تدريب إعدادى فى الصيدليات
أنا فى إعدادى و يا رب النتيجة تظهر و أبقى فى أولى إن شاء الله مشكلتى إنى مترددة جدا فى حكاية التدريب فى الصيدليات و كل الناس بتقولى لسة بدرى على التدريب و فيه ناس فى المنتدى بتقول التدريب من إعدادى كويس جدا و بصراحة كدة أنا خجولة جدا و مش بعرف أتكلم مع الناس و لما آجى أكلم أى حد وشى بيحمر و بتكسف أوى و خايفة أنزل أتعرض لموقف يضايقنى ممكن تقولوا لى رأيكوا
لا عادي يا دكتوره انتي حضرتك ممكن تنزلي عادي مافيش مشاكل عشان تتعودي وتاخدي علي شكل الجو اللي في الصيدليه .. والمطلوب منك في اعدادي انك مش تتعبي نفسك اوي في حفظ مواد فعاله او كده انتي ممكن تنزلي بس تشوفي شكل الصيدليه وتتعلمي قياس الضغط والسكر وتتدربي علي الحقن وتبصي كده علي الروشتات والادويه تشوفي شكلها ..
وشكل الحقن وانواع السرنجات .. وشكل الاقراص والكبسول.. والادويه الشراب .. والمحاليل .. وتتعاملي مع الناس عشان الخجل اللي عندك ده يروح
ومش تخافي مش هاتتعرضي لمواقف محرجه ولا حاجه لانك لسه دي اول سنه ليكي ودكتور الصيدلي مش هايسيبك تتعرضي للحاجات دي لو حدك
ارجو اني اكون كفيت ووفيت ....gif "Fop (29)")
انا شايفة انك مش هتخسرى حاجة وهتستفيدى
والله دي كانت مشكلتي في البدايه بس لما نزلت والدكاترة في الصيدليه بقوا بيحطوني في وش المدفع وحصلي كام موقف محرج كدة وبعدين بيقلب بهزار وضحك الموضوع بيبقي عادي والخجل بيروحالمشاركة الأصلية كتبت بواسطة الفراشة الرقيقة
أنا فى إعدادى و يا رب النتيجة تظهر و أبقى فى أولى إن شاء الله مشكلتى إنى مترددة جدا فى حكاية التدريب فى الصيدليات و كل الناس بتقولى لسة بدرى على التدريب و فيه ناس فى المنتدى بتقول التدريب من إعدادى كويس جدا و بصراحة كدة أنا خجولة جدا و مش بعرف أتكلم مع الناس و لما آجى أكلم أى حد وشى بيحمر و بتكسف أوى و خايفة أنزل أتعرض لموقف يضايقنى ممكن تقولوا لى رأيكوا
ودلوقتي اللي بيقف معايا بيسيبني خالص ويدخل جوه ويتابعني من بعيد
وبيحصل كل يوم مواقف محرجة بس بتعدي ومعدتش بتضايق منها خالص بقت شئ عادي ده بالعكس المواقف دي بتثبت في الدماغ ومبتتنسيش
طيب انا بقى اعمل اية .......معرفش اى حاجة فى اى حاجة.......وكزا روشتة اجى اصرفها معرفش اقراها..واقف اتلبخ وشكلى يبقى وحش جدا............وعنت بكسل انزل......كل اسبوع يمكن مرتين
أولا شكرا يا دكتوره على الموضوع
بالطبع أنا مش ينفع أقول رأى على أنه نصيحه
لكن عاقوله على انه وجهة نظر مش أكتر
على فكره أنا أول يوم رحت الصيدليه كنت رايح مرتبك جدا
وفى أول يوم ده تقريبا مش عملت حاجه
بعدين بدأت أقرب أكتر
وأحاول أستفيد أكتر بأكتر من طريقه لا مجال للحديث عنها
المهم ببساطه انى فعلا دايما كل اما أااحى أنزل بأحس انى مرتبك ومتلخبط
وفى أوقات ممكن عدم تركيزى ده يسبب فى انى أعمل أخطاء بأزعل جدا انى عملتها
لكن الحمد لله بتعدى على خير
طب اى اللى مخلينى مصمم أنى أكمل ؟؟؟؟؟؟؟؟؟؟
على الرغم أنى ممكن أحس بتحج كتيييير جدا ؟؟؟؟؟؟
ببساطه لأنى متيقن انى دى أول تجربه لى فى الصيدليه
وطبيعى جدا ان يكون هناك أخطاء لأى تجربه فى بدايتها
مش بس كده
فرضا انى قلت انى هانزل فى تانيه أو تالته
يعنى أما أكتسي خبر وكده
بس لما نفكر شويه
نلاقى برضه ان الواقف دى هتكرر ان لم يكن كلها فعلى الأقل
80% منها
وبعدين كمان على فكره الوقوف فى صيدليه ليس مجرد أدويه مرصوصه وخلاص
بجد فى حاجات كتييييير جدا غير كده أولها بل أهمها كيفية التعامل مع المرضى
بصراحه فى أوقات بحس ان اللى معايا منافقين_مش بمعنى الكلمه يعنى _لأ طبعا
بس فى أوقات بلاقى فى تغيرات فى تعاملهم مع المرضى بمعنى أااااخر فى طريقة تقديم النصايح
لأن كل شخص ممكن يقبل النصيحه بطريقه معينه
طبعا دى أكتر حاجه شدت انتباهى
ده غير حاجات كتييييير جدا طبعا
من وجهة نظرى الشخصيه ان نزول الصيدليه ان كان ليس ليل فائده على الوجه الكافى _وطبعا ده مستحيل _ أعتقد أنه لن يضر
وأتيقن باذن الله أن له فوائد كثييييييييييره جدا
يارب كلنا نبارك لبعض النهارده _بعد عشر ساعات ولا حاجه _على أننا طلبه أولى الجدد
وعلى التقديرات المتميزه
بالتوفيق ان شاء الله
ممكن حضرتك تنزلي ول الفترة اللي قبل رمضان بس
مجرد التعود على جو الصيدلية و التعامل مع المرضى
و الاكتفاء بالمراقبة عن بعد لكل ما يحدث في الصيدلية
و يفضل للبنات يكون صيدلية فيها دكتورة صيدلانية ده هيساعد كتير على رفع الحرج في البداية
مع احترامي لجميع الآراء ..
التدريب في إعدادي وحتي في أولي مالهوش أي لازمة
فعلا التدريب في اعدادي واولي ملهمش لازمة مجرد هتقرا اسمااء مبهمة مش عارف وراها ايه انا نزلت بعد اولي وطبعا بعد تانيه وحسيت ان في اولي مستفدتش اي حاجة خالص وبعد تانيه مفيش غير جزء antibiotic كنا خدناه في الميكرو التدريب فعلا اللي شيفاه كويس هو السنادي بعد الفارما فبصراحه حسيت اني ضيعت وقت ومجهود السنين اللي فاتت بيتهيالي لو كورس ICDL او كورس في اي لغه او كورس اسعافات ممكن تقرو شويه في OTC افيد وهتستفيدو كده اكتر في اجازة اعدادي واولي فحاولو تستغلو بجد الاجازات دي صحبالتوفيق ان شاء الله
ضوابط المشاركة
رد مع اقتباس