النتائج 1 إلى 8 من 8

الموضوع: اعتصام طلاب الصيدلة الاكلينيكية

  1. #1
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي اعتصام طلاب الصيدلة الاكلينيكية

    السلام عليكم ورحمة الله وبركاته

    ________


    طبعًا كل الطلبة في الكلية شافوا المظاهرة اللي قام بيها طلبة البرنامج على مدى 3 ايام

    والمعظم من طلبة واساتذة لا يعلم ايه اسباب اللي اتعمل ولا ايه المطالب اللي احنا عايزينها

    اول حاجة دي أهم مطالبنا :-

    1- الغاء ما يسمى بالمصاريف الادارية (مبلغ 1300 جنيه في الترم من الطالب الواحد) المفروض انه الكلية بتقدملنا بيه خدمات مميزة
    أو على الاقل تخفيضه لمستوى معقول و تقديم الخدمات المميزة

    2- تغيير مدير البرنامج دكتور عبدالجواد حلمي عبد الجواد بسبب سوء المعاملة في التعامل معنا وتعنته الشديد في تلبية طلبات الطلبة بالاضافة لما قاله من اننا سنقوم بدفع مبلغ 25 ألف جنيه مقابل 100 ساعة تدريب الاكلينيكي في مستشفيات الجامعة ثم ثبت بعد ذلك عدم صحة ذلك ونزول قرار من العميدة بأن التدريب بدون مقابل

    3-ضمان تمثيل طلاب البرنامج في الاتحادالمنتخب بحيث يكون في كل لجنة من لجان الاتحاد طالب من كلينيكال يكون انتخابه من طلاب البرنامج يعني 7 طلاب من كلينيكال في الاتحاد

    4- تغيير بعض الدكاترة المجمع عليهم من جميع الطلاب بسوء معاملتهم لنا

    __________


    كمان حاجة احنا من شهر فات واحنا مقدمين الطلبات دي
    قبل ما الدراسة تبدأ باسبوع اجتمعت العميده مع عدد من طلبة البرنامج وناقشوا فيه بعض المطالب ووعدتهم ب النظر فيها و تنفيذها مع بداية الدراسة
    ثم بعد بداية الدراسة اجتمعت هي ومدير البرنامج مرة بطلاب المستوى الرابع والثالث
    واليوم الذي يليه بطلاب المستوى الثاني والاول

    ولكن لم يكن هناك وقت محدد لتنفيذ المطالب " هنشوف وهتجتمع وهنتناقش وهنعمل بالاضافة لان انتم ماضيين على عقد بدفع المصاريف الادارية " بالاضافة لما قاله الدكتور عبدالجواد عن مبلغ التدريب الصيفي
    و العقد اللي مضينا عليه عند دخول البرنامج التقديم له لم يكن مكتوب به مبلغ 1300 جنيه
    كما ان المفروض انه يقدم لنا به خدمات مميزة باعتباره برنامج مميز

    ثالث يوم كان في نيه من معظم الطلبة لعمل مظاهرة واعتصام في الكلية بسبب ما حدث في الاجتماعين الي فاتوا


    رحنا للدكتورة ماجده نصر واتناقشنا معاها مرة اخرى هي ودكتور حسن الكاشف حوالي ساعة وقالتلنا اصبروا علينا اسبوع واحد وهنحللكم المشاكل
    و ده رد العميدة :
    بالنسبة للمصاريف الادارية قالت ان في لجنة هتتعمل في الكلية و يحاولوا يخفضوا المصاريف على اقصى قدر ممكن و هتبعت جواب رسمي لمستشار قانوني في حكاية الغاء المصاريف الادارية

    موضوع رئيس البرنامج دي صلاحيات رئيس الجامعه عشان كده لو عايزين تغييره ورقه تضم اسماء طلاب ال 4 دفعات تروح لرئيس الجامعه بطلب تغييره

    مصاريف التدريب في المستشفيات free

    ادوات المعامل فيه جوابات هتروح بكره بالامر للاقسام بتوفير ادوات المعامل ولو في حد موفرهاش نروح للعميده ونقلها ( النهارده في سكشن عقاقير في semester 2 ) حصل كده والعميدة وفرتلهم الادوات

    الهاند اوت هيتظبط من الاسبوع الجاي ان شاء الله 3 محاضرات قبل ما ناخدهم يكونوا معانا

