طبعآ من غير حسد يا دكتورة إيمان,
ربنا يوفقكم كلكم يارب, وتكون من أحلى سنين صيدلة عليكم وعلينا ويكون القادم أحسن وأفضل إن شاء الله.
وماشاء الله عليكم وربنا يحميكم يارب ويوفقكم كلكم ويوفقنا إن شاء الله .
تحياتى;
طبعآ من غير حسد يا دكتورة إيمان,
ربنا يوفقكم كلكم يارب, وتكون من أحلى سنين صيدلة عليكم وعلينا ويكون القادم أحسن وأفضل إن شاء الله.
وماشاء الله عليكم وربنا يحميكم يارب ويوفقكم كلكم ويوفقنا إن شاء الله .
تحياتى;
السلام عليكم ورحمة الله ويركاته
لو سمحتم ممكن اسأل عن الصيدله الاكلينيكيه
اولا انا حريجة 2007 ومش عارفه اعمل ايه علشان أدرس كلينيكال
خصوصا ان الشغل الحكومى مهين جدا واستغلال من الأطباء ومعامله مش كويسه
يصراحه خلتنى أندم انى دخلت صيدله من الأساس
طيب كلام جميل اوى يا دكتور عامر
بس قولى بقه هو مش من حقنا اننا ندرس اكلينكال برده ذى اللى انت اتكلمت عليهم ولا احنا اقل منهم
طيب قولى كده الكليه عاملاها بفلوس ليه لأ ومش اى فلوس دا مبلغ وقدره طبعا عشان يعجزك انك تدخلها
الا لو كان اهلك متريشين شويتين
وطبعا اداره الكليه تكسب من وراهم
المفروض يكون القسم ده موجود فى الكليه عادى لكل الطلبه ذى طنطا وعين شمس والقاهره
ممكن تقول دا الوزاره هيا اللى عاوزاه بالفلوس طيب الوزاره مخلتوش بالفلوس ليه فى الجامعات اللى ذكرتها
معنى كده ان اداره الكليه عايزه كده اصلا
دا كفايه ان فيه دكتور قبل كده كلمنا عنها وقعد يقولنا على مزاياها ويحسسك انها حاجه اول مره تتعمل فى مصر وفى الاخر يقولنا ادى بمبلغ بسيط كده ابقوا اسألوا فى الشؤن وهما يقولوكم
هههههه مبلغ بسيط والله الكليه دى عاوزه ال....... بلاش خلينا مسالمين احسن احنا فى رمضان برضوا
على العموم كدا كدا هنخودها فى الاخر ... على العلم ان الصيدلى الاكلينيكى والصيدلى العادى
بيتعينوا فى نفس المكان ونفش شغل الصيدلى العادى هو نفس شغل الكلينكال
يعنى الاتنين صرف دوا بس وده مش كلام من عندى انا رحت سألت بنفسى وسألت دكاتره معاها كلينكال
وقالوا ان كله زى بعضوا فى الاخر وكل الكلام اللى بيتقال ده ان فيه فرق وكده كله كلام فى الهوا
وخصوصا كمان ان نظام الكلينكال موجود فى دول الخليج والسعوديه من قبلنا بكتيير
سلام
♣♣♣♣♣♣♣♣♣♣
وعليكم السلام ورحمة الله و بركاته ....
هناك عدة مصادر :
- كورسات خارجية
- دورات تدريبية تنظمها الكلية و الاسر
- اعتقد في دبلومة كلينيكال لكن لا اعلم اذا كانت في صيدلة المنصورة أم لا ( لا أملك معلومات دقيقة مع الاسف )
- يمكن ان تدرسي مجددا بالكلية و لكن لمدة خمس سنوات كاملة ... و ده مسموح عندنا ...(Double course)
اذا عند حضرتك أي أستفسار معين ... لا تتردي.. انا تحت أمر حضرتك
.... جزاكم الله خيرا ....
أسأل الله ان يرزقنا و اياكم العتق من النار في هذا الشهر الفضيل
للحديث بقية ان شاء الله
سبحانك اللهم و بحمدك... أشهد أن لا اله إلا انت.... أستغفرك و أتوب اليك
التعديل الأخير تم بواسطة BoNbOoNa ; 25-08-2009 الساعة 08:49 AM
شكرآ ليكم يا جماعة على تفاعلكم مع الموضوع
فى الأول هوجه رسالة لكريم أبو زيد حبيبى عبارة عن ضحك فى ضحك على تعليقاتى أنا وهو فوق خالص ولا إيه رأيك يا كيمو؟؟؟
بس يلا الحمد لله ع كل حال :d
يا د. أحمد, لا يختلف إثنان على إن المصاريف الدراسية لكلينيكال غير عادية بالمرة, أى أننى أتفق معاك أن المصاريف مبالغ فيها ...
