صفحة 1 من 2 12 الأخيرةالأخيرة
النتائج 1 إلى 10 من 16

الموضوع: لمن يهمه الأمر-إصلاح التعليم الصيدلي

  1. #1

    افتراضي لمن يهمه الأمر-إصلاح التعليم الصيدلي

    بسم الله الرحمن الرحيم
    الزملاء الأعزاء
    السلام عليكم ورحمة الله وبركاته
    أطرح عليكم هذا الموضوع
    وأتمنى مشاركة من يهمه الأمر
    من أصحاب الهمم العالية
    الذين يدعون الى التطوير والتغيير نحو الأفضل دائما
    كثير ما تكلمنا على صفحات هذا المنتدى عن الكثير من المشكلات
    التى تواجه المجتمع الصيدلى وقد وضعنا يدنا على المشكلات
    فى أكثر من موضوع وأيضا وضعنا الحلول بمختلف صورها
    ولكن
    للأسف لم نضع هذه الحلول فى قالب عملى
    يترجم الكلمات لأفعال حقيقية مؤثرة
    اليوم
    أدعو كل من يهمه إصلاح التعليم الصيدلى
    وتطوير المنهج التعليمى بتقديم اقتراحاته
    وطرقه ومنهجيته فى التعامل مع هذا الطرح
    من أجل البدء فى انشاء أول مؤسسة مصرية
    تقود وتطور التعليم الصيدلى وأيضا تضع المعايير
    الخاصة بتأكيد الجودة واستمراريتها
    ومن أجل الإعداد لورشة عمل
    تناقش هذا العمل وتضع الأساس
    لأول مؤتمر مصرى عن التعليم الصيدلى
    وتطويره
    على كل من يرغب فى الأشتراك والتواصل
    أن يعد ورقة دراسية مكتوبة بأسلوب علمى
    عن مقترحاته فى كافة المناهج الصيدلية
    او فى منهج محدد
    وعلى أن تحتوى الورقة الدراسية على
    1-سرد لمشكلة أو مشكلات تواجه التعليم الصيدلى (الرؤية الحالية لمشاكل التعليم)
    2- الحلول التقليدية المتاحة المطبقة بفعالية او طبقت دون فعالية نتيجة قصور فى التطبيق أو قصور فى الفكرة ذاتها
    3-الحلول الغير تقليدية مع ذكر المميزات والعيوب والقابلية فى التطبيق
    (الرسالة والمهمة التى نتجت من رصد المشكلة)
    4-أدوات تحقيق الأقتراحات ومدى إمكانية قياس معدل نجاحها والقدرة على التطور والليونة فى التطبيق فى مختلف الظروف
    5-التجارب العملية والخبرات الشخصية التى تدعم المقترحات (إن وجدت)
    6-دور المؤسسات المختلفة فى تحقيق الأهداف
    ( ما هى المؤسسات ومن هم الأفراد المتوقع مشاركتهم)
    7-ماهو الوضع التعليمى طبقا لمعايير دول أخرى تصنف على انها دول تقدم تعليم ذو معايير ممتازة
    مثل الولايات المتحدة وانجلترا ومن الدول عربية تجربة المملكة العربية السعودية فى تطوير التعليم الصيدلى
    8-المعيقات المتوقعة والحلول العملية لها
    على من يتم هذه المتطلبات أن يرسلها من خلال
    الرسائل الخاصة

    لكم منى كل التحية والتقدير

    ويسعدنى تلقى مشاركتكم
    وخصوصا خلال فترة أجازة نصف العام المتبقية
    ملحوظة:وضعت معايير للأشتراك لضمان الجدية وتقييم مدى تعمق المشاركين فى رصد الوضع الحالى
    وهى عملية تنظيمية فى الإطار الأول من أجل تحديد الموضوعات التى ستناقش فى ورشة العمل التحضيرية
    -يمكن لغير الخريجين أيضا المشاركة بل يحبذ مشاركتهم .
    يمكنكم الاستدلال ومراجعة المصادر الأتية من أجل تصور كيفية كتابة الورقة الدراسية

