حددنا مشاكلنا ... تعالوا نحلها !!!(متجدد)

[sa3dany20002002]

السلام عليكم
=========
باختصار شديد
هنحاول نجمع مشاكلنا فى الكليه
ونبدا فى ايجاد حلول لها

اولا
هنبدا بمشكله الدواليب

العميد بيقول ان فيه دفعه دواليب جديده
هتتسلم للكليه فى اول يناير
يعنى الترم التانى

والاتحاد عامل دواليب بـ 50 جنيه

وعدد الاقفال بقى 3 اضعاف عدد الدواليب
وكل يوم بتتكسر اقفال..وتتركب اقفال

فيه ناس هتدفع ال 50 جنيه وتاخد دولاب
وناس هتبلطج وتاخد دولاب

طب باقى الطلبه تعمل ايييييييييييييييه




الى عنده حل للمشكله دى
ياريت يشارك بيه
وهنجمع الاقتراحات
ونشوف افضل الحلول

وفى النهايه هنعمل ندوه
نكتب فيها الى اتفقنا عليه
ونقدم الكلام ده للعميد

وبكده نبقى حددنا
المشكله والحلول المقترحه
ونبقى عملنا الى علينا


فى انتظار مشاركتكم

[sa3dany20002002]

انا شايف ان الكليه توفر لكل طالب دولاب يستلمه لما يدخل اعدادى ويسلمه لما يخلص رابعه

مش شرط ولو انها فكره كويسه

يكون الدولاب ده جوا الكليه نفسها
مش بره وياريت لو يكون قدام السكاشن

ياريت هيكون اسهل

الكليه هتحصل رسوم استغلال الدولاب ده ممكن تحصله مع المصاريف

امرنا لله...مهو مفيش حاجه ببلاش
دا الى بيشيل ماده من الهم الى بيشوفه
بدل ما يقفوا جنبه بيقطموا رقبته
وياخدوا منه 50 جنيه
بس طبعا هتكون رسوم معقوله

معروف ان الدولاب ده بتاع فلان

وبكده فلان هيحافظ على حاجته

الدولاب كده هيبقا بتاع الكليه واحنا مجرد مستفيدين من الخدمه وبس

مهو مش هنورثه يعنى

ارجو ان وجهه نظرى تكون وصلت

تمام يا ريس
وبجد شكرا على المشاركه الايجابيه

====================================

الدواليب في الاماكن غير المستغلة في الكلية

تمام

موضوع 50 جنيه ده يبقي اسمه سمسرة

انا قلت الكلام ده
والفلوس دى هتروح فين ولمين وليه

ا كل 2 في دولاب وليه 3 نسخ واحدة لكل واحد والتالتة في رعاية الشباب مثلا وتبقي الرعاية هي المسئولة عن الدواليب وتوزيعها

يعنى الرعايه تبقى مسؤله عن الدواليب
وممكن تكون الاسر
وللاسف ده من اختصاص الاتحاد
الى زى ما شفنا بيعمل ايه
المهم ان هيكون فيه حد مسؤل
تمام

شكرا يا دكتور جمعه

[sa3dany20002002]

هي اكيد الكليه مسؤله عن الدواليب دي
وبالتالي مش مفروض ان الطالب يدفع اي رسوم

ده زى ما قلتى المفروض
وده الصح على فكره
لكن للاسف الواقع غير كده
وان كانت الفكره مقبوله الى حد ما

بس انا مش كل شويه هقول
ان المفروض ان الاتحاد الى يعمل كده
خلاص يا جماعه
الضرب فى الميت حرام

الدولا ب يتسلم للطالب كل في فرقته وتكون الدواليب قدام المدرجات يعني الدولاب بيتغير مع تغير سني

تقصدى ان يتحدد عدد معين من الدواليب لكل فرقه
فكره هايله

يا اما الكليه بتوفر الادوات في المعامل وبنستلمها بالكارنيه وبنسلمها زي ما بنعمل في بعض الادوات
وانا بفضل الحل التاني عشان مفيش حد ينسي حاجه

ده الى بيحصل فعلا فى الجامعات المحترمه
زى جامعه اسيوط

بيروح كل 2 يستلموا دولاب جنب المعمل
وبنستلم الادوات ونحطها فى الدولاب
والدواليب داخل القسم
وفى نهايه اليوم
بيتقفل القسم على الدواليب
وبتعتبر عهده

شكرا يا ايه
واعتقد انك كنتى الاقرب للى بفكر فيه
شكرا مره تانيه

[Joker]

