هتعملو ايه فى الموضوع ده ؟

[DR DOOLA]

ها يا جماعه ياللى بتحضرو المحاضرات و المدرج ممكن يكون زحمه ؟
هتعملو ايه
هل هتلبسو كمامات ؟
و لا هتبقى عادى ؟
هل هتقللو السلامات ؟
و لا هنسلم و هنحضن
هل هنقعد جنب بعض بمسافات بعيده و لا ادى مش هندق
هل ك واحد هيجيب معاه صابونه و كل شويه يغسل ايده زى ما اللى فى الاعلام بيقولو و لا هنكببر و مش مهم ؟


هل هنتبع لتعليمات من اجل الامان ؟
و نعدى مرحلة انفلونزا الخنازير دى ؟

[Mostafa 3laa]

اهم حاجه عدم البوس...عاده سخيفه

[DR DOOLA]

هى فعلا عاده مش كويسه
بس اهى بتيى كه و انت بتسلم لازم تخبطه البوستين

[داليا عبد الله]

بصراحة انا رايى اننا مش مفروض نستهتر بالتعليمات دى
لاننا مش بنتكلم على دور برد او انفلونزا عادية
احنا بنتكلم عن وباء
خاصة كمان ان الحكومة بتقول ان المصل للفرد ب حوالى 40 جنيه
واعلنت انها مفيش موارد عشان تشترى المصل ده لكل مواطن
وخاصة اكتر ان امبارح اعلنوا عن 12 اصابة جديدة
وان فى حالتين وفاة

[queen]

والله لو كلنا اتبعنا التعليمات يبقى افضل
لكن مثلا لو شوية صغيرين خدو صابونة ولبسو كمامات ( نفسى اعمل كدة والله ) اعتقد ممكن الباقيين يتريقو عليهم وبالنسبة للاحضان والله المفروض مفيش داعى طالما ده وباء مع انى عارفة ان اصحابنا هيكونو واحشنا اوى
وزى ما الدكتورة داليا قالت احنا بنتكلم عن وباء وفعلا لازم نعدى المرحلة دى
وربنا يستر علينا يا رب

[DR DOOLA]

يعنى ما هو احنا مش هنبلسها الا فى المدرج مثلا
لانى سمعت ان الفيروس ده بيبقى نشيط لمدةيويمن و مبيتحركش من مكانه
علشان كه فى معظم المدارس
جابو مواد مطهره زى الفنيك و مية النار
و هيمسحو الحيطان يوم و يوم علشان الحاجات دى
و انا بقول نعملكه مثلا لما نبقى فى المدرج و لما نخرج بره للهوا مثلا يبقى نشيلها ملهاش لازمه
-----
طب و بالنسبه للاكل الجاهز بتاع السنتر مثلا هنعمل ايه ؟

[ola for ever]

النسبة للاكل فى السنتر لازم نلغية خالص
مش بس فى السنتر الاكل برة عموما مش مستحب اليومين دول
وبالنسبة للكمامة متهيالى المفروض نلبسها على الاقل فى المدرج

[d\omnya]

بجد انا نفسى كلنا نلبس كمامات بس انا سألت كل اصحابى وكلهم قالولى لا مش هنشترى كمامات ولا حاجة وبعدين اول يوم الدراسة دة هيبقى كلة سلاماات و احضان وبصراحة انا مش هقدر اكسف اى واحدة تسلم عليا بس مش عارفة اية الحل؟
المفروض لبس الكمامات يكون اجبارى او فى شىء من الاهتمام .
بالنسبة للاكل برة المفروض ننساة كمان انا سمعت عشان التيفود منتشر ايضا اليومين دول.
ربنا يستررررررر.

[مهداه]

وبعدين بقى انا بقيت محتاره
ومش عارفه اعمل ايه؟؟؟؟؟؟؟؟؟؟؟
بقيت مش متفائله خالص
ربنا يستر!!!!!!!!!!!!!!!!!!

[muna7assan]

والله انا فعلا نفسى يجبروا الطلبه على لبس الكمامات
لأن فيه ناس خيفه فعلا ولو لبسوا كمامه هيتعرضوا لكلام بايخ من بعض الناس

دا غير طبعا حكايه البوس والاحضان دى
وطبعا البنات عارفين
دا انا رحت يوم الكشف الطبر لمده ساعه واحده بس قابلت حوالى 15 بنت واحاول انى اسيب مسافه صغيره وامد ايدى وبرضو الاقيها بتقرب وبأكون محرجه جدا انى احرج حد

اعتقد ان المسأله مساله وعى لازم يكون منتشر بين الطلبه