جزاكي الله خير ا يا دكتوره
جزاكي الله خير ا يا دكتوره
شكرا يا دكتورة على اسلوبك الرائع انا شكلى كده هابدأ أحب سنة تالتة
بالتوفيق ان شاء الله فى سنة رابعة
جزاك الله خير يا دكتورة سمر
وربنا يوفقك يا رب
جزاكي الله خيرا د/ سمر
ان شاءالله تبقي سنة حلوة واحنادفعة دماغ من أمتى بيهمناالكلام دة وان شاءالله نعدى من غير كسور ولاتشوهات ومرسي عالمعلومات الجميلة دى ربنايكرمك
ربنا يكرمكم جميعا شكرا جزيلا على الكلام الحلو وعلى دعواتكم الجميله ربنا يتقبل منا جميعا ويارب يكون الموضوع افادكم شويه واعطاكم خلفيه عن سنه تالته واللي عنده اي حاجه حابب يسال عنها او يستوضحها يتفضل وباذن الله على مدار السنه برضه هبقى اجي اتطفل عليكوا واشوف احوال الدنيا معاكم وربنا يوفق الجميع
وياريت تفتكروني انا وكل دفعه بكالوريوس بدعوه صالحه بظهر الغيب في امان الله
شكرا على الموضوع الجميل ده
بجد انا كنت خايفة جدا من سنه تالته
لكن دلوقت اصبح عندى امل
اسلوبك رائع يا دكتورة سنة رابعه اكيد نورت بيكى وعقبالنا يااااااارب انا فى الاول كنت خايفه من تالته كل لما اسال حد يرعبنى منها بس بجد كلامك حببنى فيها بس كنت عايزة اعرف ايه الادوات المطلوبه لتالته؟ وكمان طلب معلش بتقل عليكى بس عايزة اعرف ايه اهم المحاضرات اللى لازم احضرها من الاول ؟وايه اصح طريقه لمزاكرة المواد دى ؟وخاصه ان معظمها جديد علينا
الحمد لله وباذن الله هتحبيها اكتر لما تاخدي المواد وتدخلي في مود الدراسه والمذاكره هتحسي حاجه تانيه خالص عن السنين اللي فاتت
-----
ربنا يكرمك يادكتوره
بالنسبه للادوات مفيش جديد هي ادوات السنين اللي فاتت عادي بس متوزعه على الترمين يعني الترم الاول اغلبه هتحتاجوا فيه ادوات العضويه تست تيوبس والفلاسكات والحاجات الخفيفه دي مفيش سحاحه غير في اخر سكشن فيتو ودي بتبقى تجربه امتحان يعني تشتغلوها كويس وكمان في الطبيه بيحتاجوا نسلر تيوب ا لي مشترهاش السنه اللي فاتت في التحليليه يجيبها اما الترم التاني بتستخدموا بقى السحاحه في الفيتو وفي الطبيه بالاضافه لبقيه الادوات وكمان في الاساي بيطلبوا مقص وفورسبس وسرنجات علشان تجربه الضفدعه
اما عن الحضور فاكيد كل المحاضرات مهمه بس بتهيالي اهمهم على الاطلاق محاضرات الفارما وبالذات الانترودكشن لان المحاضرات دي هيا اللي بتبني عليها بقيه كورس الفارما وبتخدمك في الكورسات التانيه زي الطبيه والفيتو وكمان الاساي لان بيبقى فيها احيانا كلام صعب انك تفهمه لوحدك لازم الدكتور يفهمهولك وكمان رسومات توضيحيه برضه الدكتور شحته ربنا يكرمه كان بيعلمهالنا وبييجي عليها اسئله وتتطلب في الامتحان يعني متستهونوش بيها ودا مش تقليل من شان الحضور لاي ماده تانيه لكن الفارماوالاساي اهي اللي تعتبر جديده عن المواد وفيها معلومات مسبقش لينا دراستها
اما عن طريقه المذاكره هو بس المطلوب انك تحاولي تبقي مذاكره في كل ماده شويه قبل الامتحان يعني مذاكرالك حبه حلوين كدا ومذاكراهم بجد لان اغلبنا بييجي ويقفل الماده في الاسبوع اللي قبل الامتحان ودي بتبقى عمليه صعبه جدا ومرهقه لان تالته دي فيها كم معلومات رهيب جامعات تانيه بتاخد الكورسات اللي احنا بناخدها في سنه تالته دي على اكتر من سنه فكم المعلومات كبير بجد ومش هقلكم انه مستحيل يتلم قبل الامتحان لا ماشاء الله في ناس بتخلص وبتراجع كمان بس كله عشان الامتحان وبتبقى محصله استفادتهم هما الشخصيه زيرو ودا طبعا مينفعش خالص في سنه زي دي لانها اساسك انت كصيدلي فحاولوا تستفيدوا فيها بجد على قد ماتقدروا
بجد ربنا يجازيكي خير يا جميل وربنا يقوينا