    وقالتلنا اصبروا بس الاسبوعين دول والرد بتاع المصاريف الادارية الاسبوع القادم
    انتظمنا في الدراسة طبيعي و لم يحدث شيئ إلى ان انتهى الاسبوع ولم يحدث جديد
    بدأنا الاعتصام والعميدة كلمتنا و قالتلنا نفس الكلام السابق بان تغيير مدير البرنامج ليس من صلاحيتها وان المصاريف الادارية بتحددها لجنه فرعية و هنشوف ممكن يتعمل فيها ايه
    و طلعت مكتبها و بعدها بنصف ساعة نزل قرار بتخفيض المصاريف الادارية للنصف وان التدريب الصيفي بدون مقابل
    قررنا ان احنا نكمل حتى تنفيذ كل مطالبنا لأن معذرة القرار كان متأخر جدًا
    ولم يحدث ان تجاوزنا في حق اي دكتور غير مدير البرنامج بسبب سوء معاملته لنا


    وكلمنا الحاكم العسكري وامين عام الجامعه و وصلنالهم طلباتنا وقالوا هيوصلوها لرئيس الجامعه و العميدة ويعملوا اجتماع لحل المطالب

    و مازلنا في الانتظار ....

    ربنا ييسر لنا الخير و يهدينا الي طريقه المستقيم

  2. #2
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    ربنا معاكو بجد

    انتوا اكتر ناس فى الكلية اتظلمتوا

  3. #3
    Pharma Student
    تاريخ التسجيل
    Dec 2009
    المشاركات
    805

    افتراضي

    اللي فجر الموضوع بجد......الكلام عن التدريب الصيفي.....اللي حسينا فيه بالإبتزاز
    الطلبات كنا بنقدم منها كتير كل سنة و لا إجابة تذكر
    مافيش إحتواء للطلبة خااااااااااالص

  4. #4
    Pharma Student
    تاريخ التسجيل
    Apr 2009
    الدولة
    Egypt :)
    المشاركات
    765

    افتراضي

    عبد الرحمن انا الكلام بتاعك ده هخده ان شاء الله و أطبعه

    عشان في دكاترة كتير من اللي بيدونا عايزين يعرفوا ايه اللي بيحصل
    وهم فاكرين ان احنا اللي غلطانين !

    في ان شاء الله هلف عليهم كلهم و أديهم الورق ده

    وكمان في بعض الدكاترة وافقوا يبقوا معانا و يكلموا دكتورة ماجدة

  5. #5
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اقتباس المشاركة الأصلية كتبت بواسطة Dina al sheshtawy مشاهدة المشاركة
    عبد الرحمن انا الكلام بتاعك ده هخده ان شاء الله و أطبعه

    عشان في دكاترة كتير من اللي بيدونا عايزين يعرفوا ايه اللي بيحصل
    وهم فاكرين ان احنا اللي غلطانين !

    في ان شاء الله هلف عليهم كلهم و أديهم الورق ده

    وكمان في بعض الدكاترة وافقوا يبقوا معانا و يكلموا دكتورة ماجدة

    يكون افضل برده

    عشان وجهة النظر توصل لكل الدكاترة وميظنوش ان احنا غلطنا فيهم

    لأن دول أساتذتنا ودي كليتنا واحنا عايزينها تكون في احسن حال مش عايزين نبوظها

  6. #6
    Pharma Student
    تاريخ التسجيل
    Jan 2010
    الدولة
    بين طيات أوراقي
    المشاركات
    464

    افتراضي

    كلام جميل جداً يا عبد الرحمن

    بس تعديل بسيط

    شئون الطلبة حسبت النسبة بتاعت كلينيكال من نسبة طلبة الكلية كلهم

    وحقنا في اتحاد الطلبة هو 3 مقاعد بس

    بس أهم حاجة ناخد ال3 مقاعد دول حتى

    كفاية نرضى بحقنا



  7. #7
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اقتباس المشاركة الأصلية كتبت بواسطة الحآكم بأمر الله مشاهدة المشاركة
    كلام جميل جداً يا عبد الرحمن

    بس تعديل بسيط

    شئون الطلبة حسبت النسبة بتاعت كلينيكال من نسبة طلبة الكلية كلهم

    وحقنا في اتحاد الطلبة هو 3 مقاعد بس



    كفاية نرضى بحقنا


    مش دي المشكلة يا محمد
    المشكلة في ضمان المقاعد دي

    بس أهم حاجة ناخد ال3 مقاعد دول حتى

  8. #8

    افتراضي

    كلام جميل جدا
    و برضه موضوع اعتماد البرنامج ده
    و الهاند اوت المفروض يبقى فيه كتب محترمه ..مش ورق معفن ..ده حتى بيكون مش مدبس
    وبالنسبه للاتحاد ..اظن ان دى مش صعب انهم يعملوها ..المفروض ان يتعمل لنا اتحاد موازى ..ولا احنا لوحدنا فى الدفع بس


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •