخذها دلوقت ..
يعنى الأمتحانات اللى فى وقت قصير محتاجة تكون على مناهج اقل حجمامن مناهجناوماشية بالساعات المعتمدة وعملية التقييم مستمرة طوال العام وبعدد اقل من الدرجات

لكن احنا مناهجنا مينفعش تتعامل معاها بالطريقة دى ولو حصل يبقى انت بتخل بجودة التقييم لأن هو امتحان واحد
ويا تصيب يا تخيب يبقى لما تيجى تمتحن منهج كبير فى يومين يبقى انت اخليت بمعيار الجودة
لأن اكيد اللى داخل ده عمره ما هيتقيم صح ولا ايه

سيادتك عشان تعترض فى الحاله دي .. انت بتعترض على قرار وزاري .. يعني تروح لنائب الدايرة بتاعة سيادتك وتخليه يعمل استجواب لسيادة الوزير .. طبعا مش نائب واحد ..
لمزيد من التفاصيل .. كتاب دستور جمهورية مصر العربيه هيبقى موجود فى معرض اسرة رساله ان شاء الله .. ممكن تعمل نفسك مش واخد بالك انه تبع نشاط طلابي وتروح تستعيره وتقراه

ايه يعنى قرار وزارى
ونائب ايه ومجلس شعب

انا بقولها تانى لو اتحادات الطلاب كانت قوية وبتحترم زى مابيقولوا
فالوزير لازم يتراجع عن قراره
ده اللى بيحصل فى اى مكان محترم


بس حضرتك عارف اللى فيها

وبعدين اللى انت متعرفوش ان رئيس الجامعة ومجلس الجامعة من حقه يرفض القرار ويعترض عليه
بس يعترضوا ليه هما اللى هيمتحنوا ولا احنا

وبالنسبة لجملة حضرتك الأخيرة فانا مش عارف ايه لازمتها اوعلاقتها بالموضوع
ممكن حضرتك تعمل نفسك مش واخد بالك وتعتبرها انها تبع النقاش

[rose_pharm]

لنا الله هو خلاص اي قرار بقي يتقال مفيش اي نوع من الاعتراض عليه

المفروض يبقي فيه استفتاء لخمس الاف طالب هيمتحن مش مجرد اتنين تلاتة موافقين يمشي القرار هو احنا بقي ملناش لازمة ولا ايه

امال صحيح عاملين اتحاد الطلبه ليه عشان كل واحد يروح يشتكي امال ايه دورهم بقي مش يتكلمو باسم الكل ويوصلو صوتنا ولا هو ورق واسم وخلاص ودستور ايه

سيادتي وسيادته وسيادتك وسيادتنا كلنا نروح نشتكي يعني خمس الاف يروحو يشتكو ما واحد يشتكي باسم الكل

وزير التعليم العالي مبيسافرش كل يوم ساعتين رايح وساعتين جي ومش بيقف في السكشن باربع وخمس ساعات ومبياخدش محاضرات لحد ما يصدع وبعدين يروح زي القتيل وكل يوم هكذا ..............

اظن نص الكليه او تلت ارباعها كده وما بنصدق الكم يوم اللي قبل الماده نزاكر فيهم وطول السنة بنزاكر عملي عشان الشيتات والشغل وشوية نظري عشان اصلا مفيش وقت

يريت بقي يراعو ان احنا بشر مش مكان يوجوهونا نمشي ولينا راي المفروض يوصل مش نقعد بقي دايما زي المظلومين طول عمرنا نشتكي ونبرر المواقف وخلاص من غير لازمة

مستغنيين عن شهر من الصيف بس ناخد وقتنا في الامتحانات حتي الاجازة بتبقي طويله من غير فايده وكده اظن مش هنضرهم في حاجة ولا هيا تعليمات الهية ممنوع التغيير فيها

[dry_tears]

انا فطساااااااانة من الضحك________انتو بتتكلمو جد ولا ايه______قرار ايه ..ووزير ايه..وعالى ايه...واتعلق فين وامتة ..انتو بتهزرو صح ..اكيد بتهزرو ..لو الحكاية كدة بقة فعلا يبقة معلشىىىىىى اى طالب هينزل من بيتو يروح يمتحن يبقة .........................................