ايوة كده يا سعدني هي دي المشاركة
انا شايف ان المفروض ان الدواليب الجديدة تبقي بمفاتيح فيها وياسلام لو عرفنا نحط الدواليب في الاماكن غير المستغلة في الكلية مثلا فوق مدرج اعدادي وتحته كمان فيه ملعب كورة ومش مستغل والاماكن الفاضية قدام المدرجات المختلفة يعني كده احنا اقترحنا حلول فعلا
وبالنسبة لموضوع 50 جنيه ده يبقي اسمه سمسرة والمفروض ان احنا صيادلة مش سماسرة وللا ايه؟
انا شايف ان الدواليب تتسلم للطلبة مثلا كل 2 في دولاب وليه 3 نسخ واحدة لكل واحد والتالتة في رعاية الشباب مثلا وتبقي الرعاية هي المسئولة عن الدواليب وتوزيعها
وعموما لسة الاقتراحات كتير وهنشوف

[:|©؛°¨¨°؛©الصيدلى الذهبى©]

انا شايف ان الكليه توفر لكل طالب دولاب يستلمه لما يدخل اعدادى ويسلمه لما يخلص رابعه يكون الدولاب ده جوا الكليه نفسها مش بره وياريت لو يكون قدام السكاشن مثلا او فى مكان قريب منها وطبعا الكليه هتحصل رسوم استغلال الدولاب ده ممكن تحصله مع المصاريف مثلا ويكون معروف ان الدولاب ده بتاع فلان بحيث لو حصله حاجه نقدر نعاقب اللى عمل الحاجه دى لان الدولاب كده هيبقا بتاع الكليه واحنا مجرد مستفيدين من الخدمه وبس
ارجو ان وجهه نظرى تكون وصلت

[آيه محمد]

والله الحلول كلها حلوه
هي اكيد الكليه مسؤله عن الدواليب دي
وبالتالي مش مفروض ان الطالب يدفع اي رسوم
وعندي اقتراحين
يا اما الدولا ب يتسلم للطالب كل في فرقته وتكون الدواليب قدام المدرجات يعني الدولاب بيتغير مع تغير سني
يا اما الكليه بتوفر الادوات في المعامل وبنستلمها بالكارنيه وبنسلمها زي ما بنعمل في بعض الادوات
وانا بفضل الحل التاني عشان مفيش حد ينسي حاجه
تحياتي

[البيروني]

السلام عليكم
المشكله دي ممكن تتحل على نصين
نص على الكليه و النص التاني علينا احنا كطلبه
بالنسبه للنص الأول ان الكليه مسئوله انها توفرلنا الدواليب وجزء من الأدوات
( الأدوات المكلفه و اللي بنستخدمها مره أو اتنين في السنه )
أما النص التاني ان كل طالب أو الطلبه المتشاركين في الدولاب الواحد (زي ما قال د/ جمعه )
انهم يحفظوا ع الدولاب و يسلموه سليم
وان محصلش كده نوقع عليهم غرامه
و بكده هتفضل الدواليب سليمه أطول مده ممكنه

[sa3dany20002002]

السلام عليكم
الكليه مسئوله انها توفرلنا الدواليب وجزء من الأدوات
( الأدوات المكلفه و اللي بنستخدمها مره أو اتنين في السنه )

نوقع عليهم غرامه
و بكده هتفضل الدواليب سليمه أطول مده ممكنه

اهلا بيك يا د/ احمد
بجد نورت المنتدى

بالنسبه للاقتراحك

الكليه مش مستعده توفر اى حاجه
و اتحاد الطلبه شكله كده كالعاده
مش ناوى يعمل اى حاجه

اما بالنسبه للحاجات الى بنستعملها مره ولا اتنين
دى اول حاجه بننطرد عشانها لو مش معانا

وان كان فيه اقسام بتعمل كده
و توفرها فعلا

اما بالنسبه لحكايه الغرامه


====================
شكرا يا دكتور احمد على مشاركتك
=====================
مين تانى يا جماعه عنده حل للحكايه دى

[البيروني]

الكليه مش مستعده توفر اى حاجه
و اتحاد الطلبه شكله كده كالعاده
مش ناوى يعمل اى حاجه

والله دي بقى مشكلة الكليه مع الإتحاد اللي مالوش أي لزمه في الكليه
هم يحلوها مع بعض

اما بالنسبه لحكايه الغرامه

مهو ده لو محصلش يبقى و كأن شيئا لم يكن
و نرجع نشتكي من ان الدواليب مكسره و الخ.........