    هنا


    هنا


    هنا


    يمكنكم مراجعة هذا الموضوع

    أيضا
    هنا


    أدعو الله ان يكون هذا العمل خالصا لوجه الكريم

    وأن ينفع به ابلاد والعباد
    فما أريد الا الإصلاح ما استطعت

    التعديل الأخير تم بواسطة عبدالله عبدالرحمن ; 03-02-2012 الساعة 04:55 PM

  2. #2
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    كتير تم الكلام قبل كده فى مشكلات وحلول

    وما فيش حاجه بتطبق ولا بتتنفذ

    على العموم

    ربنا يصلح الاحوال

    وخلينا متفائلين برضه

  3. #3
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    بالتوفيق ان شاء الله

  4. #4

    افتراضي

    اقتباس المشاركة الأصلية كتبت بواسطة محمد سمير مشاهدة المشاركة
    كتير تم الكلام قبل كده فى مشكلات وحلول

    وما فيش حاجه بتطبق ولا بتتنفذ

    على العموم

    ربنا يصلح الاحوال

    وخلينا متفائلين برضه
    انا عارف يادكتور ان الموضوع اتفتح قبل كده
    لكن اقدر اقولك ان الوضع اختلف شوية دلوقتى
    وان شاء الله نقدر نعمل حاجة
    بس محتاجين جدية فى العمل
    عشان كده انا عايز العملية تكون واضحة
    ومكتوبة بطريقة علمية
    لو تحقق ده هنقدر نعمل خطوات عملية
    فى خلال السنة دى
    وطالما الفكرة سليمة وهتحقق نفع عام
    مش لازم ابدا ان احنا ننسى الحلم
    احنا تناقشنا فى الموضوع قكده
    ده أكسبنا خبرات محددة
    هتخلى وجهات النظر أكثر إحترافية وأعمق من الأول
    السبب الرئيسى فإن مفيش حاجة اتعملت هو الأعتماد
    على أشخاص أخرين فى تنفيذ الفكرة
    انا غلطت لما اعتمدت على الأتحاد فى توصيل افكارنا
    فى المرة الأخيرة
    -على الرغم ان الأتحاد ربما سلم الورق للدكتورة ماجدة-
    لكن للأسف كإتحاد منتخب مقامش بالمنتظر منه
    ممكن لأنه مقيد بلائحة خربانة
    بس المهم ان احنا اللى تعبنا وكتبنا وفكرنا
    كان لازم على الأقل نجتمع ونحدد خطة
    لكن انا متفائل خير المرة دى
    ومصر انى اتخذ خطوات جادة وعملية
    وهفضل أحاول لغاية ماربنا يتم نعمته علينا ويكرمنا
    ------------
    دكتورة أميرة
    أتمنى ان حضرتك تكونى من المشاركين أو تساهمى
    فى نقل الموضوع لمن يهمهم الأمر
    وجزاكم الله خيرا

    التعديل الأخير تم بواسطة عبدالله عبدالرحمن ; 03-02-2012 الساعة 05:27 PM

  5. #5
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    ياه يا دكتور
    حضرتك بالك طويل اوي
    انا بصراحه معنديش اي امل في التغيير ....مش قاصده اني احبط همتك والله
    لكن كتبت كتير و فكرت كتير اوي المرة اللي فاتت و كانت بردو بعد الثورة....ولا حياة لمن تنادي
    عموما الاجيال الجديده لازم تشارك ممكن التغيير ييجي علي ايديكم
    ربنا معاكم

