نعم
لا
فكرة نفسى تتنفذ
السلام عليكم ورحمة الله وبركاته
ايه رايكم ياجماعة لو كل دكتور قبل مايدخل المحاضرة يكون عاملhand out ويكون فى مكتبة تصوير جنب الكلية {جوه الجامعه} بتصور الورق ده وبكده منقعدش ننقل ورا الدكتور وتزيد قدرتنا على الاستيعاب وكمان نحل مشكلة الدروس والورق اللى الدكاترة دايما بينتقدوة وفعلا مثلا لما دكتور محمد العوضى ودكتور باهر ودكتورة منال نزلو المحاضرات لسنة اولى احنا كنا بنفهم كويس ومكناش بنجيب ورق وياريت الموضوع ده يطبق مع كل الدكاترة وياريت الطلبة والدكاتره يقولو رايهم
وشكرا
التعديل الأخير تم بواسطة DR.BIBO ; 21-07-2009 الساعة 08:57 PM
انا مواااافقه ونفسى تتعمل
بس لو متعملتش مفيش حاجه هتتغير بالنسبالى _ فى المحاضرات يعنى_
لانى طبعا وبلا فخر معدتش بكتب ولا حرف فى المحاضره(زى مانتى عارفه طبعا)
عشان مابعرفش افهم حاجه وانا بكتب
**وفعلا لما دكتور محمد العوضى عمل الورق ماجبتش ورق للعملى.gif "Fop (18)")
واصلا مكنش فى ورق دروس بينزل للعملى
**ودكتور باهر برضو نفس الحكايه.....
بس نظرى التحليليه كنت بشتريله ورق برضو.gif "Fop (39)")
بس ممكن بعض الدكاتره يقولو انتو معاكو المحاضرات
انا مابعرفش اذاكر اى حاجه من المحاضرات data show
ولا حتى لما بتطبع وتنزل فى المكتبه
NIce Idea GOoOo On
شكرا يا اميرة على ردك بس الفكرة ان انتى لما يبقى معاكى المحاضرة والدكتور بيشرح ممكن تكتبى الملاحظات على الحاجات اللى الدكتور بيركز عليها او يوضحها او لو فهمتى حاجة تفهميها لنفسك بدل متضيعى الوقت فى الكتابة ومتلحقيش تتابعى الدكتور ويبقى معاكى مصدر مضمون تذاكرى منه
-----
شكرا يادكتور على ردك بس هو احنا فعلا ممكن ننفذ الفكرة ديه وازاى نخلى الدكاترة يطبقوهاالمشاركة الأصلية كتبت بواسطة Dr.Mohamed
التعديل الأخير تم بواسطة DR.BIBO ; 21-07-2009 الساعة 09:15 PM
ماشى انا فاهمه ونفسى كل الدكاتره يوافقوا على الفكره دى
انا قصدى مفيش حاجه هتتغير عندى فى وقت المحاضره يعنى (فى الحالتين مش هكتب)بس
حتى لا قدر الله لو الفكره دى ماتنفذتش مش هكتب
والله ممكن نكلم الدكاتره فى دا ... معتقدش ان فى دا مشكله .. بل بالعكس فى ناس اكيد هترحب بدا جدا ..
احييكي على الفكرة وياريت تنفذ
أنا موافقه ع الفكره انها تتنفذ ف العملى ، والنظرى ممكن بس ف المواد الخفيفه زى التحليليه بتاعت السنه دى مثلا بس بصفه عامه النظرى بيتهيالى مش الحل انه يتعمله ورق.. الحل ان الكتاب يبقى كويس ؛ وفى دكاتره كتبهم جميله جداااااا زى مثلا د/ محمد عامر ود/ عبد المنعم ود/ الصباغ كتابه التيرم الاول كان تحفه والتيرم التانى كان فيه زيادات بس اللى يتابع المحاضره بالكتاب العمليه هتبقى سهله اوى وفى دكاتره كتير كده مش عايزه انسى حد ودول عمرى ماشترتلهم ورق يعنى المفروض نتعلم اننا نعتمد ع الكتاب عشان بعد التخرج مين اللى هيساعدنا فلازم هنرجع للكتب والمراجع وساعتها الموضوع هيبقى سهل لاننا واخدين على الطريقه دى... انا بشكرك اوى ع الموضوع يا دكتوره ومعاكى فان الموضوع المفروض يتضبط شويه بس مش ضرورى ورق اعتقد ان الافضل اننا نطور من الكتاب وساعتها احنا اللى هنبقى المستفيدين
أنا موافق بشدة ونفسي الفكرة دي تتنفذ بأي طريقة لأن الطريقة دي فعلا هتخلي الناس إلي بتحضر المحاضرة يفهموا بشدة بس يا ريت يتم طرح الفكرة دي على الدكاترة لأنها لو إطبقت هتخفف الدروس فعلا وهتخلينا نفهم من المحاضرة
ياريت الفكرة دى تتنفذ بجد فكرة حلوة اوى بس هتخلينا نكسل نحضر المحاضرات مع انها عندى واحد احضر زى محضرش زيك يا اميرة احنا اصحاب ينفع افهم وانت لا
ضوابط المشاركة
رد مع اقتباس