بين حبى وكبريائى..بقلمى(((خاطرة)))

[د///*مطحونة*\\\]

السلام عليكم ورحمة الله وبركاته
"""""""""""""""""""""""""""""""""""""""""""""
كبريائى

عشت طوال حياتى ابحث عن حبى الضائع وامنى نفسى بالشخص الذى طالما حلمت به
اتخيله بينى وبين نفسى اتخيل صوته,صمته,ضحكته,
وبعد سنوات طوال وبعد الامال والاحلام وسهر الليالى الطوال
وجدته نعم وجدته
وجدت من يشتاق اليه قلبى قبل عيونى
لا اصدق نفسى
اراه امامى,يتحدث معى,يضحك معى تحقق حلمى الموعود ووجدت من يشاطرنى احلامى
امالى وطموحاتى,احزانى وافراحى,بسمتى وبكائى.
ولكن
اراه كل يوم واتحدث معه....هذا صحيح
كثيرا اشعر بحبه تجاهى ويشعرنى به
ولكننى لم اخبره قط بحبى له و لم يخبرنى انه يحبنى صراحة
وانالم اخبره انه حلم حياتى الذى طالما تمنيته
فكلما رايته يختلط فرحى بالمى ولا اعلم ان كنت افرح ام ابكى؟
استيقظ كل يوم واعزم ان اخبره بمجرد رؤيتى له تتوقف الكلمات ويتوقف لسانى عن الحديث بذاك الامر
سالت نفسى مرارا وتكرارا لماذا؟
اهو كبريائى ,لماذا لا احافظ عليه,ان كان يحبنى عليه ان يخبرنى هو بذلك,ماذا اذا كان يلعب بمشاعرى
ماالعمل حينها؟
ساقتل كرامتى بيدى,ساشعر بذل ,وساجرح نفسى جرحا لن يزول المه ولن يداويه الزمن
فلانساه وابحث عن حب غيره.
ولكن قلبى يحدثنى:
انتى تحبيه حبا شديدا,لاتتركيه يذهب ,لا تضيعى حلم عمرك من يديكى,
اذهبى اليه,اظهرى له حبك,اهتمى لامره,فالحب ايتها الشابة فعلا قبل ان يكون قولا
كونى بسمة حياته ,قفى بجانبه ستجدينه ملك يديكى,وحينها
لن تترددى ولو للحظة ان تخبريه بحبكى هذا,ستقولى له الكلمة التى لطالما اردتى ان تخبريه بها
فكرامة الحب تكمن فى الاعتراف به دون خجل وعليكى ان تتحملى عواقب حبك
اذا كان لايحبك ستجرحين جرحا اقل وطاة من حبك الصامت له
فحاربى من اجل حبكى هذا
""""""""""""""""""""""""
والان
لااعلم من ينتصر
عقلى ام قلبى؟
هل اصارحه بحبى واتحمل العواقب؟
ام انسى هذاا الحب واطوى جرحى بين ضلوعى؟
لا اعلم ماالحل؟
ولكن جل مااعلمه
اننى احبه ولن اتخلى عنه مهما حدث
"""""""""""""""""""""""""""""""""""""""""""""" "
اعتذر عن اى خطا لغوى ولكننى قد سردت مادار بخلدى
شكرا

[Analgesic]

احساس جميل و أسلوب أجمل يا د / مطحونه ... و ربنا يوفقك

[SHYMAA]

مع كل الجنون اللى انتى فيه
اللا انك فى الاخر ما عرفتيش ايه الحل؟
لو مكانك هاقول واللى يحصل يحصل
مش هضيعه واندم طول عمرى
صعب قوى ان احنا نحب والاصعب لو ضيعنا الحب ده
ربنا يوفقك

[drpinkysnow]

الافضل انة يكون بيحبك مش انتى وياريت يقولك ولو ما قالش انسية

[lonley]

يابنتوته متقوليش هو اللي يقول ولو مقالش مع السلامه

[dano_90]

كلام جميل يامطحونه

بس الكلام مش هو اللغة الوحيدة للتعبير عن الحب

مفروض نراعى برضو اننا بنات ولازم الحياء يكون موجود

ممكن تعبريله عن حبك ده ولو بنظره او موقف معين

لو هو قالك انه بيحبك ممكن وقتها بس تصارحيه

لكن لو هو مصارحكيش ياريت بجد متقوليش له انك بتحبيه

ممكن لو مكنش بيحبك تجبريه يعيش احساس هو مش حاسه

ايوه ممكن يبادلك الحب بس ده قد يكون لانه معجب بان بنت اعترفتله بحبها وحسسته برجولته

لكن بعدها ممكن الوضع ده يتغير ويحس انه اخطأ

وساعتها هتتجرحى

بعد الشر عنك طبعا ياجميل

ويارب يسعدك ياااااااارب ويسعد كل اللى بيحبوا ويجمع بينهم فى خير

[SHYMAA]

الافضل انة يكون بيحبك مش انتى وياريت يقولك ولو ما قالش انسية

بالسهوله دى نتنازل عن حبنا اللى اتمنيناه
انتى بتفكرى ازاى؟
صحيح لازم يكون هوه كمان بيحبها
لكن علشان نعيش صح لازم نخاطر شويه حتى لو كانت مشاعرنا هيه اللى هتدفع الثمن
ده رايى لو انا مش هاسيبه

[lonley]

ايه مش هسيبه دي هي عافيه
ياجماعه : إذا أردت شيئا بشده فأطلق سراحه فإن عاد لك فهو ملك لك إلى الأبد وإن لم يعد فإنه لم يكن لك من البدايه
وغير كده والأهم كمان حياء البنت فين وأنا مع رأي الدكتوره دانو

[dano_90]

صدقينى ياشيماء مش بالسهل انك تفضلى تحب حد وتديله كل مشاعرك

وبسبب شىء بسيط كل اللى بينكم ينتهى

الجرح صعب بجد

الولد هو المفروض يصارح البنت

والا تبقى الادوار اتبدلت!!!

[lonley]

with u dr dano