  6. #6

    افتراضي

    اقتباس المشاركة الأصلية كتبت بواسطة yojeena مشاهدة المشاركة
    ياه يا دكتور
    حضرتك بالك طويل اوي
    انا بصراحه معنديش اي امل في التغيير ....مش قاصده اني احبط همتك والله
    لكن كتبت كتير و فكرت كتير اوي المرة اللي فاتت و كانت بردو بعد الثورة....ولا حياة لمن تنادي
    عموما الاجيال الجديده لازم تشارك ممكن التغيير ييجي علي ايديكم
    ربنا معاكم
    صراحة متوقعتش من حضرتك رد زى ده
    أنا عارف ان الأوضاع ممكن تبعث على الخمول واليأس
    لكن وظيفتنا فى الحياة انى أحاول وأحاول لغاية ماحقق هدفى
    كل ماكان الأمر صعب كل ماكان أعظم
    واللى بيجى بسهولة بيروح أسهل
    من الحاجات اللى بتعجبنى فى الثقافة اليابانية
    هى تعليمهم لأبنائهم الأصرار
    والعزيمة التى لا تنهزم
    الا
    بالموت
    مهما كان الطريق شائك وصعب
    لازم الواحد يستمر
    مفيش طريق مختصر لتحقيق الأحلام
    Never forget your first ever dream
    as
    you never fail until you give up
    مهما كانت الأوضاع صعبة
    ومفيش حاجة تدل ان
    الأوضاع هتستقر
    لكن
    مطلوب ان كل واحد
    يزرع الفسيلة
    قبل يوم قيامته
    وانا انوى انى أزرعها
    حتى لو لم أجنى ثمارها
    أو استظل بظلها
    لكن
    كفاية عندى انها
    ممكن تكون دليل
    على الطريق
    للى بعدى
    ربما
    تكون سبب من الأسباب
    اللى ربنا قدرها
    عشان غيرى يوصل
    انا عارف ان احنا بشر
    وان كل واحد له حدود
    لكن حتى لو ضطريت انى اقف
    مؤقتا
    عمرى ماهرجع لوراء

    ياريت حضرتك يادكتورة
    تكونى من المشاركين
    إضافات حضرتك مميزة
    وهتفيد كثير
    وربنا يوفقك
    لما فيه الخير


  7. #7
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    بعتذر يا دكتور لو كلامي صدمك
    لكن فعلا اليأس من الاوضاع الحاليه بشكل عاااام بدأ يسيطر علي
    ممكن كنت اشارك لو في رئيس جديد للبلد يغير القيادات حتي قيادات الجامعات
    وقتها يبقي في امل ان حد يسمع اصوات الشباب اللي بتفكر في البلد و بتحاول تغير
    عندنا شباب باراده حديديه ما شاء الله لكن موقعهم ايه من الاعراب ..مفيش!!
    في ظل حكم العسكر مش هتكلم في حاجه
    انا اسفه لو غيرت الموضوع لكن فعلا كله مرتبط بكله

    ان شاء الله هتابع تطورات الموضوع دايما
    و بتمني من ربنا ان صوتك يوصل و الاحلام تبقي حقيقه

  8. #8
    Pharma Student
    تاريخ التسجيل
    Jul 2009
    الدولة
    in my pharmacy
    المشاركات
    423

    افتراضي

    دكتوره يوجينا .....ان شاء الله هنقدر نغير ونطور نفسنا ..مين كان يحلم ان الاخوان المسلمين هم لى يمسكوا الحكم بعد صراع طويل جدا وكم هم اتعرضوا للالم والسجن والاهانه اعتقد الان الوضع ااختلف ان شاء كل حاجه عوزنها هتتغير لاحسن هتتغير ....فيه امل ان شاء الله يا دكتر عبد الرحمن بس اهم حاجه لاننا فعلا نوصل للمشاكل الاساسيه لى بتوجهنا ونحاول نحلها.. شكرا لاثاره الموضوع

  9. #9
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    إن شاء الله كلنا هنشارك كل واحد باللي يقدر عليه
    يوجينا خلي عندك ثقة في الامكانيات اللي ربنا اداهالنا

    + YouTube Video
    ERROR: If you can see this, then YouTube is down or you don't have Flash installed.

  10. #10

    افتراضي

    اقتباس المشاركة الأصلية كتبت بواسطة yojeena مشاهدة المشاركة
    بعتذر يا دكتور لو كلامي صدمك
    لكن فعلا اليأس من الاوضاع الحاليه بشكل عاااام بدأ يسيطر علي
    ممكن كنت اشارك لو في رئيس جديد للبلد يغير القيادات حتي قيادات الجامعات
    وقتها يبقي في امل ان حد يسمع اصوات الشباب اللي بتفكر في البلد و بتحاول تغير
    عندنا شباب باراده حديديه ما شاء الله لكن موقعهم ايه من الاعراب ..مفيش!!
    في ظل حكم العسكر مش هتكلم في حاجه
    انا اسفه لو غيرت الموضوع لكن فعلا كله مرتبط بكله

    ان شاء الله هتابع تطورات الموضوع دايما
    و بتمني من ربنا ان صوتك يوصل و الاحلام تبقي حقيقه


