بيسعدنا وجود حضرتك الدائم معانا يا دكتور عطالله ومتابعتك لمشاركاتنا
وتعقيبا على الجملة اللي حضرتك علمتها بالاحمر ..
المشكلة يا دكتور مش في اننا هنذاكر من ورق الكورسات .. ولا المشكلة في الكورسات نفسها
لأن الامتحان اللي هندخله ان شاء الله بعد 5 ايام من النهارده .. مش هيقيم غير مقدار الحفظ ! وبالتالي فالمهم نحفظ اكبر قدر ممكن من المعلومات عشان ننجح في الامتحان بشكل مرضي
اما المهارات والاستيعاب والفهم وخلافه .. فللأسف الامتحانات لحد الآن مش بتقيمها !
ومعتقدش في اهتمام بالنقطة دي في أي امتحان نهائيا
وبالتالي فكان تصرف واقعي من كل الطلبة ان يكون شغلهم الشاغل الايام دي بالزات هو ورق الكورسات..
وفي الجملة اللي قبلها كتب:
احنا نفسنا ندرس بجد .. ونتعلم صح .. ويكون مستوانا زي أي صيدلي في أي دولة بره .. ونفسنا منفكرش في المقارنة بحد .. ونخلي الناس تحلم انها تقارن نفسها بينا !!اهم شوية ورق بيتحفظوا وبنسمي نفسنا درسنا
بس الامتحانات عايزة كده للأسف ..
وان شاء الله هنشارك في موضوع الورقة الامتحانية ..
وشكرا جزيلا لحضرتك على المتابعة