بالنسبة لباقى النقاط اللى أشرت ليها, فلا يختلف إثنان أيضآ على أهمية برنامج الكلينيكال فى الحياة العملية و الفرص العملية المتاحة لدارسيه وحاصلى بكالريوس الصيدلة الإكلينيكية, وكذلك فى فرص عمل رائعة جدآ للصيدلى العادى غير مثال المستشفى اللى فى الموضوع فوق, و الحمد لله فى أكثر من 32 مجال عمل للصيدلى العادى ....
بالنسبة للأمور الإدارية عن البرنامج, أنا مش هتكلم عنها لكن اللى حضرتك بتتكلم عنه فى الكليات التانية, ليس إلا لائحة جديدة و نظام ساعات معتمدة وتعديلات على المناهج الدراسية وهو ما نأمل أن يتم تطبيقه على النظام العادى بصيدلة المنصورة بدئآ من العام القادم إن شاء الله لتكون صيدلة المنصورة أحدث الكليات المصرية فى تطبيق أحدث أنظمة التعليم فى مصر, و تكون أحسن من الكليات اللى حضرتك بتقول عليها, وحاليآ مافيش فرق كبير بينا وبين الكليات التانية غير إن نظام دراستهم وموادهم مختلفة, لكن كل الكليات فى مصر سواء نظام دراسى حديث أو قديم بتمنح شهادة بكالريوس فى العلوم الصيدلية, أما بكالريوس الصيدلة الإكلينيكية فده مش فى كل كليات مصر, والكليات اللى موجود فيها بيكون برنامج مميز زى جامعة المنصورة ولا تقل قيمة المصاريف الدراسية عن مصاريف برنامج صيدلة المنصورة ....
هو الكلام كويس عن الدكتور الصيدلى بس ياترى هل فى اى دفعة اتخرجت حتى من جامعات تانية وبقى ليها دور فى الفريق الطبى ولا هى مسميات بس
انا كل قصدى انكم ملزومين بدفع مصاريف المفروض متتفعوهاش اصلا لأن من حق الطالب انه يدرس الكورس ده طالما اتعمل فى كليه حكوميه مش خاصه وطالما ان الطالب حصل على المجموع اللى يأهله لدخول الكليه
تمام ... هو فيه حد قال غير كده
يا ريت اكون قدرت اوصل المعلومه ليكى يا دكتوره
وصلت الحمد لله
لا طبعا فيه خريجين كتيير خصوصا طنطا لانى سألت دكتور بتدرب عنده قالى ان الشهاده اللى اخدها كان مكتوب فيها
حاصل على بكالريوس علوم صيدلانية و الصيدلة الإكلينيكيةدراسة الصيدلة في طنطا و القاهرة لا تشبه دراسة الصيدلة الاكلينيكية ...
مصدري هو طلبة في القاهرة و طنطا أعرفهم شخصيا ... و كمان د\محمود بكر
أما بالنسبة لمسمي درجة البكالوريوس فأنا معنديش فكرة الحقيقة ...
- كما ذكرت لحضرتك بيدرسوا مادة واحدة من كلينيكال و تدرس فيها الـOTC Drugs
- باقي المواد لا تدرس هناك ... اذكر منهم ( علم الأمراض - الإسعافات الأولية - صيدلة إكلينيكية 1 - صيدلة مستشفيات - صحة عامة - فارماكولوجى2 - صيدلة إكلينيكية 2 - العلاج بالأعشاب - كيمياء حيوية إكلينيكية - تفاعلات الأدوية - السموم والكيمياء الشرعية - علم الأورام - علاجيات 1 - صيدلة حركية إكلينيكية - تغذية إكلينيكية - فارماكولوجى إكلينيكى - علاجيــات 2 - علاج الامراض الجلدية والتناسلية -علاج أمراض الأطفال -علاج أمراض القلب والاوعية الدموية - علاج امراض الجهاز الهضمى - علاج امراض الجهاز التنفسى -المعلومات الدوائية )
دي أسامي المواد ... في حاجات تانية بس ده اللي اقدرت اعصر دماغي و اطلعه دلوقتي ....
- اخر حاجة حابة أقولها ... بالنسبة للتدريب الصيفي .. بينقسم لجزئين
* 200 ساعة تدريب في صيدلية
* 100 ساعة تدريب في مستشفي
--------------------------------------
التعديل الأخير تم بواسطة BoNbOoNa ; 26-08-2009 الساعة 02:06 PM
معلومات جميلة وجديدة بالنسبة لى
بس انا كنت سمعت اننا ممكن اما نخلص نأخذ 6شور فى القاهرة اكلينيكى ياترى صح ولا ايه
جزاكم الله خيرا يا اخ عامر