    اقتباس المشاركة الأصلية كتبت بواسطة pharmachemist مشاهدة المشاركة
    دكتوره يوجينا .....ان شاء الله هنقدر نغير ونطور نفسنا ..مين كان يحلم ان الاخوان المسلمين هم لى يمسكوا الحكم بعد صراع طويل جدا وكم هم اتعرضوا للالم والسجن والاهانه اعتقد الان الوضع ااختلف ان شاء كل حاجه عوزنها هتتغير لاحسن هتتغير ....فيه امل ان شاء الله يا دكتر عبد الرحمن بس اهم حاجه لاننا فعلا نوصل للمشاكل الاساسيه لى بتوجهنا ونحاول نحلها.. شكرا لاثاره الموضوع


    اقتباس المشاركة الأصلية كتبت بواسطة Amira Said مشاهدة المشاركة
    إن شاء الله كلنا هنشارك كل واحد باللي يقدر عليه
    اقتباس المشاركة الأصلية كتبت بواسطة Amira Said مشاهدة المشاركة

    يوجينا خلي عندك ثقة في الامكانيات اللي ربنا اداهالنا

    + YouTube Video
    ERROR: If you can see this, then YouTube is down or you don't have Flash installed.

    شكرا لمشاركتم دكتورة أميرة ودكتور فارما كميست
    حقيقة يادكتورة يوجينا
    الأمر لا ينظر اليه بهذه الطريقة
    اذا كان للأنسان رسالة ومهمة
    فلا ينبغى له ان ينحنى أو يتنحى
    فرسالته تدفعه دفعا
    نحو الاستمرار لحين تحقيق مهمته
    وان قدر الله له ألا يتم مهمته
    سلم رسالته لمن يجد فيه العزيمة
    ليتمها من بعده هذا هو طريقى وأسلوبى
    الذى أخترت وأتمنى ان تشاركونى
    هذا الطريق
    قرأت اليوم هذا الخبر
    من صفحة الأستاذ الدكتور فريد بدرية
    بشرى سارة:لقد قام طلاب الفرقة الثالثة بكلية الصيدلة جامعة المنصورة بتأليف
    الجزء الأول من موسوعة "التقيم الكيميائى والبيولوجى والاكلينيكى للمنتجات الطبيعية" باللغة الانجليزية وبالألوان-يقع فى 1025 صفحة شاملة المراجع ومدعما بالأقراص المدمجمة وتم انجازه فى 10 أيام وسوف يتم ايداع نسخة فى مكتبة كلية الصيدلة ليستفيد منها الباحثون والطلاب والعاملون فى صناعة الدواء والأطباء وهيئات التمريض

    انتظروا قريبا الجزء الثانى مع شكرى لأولادى معاونى أعضاء هيئة التدريس مروة ويحي وأحمد وايمان ,ايمان

    تخيل الطاقة الهائلة فى هذا الشباب لو طلب وليوم واحد فقط من 5 مليون شاب أن يكتب كل واحد صفحة لاعادة كتابة تاريخ مصر المشوه أو وغرس شجرة أو رسم لوحة او انشاء مكتبات متنقلة على الأرصفة لنقل المعرفة أو تجميع ألأطفال لمدة ساعة يوميا فى أحد الميادين العامة وممارسة تمرين واحد رياضى أو نشر الوعى المباشر فى توقيت واحد فى مصر فى قضية صحية ولتكن السمنة (كيف نأكل) أو السكر (الكارثة القادمة) أو الالتهاب الكبدى أو الفشل الكلوى أو فى توعية عن الاعتزاز باللغة العربية

    كل هذا لايمنعك من ممارسة حقك المشروع فى المطالبة بسقوط حكم العسكر والتأكيد على أن الثورة مستمرة ..وغدا تشرق الشمس .


    صراحة شعرت بالفخر
    وفى نفس الوقت زاد عزمى
    ونويت ان استمر
    خلال الفترة السابقة التقت مع عدد
    من المبدعين من كليتنا وناقشنا الأفكار بشكل عام
    واتفقنا على إطار عام للتنفيذ
    وأجدد دعوتى لكل من يرغب فى المشاركة
    فى إطار النقاط التى قمنا بتحديدها
    وفقنا الله وإياكم لصالح الأعمال
    التعديل الأخير تم بواسطة عبدالله عبدالرحمن ; 10-02-2012 الساعة 01:46 AM

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •