المحولين اخبارهم ايه

[*asmaa*]

ازيكم يا شباب
النهاردة جايه اسالكم عن حاجه مهمه عشان اشوف الجدول نظامه ايه المهم عشان مطولش وتقفلوا الصفحه وانتوا لسه متعرفوش الموضوع المهم
ندخل في الموضوع انا عايزة اعرف احنا هنبقا في السكاشن ازاي يعني ترتيب ابجدي ولا بيقسموها ازاي وفاكرين الكشوفات بتاع الكشف الطبي مش الي كانت في الكلية لا قصدي الي كنا حملناها من على النت هاخد بترتيبي فيها الي هو كان الرقم الصغير ولا هيختلف دي حاجة والحاجة التانية المحولين اسميهم هتضاف في الاخر ولا هيوزعوها حسب الترتيب الابجدي يا ريت حد يفدني في الموضوع ده ومن حق هو ببقا في فاول اسبوع عملي ولا لأ.خلصت انا كده ودا دوركم جاوبوني

[محمد سمير]

هينزل ارقام جديده ليكم

وبتبقوا مرتبين ترتيب ابجدى

وعلى حسب الارقام دى بتتوزعوا فى السكاشن

واهلا بيكى فى الكليه

[ameer]

المحولين ممكن يتوزعوا ابجدي عادي لان الارقام لسه منزلتش او ممكن بيتضافوا ف اخر الكشف ف بدايه الدراسه
لكن في كل الاحوال بعد كده قبل امتحان النظري لازم بينزل ارقام جديده بيكون فيها المحولين متوزعين ابجدي
علي العموم زي ما قال دكتور محمد سمير هينزل ارقام الدفعه اليومين دول وهتكون ابجدي
بالنسبه لاعدادي غالبا مش هشتغل عملي اول اسبوع لان لسه متعرفوش المواد ولا شغل العلمي ولا تعرفوا لسه الادوات المطلوبه

[غير مسجل]

على امتى إن شاء الله الأرقام هتنزل فى أول يوم فى الدراسة ولا قبلها

لأن الجدول نزل واحنا مش عارفين رقمنا ولا محاضراتنا

[*asmaa*]

يعني المحولين هيتكتبوا في الاخر ولا هيترتبوا عادي معانا حسب الابجدي
وبعدين كشوف الاسماء هتنزل امتى

[Amira]

على امتى إن شاء الله الأرقام هتنزل فى أول يوم فى الدراسة ولا قبلها

لأن الجدول نزل واحنا مش عارفين رقمنا ولا محاضراتنا

ان شاء الله قبل اول يوم فى الدراسه هتكون الارقام على المنتدى
ممكن حضرتك تسجل عالمنتدى وتشوف الجدول والارقام
التسجيل بالرقم الطويل اللى كان فى الكشف الطبى

يعني المحولين هيتكتبوا في الاخر ولا هيترتبوا عادي معانا حسب الابجدي
وبعدين كشوف الاسماء هتنزل امتى

لا المحولين هيترتبوا عادى حسب الترتيب الابجدى مع باقى الطلبه العاديين ... كله مترتب ابجدى
الارقام ان شاء الله هتبقى هنا قبل اول يوم فى الدراسه بإذن الله

[زهرة الايمان]

التسجيل بالرقم الطويل اللى كان فى الكشف الطبى

وده حضرتك يجى منين

[Amira]

وده حضرتك يجى منين

اللى كان موجود فى قائمه الاسماء بتاعه الكشف الطبى
http://www.mediafire.com/?8qfe01rf8af5525

شوفى الاسم وهو الرقم الطويل اللى جنب الاسم

أو :
ان كانوا بتوع اعدادى خدوا الكارنيه فهو الـ id اللى على الكارنيه ... مظنش ان حد خد الكارنيه لسه ...

[dr.monalizaa]

لا المحولين هيترتبوا عادى حسب الترتيب الابجدى مع باقى الطلبه العاديين ... كله مترتب ابجدى
الارقام ان شاء الله هتبقى هنا قبل اول يوم فى الدراسه بإذن الله

واو ... المحولين اليومين دول بيترتبو أبجدي من اول السنة ؟؟

فيه تقدم والله