[د\بوسى ربيع]

بجد لازم يكون فى او وقفه تتعمل شكوى ويمضى عليها جميع الطلاب وزير التعليم العالى مش عارف يعنى ايه كليه عمليه بياخد قرار لمصلحه مين حد يفهمنى ده بجد بالنسبه لينا اشبه بالانتحار احنا بنطبق يوم الامتحان وهنرجع على 5 ميتين تقريبا ازاى هنذاكر ماده فى يوم خلينا اننا احنا وحشين ومش بنذاكر وبنلعب ونضيع وقت حتى لو مذاكرين الماده قبل كده هنلحق نراجع مع الظروف والضغط ده وبعدين انت بتحطلنا 110درجه على يوم وباقى40درجه على العملى يعنى لازم تكون فايق ومذاكر ومركز علشان تعدى

[محمد سمير]

ياجماعه لابد من وقفه بجد

ونكون ايجابيين وما نقعدش ساكتين كده

انا بقول وانتوا بتقولوا ما ينفعش

يبقى لازم نعمل حاجه لان ده مستقبلنا

ونبتدى نفكر مع بعض ازاى نحل المشكله دى

[rose_pharm]

كل دفعة يكون فيها حمله توقيعات بمعظم اسماء الطلبة اللي موجودين ولمده اسبوع وتتجمع التوقيعات دي ويتكتب بيها شكوي ونشوف حد يبقي مسؤل عنها نعملنا بقي اتحاد طلبه ناااطق يتكلم باسمنا مش يبررلهم مواقفهم وخلاص او اي حد يروح يسلمها للعميد او يتعمل اجتماع في الكليه عاجل ومع الاداره والعميد ومن كل فرقه اكتر من مندوب ويتقدمو لرئيس الجامعة

هنقعد نتكلم والاسبوع يعدي واللي بعده بردو وهكذا كالعاده ؟؟؟؟؟؟؟ عايزين نقفل الصفحة دي بقي ونركز

[sad heart]

ايه الاخبار اللى كلها تفاؤل دى هو الواحد ناقص بقى نمتحن يوم ويوم طب ليه جاى على نفسه كده ليه اما يخليها كل يوم وخلاص هى موته ولا اكتر . وعايز يعوضنا عن ايه واحنا اللى قولنا ناجل الدراسه وانا بصراحه مكنتش شايفه ان لها لازمه خالص انها تتاجل مش عارفه احنا لامتى هنعد ناخد قرارات خطا ونرجع نصلحها بخطا اكبر وانا بارجوا سياده العميد انه يدخل معانا هنا فى النقاش ده ويعرفنا بقى الموضوع هيمشى ازاى بدل ماكلنا كده مش عارفين راسنا من رجلينا وانا عارفه انه شخصيه محترمه واكيد مش هيرضالنا البهدله دى ولا ايه ياجماعه.

[DR DOOLA]

يعنى ايه مثلا كل ماده بينها يوم او اتنين
يعنى احنا نمتحن النظرى بالنهار و الشفوى اخر النهار و كده اليوم طار خالص
و كمان من المفروض ان يبقى ليلة الامتحان ميبقاش فيها مذاكره خالص زى ما الدكتور حسن الكاشف بيقول
يبقى هنراجع الماده امتى ؟
على الاقل يعملو مادتين فى الاسبوع
بجد بجد خبر مؤسف
و مفروض اتحاد الطلبه بتاعنا يعبر عننا
و بما ان كلنا مستائين يبقى يعبر عننا و صوتنا يوصل للعميد و رئيس الجامعه و منهم لوزير التعليم العالى

[live_and_learn2002]

ده اكيد تهريج مش ممكن يكون الكلام ده بجد والا بقى يمتحنوا طالب غيرى

لان كده بقى الامتحان زى عدمه

كده كده هتبقى ورقة الاجابة فاضية

[Pharmcist_girl]

بصراحة مش لاقية كلام اقوله لانه قرار غير حكيم بالمرة اصلا ولو اتنفذ هيكون تعجيز لينا جامد بس احنا هنعمل ايه اكتر من اللى بنعمله_ يوم ويوم ايه ديه طب مادتين فى الاسبوع ممكن نقبلها

انا بطلب ان حد يسمعنا ويقدر المشكله ديه عشان نرتاح مش معقوله احنا بجد بنتعب جدا


وربنا يسهل امورنا بقه